| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৬. ব্যসনসুত্তং
6. Byasanasuttaṃ
৬. ‘‘যো সো, ভিক্খৰে, ভিক্খু অক্কোসকো পরিভাসকো অরিযূপৰাদো সব্রহ্মচারীনং, ঠানমেতং অৰকাসো যং সো একাদসন্নং ব্যসনানং অঞ্ঞতরং ব্যসনং নিগচ্ছেয্য।
6. ‘‘Yo so, bhikkhave, bhikkhu akkosako paribhāsako ariyūpavādo sabrahmacārīnaṃ, ṭhānametaṃ avakāso yaṃ so ekādasannaṃ byasanānaṃ aññataraṃ byasanaṃ nigaccheyya.
কতমেসং একাদসন্নং? অনধিগতং নাধিগচ্ছতি, অধিগতা পরিহাযতি, সদ্ধম্মস্স ন ৰোদাযন্তি, সদ্ধম্মেসু ৰা অধিমানিকো হোতি, অনভিরতো ৰা ব্রহ্মচরিযং চরতি, অঞ্ঞতরং ৰা সংকিলিট্ঠং আপত্তিং আপজ্জতি, সিক্খং ৰা পচ্চক্খায হীনাযাৰত্ততি, গাল়্হং ৰা রোগাতঙ্কং ফুসতি, উম্মাদং ৰা পাপুণাতি চিত্তক্খেপং ৰা, সম্মূল়্হো কালং করোতি, কাযস্স ভেদা পরং মরণা অপাযং দুগ্গতিং ৰিনিপাতং নিরযং উপপজ্জতি – যো সো, ভিক্খৰে, ভিক্খু অক্কোসকো পরিভাসকো অরিযূপৰাদো সব্রহ্মচারীনং, ঠানমেতং অৰকাসো যং সো ইমেসং একাদসন্নং ব্যসনানং অঞ্ঞতরং ব্যসনং নিগচ্ছেয্য। 1
Katamesaṃ ekādasannaṃ? Anadhigataṃ nādhigacchati, adhigatā parihāyati, saddhammassa na vodāyanti, saddhammesu vā adhimāniko hoti, anabhirato vā brahmacariyaṃ carati, aññataraṃ vā saṃkiliṭṭhaṃ āpattiṃ āpajjati, sikkhaṃ vā paccakkhāya hīnāyāvattati, gāḷhaṃ vā rogātaṅkaṃ phusati, ummādaṃ vā pāpuṇāti cittakkhepaṃ vā, sammūḷho kālaṃ karoti, kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati – yo so, bhikkhave, bhikkhu akkosako paribhāsako ariyūpavādo sabrahmacārīnaṃ, ṭhānametaṃ avakāso yaṃ so imesaṃ ekādasannaṃ byasanānaṃ aññataraṃ byasanaṃ nigaccheyya. 2
‘‘যো সো, ভিক্খৰে, ভিক্খু অক্কোসকো পরিভাসকো অরিযূপৰাদো সব্রহ্মচারীনং, অট্ঠানমেতং অনৰকাসো যং সো একাদসন্নং ব্যসনানং অঞ্ঞতরং ব্যসনং ন নিগচ্ছেয্য।
‘‘Yo so, bhikkhave, bhikkhu akkosako paribhāsako ariyūpavādo sabrahmacārīnaṃ, aṭṭhānametaṃ anavakāso yaṃ so ekādasannaṃ byasanānaṃ aññataraṃ byasanaṃ na nigaccheyya.
কতমেসং একাদসন্নং? অনধিগতং নাধিগচ্ছতি, অধিগতা পরিহাযতি, সদ্ধম্মস্স ন ৰোদাযন্তি, সদ্ধম্মেসু ৰা অধিমানিকো হোতি, অনভিরতো ৰা ব্রহ্মচরিযং চরতি, অঞ্ঞতরং ৰা সংকিলিট্ঠং আপত্তিং আপজ্জতি, সিক্খং ৰা পচ্চক্খায হীনাযাৰত্ততি, গাল়্হং ৰা রোগাতঙ্কং ফুসতি, উম্মাদং ৰা পাপুণাতি চিত্তক্খেপং ৰা, সম্মূল়্হো কালং করোতি, কাযস্স ভেদা পরং মরণা অপাযং দুগ্গতিং ৰিনিপাতং নিরযং উপপজ্জতি – যো সো, ভিক্খৰে, ভিক্খু অক্কোসকো পরিভাসকো অরিযূপৰাদো সব্রহ্মচারীনং, অট্ঠানমেতং অনৰকাসো যং সো ইমেসং একাদসন্নং ব্যসনানং অঞ্ঞতরং ব্যসনং ন নিগচ্ছেয্যা’’তি। ছট্ঠং।
Katamesaṃ ekādasannaṃ? Anadhigataṃ nādhigacchati, adhigatā parihāyati, saddhammassa na vodāyanti, saddhammesu vā adhimāniko hoti, anabhirato vā brahmacariyaṃ carati, aññataraṃ vā saṃkiliṭṭhaṃ āpattiṃ āpajjati, sikkhaṃ vā paccakkhāya hīnāyāvattati, gāḷhaṃ vā rogātaṅkaṃ phusati, ummādaṃ vā pāpuṇāti cittakkhepaṃ vā, sammūḷho kālaṃ karoti, kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati – yo so, bhikkhave, bhikkhu akkosako paribhāsako ariyūpavādo sabrahmacārīnaṃ, aṭṭhānametaṃ anavakāso yaṃ so imesaṃ ekādasannaṃ byasanānaṃ aññataraṃ byasanaṃ na nigaccheyyā’’ti. Chaṭṭhaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ১-৬. কিমত্থিযসুত্তাদিৰণ্ণনা • 1-6. Kimatthiyasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১-১০. কিমত্থিযসুত্তাদিৰণ্ণনা • 1-10. Kimatthiyasuttādivaṇṇanā
