| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๑๐. พุทฺธุปฎฺฐากเตฺถรอปทานํ
10. Buddhupaṭṭhākattheraapadānaṃ
๕๖.
56.
‘‘วิปสฺสิสฺส ภควโต, อโหสิํ สงฺขธมฺมโก;
‘‘Vipassissa bhagavato, ahosiṃ saṅkhadhammako;
นิจฺจุปฎฺฐานยุโตฺตมฺหิ, สุคตสฺส มเหสิโนฯ
Niccupaṭṭhānayuttomhi, sugatassa mahesino.
๕๗.
57.
‘‘อุปฎฺฐานผลํ ปสฺส, โลกนาถสฺส ตาทิโน;
‘‘Upaṭṭhānaphalaṃ passa, lokanāthassa tādino;
สฎฺฐิตูริยสหสฺสานิ, ปริวาเรนฺติ มํ สทาฯ
Saṭṭhitūriyasahassāni, parivārenti maṃ sadā.
๕๘.
58.
‘‘เอกนวุติโต กเปฺป, อุปฎฺฐหิํ มหาอิสิํ;
‘‘Ekanavutito kappe, upaṭṭhahiṃ mahāisiṃ;
ทุคฺคติํ นาภิชานามิ, อุปฎฺฐานสฺสิทํ ผลํฯ
Duggatiṃ nābhijānāmi, upaṭṭhānassidaṃ phalaṃ.
๕๙.
59.
โสฬสาสิํสุ ราชาโน, จกฺกวตฺตี มหพฺพลาฯ
Soḷasāsiṃsu rājāno, cakkavattī mahabbalā.
๖๐.
60.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา พุทฺธุปฎฺฐาโก เถโร อิมา คาถาโย อภาสิตฺถาติฯ
Itthaṃ sudaṃ āyasmā buddhupaṭṭhāko thero imā gāthāyo abhāsitthāti.
พุทฺธุปฎฺฐากเตฺถรสฺสาปทานํ ทสมํฯ
Buddhupaṭṭhākattherassāpadānaṃ dasamaṃ.
สุธาวโคฺค ทสโมฯ
Sudhāvaggo dasamo.
ตสฺสุทฺทานํ –
Tassuddānaṃ –
สุธา สุจินฺติ เจฬญฺจ, สูจี จ คนฺธมาลิโย;
Sudhā sucinti ceḷañca, sūcī ca gandhamāliyo;
ติปุปฺผิโย มธุเสนา, เวยฺยาวโจฺจ จุปฎฺฐโก;
Tipupphiyo madhusenā, veyyāvacco cupaṭṭhako;
สมสฎฺฐิ จ คาถาโย, อสฺมิํ วเคฺค ปกิตฺติตาฯ
Samasaṭṭhi ca gāthāyo, asmiṃ vagge pakittitā.
อถ วคฺคุทฺทานํ –
Atha vagguddānaṃ –
พุทฺธวโคฺค หิ ปฐโม, สีหาสนิ สุภูติ จ;
Buddhavaggo hi paṭhamo, sīhāsani subhūti ca;
กุณฺฑธาโน อุปาลิ จ, พีชนิสกจินฺติ จฯ
Kuṇḍadhāno upāli ca, bījanisakacinti ca.
นาคสมาโล ติมิโร, สุธาวเคฺคน เต ทส;
Nāgasamālo timiro, sudhāvaggena te dasa;
จตุทฺทสสตา คาถา, ปญฺจปญฺญาสเมว จฯ
Catuddasasatā gāthā, pañcapaññāsameva ca.
พุทฺธวคฺคทสกํฯ
Buddhavaggadasakaṃ.
ปฐมสตกํ สมตฺตํฯ
Paṭhamasatakaṃ samattaṃ.
Footnotes:
