| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
10. б̣яасанасуд̇д̇ам̣
10. Byasanasuttaṃ
130. ‘‘бан̃жимаани , бхигкавз, б̣яасанаани. гад̇амаани бан̃жа? н̃аад̇иб̣яасанам̣, бхог̇аб̣яасанам̣, рог̇аб̣яасанам̣, сийлаб̣яасанам̣, д̣̇идтиб̣яасанам̣. на, бхигкавз, сад̇д̇аа н̃аад̇иб̣яасанахзд̇у ваа бхог̇аб̣яасанахзд̇у ваа рог̇аб̣яасанахзд̇у ваа гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇анд̇и. сийлаб̣яасанахзд̇у ваа, бхигкавз, сад̇д̇аа д̣̇идтиб̣яасанахзд̇у ваа гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇анд̇и. имаани ко, бхигкавз, бан̃жа б̣яасанаани.
130. ‘‘Pañcimāni , bhikkhave, byasanāni. Katamāni pañca? Ñātibyasanaṃ, bhogabyasanaṃ, rogabyasanaṃ, sīlabyasanaṃ, diṭṭhibyasanaṃ. Na, bhikkhave, sattā ñātibyasanahetu vā bhogabyasanahetu vā rogabyasanahetu vā kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjanti. Sīlabyasanahetu vā, bhikkhave, sattā diṭṭhibyasanahetu vā kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjanti. Imāni kho, bhikkhave, pañca byasanāni.
‘‘бан̃жимаа, бхигкавз, самбад̣̇аа. гад̇амаа бан̃жа? н̃аад̇исамбад̣̇аа, бхог̇асамбад̣̇аа, аарог̇яасамбад̣̇аа, сийласамбад̣̇аа, д̣̇идтисамбад̣̇аа. на, бхигкавз, сад̇д̇аа н̃аад̇исамбад̣̇аахзд̇у ваа бхог̇асамбад̣̇аахзд̇у ваа аарог̇яасамбад̣̇аахзд̇у ваа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇анд̇и. сийласамбад̣̇аахзд̇у ваа, бхигкавз, сад̇д̇аа д̣̇идтисамбад̣̇аахзд̇у ваа гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇анд̇и. имаа ко, бхигкавз, бан̃жа самбад̣̇аа’’д̇и. д̣̇асамам̣.
‘‘Pañcimā, bhikkhave, sampadā. Katamā pañca? Ñātisampadā, bhogasampadā, ārogyasampadā, sīlasampadā, diṭṭhisampadā. Na, bhikkhave, sattā ñātisampadāhetu vā bhogasampadāhetu vā ārogyasampadāhetu vā kāyassa bhedā paraṃ maraṇā sugatiṃ saggaṃ lokaṃ upapajjanti. Sīlasampadāhetu vā, bhikkhave, sattā diṭṭhisampadāhetu vā kāyassa bhedā paraṃ maraṇā sugatiṃ saggaṃ lokaṃ upapajjanti. Imā kho, bhikkhave, pañca sampadā’’ti. Dasamaṃ.
г̇илаанаваг̇г̇о д̇ад̇ияо.
Gilānavaggo tatiyo.
д̇ассуд̣̇д̣̇аанам̣ –
Tassuddānaṃ –
г̇илаано сад̇исуубадти, д̣̇вз убадтаагаа д̣̇увааяусаа;
Gilāno satisūpaṭṭhi, dve upaṭṭhākā duvāyusā;
вабагаасасаман̣асукаа, баригуббам̣ б̣яасанзна жаад̇и.
Vapakāsasamaṇasukhā, parikuppaṃ byasanena cāti.
Related texts:
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / (13) 3. г̇илаанаваг̇г̇о • (13) 3. Gilānavaggo
