| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੨. ਬੁਦ੍ਧਸ੍ਸ ਅਨੁਤ੍ਤਰਭਾવਪਞ੍ਹੋ
2. Buddhassa anuttarabhāvapañho
੨. ਰਾਜਾ ਆਹ ‘‘ਭਨ੍ਤੇ ਨਾਗਸੇਨ, ਬੁਦ੍ਧੋ ਅਨੁਤ੍ਤਰੋ’’ਤਿ? ‘‘ਆਮ, ਮਹਾਰਾਜ, ਭਗવਾ ਅਨੁਤ੍ਤਰੋ’’ਤਿ। ‘‘ਕਥਂ, ਭਨ੍ਤੇ ਨਾਗਸੇਨ, ਅਦਿਟ੍ਠਪੁਬ੍ਬਂ ਜਾਨਾਸਿ ‘ਬੁਦ੍ਧੋ ਅਨੁਤ੍ਤਰੋ’’’ਤਿ? ‘‘ਤਂ ਕਿਂ ਮਞ੍ਞਸਿ, ਮਹਾਰਾਜ, ਯੇਹਿ ਅਦਿਟ੍ਠਪੁਬ੍ਬੋ ਮਹਾਸਮੁਦ੍ਦੋ, ਜਾਨੇਯ੍ਯੁਂ ਤੇ, ਮਹਾਰਾਜ, ਮਹਨ੍ਤੋ ਖੋ ਮਹਾਸਮੁਦ੍ਦੋ ਗਮ੍ਭੀਰੋ ਅਪ੍ਪਮੇਯ੍ਯੋ ਦੁਪ੍ਪਰਿਯੋਗਾਹੋ, ਯਤ੍ਥਿਮਾ ਪਞ੍ਚ ਮਹਾਨਦਿਯੋ ਸਤਤਂ ਸਮਿਤਂ ਅਪ੍ਪੇਨ੍ਤਿ, ਸੇਯ੍ਯਥਿਦਂ, ਗਙ੍ਗਾ ਯਮੁਨਾ ਅਚਿਰવਤੀ ਸਰਭੂ ਮਹੀ, ਨੇવ ਤਸ੍ਸ ਊਨਤ੍ਤਂ વਾ ਪੂਰਤ੍ਤਂ વਾ ਪਞ੍ਞਾਯਤੀ’’ਤਿ ? ‘‘ਆਮ, ਭਨ੍ਤੇ, ਜਾਨੇਯ੍ਯੁ’’ਨ੍ਤਿ। ‘‘ਏવਮੇવ ਖੋ, ਮਹਾਰਾਜ, ਸਾવਕੇ ਮਹਨ੍ਤੇ ਪਰਿਨਿਬ੍ਬੁਤੇ ਪਸ੍ਸਿਤ੍વਾ ਜਾਨਾਮਿ ‘ਭਗવਾ ਅਨੁਤ੍ਤਰੋ’’’ਤਿ।
2. Rājā āha ‘‘bhante nāgasena, buddho anuttaro’’ti? ‘‘Āma, mahārāja, bhagavā anuttaro’’ti. ‘‘Kathaṃ, bhante nāgasena, adiṭṭhapubbaṃ jānāsi ‘buddho anuttaro’’’ti? ‘‘Taṃ kiṃ maññasi, mahārāja, yehi adiṭṭhapubbo mahāsamuddo, jāneyyuṃ te, mahārāja, mahanto kho mahāsamuddo gambhīro appameyyo duppariyogāho, yatthimā pañca mahānadiyo satataṃ samitaṃ appenti, seyyathidaṃ, gaṅgā yamunā aciravatī sarabhū mahī, neva tassa ūnattaṃ vā pūrattaṃ vā paññāyatī’’ti ? ‘‘Āma, bhante, jāneyyu’’nti. ‘‘Evameva kho, mahārāja, sāvake mahante parinibbute passitvā jānāmi ‘bhagavā anuttaro’’’ti.
‘‘ਕਲ੍ਲੋਸਿ, ਭਨ੍ਤੇ ਨਾਗਸੇਨਾ’’ਤਿ।
‘‘Kallosi, bhante nāgasenā’’ti.
ਬੁਦ੍ਧਸ੍ਸ ਅਨੁਤ੍ਤਰਭਾવਪਞ੍ਹੋ ਦੁਤਿਯੋ।
Buddhassa anuttarabhāvapañho dutiyo.
