| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၃. ဗ္ယာကရဏသုတ္တံ
3. Byākaraṇasuttaṃ
၉၃. ‘‘ပဉ္စိမာနိ, ဘိက္ခဝေ, အညာဗ္ယာကရဏာနိ။ ကတမာနိ ပဉ္စ? မန္ဒတ္တာ မောမူဟတ္တာ အညံ ဗ္ယာကရောတိ; ပာပိစ္ဆော ဣစ္ဆာပကတော အညံ ဗ္ယာကရောတိ; ဥမ္မာဒာ စိတ္တက္ခေပာ အညံ ဗ္ယာကရောတိ; အဓိမာနေန အညံ ဗ္ယာကရောတိ; သမ္မဒေဝ အညံ ဗ္ယာကရောတိ။ ဣမာနိ ခော, ဘိက္ခဝေ, ပဉ္စ အညာဗ္ယာကရဏာနီ’’တိ။ တတိယံ။
93. ‘‘Pañcimāni, bhikkhave, aññābyākaraṇāni. Katamāni pañca? Mandattā momūhattā aññaṃ byākaroti; pāpiccho icchāpakato aññaṃ byākaroti; ummādā cittakkhepā aññaṃ byākaroti; adhimānena aññaṃ byākaroti; sammadeva aññaṃ byākaroti. Imāni kho, bhikkhave, pañca aññābyākaraṇānī’’ti. Tatiyaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၃. ဗ္ယာကရဏသုတ္တဝဏ္ဏနာ • 3. Byākaraṇasuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၁၀. ပဌမသမ္ပဒာသုတ္တာဒိဝဏ္ဏနာ • 1-10. Paṭhamasampadāsuttādivaṇṇanā
