| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੮. ਬ੍ਯਾਪਨ੍ਨਸੁਤ੍ਤਂ
8. Byāpannasuttaṃ
੧੧੧. ਏਕਮਨ੍ਤਂ ਨਿਸਿਨ੍ਨਂ ਖੋ ਅਨਾਥਪਿਣ੍ਡਿਕਂ ਗਹਪਤਿਂ ਭਗવਾ ਏਤਦવੋਚ – ‘‘ਚਿਤ੍ਤੇ, ਗਹਪਤਿ, ਬ੍ਯਾਪਨ੍ਨੇ ਕਾਯਕਮ੍ਮਮ੍ਪਿ ਬ੍ਯਾਪਨ੍ਨਂ ਹੋਤਿ, વਚੀਕਮ੍ਮਮ੍ਪਿ ਬ੍ਯਾਪਨ੍ਨਂ ਹੋਤਿ, ਮਨੋਕਮ੍ਮਮ੍ਪਿ ਬ੍ਯਾਪਨ੍ਨਂ ਹੋਤਿ। ਤਸ੍ਸ ਬ੍ਯਾਪਨ੍ਨਕਾਯਕਮ੍ਮਨ੍ਤਸ੍ਸ ਬ੍ਯਾਪਨ੍ਨવਚੀਕਮ੍ਮਨ੍ਤਸ੍ਸ ਬ੍ਯਾਪਨ੍ਨਮਨੋਕਮ੍ਮਨ੍ਤਸ੍ਸ ਨ ਭਦ੍ਦਕਂ ਮਰਣਂ ਹੋਤਿ, ਨ ਭਦ੍ਦਿਕਾ ਕਾਲਙ੍ਕਿਰਿਯਾ। ਸੇਯ੍ਯਥਾਪਿ, ਗਹਪਤਿ, ਕੂਟਾਗਾਰੇ ਦੁਚ੍ਛਨ੍ਨੇ ਕੂਟਮ੍ਪਿ ਬ੍ਯਾਪਨ੍ਨਂ ਹੋਤਿ, ਗੋਪਾਨਸਿਯੋਪਿ ਬ੍ਯਾਪਨ੍ਨਾ ਹੋਨ੍ਤਿ, ਭਿਤ੍ਤਿਪਿ ਬ੍ਯਾਪਨ੍ਨਾ ਹੋਤਿ; ਏવਮੇવਂ ਖੋ, ਗਹਪਤਿ, ਚਿਤ੍ਤੇ ਬ੍ਯਾਪਨ੍ਨੇ ਕਾਯਕਮ੍ਮਮ੍ਪਿ ਬ੍ਯਾਪਨ੍ਨਂ ਹੋਤਿ, વਚੀਕਮ੍ਮਮ੍ਪਿ ਬ੍ਯਾਪਨ੍ਨਂ ਹੋਤਿ, ਮਨੋਕਮ੍ਮਮ੍ਪਿ ਬ੍ਯਾਪਨ੍ਨਂ ਹੋਤਿ। ਤਸ੍ਸ ਬ੍ਯਾਪਨ੍ਨਕਾਯਕਮ੍ਮਨ੍ਤਸ੍ਸ ਬ੍ਯਾਪਨ੍ਨવਚੀਕਮ੍ਮਨ੍ਤਸ੍ਸ ਬ੍ਯਾਪਨ੍ਨਮਨੋਕਮ੍ਮਨ੍ਤਸ੍ਸ ਨ ਭਦ੍ਦਕਂ ਮਰਣਂ ਹੋਤਿ, ਨ ਭਦ੍ਦਿਕਾ ਕਾਲਙ੍ਕਿਰਿਯਾ।
111. Ekamantaṃ nisinnaṃ kho anāthapiṇḍikaṃ gahapatiṃ bhagavā etadavoca – ‘‘citte, gahapati, byāpanne kāyakammampi byāpannaṃ hoti, vacīkammampi byāpannaṃ hoti, manokammampi byāpannaṃ hoti. Tassa byāpannakāyakammantassa byāpannavacīkammantassa byāpannamanokammantassa na bhaddakaṃ maraṇaṃ hoti, na bhaddikā kālaṅkiriyā. Seyyathāpi, gahapati, kūṭāgāre ducchanne kūṭampi byāpannaṃ hoti, gopānasiyopi byāpannā honti, bhittipi byāpannā hoti; evamevaṃ kho, gahapati, citte byāpanne kāyakammampi byāpannaṃ hoti, vacīkammampi byāpannaṃ hoti, manokammampi byāpannaṃ hoti. Tassa byāpannakāyakammantassa byāpannavacīkammantassa byāpannamanokammantassa na bhaddakaṃ maraṇaṃ hoti, na bhaddikā kālaṅkiriyā.
‘‘ਚਿਤ੍ਤੇ , ਗਹਪਤਿ, ਅਬ੍ਯਾਪਨ੍ਨੇ ਕਾਯਕਮ੍ਮਮ੍ਪਿ ਅਬ੍ਯਾਪਨ੍ਨਂ ਹੋਤਿ, વਚੀਕਮ੍ਮਮ੍ਪਿ ਅਬ੍ਯਾਪਨ੍ਨਂ ਹੋਤਿ, ਮਨੋਕਮ੍ਮਮ੍ਪਿ ਅਬ੍ਯਾਪਨ੍ਨਂ ਹੋਤਿ। ਤਸ੍ਸ ਅਬ੍ਯਾਪਨ੍ਨਕਾਯਕਮ੍ਮਨ੍ਤਸ੍ਸ ਅਬ੍ਯਾਪਨ੍ਨવਚੀਕਮ੍ਮਨ੍ਤਸ੍ਸ ਅਬ੍ਯਾਪਨ੍ਨਮਨੋਕਮ੍ਮਨ੍ਤਸ੍ਸ ਭਦ੍ਦਕਂ ਮਰਣਂ ਹੋਤਿ, ਭਦ੍ਦਿਕਾ ਕਾਲਙ੍ਕਿਰਿਯਾ। ਸੇਯ੍ਯਥਾਪਿ, ਗਹਪਤਿ, ਕੂਟਾਗਾਰੇ ਸੁਚ੍ਛਨ੍ਨੇ ਕੂਟਮ੍ਪਿ ਅਬ੍ਯਾਪਨ੍ਨਂ ਹੋਤਿ, ਗੋਪਾਨਸਿਯੋਪਿ ਅਬ੍ਯਾਪਨ੍ਨਾ ਹੋਨ੍ਤਿ, ਭਿਤ੍ਤਿਪਿ ਅਬ੍ਯਾਪਨ੍ਨਾ ਹੋਤਿ; ਏવਮੇવਂ ਖੋ, ਗਹਪਤਿ, ਚਿਤ੍ਤੇ ਅਬ੍ਯਾਪਨ੍ਨੇ ਕਾਯਕਮ੍ਮਮ੍ਪਿ ਅਬ੍ਯਾਪਨ੍ਨਂ ਹੋਤਿ, વਚੀਕਮ੍ਮਮ੍ਪਿ ਅਬ੍ਯਾਪਨ੍ਨਂ ਹੋਤਿ, ਮਨੋਕਮ੍ਮਮ੍ਪਿ ਅਬ੍ਯਾਪਨ੍ਨਂ ਹੋਤਿ। ਤਸ੍ਸ ਅਬ੍ਯਾਪਨ੍ਨਕਾਯਕਮ੍ਮਨ੍ਤਸ੍ਸ…ਪੇ॰… ਅਬ੍ਯਾਪਨ੍ਨਮਨੋਕਮ੍ਮਨ੍ਤਸ੍ਸ ਭਦ੍ਦਕਂ ਮਰਣਂ ਹੋਤਿ, ਭਦ੍ਦਿਕਾ ਕਾਲਙ੍ਕਿਰਿਯਾ’’ਤਿ। ਅਟ੍ਠਮਂ।
‘‘Citte , gahapati, abyāpanne kāyakammampi abyāpannaṃ hoti, vacīkammampi abyāpannaṃ hoti, manokammampi abyāpannaṃ hoti. Tassa abyāpannakāyakammantassa abyāpannavacīkammantassa abyāpannamanokammantassa bhaddakaṃ maraṇaṃ hoti, bhaddikā kālaṅkiriyā. Seyyathāpi, gahapati, kūṭāgāre succhanne kūṭampi abyāpannaṃ hoti, gopānasiyopi abyāpannā honti, bhittipi abyāpannā hoti; evamevaṃ kho, gahapati, citte abyāpanne kāyakammampi abyāpannaṃ hoti, vacīkammampi abyāpannaṃ hoti, manokammampi abyāpannaṃ hoti. Tassa abyāpannakāyakammantassa…pe… abyāpannamanokammantassa bhaddakaṃ maraṇaṃ hoti, bhaddikā kālaṅkiriyā’’ti. Aṭṭhamaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੮. ਬ੍ਯਾਪਨ੍ਨਸੁਤ੍ਤવਣ੍ਣਨਾ • 8. Byāpannasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੪-੯. ਸਮਣਬ੍ਰਾਹ੍ਮਣਸੁਤ੍ਤਾਦਿવਣ੍ਣਨਾ • 4-9. Samaṇabrāhmaṇasuttādivaṇṇanā
