| Library / Tipiṭaka / তিপিটক • Tipiṭaka / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) |
৪. চক্কৰগ্গো
4. Cakkavaggo
১. চক্কসুত্তৰণ্ণনা
1. Cakkasuttavaṇṇanā
৩১. চতুত্থস্স পঠমে চক্কানীতি সম্পত্তিযো। চতুচক্কং ৰত্ততীতি চত্তারি সম্পত্তিচক্কানি ৰত্তন্তি ঘটিযন্তিযেৰাতি অত্থো। পতিরূপদেসৰাসোতি যত্থ চতস্সো পরিসা সন্দিস্সন্তি, এৰরূপে অনুচ্ছৰিকে দেসে ৰাসো। সপ্পুরিসাৰস্সযোতি বুদ্ধাদীনং সপ্পুরিসানং অৰস্সযনং সেৰনং ভজনং, ন রাজানং। অত্তসম্মাপণিধীতি অত্তনো সম্মা ঠপনং, সচে পুব্বে অস্সদ্ধাদীহি সমন্নাগতো হোতি, তানি পহায সদ্ধাদীসু পতিট্ঠাপনং। পুব্বে চ কতপুঞ্ঞতাতি পুব্বে উপচিতকুসলতা। ইদমেৰ চেত্থ পমাণং। যেন হি ঞাণসম্পযুত্তচিত্তেন কুসলকম্মং কতং হোতি, তদেৰ কুসলং তং পুরিসং পতিরূপদেসে উপনেতি, সপ্পুরিসে ভজাপেতি, সো এৰ চ পুগ্গলো অত্তানং সম্মা ঠপেতি। পুঞ্ঞকতোতি কতপুঞ্ঞো। সুখঞ্চেতংধিৰত্ততীতি সুখঞ্চ এতং পুগ্গলং অধিৰত্ততি, অৰত্থরতীতি অত্থো।
31. Catutthassa paṭhame cakkānīti sampattiyo. Catucakkaṃ vattatīti cattāri sampatticakkāni vattanti ghaṭiyantiyevāti attho. Patirūpadesavāsoti yattha catasso parisā sandissanti, evarūpe anucchavike dese vāso. Sappurisāvassayoti buddhādīnaṃ sappurisānaṃ avassayanaṃ sevanaṃ bhajanaṃ, na rājānaṃ. Attasammāpaṇidhīti attano sammā ṭhapanaṃ, sace pubbe assaddhādīhi samannāgato hoti, tāni pahāya saddhādīsu patiṭṭhāpanaṃ. Pubbe ca katapuññatāti pubbe upacitakusalatā. Idameva cettha pamāṇaṃ. Yena hi ñāṇasampayuttacittena kusalakammaṃ kataṃ hoti, tadeva kusalaṃ taṃ purisaṃ patirūpadese upaneti, sappurise bhajāpeti, so eva ca puggalo attānaṃ sammā ṭhapeti. Puññakatoti katapuñño. Sukhañcetaṃdhivattatīti sukhañca etaṃ puggalaṃ adhivattati, avattharatīti attho.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ১. চক্কসুত্তং • 1. Cakkasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১. চক্কসুত্তৰণ্ণনা • 1. Cakkasuttavaṇṇanā
