| Library / Tipiṭaka / തിപിടക • Tipiṭaka / മിലിന്ദപഞ്ഹപാളി • Milindapañhapāḷi |
൩. ബുദ്ധസ്സ അനുത്തരഭാവജാനനപഞ്ഹോ
3. Buddhassa anuttarabhāvajānanapañho
൩. രാജാ ആഹ ‘‘ഭന്തേ നാഗസേന, സക്കാ ജാനിതും ‘ബുദ്ധോ അനുത്തരോ’’’തി? ‘‘ആമ, മഹാരാജ, സക്കാ ജാനിതും ‘ഭഗവാ അനുത്തരോ’’’തി. ‘‘കഥം, ഭന്തേ നാഗസേന, സക്കാ ജാനിതും ‘ബുദ്ധോ അനുത്തരോ’’’തി. ‘‘ഭൂതപുബ്ബം, മഹാരാജ, തിസ്സത്ഥേരോ നാമ ലേഖാചരിയോ അഹോസി, ബഹൂനി വസ്സാനി അബ്ഭതീതാനി കാലങ്കതസ്സ കഥം സോ ഞായതീ’’തി. ‘‘ലേഖേന ഭന്തേ’’തി. ‘‘ഏവമേവ ഖോ, മഹാരാജ, യോ ധമ്മം പസ്സതി, സോ ഭഗവന്തം പസ്സതി, ധമ്മോ ഹി, മഹാരാജ, ഭഗവതാ ദേസിതോ’’തി.
3. Rājā āha ‘‘bhante nāgasena, sakkā jānituṃ ‘buddho anuttaro’’’ti? ‘‘Āma, mahārāja, sakkā jānituṃ ‘bhagavā anuttaro’’’ti. ‘‘Kathaṃ, bhante nāgasena, sakkā jānituṃ ‘buddho anuttaro’’’ti. ‘‘Bhūtapubbaṃ, mahārāja, tissatthero nāma lekhācariyo ahosi, bahūni vassāni abbhatītāni kālaṅkatassa kathaṃ so ñāyatī’’ti. ‘‘Lekhena bhante’’ti. ‘‘Evameva kho, mahārāja, yo dhammaṃ passati, so bhagavantaṃ passati, dhammo hi, mahārāja, bhagavatā desito’’ti.
‘‘കല്ലോസി, ഭന്തേ നാഗസേനാ’’തി.
‘‘Kallosi, bhante nāgasenā’’ti.
ബുദ്ധസ്സ അനുത്തരഭാവജാനനപഞ്ഹോ തതിയോ.
Buddhassa anuttarabhāvajānanapañho tatiyo.
