| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၁၀. စက္ကဝတ္တိအစ္ဆရိယသုတ္တဝဏ္ဏနာ
10. Cakkavattiacchariyasuttavaṇṇanā
၁၃၀. ဒသမေ ခတ္တိယပရိသာတိ အဘိသိတ္တာ အနဘိသိတ္တာ စ ခတ္တိယာ ။ တေ ဟိ ကိရ ‘‘ရာဇာ စက္ကဝတ္တီ နာမ အဘိရူပော ပာသာဒိကော ဟောတိ, အာကာသေန ဝိစရန္တော ရဇ္ဇံ အနုသာသတိ, ဓမ္မိကော ဓမ္မရာဇာ’’တိ တသ္သ ဂုဏကထံ သုတ္ဝာ သဝနေန ဒသ္သနမ္ဟိ သမေန္တေ အတ္တမနာ ဟောန္တိ။ ဘာသတီတိ ‘‘ကထံ, တာတာ, ရာဇဓမ္မံ ပူရေထ, ပဝေဏိံ ရက္ခထာ’’တိ ပဋိသန္ထာရံ ကရောတိ။ ဗ္ရာဟ္မဏေသု ပန ‘‘ကထဉ္စ, အာစရိယာ, မန္တေ ဝာစေထ, အန္တေဝာသိကာ မန္တေ ဂဏ္ဟန္တိ, ဒက္ခိဏံ ဝာ ဝတ္ထာနိ ဝာ သီလံ ဝာ လဘထာ’’တိ ဧဝံ ပဋိသန္ထာရံ ကရောတိ။ ဂဟပတီသု ‘‘ကထံ, တာတာ, န ဝော ရာဇကုလတော ဒဏ္ဍေန ဝာ ဗန္ဓနေန ဝာ ပီဠာ အတ္ထိ, သမ္မာ ဒေဝော ဓာရံ အနုပ္ပဝေစ္ဆတိ, သသ္သာနိ သမ္ပဇ္ဇန္တီ’’တိ ဧဝံ ပဋိသန္ထာရံ ကရောတိ။ သမဏေသု ‘‘ကထံ, ဘန္တေ, ကစ္စိ ပဗ္ဗဇိတပရိက္ခာရာ သုလဘာ, သမဏဓမ္မေ နပ္ပမဇ္ဇထာ’’တိ ဧဝံ ပဋိသန္ထာရံ ကရောတီတိ။
130. Dasame khattiyaparisāti abhisittā anabhisittā ca khattiyā . Te hi kira ‘‘rājā cakkavattī nāma abhirūpo pāsādiko hoti, ākāsena vicaranto rajjaṃ anusāsati, dhammiko dhammarājā’’ti tassa guṇakathaṃ sutvā savanena dassanamhi samente attamanā honti. Bhāsatīti ‘‘kathaṃ, tātā, rājadhammaṃ pūretha, paveṇiṃ rakkhathā’’ti paṭisanthāraṃ karoti. Brāhmaṇesu pana ‘‘kathañca, ācariyā, mante vācetha, antevāsikā mante gaṇhanti, dakkhiṇaṃ vā vatthāni vā sīlaṃ vā labhathā’’ti evaṃ paṭisanthāraṃ karoti. Gahapatīsu ‘‘kathaṃ, tātā, na vo rājakulato daṇḍena vā bandhanena vā pīḷā atthi, sammā devo dhāraṃ anuppavecchati, sassāni sampajjantī’’ti evaṃ paṭisanthāraṃ karoti. Samaṇesu ‘‘kathaṃ, bhante, kacci pabbajitaparikkhārā sulabhā, samaṇadhamme nappamajjathā’’ti evaṃ paṭisanthāraṃ karotīti.
ဘယဝဂ္ဂော တတိယော။
Bhayavaggo tatiyo.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၁၀. စက္ကဝတ္တိအစ္ဆရိယသုတ္တံ • 10. Cakkavattiacchariyasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၉-၁၀. အာနန္ဒအစ္ဆရိယသုတ္တာဒိဝဏ္ဏနာ • 9-10. Ānandaacchariyasuttādivaṇṇanā
