| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
10. சக்கவத்திஅச்ச²ரியஸுத்தவண்ணனா
10. Cakkavattiacchariyasuttavaṇṇanā
130. த³ஸமே க²த்தியபரிஸாதி அபி⁴ஸித்தா அனபி⁴ஸித்தா ச க²த்தியா . தே ஹி கிர ‘‘ராஜா சக்கவத்தீ நாம அபி⁴ரூபோ பாஸாதி³கோ ஹோதி, ஆகாஸேன விசரந்தோ ரஜ்ஜங் அனுஸாஸதி, த⁴ம்மிகோ த⁴ம்மராஜா’’தி தஸ்ஸ கு³ணகத²ங் ஸுத்வா ஸவனேன த³ஸ்ஸனம்ஹி ஸமெந்தே அத்தமனா ஹொந்தி. பா⁴ஸதீதி ‘‘கத²ங், தாதா, ராஜத⁴ம்மங் பூரேத², பவேணிங் ரக்க²தா²’’தி படிஸந்தா²ரங் கரோதி. ப்³ராஹ்மணேஸு பன ‘‘கத²ஞ்ச, ஆசரியா, மந்தே வாசேத², அந்தேவாஸிகா மந்தே க³ண்ஹந்தி, த³க்கி²ணங் வா வத்தா²னி வா ஸீலங் வா லப⁴தா²’’தி ஏவங் படிஸந்தா²ரங் கரோதி. க³ஹபதீஸு ‘‘கத²ங், தாதா, ந வோ ராஜகுலதோ த³ண்டே³ன வா ப³ந்த⁴னேன வா பீளா அத்தி², ஸம்மா தே³வோ தா⁴ரங் அனுப்பவெச்ச²தி, ஸஸ்ஸானி ஸம்பஜ்ஜந்தீ’’தி ஏவங் படிஸந்தா²ரங் கரோதி. ஸமணேஸு ‘‘கத²ங், ப⁴ந்தே, கச்சி பப்³ப³ஜிதபரிக்கா²ரா ஸுலபா⁴, ஸமணத⁴ம்மே நப்பமஜ்ஜதா²’’தி ஏவங் படிஸந்தா²ரங் கரோதீதி.
130. Dasame khattiyaparisāti abhisittā anabhisittā ca khattiyā . Te hi kira ‘‘rājā cakkavattī nāma abhirūpo pāsādiko hoti, ākāsena vicaranto rajjaṃ anusāsati, dhammiko dhammarājā’’ti tassa guṇakathaṃ sutvā savanena dassanamhi samente attamanā honti. Bhāsatīti ‘‘kathaṃ, tātā, rājadhammaṃ pūretha, paveṇiṃ rakkhathā’’ti paṭisanthāraṃ karoti. Brāhmaṇesu pana ‘‘kathañca, ācariyā, mante vācetha, antevāsikā mante gaṇhanti, dakkhiṇaṃ vā vatthāni vā sīlaṃ vā labhathā’’ti evaṃ paṭisanthāraṃ karoti. Gahapatīsu ‘‘kathaṃ, tātā, na vo rājakulato daṇḍena vā bandhanena vā pīḷā atthi, sammā devo dhāraṃ anuppavecchati, sassāni sampajjantī’’ti evaṃ paṭisanthāraṃ karoti. Samaṇesu ‘‘kathaṃ, bhante, kacci pabbajitaparikkhārā sulabhā, samaṇadhamme nappamajjathā’’ti evaṃ paṭisanthāraṃ karotīti.
ப⁴யவக்³கோ³ ததியோ.
Bhayavaggo tatiyo.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 10. சக்கவத்திஅச்ச²ரியஸுத்தங் • 10. Cakkavattiacchariyasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 9-10. ஆனந்த³அச்ச²ரியஸுத்தாதி³வண்ணனா • 9-10. Ānandaacchariyasuttādivaṇṇanā
