| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
10. பு³த்³து⁴பட்டா²கத்தே²ரஅபதா³னவண்ணனா
10. Buddhupaṭṭhākattheraapadānavaṇṇanā
விபஸ்ஸிஸ்ஸ ப⁴க³வதோதிஆதி³கங் ஆயஸ்மதோ பு³த்³து⁴பட்டா²கத்தே²ரஸ்ஸ அபதா³னங். அயம்பி புரிமபு³த்³தே⁴ஸு கதாதி⁴காரோ தத்த² தத்த² ப⁴வே விவட்டூபனிஸ்ஸயானி புஞ்ஞானி உபசினந்தோ விபஸ்ஸிஸ்ஸ ப⁴க³வதோ காலே ஸங்க²த⁴மககுலே நிப்³ப³த்தோ வுத்³தி⁴மன்வாய அத்தனோ ஸிப்பே ஸங்க²த⁴மனே சே²கோ அஹோஸி, நிச்சகாலங் ப⁴க³வதோ ஸங்க²ங் த⁴மெத்வா ஸங்க²ஸத்³தே³னேவ பூஜேஸி. ஸோ தேன புஞ்ஞேன தே³வமனுஸ்ஸேஸு ஸங்ஸரந்தோ ஸப்³ப³த்த² பாகடோ மஹாகோ⁴ஸோ மஹானாதீ³ மது⁴ரஸ்ஸரோ அஹோஸி, இமஸ்மிங் பு³த்³து⁴ப்பாதே³ ஏகஸ்மிங் பாகடகுலே நிப்³ப³த்தோ வுத்³தி⁴ப்பத்தோ மது⁴ரஸ்ஸரோதி பாகடோ, ஸத்த²ரி பஸீதி³த்வா பப்³ப³ஜிதோ நசிரஸ்ஸேவ அரஹா அஹோஸி, அபரபா⁴கே³ மது⁴ரஸ்ஸரத்தே²ரோதி பாகடோ.
Vipassissabhagavatotiādikaṃ āyasmato buddhupaṭṭhākattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto vipassissa bhagavato kāle saṅkhadhamakakule nibbatto vuddhimanvāya attano sippe saṅkhadhamane cheko ahosi, niccakālaṃ bhagavato saṅkhaṃ dhametvā saṅkhasaddeneva pūjesi. So tena puññena devamanussesu saṃsaranto sabbattha pākaṭo mahāghoso mahānādī madhurassaro ahosi, imasmiṃ buddhuppāde ekasmiṃ pākaṭakule nibbatto vuddhippatto madhurassaroti pākaṭo, satthari pasīditvā pabbajito nacirasseva arahā ahosi, aparabhāge madhurassarattheroti pākaṭo.
51. ஸோ ஏகதி³வஸங் அத்தனோ புப்³ப³கம்மங் ஸரித்வா ஸோமனஸ்ஸஜாதோ புப்³ப³சரிதாபதா³னங் பகாஸெந்தோ விபஸ்ஸிஸ்ஸ ப⁴க³வதோதிஆதி³மாஹ. தங் ஹெட்டா² வுத்தமேவ. அஹோஸிங் ஸங்க²த⁴மகோதி ஸங் ஸுட்டு² க²னந்தோ க³ச்ச²தீதி ஸங்கோ², ஸமுத்³த³ஜலபரியந்தே சரமானோ க³ச்ச²தி விசரதீதி அத்தோ². தங் ஸங்க²ங் த⁴மதி கோ⁴ஸங் கரோதீதி ஸங்க²த⁴மகோ, ஸோஹங் ஸங்க²த⁴மகோவ அஹோஸிந்தி அத்தோ². ஸேஸங் ஸப்³ப³த்த² உத்தானமேவாதி.
51. So ekadivasaṃ attano pubbakammaṃ saritvā somanassajāto pubbacaritāpadānaṃ pakāsento vipassissa bhagavatotiādimāha. Taṃ heṭṭhā vuttameva. Ahosiṃ saṅkhadhamakoti saṃ suṭṭhu khananto gacchatīti saṅkho, samuddajalapariyante caramāno gacchati vicaratīti attho. Taṃ saṅkhaṃ dhamati ghosaṃ karotīti saṅkhadhamako, sohaṃ saṅkhadhamakova ahosinti attho. Sesaṃ sabbattha uttānamevāti.
பு³த்³து⁴பட்டா²கத்தே²ரஅபதா³னவண்ணனா ஸமத்தா.
Buddhupaṭṭhākattheraapadānavaṇṇanā samattā.
த³ஸமவக்³க³வண்ணனா ஸமத்தா.
Dasamavaggavaṇṇanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / அபதா³னபாளி • Apadānapāḷi / 9. வெய்யாவச்சகத்தே²ரஅபதா³னங் • 9. Veyyāvaccakattheraapadānaṃ
