| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
4. சக்கவக்³கோ³
4. Cakkavaggo
1. சக்கஸுத்தவண்ணனா
1. Cakkasuttavaṇṇanā
31. சதுத்த²ஸ்ஸ பட²மே சக்கானீதி ஸம்பத்தியோ. சதுசக்கங் வத்ததீதி சத்தாரி ஸம்பத்திசக்கானி வத்தந்தி க⁴டியந்தியேவாதி அத்தோ². பதிரூபதே³ஸவாஸோதி யத்த² சதஸ்ஸோ பரிஸா ஸந்தி³ஸ்ஸந்தி, ஏவரூபே அனுச்ச²விகே தே³ஸே வாஸோ. ஸப்புரிஸாவஸ்ஸயோதி பு³த்³தா⁴தீ³னங் ஸப்புரிஸானங் அவஸ்ஸயனங் ஸேவனங் ப⁴ஜனங், ந ராஜானங். அத்தஸம்மாபணிதீ⁴தி அத்தனோ ஸம்மா ட²பனங், ஸசே புப்³பே³ அஸ்ஸத்³தா⁴தீ³ஹி ஸமன்னாக³தோ ஹோதி, தானி பஹாய ஸத்³தா⁴தீ³ஸு பதிட்டா²பனங். புப்³பே³ ச கதபுஞ்ஞதாதி புப்³பே³ உபசிதகுஸலதா. இத³மேவ செத்த² பமாணங். யேன ஹி ஞாணஸம்பயுத்தசித்தேன குஸலகம்மங் கதங் ஹோதி, ததே³வ குஸலங் தங் புரிஸங் பதிரூபதே³ஸே உபனேதி, ஸப்புரிஸே ப⁴ஜாபேதி, ஸோ ஏவ ச புக்³க³லோ அத்தானங் ஸம்மா ட²பேதி. புஞ்ஞகதோதி கதபுஞ்ஞோ. ஸுக²ஞ்சேதங்தி⁴வத்ததீதி ஸுக²ஞ்ச ஏதங் புக்³க³லங் அதி⁴வத்ததி, அவத்த²ரதீதி அத்தோ².
31. Catutthassa paṭhame cakkānīti sampattiyo. Catucakkaṃ vattatīti cattāri sampatticakkāni vattanti ghaṭiyantiyevāti attho. Patirūpadesavāsoti yattha catasso parisā sandissanti, evarūpe anucchavike dese vāso. Sappurisāvassayoti buddhādīnaṃ sappurisānaṃ avassayanaṃ sevanaṃ bhajanaṃ, na rājānaṃ. Attasammāpaṇidhīti attano sammā ṭhapanaṃ, sace pubbe assaddhādīhi samannāgato hoti, tāni pahāya saddhādīsu patiṭṭhāpanaṃ. Pubbe ca katapuññatāti pubbe upacitakusalatā. Idameva cettha pamāṇaṃ. Yena hi ñāṇasampayuttacittena kusalakammaṃ kataṃ hoti, tadeva kusalaṃ taṃ purisaṃ patirūpadese upaneti, sappurise bhajāpeti, so eva ca puggalo attānaṃ sammā ṭhapeti. Puññakatoti katapuñño. Sukhañcetaṃdhivattatīti sukhañca etaṃ puggalaṃ adhivattati, avattharatīti attho.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 1. சக்கஸுத்தங் • 1. Cakkasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1. சக்கஸுத்தவண்ணனா • 1. Cakkasuttavaṇṇanā
