| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
11. сод̇аабад̇д̇исам̣яуд̇д̇ам̣
11. Sotāpattisaṃyuttaṃ
1. взл̣уд̣̇ваараваг̇г̇о
1. Veḷudvāravaggo
1. жаггавад̇д̇ирааж̇асуд̇д̇аван̣н̣анаа
1. Cakkavattirājasuttavaṇṇanā
997. ануг̇г̇ахаг̇арахан̣зсу нибаад̇од̇и ануг̇г̇ан̣ханаг̇арахад̇т̇аж̇од̇аго нибаад̇о. гимзд̇т̇а ануг̇г̇ан̣хаад̇и, гим̣ ваа г̇арахад̇ийд̇и ааха ‘‘жад̇унна’’нд̇иаад̣̇и. д̇ад̇т̇а ануг̇г̇ан̣ханд̇о анужчавигам̣ гад̇ваа г̇ан̣ханд̇о. г̇араханд̇о нинд̣̇анд̇о. иссарасийло иссаро, д̇асса бхааво иссарияам̣, бабхуд̇аа. ад̇хийнам̣ бад̇и ад̇хибад̇и, д̇асса бхааво аад̇хибажжам̣, саамибхаавод̇и ааха – ‘‘иссарияаад̇хибажжа’’нд̇иаад̣̇и. ананд̇агаанийд̇и анд̇арахид̇аани.
997.Anuggahagarahaṇesunipātoti anuggaṇhanagarahatthajotako nipāto. Kimettha anuggaṇhāti, kiṃ vā garahatīti āha ‘‘catunna’’ntiādi. Tattha anuggaṇhanto anucchavikaṃ katvā gaṇhanto. Garahanto nindanto. Issarasīlo issaro, tassa bhāvo issariyaṃ, pabhutā. Adhīnaṃ pati adhipati, tassa bhāvo ādhipaccaṃ, sāmibhāvoti āha – ‘‘issariyādhipacca’’ntiādi. Anantakānīti antarahitāni.
авзжжаббасаад̣̇знаад̇и вад̇т̇уд̇д̇аяасса г̇ун̣з яаат̇аавад̇о авзжжа бависид̇ваа басаад̣̇о. со бана гзнажи жаланарахид̇од̇и ааха ‘‘ажалаббасаад̣̇знаа’’д̇и. маг̇г̇знаад̇и арияамаг̇г̇зна. ааг̇ад̇аббасаад̣̇о д̇асса ад̇хиг̇амзна лад̣̇д̇хаббасаад̣̇о. абуб̣б̣ам̣ ажариманд̇и згаж̇жхам̣. арияасаавагаанан̃хи арияамаг̇г̇о уббаж̇ж̇анд̇ова д̇ийсу вад̇т̇уусу авзжжаббасаад̣̇ам̣ ааваханд̇о зва уббаж̇ж̇ад̇и. д̇зсанд̇и висаяабхууд̇аанам̣ д̇ин̣н̣ам̣ вад̇т̇уунам̣ васзна д̇ид̇хаа вуд̇д̇о. яасмаа жа ад̇т̇ад̇о зго, д̇асмаава ниннаанаагаран̣о ход̇и бавад̇д̇адтаанабхзд̣̇з сад̇иби. арияасаавагасса хийд̇иаад̣̇инаа наязна д̇амад̇т̇ам̣ виварад̇и. басаад̣̇о огаббанаа. бзмам̣ бхад̇д̇и. г̇ааравам̣ г̇аругаран̣ам̣. маханд̇ам̣ ул̣аарам̣. зд̇ам̣ вибхааг̇зна над̇т̇и саб̣б̣ад̇т̇а самаанад̇д̇аа.
Aveccappasādenāti vatthuttayassa guṇe yāthāvato avecca pavisitvā pasādo. So pana kenaci calanarahitoti āha ‘‘acalappasādenā’’ti. Maggenāti ariyamaggena. Āgatappasādo tassa adhigamena laddhappasādo. Apubbaṃ acarimanti ekajjhaṃ. Ariyasāvakānañhi ariyamaggo uppajjantova tīsu vatthūsu aveccappasādaṃ āvahanto eva uppajjati. Tesanti visayabhūtānaṃ tiṇṇaṃ vatthūnaṃ vasena tidhā vutto. Yasmā ca atthato eko, tasmāva ninnānākaraṇo hoti pavattaṭṭhānabhede satipi. Ariyasāvakassa hītiādinā nayena tamatthaṃ vivarati. Pasādo okappanā. Pemaṃ bhatti. Gāravaṃ garukaraṇaṃ. Mahantaṃ uḷāraṃ. Etaṃ vibhāgena natthi sabbattha samānattā.
званд̇и бхаванд̇арзби агобанийяад̇ааяа. сад̣̇исавасзнаад̇и ан̃н̃зхи акан̣д̣аад̣̇ийхи сад̣̇исавасзна. д̇знааха ‘‘мукавадди яан̃хи чиннз’’д̇иаад̣̇и. кан̣д̣аа зд̇иссаа ад̇т̇ийд̇и кан̣д̣аа. зса наяо сзсзсуби. баад̇имогкз ааг̇ад̇аануггамзна сийласса аад̣̇имаж̇жхавибхааг̇о взд̣̇ид̇аб̣б̣о. д̣̇виннам̣ ваа д̇ин̣н̣ам̣ ваад̇и сийлагодтаасаанам̣. зганд̇арам̣ бхиннанд̇и абхиннзна зганд̇арам̣ худ̇ваа бхиннам̣. д̇зсам̣ кан̣д̣аад̣̇ийнам̣. ‘‘бхуж̇иссзхий’’д̇и уд̇д̇арабад̣̇алобзна нид̣̇д̣̇зсод̇и ааха ‘‘бхуж̇иссабхаавагарзхий’’д̇и. ид̣̇ам̣ вийд̇игганд̇анд̇и ид̣̇амби сийлам̣ вийд̇игганд̇ам̣. ‘‘аяам̣ сийласса вийд̇иггамо’’д̇и звам̣ бараамасид̇ум̣ асаггун̣зяязхи.
Evanti bhavantarepi akopanīyatāya. Sadisavasenāti aññehi akhaṇḍādīhi sadisavasena. Tenāha ‘‘mukhavaṭṭi yañhi chinne’’tiādi. Khaṇḍā etissā atthīti khaṇḍā. Esa nayo sesesupi. Pātimokkhe āgatānukkamena sīlassa ādimajjhavibhāgo veditabbo. Dvinnaṃ vā tiṇṇaṃ vāti sīlakoṭṭhāsānaṃ. Ekantaraṃ bhinnanti abhinnena ekantaraṃ hutvā bhinnaṃ. Tesaṃ khaṇḍādīnaṃ. ‘‘Bhujissehī’’ti uttarapadalopena niddesoti āha ‘‘bhujissabhāvakarehī’’ti. Idaṃvītikkantanti idampi sīlaṃ vītikkantaṃ. ‘‘Ayaṃ sīlassa vītikkamo’’ti evaṃ parāmasituṃ asakkuṇeyyehi.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. жаггавад̇д̇ирааж̇асуд̇д̇ам̣ • 1. Cakkavattirājasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. жаггавад̇д̇ирааж̇асуд̇д̇аван̣н̣анаа • 1. Cakkavattirājasuttavaṇṇanā
