| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੧੦. ਬੁਦ੍ਧੁਪਟ੍ਠਾਕਤ੍ਥੇਰਅਪਦਾਨવਣ੍ਣਨਾ
10. Buddhupaṭṭhākattheraapadānavaṇṇanā
વਿਪਸ੍ਸਿਸ੍ਸ ਭਗવਤੋਤਿਆਦਿਕਂ ਆਯਸ੍ਮਤੋ ਬੁਦ੍ਧੁਪਟ੍ਠਾਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ વਿਪਸ੍ਸਿਸ੍ਸ ਭਗવਤੋ ਕਾਲੇ ਸਙ੍ਖਧਮਕਕੁਲੇ ਨਿਬ੍ਬਤ੍ਤੋ વੁਦ੍ਧਿਮਨ੍વਾਯ ਅਤ੍ਤਨੋ ਸਿਪ੍ਪੇ ਸਙ੍ਖਧਮਨੇ ਛੇਕੋ ਅਹੋਸਿ, ਨਿਚ੍ਚਕਾਲਂ ਭਗવਤੋ ਸਙ੍ਖਂ ਧਮੇਤ੍વਾ ਸਙ੍ਖਸਦ੍ਦੇਨੇવ ਪੂਜੇਸਿ। ਸੋ ਤੇਨ ਪੁਞ੍ਞੇਨ ਦੇવਮਨੁਸ੍ਸੇਸੁ ਸਂਸਰਨ੍ਤੋ ਸਬ੍ਬਤ੍ਥ ਪਾਕਟੋ ਮਹਾਘੋਸੋ ਮਹਾਨਾਦੀ ਮਧੁਰਸ੍ਸਰੋ ਅਹੋਸਿ, ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਏਕਸ੍ਮਿਂ ਪਾਕਟਕੁਲੇ ਨਿਬ੍ਬਤ੍ਤੋ વੁਦ੍ਧਿਪ੍ਪਤ੍ਤੋ ਮਧੁਰਸ੍ਸਰੋਤਿ ਪਾਕਟੋ, ਸਤ੍ਥਰਿ ਪਸੀਦਿਤ੍વਾ ਪਬ੍ਬਜਿਤੋ ਨਚਿਰਸ੍ਸੇવ ਅਰਹਾ ਅਹੋਸਿ, ਅਪਰਭਾਗੇ ਮਧੁਰਸ੍ਸਰਤ੍ਥੇਰੋਤਿ ਪਾਕਟੋ।
Vipassissabhagavatotiādikaṃ āyasmato buddhupaṭṭhākattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto vipassissa bhagavato kāle saṅkhadhamakakule nibbatto vuddhimanvāya attano sippe saṅkhadhamane cheko ahosi, niccakālaṃ bhagavato saṅkhaṃ dhametvā saṅkhasaddeneva pūjesi. So tena puññena devamanussesu saṃsaranto sabbattha pākaṭo mahāghoso mahānādī madhurassaro ahosi, imasmiṃ buddhuppāde ekasmiṃ pākaṭakule nibbatto vuddhippatto madhurassaroti pākaṭo, satthari pasīditvā pabbajito nacirasseva arahā ahosi, aparabhāge madhurassarattheroti pākaṭo.
੫੧. ਸੋ ਏਕਦਿવਸਂ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ વਿਪਸ੍ਸਿਸ੍ਸ ਭਗવਤੋਤਿਆਦਿਮਾਹ। ਤਂ ਹੇਟ੍ਠਾ વੁਤ੍ਤਮੇવ। ਅਹੋਸਿਂ ਸਙ੍ਖਧਮਕੋਤਿ ਸਂ ਸੁਟ੍ਠੁ ਖਨਨ੍ਤੋ ਗਚ੍ਛਤੀਤਿ ਸਙ੍ਖੋ, ਸਮੁਦ੍ਦਜਲਪਰਿਯਨ੍ਤੇ ਚਰਮਾਨੋ ਗਚ੍ਛਤਿ વਿਚਰਤੀਤਿ ਅਤ੍ਥੋ। ਤਂ ਸਙ੍ਖਂ ਧਮਤਿ ਘੋਸਂ ਕਰੋਤੀਤਿ ਸਙ੍ਖਧਮਕੋ, ਸੋਹਂ ਸਙ੍ਖਧਮਕੋવ ਅਹੋਸਿਨ੍ਤਿ ਅਤ੍ਥੋ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
51. So ekadivasaṃ attano pubbakammaṃ saritvā somanassajāto pubbacaritāpadānaṃ pakāsento vipassissa bhagavatotiādimāha. Taṃ heṭṭhā vuttameva. Ahosiṃ saṅkhadhamakoti saṃ suṭṭhu khananto gacchatīti saṅkho, samuddajalapariyante caramāno gacchati vicaratīti attho. Taṃ saṅkhaṃ dhamati ghosaṃ karotīti saṅkhadhamako, sohaṃ saṅkhadhamakova ahosinti attho. Sesaṃ sabbattha uttānamevāti.
ਬੁਦ੍ਧੁਪਟ੍ਠਾਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Buddhupaṭṭhākattheraapadānavaṇṇanā samattā.
ਦਸਮવਗ੍ਗવਣ੍ਣਨਾ ਸਮਤ੍ਤਾ।
Dasamavaggavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੯. વੇਯ੍ਯਾવਚ੍ਚਕਤ੍ਥੇਰਅਪਦਾਨਂ • 9. Veyyāvaccakattheraapadānaṃ
