| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
11. сод̇аабад̇д̇исам̣яуд̇д̇ам̣
11. Sotāpattisaṃyuttaṃ
1. взл̣уд̣̇ваараваг̇г̇о
1. Veḷudvāravaggo
1. жаггавад̇д̇ирааж̇асуд̇д̇аван̣н̣анаа
1. Cakkavattirājasuttavaṇṇanā
997. сод̇аабад̇д̇исам̣яуд̇д̇асса батамз гин̃жаабийд̇и ануг̇г̇ахаг̇арахан̣зсу нибаад̇о. жад̇уннан̃хи махаад̣̇ийбаанам̣ иссарияаад̇хибажжам̣ раж̇ж̇ам̣ ануг̇г̇ан̣ханд̇о жад̇уннан̃жа абааяаанам̣ аббахийнабхаавам̣ г̇араханд̇о сад̇т̇аа ‘‘гин̃жааби, бхигкавз, рааж̇аа жаггавад̇д̇ий’’д̇иаад̣̇имааха. д̇ад̇т̇а жад̇уннам̣ д̣̇ийбаананд̇и д̣̇висахассад̣̇ийбабариваараанам̣ жад̇уннам̣ махаад̣̇ийбаанам̣. иссарияаад̇хибажжанд̇и иссарабхааво иссарияам̣, ад̇хибад̇ибхааво аад̇хибажжам̣, иссарияам̣ аад̇хибажжам̣ зд̇асмим̣ раж̇ж̇з, на чзд̣̇анабхзд̣̇ананд̇и иссарияаад̇хибажжам̣. гаарзд̇ваад̇и зваруубам̣ раж̇ж̇ам̣ бавад̇д̇аабзд̇ваа. гин̃жааби, бхигкавз, арияасаавагод̇и зд̇т̇а ануг̇г̇ахабасам̣саасу нибаад̇о. бин̣д̣ияаалобзна хи яаабанам̣ ануг̇г̇аханд̇о жад̇уннан̃жа абааяаанам̣ бахийнабхаавам̣ басам̣санд̇о сад̇т̇аа ‘‘гин̃жааби, бхигкавз, арияасааваго’’д̇иаад̣̇имааха. д̇ад̇т̇а нанд̇агаанийд̇и ананд̇агаани. д̇зрасахад̇т̇оби хи вад̇т̇асаадаго д̣̇асажчзд̣̇анад̇о бадтааяа нанд̇аганд̇зва сан̇кам̣ г̇ажчад̇и.
997. Sotāpattisaṃyuttassa paṭhame kiñcāpīti anuggahagarahaṇesu nipāto. Catunnañhi mahādīpānaṃ issariyādhipaccaṃ rajjaṃ anuggaṇhanto catunnañca apāyānaṃ appahīnabhāvaṃ garahanto satthā ‘‘kiñcāpi, bhikkhave, rājā cakkavattī’’tiādimāha. Tattha catunnaṃ dīpānanti dvisahassadīpaparivārānaṃ catunnaṃ mahādīpānaṃ. Issariyādhipaccanti issarabhāvo issariyaṃ, adhipatibhāvo ādhipaccaṃ, issariyaṃ ādhipaccaṃ etasmiṃ rajje, na chedanabhedananti issariyādhipaccaṃ. Kāretvāti evarūpaṃ rajjaṃ pavattāpetvā. Kiñcāpi, bhikkhave, ariyasāvakoti ettha anuggahapasaṃsāsu nipāto. Piṇḍiyālopena hi yāpanaṃ anuggahanto catunnañca apāyānaṃ pahīnabhāvaṃ pasaṃsanto satthā ‘‘kiñcāpi, bhikkhave, ariyasāvako’’tiādimāha. Tattha nantakānīti anantakāni. Terasahatthopi hi vatthasāṭako dasacchedanato paṭṭhāya nantakanteva saṅkhaṃ gacchati.
авзжжаббасаад̣̇знаад̇и ажалаббасаад̣̇зна. со банааяам̣ басаад̣̇о гим̣ зго, анзгод̇и? згова, со маг̇г̇зна ааг̇ад̇аббасаад̣̇о. язсу бана вад̇т̇уусу абуб̣б̣ам̣ ажаримам̣ рухад̇и, д̇зсам̣ васзна ‘‘б̣уд̣̇д̇хз авзжжаббасаад̣̇знаа’’д̇иаад̣̇инаа наязна д̇ид̇хаа вуд̇д̇о. яасмаа жа зго, д̇асмаава ниннаанаагаран̣о ход̇и. арияасаавагасса хи б̣уд̣̇д̇хзязва басаад̣̇о жа бзман̃жа г̇аараван̃жа маханд̇ам̣, на д̇хаммз ваа сан̇гхз ваа, д̇хаммзязва ваа маханд̇ам̣ , на б̣уд̣̇д̇хз ваа сан̇гхз ваа, сан̇гхзязва ваа маханд̇ам̣, на б̣уд̣̇д̇хз ваа д̇хаммз ваад̇и зд̇ам̣ над̇т̇и. ид̇иби со бхаг̇аваад̇иаад̣̇ийни висуд̣̇д̇химаг̇г̇з вид̇т̇аарид̇аанзва.
Aveccappasādenāti acalappasādena. So panāyaṃ pasādo kiṃ eko, anekoti? Ekova, so maggena āgatappasādo. Yesu pana vatthūsu apubbaṃ acarimaṃ ruhati, tesaṃ vasena ‘‘buddhe aveccappasādenā’’tiādinā nayena tidhā vutto. Yasmā ca eko, tasmāva ninnānākaraṇo hoti. Ariyasāvakassa hi buddheyeva pasādo ca pemañca gāravañca mahantaṃ, na dhamme vā saṅghe vā, dhammeyeva vā mahantaṃ , na buddhe vā saṅghe vā, saṅgheyeva vā mahantaṃ, na buddhe vā dhamme vāti etaṃ natthi. Itipi so bhagavātiādīni visuddhimagge vitthāritāneva.
арияаганд̇зхийд̇и арияаанам̣ ганд̇зхи биязхи манаабзхи. бан̃жа хи сийлаани бхаванд̇араг̇ад̇ааби арияаа на гобзнд̇и, звам̣ д̇зсам̣ бияаани. д̇аани санд̇хааязд̇ам̣ вуд̇д̇ам̣. акан̣д̣зхийд̇иаад̣̇и сад̣̇исавасзна вуд̇д̇ам̣. мукаваддияан̃хи чиннзгад̣̇зсаа баад̇и кан̣д̣аад̇и вужжад̇и, маж̇жхз бхиннаа чид̣̇д̣̇аад̇и, згасмим̣ бад̣̇зсз висабхааг̇аван̣н̣аа г̇аавий саб̣алаад̇и, наанааб̣инд̣̇ужид̇д̇аа гаммаасаад̇и, звамзва бадибаадияаа аад̣̇имхи ваа анд̇з ваа бхиннам̣ сийлам̣ кан̣д̣ам̣ наама, маж̇жхз бхиннам̣ чид̣̇д̣̇ам̣, яад̇т̇а гад̇т̇ажи д̣̇виннам̣ ваа д̇ин̣н̣ам̣ ваа бадибаадияаа бхиннад̇д̇аа саб̣алам̣, зганд̇арам̣ бхиннам̣ гаммаасам̣. д̇зсам̣ д̣̇осаанам̣ абхаавзна акан̣д̣аад̣̇ид̇аа взд̣̇ид̇аб̣б̣аа. бхуж̇иссзхийд̇и бхуж̇иссабхаавагарзхи. вин̃н̃уббасад̇т̇зхийд̇и б̣уд̣̇д̇хаад̣̇ийхи вин̃н̃уухи басам̣сид̇зхи. абараамадтзхийд̇и ‘‘ид̣̇ам̣ наама д̇аяаа гад̇ам̣, ид̣̇ам̣ вийд̇игганд̇а’’нд̇и звам̣ бараамасид̇ум̣ асаггун̣зяязхи. самаад̇хисам̣вад̇д̇анигзхийд̇и аббанаасамаад̇хим̣ убажаарасамаад̇хим̣ ваа сам̣вад̇д̇зд̇ум̣ самад̇т̇зхи.
Ariyakantehīti ariyānaṃ kantehi piyehi manāpehi. Pañca hi sīlāni bhavantaragatāpi ariyā na kopenti, evaṃ tesaṃ piyāni. Tāni sandhāyetaṃ vuttaṃ. Akhaṇḍehītiādi sadisavasena vuttaṃ. Mukhavaṭṭiyañhi chinnekadesā pāti khaṇḍāti vuccati, majjhe bhinnā chiddāti, ekasmiṃ padese visabhāgavaṇṇā gāvī sabalāti, nānābinducittā kammāsāti, evameva paṭipāṭiyā ādimhi vā ante vā bhinnaṃ sīlaṃ khaṇḍaṃ nāma, majjhe bhinnaṃ chiddaṃ, yattha katthaci dvinnaṃ vā tiṇṇaṃ vā paṭipāṭiyā bhinnattā sabalaṃ, ekantaraṃ bhinnaṃ kammāsaṃ. Tesaṃ dosānaṃ abhāvena akhaṇḍāditā veditabbā. Bhujissehīti bhujissabhāvakarehi. Viññuppasatthehīti buddhādīhi viññūhi pasaṃsitehi. Aparāmaṭṭhehīti ‘‘idaṃ nāma tayā kataṃ, idaṃ vītikkanta’’nti evaṃ parāmasituṃ asakkuṇeyyehi. Samādhisaṃvattanikehīti appanāsamādhiṃ upacārasamādhiṃ vā saṃvattetuṃ samatthehi.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. жаггавад̇д̇ирааж̇асуд̇д̇ам̣ • 1. Cakkavattirājasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. жаггавад̇д̇ирааж̇асуд̇д̇аван̣н̣анаа • 1. Cakkavattirājasuttavaṇṇanā
