| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၇. ဗုဒ္ဓဝန္ဒနာသုတ္တဝဏ္ဏနာ
7. Buddhavandanāsuttavaṇṇanā
၂၆၃. ဥဋ္ဌဟာတိ ဥဋ္ဌာနံ ကာယိကဝီရိယံ ကရောဟိ။ တေနာဟ ‘‘ဝိစရ, လောကေ’’တိ။ စေတသိကဝီရိယံ ပန ဘဂဝတာ မတ္ထကံ ပာပိတမေဝ။ တေနာဟ ‘‘ဝိဇိတသင္ဂာမာ’’တိ။ ဒ္ဝာဒသယောဇနိကသ္သ ဥစ္စဘာဝေန။ ဝိတ္ထာရတော ပန အာယာမတော စ အနေကယောဇနသတသဟသ္သပရိမာဏစက္ကဝာဠံ အတိဗ္ယာပေတ္ဝာ ဌိတသ္သ။ ပန္နဘာရာတိ ပာတိတဘာရ။ နိက္ခေပိတဗ္ဗတော ဘာရာတိ အာဟ ‘‘ဩရောပိတခန္ဓာ’’တိအာဒိ။ တေ ဟိ တံသမင္ဂိနော ပုဂ္ဂလသ္သ သမ္ပာတနဋ္ဌေန ဘာရာ နာမ။ ဝုတ္တဉ္ဟေတံ ‘‘ဘာရာ ဟဝေ ပဉ္စက္ခန္ဓာ’’တိ (သံ. နိ. ၃.၂၂)။ တဒေကဒေသာ စ ကိလေသာဘိသင္ခာရာ။ ပန္နရသာယ ပုဏ္ဏမာယ ရတ္တိန္တိ ယထာ ပန္နရသပုဏ္ဏမာယ ရတ္တိယံ ပရိပုဏ္ဏကာလေ ဥပက္ကိလေသဝိမုတ္တော စန္ဒော သောဘတိ, ဧဝံ တဝ စိတ္တံ သဗ္ဗသော ဥပက္ကိလေသဝိမုတ္တံ သောဘတီတိ အဓိပ္ပာယော။
263.Uṭṭhahāti uṭṭhānaṃ kāyikavīriyaṃ karohi. Tenāha ‘‘vicara, loke’’ti. Cetasikavīriyaṃ pana bhagavatā matthakaṃ pāpitameva. Tenāha ‘‘vijitasaṅgāmā’’ti. Dvādasayojanikassa uccabhāvena. Vitthārato pana āyāmato ca anekayojanasatasahassaparimāṇacakkavāḷaṃ atibyāpetvā ṭhitassa. Pannabhārāti pātitabhāra. Nikkhepitabbato bhārāti āha ‘‘oropitakhandhā’’tiādi. Te hi taṃsamaṅgino puggalassa sampātanaṭṭhena bhārā nāma. Vuttañhetaṃ ‘‘bhārā have pañcakkhandhā’’ti (saṃ. ni. 3.22). Tadekadesā ca kilesābhisaṅkhārā. Pannarasāya puṇṇamāya rattinti yathā pannarasapuṇṇamāya rattiyaṃ paripuṇṇakāle upakkilesavimutto cando sobhati, evaṃ tava cittaṃ sabbaso upakkilesavimuttaṃ sobhatīti adhippāyo.
ဗုဒ္ဓဝန္ဒနာသုတ္တဝဏ္ဏနာ နိဋ္ဌိတာ။
Buddhavandanāsuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၇. ဗုဒ္ဓဝန္ဒနာသုတ္တံ • 7. Buddhavandanāsuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၇. ဗုဒ္ဓဝန္ဒနာသုတ္တဝဏ္ဏနာ • 7. Buddhavandanāsuttavaṇṇanā
