| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๗. พุทฺธวนฺทนาสุตฺตวณฺณนา
7. Buddhavandanāsuttavaṇṇanā
๒๖๓. อุฎฺฐหาติ อุฎฺฐานํ กายิกวีริยํ กโรหิฯ เตนาห ‘‘วิจร, โลเก’’ติฯ เจตสิกวีริยํ ปน ภควตา มตฺถกํ ปาปิตเมวฯ เตนาห ‘‘วิชิตสงฺคามา’’ติฯ ทฺวาทสโยชนิกสฺส อุจฺจภาเวนฯ วิตฺถารโต ปน อายามโต จ อเนกโยชนสตสหสฺสปริมาณจกฺกวาฬํ อติพฺยาเปตฺวา ฐิตสฺสฯ ปนฺนภาราติ ปาติตภารฯ นิเกฺขปิตพฺพโต ภาราติ อาห ‘‘โอโรปิตขนฺธา’’ติอาทิฯ เต หิ ตํสมงฺคิโน ปุคฺคลสฺส สมฺปาตนเฎฺฐน ภารา นามฯ วุตฺตเญฺหตํ ‘‘ภารา หเว ปญฺจกฺขนฺธา’’ติ (สํ. นิ. ๓.๒๒)ฯ ตเทกเทสา จ กิเลสาภิสงฺขาราฯ ปนฺนรสาย ปุณฺณมาย รตฺตินฺติ ยถา ปนฺนรสปุณฺณมาย รตฺติยํ ปริปุณฺณกาเล อุปกฺกิเลสวิมุโตฺต จโนฺท โสภติ, เอวํ ตว จิตฺตํ สพฺพโส อุปกฺกิเลสวิมุตฺตํ โสภตีติ อธิปฺปาโยฯ
263.Uṭṭhahāti uṭṭhānaṃ kāyikavīriyaṃ karohi. Tenāha ‘‘vicara, loke’’ti. Cetasikavīriyaṃ pana bhagavatā matthakaṃ pāpitameva. Tenāha ‘‘vijitasaṅgāmā’’ti. Dvādasayojanikassa uccabhāvena. Vitthārato pana āyāmato ca anekayojanasatasahassaparimāṇacakkavāḷaṃ atibyāpetvā ṭhitassa. Pannabhārāti pātitabhāra. Nikkhepitabbato bhārāti āha ‘‘oropitakhandhā’’tiādi. Te hi taṃsamaṅgino puggalassa sampātanaṭṭhena bhārā nāma. Vuttañhetaṃ ‘‘bhārā have pañcakkhandhā’’ti (saṃ. ni. 3.22). Tadekadesā ca kilesābhisaṅkhārā. Pannarasāya puṇṇamāya rattinti yathā pannarasapuṇṇamāya rattiyaṃ paripuṇṇakāle upakkilesavimutto cando sobhati, evaṃ tava cittaṃ sabbaso upakkilesavimuttaṃ sobhatīti adhippāyo.
พุทฺธวนฺทนาสุตฺตวณฺณนา นิฎฺฐิตาฯ
Buddhavandanāsuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๗. พุทฺธวนฺทนาสุตฺตํ • 7. Buddhavandanāsuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๗. พุทฺธวนฺทนาสุตฺตวณฺณนา • 7. Buddhavandanāsuttavaṇṇanā
