| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੫. ਬੁਦ੍ਧવਗ੍ਗੋ
5. Buddhavaggo
੧. ਬੁਦ੍ਧਸ੍ਸ ਅਤ੍ਥਿਨਤ੍ਥਿਭਾવਪਞ੍ਹੋ
1. Buddhassa atthinatthibhāvapañho
੧. ਰਾਜਾ ਆਹ ‘‘ਭਨ੍ਤੇ ਨਾਗਸੇਨ, ਬੁਦ੍ਧੋ ਤਯਾ ਦਿਟ੍ਠੋ’’ਤਿ? ‘‘ਨ ਹਿ, ਮਹਾਰਾਜਾ’’ਤਿ। ‘‘ਅਥ ਤੇ ਆਚਰਿਯੇਹਿ ਬੁਦ੍ਧੋ ਦਿਟ੍ਠੋ’’ਤਿ? ‘‘ਨ ਹਿ, ਮਹਾਰਾਜਾ’’ਤਿ। ‘‘ਤੇਨ ਹਿ, ਭਨ੍ਤੇ ਨਾਗਸੇਨ, ਨਤ੍ਥਿ ਬੁਦ੍ਧੋ’’ਤਿ। ‘‘ਕਿਂ ਪਨ, ਮਹਾਰਾਜ, ਹਿਮવਤਿ ਊਹਾ ਨਦੀ ਤਯਾ ਦਿਟ੍ਠਾ’’ਤਿ? ‘‘ਨ ਹਿ, ਭਨ੍ਤੇ’’ਤਿ। ‘‘ਅਥ ਤੇ ਪਿਤਰਾ ਊਹਾ ਨਦੀ ਦਿਟ੍ਠਾ’’ਤਿ? ‘‘ਨ ਹਿ, ਭਨ੍ਤੇ’’ਤਿ। ‘‘ਤੇਨ ਹਿ, ਮਹਾਰਾਜ, ਨਤ੍ਥਿ ਊਹਾ ਨਦੀ’’ਤਿ। ‘‘ਅਤ੍ਥਿ, ਭਨ੍ਤੇ, ਕਿਞ੍ਚਾਪਿ ਮਯਾ ਊਹਾ ਨਦੀ ਨ ਦਿਟ੍ਠਾ, ਪਿਤਰਾਪਿ ਮੇ ਊਹਾ ਨਦੀ ਨ ਦਿਟ੍ਠਾ, ਅਪਿ ਚ ਅਤ੍ਥਿ ਊਹਾ ਨਦੀ’’ਤਿ। ‘‘ਏવਮੇવ ਖੋ, ਮਹਾਰਾਜ, ਕਿਞ੍ਚਾਪਿ ਮਯਾ ਭਗવਾ ਨ ਦਿਟ੍ਠੋ, ਆਚਰਿਯੇਹਿਪਿ ਮੇ ਭਗવਾ ਨ ਦਿਟ੍ਠੋ, ਅਪਿ ਚ ਅਤ੍ਥਿ ਭਗવਾ’’ਤਿ।
1. Rājā āha ‘‘bhante nāgasena, buddho tayā diṭṭho’’ti? ‘‘Na hi, mahārājā’’ti. ‘‘Atha te ācariyehi buddho diṭṭho’’ti? ‘‘Na hi, mahārājā’’ti. ‘‘Tena hi, bhante nāgasena, natthi buddho’’ti. ‘‘Kiṃ pana, mahārāja, himavati ūhā nadī tayā diṭṭhā’’ti? ‘‘Na hi, bhante’’ti. ‘‘Atha te pitarā ūhā nadī diṭṭhā’’ti? ‘‘Na hi, bhante’’ti. ‘‘Tena hi, mahārāja, natthi ūhā nadī’’ti. ‘‘Atthi, bhante, kiñcāpi mayā ūhā nadī na diṭṭhā, pitarāpi me ūhā nadī na diṭṭhā, api ca atthi ūhā nadī’’ti. ‘‘Evameva kho, mahārāja, kiñcāpi mayā bhagavā na diṭṭho, ācariyehipi me bhagavā na diṭṭho, api ca atthi bhagavā’’ti.
‘‘ਕਲ੍ਲੋਸਿ, ਭਨ੍ਤੇ ਨਾਗਸੇਨਾ’’ਤਿ।
‘‘Kallosi, bhante nāgasenā’’ti.
ਬੁਦ੍ਧਸ੍ਸ ਅਤ੍ਥਿਨਤ੍ਥਿਭਾવਪਞ੍ਹੋ ਪਠਮੋ।
Buddhassa atthinatthibhāvapañho paṭhamo.
