| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
2. жаггавааган̇г̇абан̃хо
2. Cakkavākaṅgapañho
2. ‘‘бханд̇з нааг̇асзна, ‘жаггаваагасса д̇ийн̣и ан̇г̇аани г̇ахзд̇аб̣б̣ааний’д̇и яам̣ вад̣̇зси, гад̇амаани д̇аани д̇ийн̣и ан̇г̇аани г̇ахзд̇аб̣б̣аанийд̇и’’? ‘‘яат̇аа, махаарааж̇а, жаггавааго яаава ж̇ийвид̇абарияаад̣̇аанаа д̣̇уд̇ияигам̣ на виж̇ахад̇и, звамзва ко, махаарааж̇а, яог̇инаа яог̇ааважарзна яаава ж̇ийвид̇абарияаад̣̇аанаа яонисо манасигааро на виж̇ахид̇аб̣б̣о. ид̣̇ам̣, махаарааж̇а, жаггаваагасса батамам̣ ан̇г̇ам̣ г̇ахзд̇аб̣б̣ам̣.
2. ‘‘Bhante nāgasena, ‘cakkavākassa tīṇi aṅgāni gahetabbānī’ti yaṃ vadesi, katamāni tāni tīṇi aṅgāni gahetabbānīti’’? ‘‘Yathā, mahārāja, cakkavāko yāva jīvitapariyādānā dutiyikaṃ na vijahati, evameva kho, mahārāja, yoginā yogāvacarena yāva jīvitapariyādānā yoniso manasikāro na vijahitabbo. Idaṃ, mahārāja, cakkavākassa paṭhamaṃ aṅgaṃ gahetabbaṃ.
‘‘буна жабарам̣, махаарааж̇а, жаггавааго сзваалабан̣агабхагко, д̇зна жа санд̇удтим̣ аабаж̇ж̇ад̇и, д̇ааяа жа санд̇удтияаа б̣алзна жа ван̣н̣зна жа на барихааяад̇и, звамзва ко, махаарааж̇а, яог̇инаа яог̇ааважарзна яат̇аалаабхасанд̇осо гаран̣ийяо, яат̇аалаабхасанд̇удто ко, махаарааж̇а, яог̇ий яог̇ааважаро на барихааяад̇и сийлзна, на барихааяад̇и самаад̇хинаа, на барихааяад̇и бан̃н̃ааяа, на барихааяад̇и вимуд̇д̇ияаа, на барихааяад̇и вимуд̇д̇ин̃аан̣ад̣̇ассанзна, на барихааяад̇и саб̣б̣зхи гусалзхи д̇хаммзхи. ид̣̇ам̣, махаарааж̇а, жаггаваагасса д̣̇уд̇ияам̣ ан̇г̇ам̣ г̇ахзд̇аб̣б̣ам̣.
‘‘Puna caparaṃ, mahārāja, cakkavāko sevālapaṇakabhakkho, tena ca santuṭṭhiṃ āpajjati, tāya ca santuṭṭhiyā balena ca vaṇṇena ca na parihāyati, evameva kho, mahārāja, yoginā yogāvacarena yathālābhasantoso karaṇīyo, yathālābhasantuṭṭho kho, mahārāja, yogī yogāvacaro na parihāyati sīlena, na parihāyati samādhinā, na parihāyati paññāya, na parihāyati vimuttiyā, na parihāyati vimuttiñāṇadassanena, na parihāyati sabbehi kusalehi dhammehi. Idaṃ, mahārāja, cakkavākassa dutiyaṃ aṅgaṃ gahetabbaṃ.
‘‘буна жабарам̣, махаарааж̇а, жаггавааго баан̣з на вихзтаяад̇и, звамзва ко, махаарааж̇а, яог̇инаа яог̇ааважарзна нихид̇ад̣̇ан̣д̣зна нихид̇асад̇т̇зна лаж̇ж̇инаа д̣̇аяаабаннзна саб̣б̣абаан̣абхууд̇ахид̇аанугамбинаа бхавид̇аб̣б̣ам̣. ид̣̇ам̣, махаарааж̇а, жаггаваагасса д̇ад̇ияам̣ ан̇г̇ам̣ г̇ахзд̇аб̣б̣ам̣. бхаасад̇амбзд̇ам̣, махаарааж̇а, бхаг̇авад̇аа д̣̇зваад̇ид̣̇звзна жаггаваагаж̇аад̇агз –
‘‘Puna caparaṃ, mahārāja, cakkavāko pāṇe na viheṭhayati, evameva kho, mahārāja, yoginā yogāvacarena nihitadaṇḍena nihitasatthena lajjinā dayāpannena sabbapāṇabhūtahitānukampinā bhavitabbaṃ. Idaṃ, mahārāja, cakkavākassa tatiyaṃ aṅgaṃ gahetabbaṃ. Bhāsatampetaṃ, mahārāja, bhagavatā devātidevena cakkavākajātake –
‘‘‘яо на ханд̇и на гхаад̇зд̇и, на ж̇инаад̇и на ж̇аабаяз;
‘‘‘Yo na hanti na ghāteti, na jināti na jāpaye;
мзд̇д̇ам̣со 1 саб̣б̣абхууд̇зсу, взрам̣ д̇асса на гзнажий’’’д̇и.
Mettaṃso 2 sabbabhūtesu, veraṃ tassa na kenacī’’’ti.
жаггавааган̇г̇абан̃хо д̣̇уд̇ияо.
Cakkavākaṅgapañho dutiyo.
Footnotes:
