| Library / Tipiṭaka / තිපිටක • Tipiṭaka / මිලින්‌දපඤ්‌හපාළි • Milindapañhapāḷi |
2. බුද්‌ධස්‌ස අනුත්‌තරභාවපඤ්‌හො
2. Buddhassa anuttarabhāvapañho
2. රාජා ආහ ‘‘භන්‌තෙ නාගසෙන, බුද්‌ධො අනුත්‌තරො’’ති? ‘‘ආම, මහාරාජ, භගවා අනුත්‌තරො’’ති. ‘‘කථං, භන්‌තෙ නාගසෙන, අදිට්‌ඨපුබ්‌බං ජානාසි ‘බුද්‌ධො අනුත්‌තරො’’’ති? ‘‘තං කිං මඤ්‌ඤසි, මහාරාජ, යෙහි අදිට්‌ඨපුබ්‌බො මහාසමුද්‌දො, ජානෙය්‍යුං තෙ, මහාරාජ, මහන්‌තො ඛො මහාසමුද්‌දො ගම්‌භීරො අප්‌පමෙය්‍යො දුප්‌පරියොගාහො, යත්‌ථිමා පඤ්‌ච මහානදියො සතතං සමිතං අප්‌පෙන්‌ති, සෙය්‍යථිදං, ගඞ්‌ගා යමුනා අචිරවතී සරභූ මහී, නෙව තස්‌ස ඌනත්‌තං වා පූරත්‌තං වා පඤ්‌ඤායතී’’ති ? ‘‘ආම, භන්‌තෙ, ජානෙය්‍යු’’න්‌ති. ‘‘එවමෙව ඛො, මහාරාජ, සාවකෙ මහන්‌තෙ පරිනිබ්‌බුතෙ පස්‌සිත්‌වා ජානාමි ‘භගවා අනුත්‌තරො’’’ති.
2. Rājā āha ‘‘bhante nāgasena, buddho anuttaro’’ti? ‘‘Āma, mahārāja, bhagavā anuttaro’’ti. ‘‘Kathaṃ, bhante nāgasena, adiṭṭhapubbaṃ jānāsi ‘buddho anuttaro’’’ti? ‘‘Taṃ kiṃ maññasi, mahārāja, yehi adiṭṭhapubbo mahāsamuddo, jāneyyuṃ te, mahārāja, mahanto kho mahāsamuddo gambhīro appameyyo duppariyogāho, yatthimā pañca mahānadiyo satataṃ samitaṃ appenti, seyyathidaṃ, gaṅgā yamunā aciravatī sarabhū mahī, neva tassa ūnattaṃ vā pūrattaṃ vā paññāyatī’’ti ? ‘‘Āma, bhante, jāneyyu’’nti. ‘‘Evameva kho, mahārāja, sāvake mahante parinibbute passitvā jānāmi ‘bhagavā anuttaro’’’ti.
‘‘කල්‌ලොසි, භන්‌තෙ නාගසෙනා’’ති.
‘‘Kallosi, bhante nāgasenā’’ti.
බුද්‌ධස්‌ස අනුත්‌තරභාවපඤ්‌හො දුතියො.
Buddhassa anuttarabhāvapañho dutiyo.
