| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༡༠. ཙཀྐཝཏྟིཨཙྪརིཡསུཏྟཝཎྞནཱ
10. Cakkavattiacchariyasuttavaṇṇanā
༡༣༠. དསམེ ཁཏྟིཡཔརིསཱཏི ཨབྷིསིཏྟཱ ཨནབྷིསིཏྟཱ ཙ ཁཏྟིཡཱ ། ཏེ ཧི ཀིར ‘‘རཱཛཱ ཙཀྐཝཏྟཱི ནཱམ ཨབྷིརཱུཔོ པཱསཱདིཀོ ཧོཏི, ཨཱཀཱསེན ཝིཙརནྟོ རཛྫཾ ཨནུསཱསཏི, དྷམྨིཀོ དྷམྨརཱཛཱ’’ཏི ཏསྶ གུཎཀཐཾ སུཏྭཱ སཝནེན དསྶནམྷི སམེནྟེ ཨཏྟམནཱ ཧོནྟི། བྷཱསཏཱིཏི ‘‘ཀཐཾ, ཏཱཏཱ, རཱཛདྷམྨཾ པཱུརེཐ, པཝེཎིཾ རཀྑཐཱ’’ཏི པཊིསནྠཱརཾ ཀརོཏི། བྲཱཧྨཎེསུ པན ‘‘ཀཐཉྩ, ཨཱཙརིཡཱ, མནྟེ ཝཱཙེཐ, ཨནྟེཝཱསིཀཱ མནྟེ གཎྷནྟི, དཀྑིཎཾ ཝཱ ཝཏྠཱནི ཝཱ སཱིལཾ ཝཱ ལབྷཐཱ’’ཏི ཨེཝཾ པཊིསནྠཱརཾ ཀརོཏི། གཧཔཏཱིསུ ‘‘ཀཐཾ, ཏཱཏཱ, ན ཝོ རཱཛཀུལཏོ དཎྜེན ཝཱ བནྡྷནེན ཝཱ པཱིལཱ༹ ཨཏྠི, སམྨཱ དེཝོ དྷཱརཾ ཨནུཔྤཝེཙྪཏི, སསྶཱནི སམྤཛྫནྟཱི’’ཏི ཨེཝཾ པཊིསནྠཱརཾ ཀརོཏི། སམཎེསུ ‘‘ཀཐཾ, བྷནྟེ, ཀཙྩི པབྦཛིཏཔརིཀྑཱརཱ སུལབྷཱ, སམཎདྷམྨེ ནཔྤམཛྫཐཱ’’ཏི ཨེཝཾ པཊིསནྠཱརཾ ཀརོཏཱིཏི།
130. Dasame khattiyaparisāti abhisittā anabhisittā ca khattiyā . Te hi kira ‘‘rājā cakkavattī nāma abhirūpo pāsādiko hoti, ākāsena vicaranto rajjaṃ anusāsati, dhammiko dhammarājā’’ti tassa guṇakathaṃ sutvā savanena dassanamhi samente attamanā honti. Bhāsatīti ‘‘kathaṃ, tātā, rājadhammaṃ pūretha, paveṇiṃ rakkhathā’’ti paṭisanthāraṃ karoti. Brāhmaṇesu pana ‘‘kathañca, ācariyā, mante vācetha, antevāsikā mante gaṇhanti, dakkhiṇaṃ vā vatthāni vā sīlaṃ vā labhathā’’ti evaṃ paṭisanthāraṃ karoti. Gahapatīsu ‘‘kathaṃ, tātā, na vo rājakulato daṇḍena vā bandhanena vā pīḷā atthi, sammā devo dhāraṃ anuppavecchati, sassāni sampajjantī’’ti evaṃ paṭisanthāraṃ karoti. Samaṇesu ‘‘kathaṃ, bhante, kacci pabbajitaparikkhārā sulabhā, samaṇadhamme nappamajjathā’’ti evaṃ paṭisanthāraṃ karotīti.
བྷཡཝགྒོ ཏཏིཡོ།
Bhayavaggo tatiyo.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༡༠. ཙཀྐཝཏྟིཨཙྪརིཡསུཏྟཾ • 10. Cakkavattiacchariyasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༩-༡༠. ཨཱནནྡཨཙྪརིཡསུཏྟཱདིཝཎྞནཱ • 9-10. Ānandaacchariyasuttādivaṇṇanā
