| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
2. б̣уд̣̇д̇хасса ануд̇д̇арабхаавабан̃хо
2. Buddhassa anuttarabhāvapañho
2. рааж̇аа ааха ‘‘бханд̇з нааг̇асзна, б̣уд̣̇д̇хо ануд̇д̇аро’’д̇и? ‘‘аама, махаарааж̇а, бхаг̇аваа ануд̇д̇аро’’д̇и. ‘‘гат̇ам̣, бханд̇з нааг̇асзна, ад̣̇идтабуб̣б̣ам̣ ж̇аанааси ‘б̣уд̣̇д̇хо ануд̇д̇аро’’’д̇и? ‘‘д̇ам̣ гим̣ ман̃н̃аси, махаарааж̇а, язхи ад̣̇идтабуб̣б̣о махаасамуд̣̇д̣̇о, ж̇аанзяяум̣ д̇з, махаарааж̇а, маханд̇о ко махаасамуд̣̇д̣̇о г̇амбхийро аббамзяяо д̣̇уббарияог̇аахо, яад̇т̇имаа бан̃жа махаанад̣̇ияо сад̇ад̇ам̣ самид̇ам̣ аббзнд̇и, сзяяат̇ид̣̇ам̣, г̇ан̇г̇аа яамунаа ажиравад̇ий сарабхуу махий, нзва д̇асса уунад̇д̇ам̣ ваа буурад̇д̇ам̣ ваа бан̃н̃ааяад̇ий’’д̇и ? ‘‘аама, бханд̇з, ж̇аанзяяу’’нд̇и. ‘‘звамзва ко, махаарааж̇а, саавагз маханд̇з бариниб̣б̣уд̇з бассид̇ваа ж̇аанаами ‘бхаг̇аваа ануд̇д̇аро’’’д̇и.
2. Rājā āha ‘‘bhante nāgasena, buddho anuttaro’’ti? ‘‘Āma, mahārāja, bhagavā anuttaro’’ti. ‘‘Kathaṃ, bhante nāgasena, adiṭṭhapubbaṃ jānāsi ‘buddho anuttaro’’’ti? ‘‘Taṃ kiṃ maññasi, mahārāja, yehi adiṭṭhapubbo mahāsamuddo, jāneyyuṃ te, mahārāja, mahanto kho mahāsamuddo gambhīro appameyyo duppariyogāho, yatthimā pañca mahānadiyo satataṃ samitaṃ appenti, seyyathidaṃ, gaṅgā yamunā aciravatī sarabhū mahī, neva tassa ūnattaṃ vā pūrattaṃ vā paññāyatī’’ti ? ‘‘Āma, bhante, jāneyyu’’nti. ‘‘Evameva kho, mahārāja, sāvake mahante parinibbute passitvā jānāmi ‘bhagavā anuttaro’’’ti.
‘‘галлоси, бханд̇з нааг̇асзнаа’’д̇и.
‘‘Kallosi, bhante nāgasenā’’ti.
б̣уд̣̇д̇хасса ануд̇д̇арабхаавабан̃хо д̣̇уд̇ияо.
Buddhassa anuttarabhāvapañho dutiyo.
