| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[451] 13. жаггаваагаж̇аад̇агаван̣н̣анаа
[451] 13. Cakkavākajātakavaṇṇanā
ван̣н̣аваа абхируубосийд̇и ид̣̇ам̣ сад̇т̇аа ж̇зд̇аванз вихаранд̇о згам̣ лолабхигкум̣ аараб̣бха гат̇зси. со гира жийвараад̣̇ийхи ад̇ид̇д̇о ‘‘гахам̣ сан̇гхабхад̇д̇ам̣, гахам̣ ниманд̇ана’’нд̇и бариязсанд̇о вижарад̇и, аамисагат̇ааяамзва абхирамад̇и. ат̇ан̃н̃з бзсалаа бхигкуу д̇ассаануг̇г̇ахзна сад̇т̇у аарожзсум̣. сад̇т̇аа д̇ам̣ баггосаабзд̇ваа ‘‘сажжам̣ гира д̇вам̣ бхигку лоло’’д̇и бужчид̇ваа ‘‘сажжам̣, бханд̇з’’д̇и вуд̇д̇з ‘‘бхигку гасмаа зваруубз нияяаанигасаасанз баб̣б̣аж̇ид̇ваа лоло ахоси, лолабхааво жа наама баабаго, буб̣б̣зби д̇вам̣ лолабхаавам̣ ниссааяа б̣аараан̣асияам̣ хад̇т̇игун̣абаад̣̇ийхи ад̇ид̇д̇о махаааран̃н̃ам̣ бавидто’’д̇и вад̇ваа ад̇ийд̇ам̣ аахари.
Vaṇṇavāabhirūposīti idaṃ satthā jetavane viharanto ekaṃ lolabhikkhuṃ ārabbha kathesi. So kira cīvarādīhi atitto ‘‘kahaṃ saṅghabhattaṃ, kahaṃ nimantana’’nti pariyesanto vicarati, āmisakathāyameva abhiramati. Athaññe pesalā bhikkhū tassānuggahena satthu ārocesuṃ. Satthā taṃ pakkosāpetvā ‘‘saccaṃ kira tvaṃ bhikkhu lolo’’ti pucchitvā ‘‘saccaṃ, bhante’’ti vutte ‘‘bhikkhu kasmā evarūpe niyyānikasāsane pabbajitvā lolo ahosi, lolabhāvo ca nāma pāpako, pubbepi tvaṃ lolabhāvaṃ nissāya bārāṇasiyaṃ hatthikuṇapādīhi atitto mahāaraññaṃ paviṭṭho’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з зго лолагааго б̣аараан̣асияам̣ хад̇т̇игун̣абаад̣̇ийхи ад̇ид̇д̇о ‘‘аран̃н̃ам̣ ну ко гийд̣̇иса’’нд̇и аран̃н̃ам̣ г̇анд̇ваа д̇ад̇т̇аби палаапалзхи асанд̇удто г̇ан̇г̇ааяа д̇ийрам̣ г̇анд̇ваа вижаранд̇о ж̇аяамбад̇игз жаггаваагз д̣̇исваа ‘‘имз сагун̣аа ад̇ивияа собханд̇и, имз имасмим̣ г̇ан̇г̇аад̇ийрз б̣ахум̣ мажчамам̣сам̣ каад̣̇анд̇и ман̃н̃з, имз бадибужчид̇ваа маяааби имзсам̣ бхож̇анам̣ г̇ожарам̣ каад̣̇ид̇ваа ван̣н̣аванд̇зна бхавид̇ум̣ ваддад̇ий’’д̇и д̇зсам̣ авид̣̇уурз нисийд̣̇ид̇ваа жаггаваагам̣ бужчанд̇о д̣̇вз г̇аат̇аа абхааси –
Atīte bārāṇasiyaṃ brahmadatte rajjaṃ kārente eko lolakāko bārāṇasiyaṃ hatthikuṇapādīhi atitto ‘‘araññaṃ nu kho kīdisa’’nti araññaṃ gantvā tatthapi phalāphalehi asantuṭṭho gaṅgāya tīraṃ gantvā vicaranto jayampatike cakkavāke disvā ‘‘ime sakuṇā ativiya sobhanti, ime imasmiṃ gaṅgātīre bahuṃ macchamaṃsaṃ khādanti maññe, ime paṭipucchitvā mayāpi imesaṃ bhojanaṃ gocaraṃ khāditvā vaṇṇavantena bhavituṃ vaṭṭatī’’ti tesaṃ avidūre nisīditvā cakkavākaṃ pucchanto dve gāthā abhāsi –
135.
135.
‘‘ван̣н̣аваа абхируубоси, гхано сан̃ж̇аад̇арохид̇о;
‘‘Vaṇṇavā abhirūposi, ghano sañjātarohito;
жаггаваага суруубоси, виббасаннамукинд̣̇рияо.
Cakkavāka surūposi, vippasannamukhindriyo.
136.
136.
‘‘баатийнам̣ баавусам̣ мажчам̣, б̣алаж̇ам̣ мун̃ж̇арохид̇ам̣;
‘‘Pāṭhīnaṃ pāvusaṃ macchaṃ, balajaṃ muñjarohitaṃ;
г̇ан̇г̇ааяа д̇ийрз нисинно, звам̣ бхун̃ж̇аси бхож̇ана’’нд̇и.
Gaṅgāya tīre nisinno, evaṃ bhuñjasi bhojana’’nti.
д̇ад̇т̇а гханод̇и гханасарийро. сан̃ж̇аад̇арохид̇од̇и уд̇д̇ад̇д̇асуван̣н̣ам̣ вияа судтуж̇аад̇арохид̇аван̣н̣о. баатийнанд̇и баатийнанаамагам̣ баасаан̣амажчам̣. баавусанд̇и махаамукамажчам̣, ‘‘баахуса’’нд̇иби баато. б̣алаж̇анд̇и б̣алаж̇амажчам̣. мун̃ж̇арохид̇анд̇и мун̃ж̇амажчан̃жа рохид̇амажчан̃жа. звам̣ бхун̃ж̇асийд̇и зваруубам̣ бхож̇анам̣ ман̃н̃з бхун̃ж̇асийд̇и бужчад̇и.
Tattha ghanoti ghanasarīro. Sañjātarohitoti uttattasuvaṇṇaṃ viya suṭṭhujātarohitavaṇṇo. Pāṭhīnanti pāṭhīnanāmakaṃ pāsāṇamacchaṃ. Pāvusanti mahāmukhamacchaṃ, ‘‘pāhusa’’ntipi pāṭho. Balajanti balajamacchaṃ. Muñjarohitanti muñjamacchañca rohitamacchañca. Evaṃ bhuñjasīti evarūpaṃ bhojanaṃ maññe bhuñjasīti pucchati.
жаггавааго д̇асса важанам̣ бадигкибанд̇о д̇ад̇ияам̣ г̇аат̇амааха –
Cakkavāko tassa vacanaṃ paṭikkhipanto tatiyaṃ gāthamāha –
137.
137.
‘‘на ваахамзд̇ам̣ бхун̃ж̇аами, ж̇ан̇г̇алаанод̣̇агаани ваа;
‘‘Na vāhametaṃ bhuñjāmi, jaṅgalānodakāni vā;
ан̃н̃ад̇ра сзваалабан̣агаа, зд̇ам̣ мз самма бхож̇ана’’нд̇и.
Aññatra sevālapaṇakā, etaṃ me samma bhojana’’nti.
д̇ассад̇т̇о – ахам̣ самма, ан̃н̃ад̇ра сзваалаа жа бан̣агаа жа сзсаани ж̇ан̇г̇алаани ваа од̣̇агаани ваа мам̣саани аад̣̇ааяа зд̇ам̣ бхож̇анам̣ на бхун̃ж̇аами, яам̣ банзд̇ам̣ сзваалабан̣агам̣, зд̇ам̣ мз самма, бхож̇ананд̇и.
Tassattho – ahaṃ samma, aññatra sevālā ca paṇakā ca sesāni jaṅgalāni vā odakāni vā maṃsāni ādāya etaṃ bhojanaṃ na bhuñjāmi, yaṃ panetaṃ sevālapaṇakaṃ, etaṃ me samma, bhojananti.
д̇ад̇о гааго д̣̇вз г̇аат̇аа абхааси –
Tato kāko dve gāthā abhāsi –
138.
138.
‘‘на ваахамзд̇ам̣ сад̣̇д̣̇ахаами, жаггаваагасса бхож̇анам̣;
‘‘Na vāhametaṃ saddahāmi, cakkavākassa bhojanaṃ;
ахамби самма бхун̃ж̇аами, г̇аамз лон̣ияад̇злияам̣.
Ahampi samma bhuñjāmi, gāme loṇiyateliyaṃ.
139.
139.
‘‘мануссзсу гад̇ам̣ бхад̇д̇ам̣, сужим̣ мам̣суубасзжанам̣;
‘‘Manussesu kataṃ bhattaṃ, suciṃ maṃsūpasecanaṃ;
на жа мз д̇аад̣̇исо ван̣н̣о, жаггаваага яат̇аа д̇ува’’нд̇и.
Na ca me tādiso vaṇṇo, cakkavāka yathā tuva’’nti.
д̇ад̇т̇а яат̇аа д̇уванд̇и яат̇аа д̇увам̣ собхаг̇г̇аббад̇д̇о сарийраван̣н̣о, д̇аад̣̇исо маяхам̣ ван̣н̣о над̇т̇и, зд̇зна гааран̣зна ахам̣ д̇ава ‘‘сзваалабан̣агам̣ мама бхож̇ана’’нд̇и вад̣̇анд̇асса важанам̣ на сад̣̇д̣̇ахаамийд̇и.
Tattha yathā tuvanti yathā tuvaṃ sobhaggappatto sarīravaṇṇo, tādiso mayhaṃ vaṇṇo natthi, etena kāraṇena ahaṃ tava ‘‘sevālapaṇakaṃ mama bhojana’’nti vadantassa vacanaṃ na saddahāmīti.
ат̇асса жаггавааго д̣̇уб̣б̣ан̣н̣агааран̣ам̣ гат̇зд̇ваа д̇хаммам̣ д̣̇зсзнд̇о сзсаг̇аат̇аа абхааси –
Athassa cakkavāko dubbaṇṇakāraṇaṃ kathetvā dhammaṃ desento sesagāthā abhāsi –
140.
140.
‘‘самбассам̣ ад̇д̇ани взрам̣, хим̣саяам̣ маанусим̣ баж̇ам̣;
‘‘Sampassaṃ attani veraṃ, hiṃsayaṃ mānusiṃ pajaṃ;
уд̇расд̇о гхасасий бхийд̇о, д̇зна ван̣н̣о д̇авзд̣̇исо.
Utrasto ghasasī bhīto, tena vaṇṇo tavediso.
141.
141.
‘‘саб̣б̣алогавируд̣̇д̇хоси, д̇хан̇га баабзна гаммунаа;
‘‘Sabbalokaviruddhosi, dhaṅka pāpena kammunā;
лад̣̇д̇хо бин̣д̣о на бийн̣зд̇и, д̇зна ван̣н̣о д̇авзд̣̇исо.
Laddho piṇḍo na pīṇeti, tena vaṇṇo tavediso.
142.
142.
‘‘ахамби самма бхун̃ж̇аами, ахим̣сам̣ саб̣б̣абаан̣инам̣;
‘‘Ahampi samma bhuñjāmi, ahiṃsaṃ sabbapāṇinaṃ;
аббоссугго нираасан̇гий, асого агуд̇обхаяо.
Appossukko nirāsaṅkī, asoko akutobhayo.
143.
143.
‘‘со гарассу аанубхаавам̣, вийд̇ивад̇д̇ассу сийлияам̣;
‘‘So karassu ānubhāvaṃ, vītivattassu sīliyaṃ;
ахим̣сааяа жара логз, бияо хохиси мам̣мива.
Ahiṃsāya cara loke, piyo hohisi maṃmiva.
144.
144.
‘‘яо на ханд̇и на гхаад̇зд̇и, на ж̇инаад̇и на ж̇аабаяз;
‘‘Yo na hanti na ghāteti, na jināti na jāpaye;
мзд̇д̇ам̣со саб̣б̣абхууд̇зсу, взрам̣ д̇асса на гзнажий’’д̇и.
Mettaṃso sabbabhūtesu, veraṃ tassa na kenacī’’ti.
д̇ад̇т̇а самбассанд̇и самма гаага д̇вам̣ барзсу уббаннам̣ ад̇д̇ани взражид̇д̇ам̣ самбассамаано маанусим̣ баж̇ам̣ хим̣санд̇о вихзтзнд̇о. уд̇расд̇од̇и бхийд̇о. гхасасийд̇и бхун̃ж̇аси. д̇зна д̇з зд̣̇исо б̣ийбхажчаван̣н̣о ж̇аад̇о. д̇хан̇гаад̇и гаагам̣ аалабад̇и. бин̣д̣од̇и бхож̇анам̣. ахим̣сам̣ саб̣б̣абаан̣инанд̇и ахам̣ бана саб̣б̣асад̇д̇з ахим̣санд̇о бхун̃ж̇аамийд̇и вад̣̇ад̇и. со гарассу аанубхааванд̇и со д̇вамби вийрияам̣ гарохи, ад̇д̇ано сийлияасан̇каад̇ам̣ д̣̇уссийлабхаавам̣ вийд̇ивад̇д̇ассу. ахим̣сааяаад̇и ахим̣сааяа саманнааг̇ад̇о худ̇ваа логз жара. бияо хохиси мам̣миваад̇и звам̣ санд̇з маяаа сад̣̇исова логасса бияо хохиси. на ж̇инаад̇ийд̇и д̇ханаж̇ааним̣ на гарод̇и. на ж̇аабаязд̇и ан̃н̃зби на гаарзд̇и. мзд̇д̇ам̣сод̇и мзд̇д̇агодтаасо мзд̇д̇ажид̇д̇о. на гзнажийд̇и гзнажи згасад̇д̇знаби сад̣̇д̇хим̣ д̇асса взрам̣ наама над̇т̇ийд̇и.
Tattha sampassanti samma kāka tvaṃ paresu uppannaṃ attani veracittaṃ sampassamāno mānusiṃ pajaṃ hiṃsanto viheṭhento. Utrastoti bhīto. Ghasasīti bhuñjasi. Tena te ediso bībhacchavaṇṇo jāto. Dhaṅkāti kākaṃ ālapati. Piṇḍoti bhojanaṃ. Ahiṃsaṃ sabbapāṇinanti ahaṃ pana sabbasatte ahiṃsanto bhuñjāmīti vadati. So karassu ānubhāvanti so tvampi vīriyaṃ karohi, attano sīliyasaṅkhātaṃ dussīlabhāvaṃ vītivattassu. Ahiṃsāyāti ahiṃsāya samannāgato hutvā loke cara. Piyo hohisi maṃmivāti evaṃ sante mayā sadisova lokassa piyo hohisi. Na jinātīti dhanajāniṃ na karoti. Na jāpayeti aññepi na kāreti. Mettaṃsoti mettakoṭṭhāso mettacitto. Na kenacīti kenaci ekasattenapi saddhiṃ tassa veraṃ nāma natthīti.
д̇асмаа сажз логасса бияо бхавид̇ум̣ ижчаси, саб̣б̣авзрзхи вирамаахийд̇и звам̣ жаггавааго гаагасса д̇хаммам̣ д̣̇зсзси. гааго ‘‘д̇умхз ад̇д̇ано г̇ожарам̣ маяхам̣ на гат̇зт̇а, гаа гаа’’д̇и вассанд̇о уббад̇ид̇ваа б̣аараан̣асияам̣ уггаарабхуумияан̃н̃зва од̇ари.
Tasmā sace lokassa piyo bhavituṃ icchasi, sabbaverehi viramāhīti evaṃ cakkavāko kākassa dhammaṃ desesi. Kāko ‘‘tumhe attano gocaraṃ mayhaṃ na kathetha, kā kā’’ti vassanto uppatitvā bārāṇasiyaṃ ukkārabhūmiyaññeva otari.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз лолабхигку анааг̇аамипалз бад̇идтахи. д̇ад̣̇аа гааго лолабхигку ахоси, жаггаваагий раахуламаад̇аа, жаггавааго бана ахамзва ахосинд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne lolabhikkhu anāgāmiphale patiṭṭhahi. Tadā kāko lolabhikkhu ahosi, cakkavākī rāhulamātā, cakkavāko pana ahameva ahosinti.
жаггаваагаж̇аад̇агаван̣н̣анаа д̇зрасамаа.
Cakkavākajātakavaṇṇanā terasamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 451. жаггаваагаж̇аад̇агам̣ • 451. Cakkavākajātakaṃ
