| Library / Tipiṭaka / ติปิฎก • Tipiṭaka / ชาตกปาฬิ • Jātakapāḷi |
๔๓๔. จกฺกวากชาตกํ (๘)
434. Cakkavākajātakaṃ (8)
๖๙.
69.
กาสายวเตฺถ สกุเณ วทามิ, ทุเว ทุเว นนฺทมเน 1 จรเนฺต;
Kāsāyavatthe sakuṇe vadāmi, duve duve nandamane 2 carante;
กํ อณฺฑชํ อณฺฑชา มานุเสสุ, ชาติํ ปสํสนฺติ ตทิงฺฆ พฺรูถฯ
Kaṃ aṇḍajaṃ aṇḍajā mānusesu, jātiṃ pasaṃsanti tadiṅgha brūtha.
๗๐.
70.
อเมฺห มนุเสฺสสุ มนุสฺสหิํส, อนุพฺพเต 3 จกฺกวาเก วทนฺติ;
Amhe manussesu manussahiṃsa, anubbate 4 cakkavāke vadanti;
๗๑.
71.
กิํ อณฺณเว กานิ ผลานิ ภุเญฺช, มํสํ กุโต ขาทถ จกฺกวากา;
Kiṃ aṇṇave kāni phalāni bhuñje, maṃsaṃ kuto khādatha cakkavākā;
๗๒.
72.
น อณฺณเว สนฺติ ผลานิ ธงฺก, มํสํ กุโต ขาทิตุํ จกฺกวาเก;
Na aṇṇave santi phalāni dhaṅka, maṃsaṃ kuto khādituṃ cakkavāke;
๗๓.
73.
น เม อิทํ รุจฺจติ จกฺกวาก, อสฺมิํ ภเว โภชนสนฺนิกาโส;
Na me idaṃ ruccati cakkavāka, asmiṃ bhave bhojanasannikāso;
อโหสิ ปุเพฺพ ตโต เม อญฺญถา, อิเจฺจว เม วิมติ เอตฺถ ชาตาฯ
Ahosi pubbe tato me aññathā, icceva me vimati ettha jātā.
๗๔.
74.
อหมฺปิ มํสานิ ผลานิ ภุเญฺช, อนฺนานิ จ โลณิยเตลิยานิ;
Ahampi maṃsāni phalāni bhuñje, annāni ca loṇiyateliyāni;
รสํ มนุเสฺสสุ ลภามิ โภตฺตุํ, สูโรว สงฺคามมุขํ วิเชตฺวา;
Rasaṃ manussesu labhāmi bhottuṃ, sūrova saṅgāmamukhaṃ vijetvā;
น จ เม ตาทิโส วโณฺณ, จกฺกวาก ยถา ตวฯ
Na ca me tādiso vaṇṇo, cakkavāka yathā tava.
๗๕.
75.
อสุทฺธภโกฺขสิ ขณานุปาตี, กิเจฺฉน เต ลพฺภติ อนฺนปานํ;
Asuddhabhakkhosi khaṇānupātī, kicchena te labbhati annapānaṃ;
น ตุสฺสสี รุกฺขผเลหิ ธงฺก, มํสานิ วา ยานิ สุสานมเชฺฌฯ
Na tussasī rukkhaphalehi dhaṅka, maṃsāni vā yāni susānamajjhe.
๗๖.
76.
โย สาหเสน อธิคมฺม โภเค, ปริภุญฺชติ ธงฺก ขณานุปาตี;
Yo sāhasena adhigamma bhoge, paribhuñjati dhaṅka khaṇānupātī;
ตโต อุปโกฺกสติ นํ สภาโว, อุปกฺกุโฎฺฐ วณฺณพลํ ชหาติฯ
Tato upakkosati naṃ sabhāvo, upakkuṭṭho vaṇṇabalaṃ jahāti.
๗๗.
77.
อปฺปมฺปิ เจ นิพฺพุติํ ภุญฺชตี ยทิ, อสาหเสน อปรูปฆาตี 19;
Appampi ce nibbutiṃ bhuñjatī yadi, asāhasena aparūpaghātī 20;
พลญฺจ วโณฺณ จ ตทสฺส โหติ, น หิ สโพฺพ อาหารมเยน วโณฺณติฯ
Balañca vaṇṇo ca tadassa hoti, na hi sabbo āhāramayena vaṇṇoti.
จกฺกวากชาตกํ อฎฺฐมํฯ
Cakkavākajātakaṃ aṭṭhamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ชาตก-อฎฺฐกถา • Jātaka-aṭṭhakathā / [๔๓๔] ๘. จกฺกวากชาตกวณฺณนา • [434] 8. Cakkavākajātakavaṇṇanā
