| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
7. б̣уд̣̇д̇хаванд̣̇анаасуд̇д̇аван̣н̣анаа
7. Buddhavandanāsuttavaṇṇanā
263. удтахаад̇и удтаанам̣ гааяигавийрияам̣ гарохи. д̇знааха ‘‘вижара, логз’’д̇и. жзд̇асигавийрияам̣ бана бхаг̇авад̇аа мад̇т̇агам̣ баабид̇амзва. д̇знааха ‘‘виж̇ид̇асан̇г̇аамаа’’д̇и. д̣̇ваад̣̇асаяож̇анигасса ужжабхаавзна. вид̇т̇аарад̇о бана ааяаамад̇о жа анзгаяож̇анасад̇асахассабаримаан̣ажаггаваал̣ам̣ ад̇иб̣яаабзд̇ваа тид̇асса. баннабхаараад̇и баад̇ид̇абхаара. нигкзбид̇аб̣б̣ад̇о бхаараад̇и ааха ‘‘оробид̇аканд̇хаа’’д̇иаад̣̇и. д̇з хи д̇ам̣саман̇г̇ино буг̇г̇аласса самбаад̇анадтзна бхаараа наама. вуд̇д̇ан̃хзд̇ам̣ ‘‘бхаараа хавз бан̃жагканд̇хаа’’д̇и (сам̣. ни. 3.22). д̇ад̣̇згад̣̇зсаа жа гилзсаабхисан̇каараа. баннарасааяа бун̣н̣амааяа рад̇д̇инд̇и яат̇аа баннарасабун̣н̣амааяа рад̇д̇ияам̣ барибун̣н̣агаалз убаггилзсавимуд̇д̇о жанд̣̇о собхад̇и, звам̣ д̇ава жид̇д̇ам̣ саб̣б̣асо убаггилзсавимуд̇д̇ам̣ собхад̇ийд̇и ад̇хиббааяо.
263.Uṭṭhahāti uṭṭhānaṃ kāyikavīriyaṃ karohi. Tenāha ‘‘vicara, loke’’ti. Cetasikavīriyaṃ pana bhagavatā matthakaṃ pāpitameva. Tenāha ‘‘vijitasaṅgāmā’’ti. Dvādasayojanikassa uccabhāvena. Vitthārato pana āyāmato ca anekayojanasatasahassaparimāṇacakkavāḷaṃ atibyāpetvā ṭhitassa. Pannabhārāti pātitabhāra. Nikkhepitabbato bhārāti āha ‘‘oropitakhandhā’’tiādi. Te hi taṃsamaṅgino puggalassa sampātanaṭṭhena bhārā nāma. Vuttañhetaṃ ‘‘bhārā have pañcakkhandhā’’ti (saṃ. ni. 3.22). Tadekadesā ca kilesābhisaṅkhārā. Pannarasāya puṇṇamāya rattinti yathā pannarasapuṇṇamāya rattiyaṃ paripuṇṇakāle upakkilesavimutto cando sobhati, evaṃ tava cittaṃ sabbaso upakkilesavimuttaṃ sobhatīti adhippāyo.
б̣уд̣̇д̇хаванд̣̇анаасуд̇д̇аван̣н̣анаа нидтид̇аа.
Buddhavandanāsuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 7. б̣уд̣̇д̇хаванд̣̇анаасуд̇д̇ам̣ • 7. Buddhavandanāsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7. б̣уд̣̇д̇хаванд̣̇анаасуд̇д̇аван̣н̣анаа • 7. Buddhavandanāsuttavaṇṇanā
