| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੩. ਬੁਦ੍ਧਸ੍ਸ ਅਨੁਤ੍ਤਰਭਾવਜਾਨਨਪਞ੍ਹੋ
3. Buddhassa anuttarabhāvajānanapañho
੩. ਰਾਜਾ ਆਹ ‘‘ਭਨ੍ਤੇ ਨਾਗਸੇਨ, ਸਕ੍ਕਾ ਜਾਨਿਤੁਂ ‘ਬੁਦ੍ਧੋ ਅਨੁਤ੍ਤਰੋ’’’ਤਿ? ‘‘ਆਮ, ਮਹਾਰਾਜ, ਸਕ੍ਕਾ ਜਾਨਿਤੁਂ ‘ਭਗવਾ ਅਨੁਤ੍ਤਰੋ’’’ਤਿ। ‘‘ਕਥਂ, ਭਨ੍ਤੇ ਨਾਗਸੇਨ, ਸਕ੍ਕਾ ਜਾਨਿਤੁਂ ‘ਬੁਦ੍ਧੋ ਅਨੁਤ੍ਤਰੋ’’’ਤਿ। ‘‘ਭੂਤਪੁਬ੍ਬਂ, ਮਹਾਰਾਜ, ਤਿਸ੍ਸਤ੍ਥੇਰੋ ਨਾਮ ਲੇਖਾਚਰਿਯੋ ਅਹੋਸਿ, ਬਹੂਨਿ વਸ੍ਸਾਨਿ ਅਬ੍ਭਤੀਤਾਨਿ ਕਾਲਙ੍ਕਤਸ੍ਸ ਕਥਂ ਸੋ ਞਾਯਤੀ’’ਤਿ। ‘‘ਲੇਖੇਨ ਭਨ੍ਤੇ’’ਤਿ। ‘‘ਏવਮੇવ ਖੋ, ਮਹਾਰਾਜ, ਯੋ ਧਮ੍ਮਂ ਪਸ੍ਸਤਿ, ਸੋ ਭਗવਨ੍ਤਂ ਪਸ੍ਸਤਿ, ਧਮ੍ਮੋ ਹਿ, ਮਹਾਰਾਜ, ਭਗવਤਾ ਦੇਸਿਤੋ’’ਤਿ।
3. Rājā āha ‘‘bhante nāgasena, sakkā jānituṃ ‘buddho anuttaro’’’ti? ‘‘Āma, mahārāja, sakkā jānituṃ ‘bhagavā anuttaro’’’ti. ‘‘Kathaṃ, bhante nāgasena, sakkā jānituṃ ‘buddho anuttaro’’’ti. ‘‘Bhūtapubbaṃ, mahārāja, tissatthero nāma lekhācariyo ahosi, bahūni vassāni abbhatītāni kālaṅkatassa kathaṃ so ñāyatī’’ti. ‘‘Lekhena bhante’’ti. ‘‘Evameva kho, mahārāja, yo dhammaṃ passati, so bhagavantaṃ passati, dhammo hi, mahārāja, bhagavatā desito’’ti.
‘‘ਕਲ੍ਲੋਸਿ, ਭਨ੍ਤੇ ਨਾਗਸੇਨਾ’’ਤਿ।
‘‘Kallosi, bhante nāgasenā’’ti.
ਬੁਦ੍ਧਸ੍ਸ ਅਨੁਤ੍ਤਰਭਾવਜਾਨਨਪਞ੍ਹੋ ਤਤਿਯੋ।
Buddhassa anuttarabhāvajānanapañho tatiyo.
