| Library / Tipiṭaka / ཏིཔིཊཀ • Tipiṭaka / མིལིནྡཔཉྷཔཱལི༹ • Milindapañhapāḷi |
༥. བུདྡྷཝགྒོ
5. Buddhavaggo
༡. བུདྡྷསྶ ཨཏྠིནཏྠིབྷཱཝཔཉྷོ
1. Buddhassa atthinatthibhāvapañho
༡. རཱཛཱ ཨཱཧ ‘‘བྷནྟེ ནཱགསེན, བུདྡྷོ ཏཡཱ དིཊྛོ’’ཏི? ‘‘ན ཧི, མཧཱརཱཛཱ’’ཏི། ‘‘ཨཐ ཏེ ཨཱཙརིཡེཧི བུདྡྷོ དིཊྛོ’’ཏི? ‘‘ན ཧི, མཧཱརཱཛཱ’’ཏི། ‘‘ཏེན ཧི, བྷནྟེ ནཱགསེན, ནཏྠི བུདྡྷོ’’ཏི། ‘‘ཀིཾ པན, མཧཱརཱཛ, ཧིམཝཏི ཨཱུཧཱ ནདཱི ཏཡཱ དིཊྛཱ’’ཏི? ‘‘ན ཧི, བྷནྟེ’’ཏི། ‘‘ཨཐ ཏེ པིཏརཱ ཨཱུཧཱ ནདཱི དིཊྛཱ’’ཏི? ‘‘ན ཧི, བྷནྟེ’’ཏི། ‘‘ཏེན ཧི, མཧཱརཱཛ, ནཏྠི ཨཱུཧཱ ནདཱི’’ཏི། ‘‘ཨཏྠི, བྷནྟེ, ཀིཉྩཱཔི མཡཱ ཨཱུཧཱ ནདཱི ན དིཊྛཱ, པིཏརཱཔི མེ ཨཱུཧཱ ནདཱི ན དིཊྛཱ, ཨཔི ཙ ཨཏྠི ཨཱུཧཱ ནདཱི’’ཏི། ‘‘ཨེཝམེཝ ཁོ, མཧཱརཱཛ, ཀིཉྩཱཔི མཡཱ བྷགཝཱ ན དིཊྛོ, ཨཱཙརིཡེཧིཔི མེ བྷགཝཱ ན དིཊྛོ, ཨཔི ཙ ཨཏྠི བྷགཝཱ’’ཏི།
1. Rājā āha ‘‘bhante nāgasena, buddho tayā diṭṭho’’ti? ‘‘Na hi, mahārājā’’ti. ‘‘Atha te ācariyehi buddho diṭṭho’’ti? ‘‘Na hi, mahārājā’’ti. ‘‘Tena hi, bhante nāgasena, natthi buddho’’ti. ‘‘Kiṃ pana, mahārāja, himavati ūhā nadī tayā diṭṭhā’’ti? ‘‘Na hi, bhante’’ti. ‘‘Atha te pitarā ūhā nadī diṭṭhā’’ti? ‘‘Na hi, bhante’’ti. ‘‘Tena hi, mahārāja, natthi ūhā nadī’’ti. ‘‘Atthi, bhante, kiñcāpi mayā ūhā nadī na diṭṭhā, pitarāpi me ūhā nadī na diṭṭhā, api ca atthi ūhā nadī’’ti. ‘‘Evameva kho, mahārāja, kiñcāpi mayā bhagavā na diṭṭho, ācariyehipi me bhagavā na diṭṭho, api ca atthi bhagavā’’ti.
‘‘ཀལློསི, བྷནྟེ ནཱགསེནཱ’’ཏི།
‘‘Kallosi, bhante nāgasenā’’ti.
བུདྡྷསྶ ཨཏྠིནཏྠིབྷཱཝཔཉྷོ པཋམོ།
Buddhassa atthinatthibhāvapañho paṭhamo.
