| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੧੧. ਸੋਤਾਪਤ੍ਤਿਸਂਯੁਤ੍ਤਂ
11. Sotāpattisaṃyuttaṃ
੧. વੇਲ਼ੁਦ੍વਾਰવਗ੍ਗੋ
1. Veḷudvāravaggo
੧. ਚਕ੍ਕવਤ੍ਤਿਰਾਜਸੁਤ੍ਤવਣ੍ਣਨਾ
1. Cakkavattirājasuttavaṇṇanā
੯੯੭. ਸੋਤਾਪਤ੍ਤਿਸਂਯੁਤ੍ਤਸ੍ਸ ਪਠਮੇ ਕਿਞ੍ਚਾਪੀਤਿ ਅਨੁਗ੍ਗਹਗਰਹਣੇਸੁ ਨਿਪਾਤੋ। ਚਤੁਨ੍ਨਞ੍ਹਿ ਮਹਾਦੀਪਾਨਂ ਇਸ੍ਸਰਿਯਾਧਿਪਚ੍ਚਂ ਰਜ੍ਜਂ ਅਨੁਗ੍ਗਣ੍ਹਨ੍ਤੋ ਚਤੁਨ੍ਨਞ੍ਚ ਅਪਾਯਾਨਂ ਅਪ੍ਪਹੀਨਭਾવਂ ਗਰਹਨ੍ਤੋ ਸਤ੍ਥਾ ‘‘ਕਿਞ੍ਚਾਪਿ, ਭਿਕ੍ਖવੇ, ਰਾਜਾ ਚਕ੍ਕવਤ੍ਤੀ’’ਤਿਆਦਿਮਾਹ। ਤਤ੍ਥ ਚਤੁਨ੍ਨਂ ਦੀਪਾਨਨ੍ਤਿ ਦ੍વਿਸਹਸ੍ਸਦੀਪਪਰਿવਾਰਾਨਂ ਚਤੁਨ੍ਨਂ ਮਹਾਦੀਪਾਨਂ। ਇਸ੍ਸਰਿਯਾਧਿਪਚ੍ਚਨ੍ਤਿ ਇਸ੍ਸਰਭਾવੋ ਇਸ੍ਸਰਿਯਂ, ਅਧਿਪਤਿਭਾવੋ ਆਧਿਪਚ੍ਚਂ, ਇਸ੍ਸਰਿਯਂ ਆਧਿਪਚ੍ਚਂ ਏਤਸ੍ਮਿਂ ਰਜ੍ਜੇ, ਨ ਛੇਦਨਭੇਦਨਨ੍ਤਿ ਇਸ੍ਸਰਿਯਾਧਿਪਚ੍ਚਂ। ਕਾਰੇਤ੍વਾਤਿ ਏવਰੂਪਂ ਰਜ੍ਜਂ ਪવਤ੍ਤਾਪੇਤ੍વਾ। ਕਿਞ੍ਚਾਪਿ, ਭਿਕ੍ਖવੇ, ਅਰਿਯਸਾવਕੋਤਿ ਏਤ੍ਥ ਅਨੁਗ੍ਗਹਪਸਂਸਾਸੁ ਨਿਪਾਤੋ। ਪਿਣ੍ਡਿਯਾਲੋਪੇਨ ਹਿ ਯਾਪਨਂ ਅਨੁਗ੍ਗਹਨ੍ਤੋ ਚਤੁਨ੍ਨਞ੍ਚ ਅਪਾਯਾਨਂ ਪਹੀਨਭਾવਂ ਪਸਂਸਨ੍ਤੋ ਸਤ੍ਥਾ ‘‘ਕਿਞ੍ਚਾਪਿ, ਭਿਕ੍ਖવੇ, ਅਰਿਯਸਾવਕੋ’’ਤਿਆਦਿਮਾਹ। ਤਤ੍ਥ ਨਨ੍ਤਕਾਨੀਤਿ ਅਨਨ੍ਤਕਾਨਿ। ਤੇਰਸਹਤ੍ਥੋਪਿ ਹਿ વਤ੍ਥਸਾਟਕੋ ਦਸਚ੍ਛੇਦਨਤੋ ਪਟ੍ਠਾਯ ਨਨ੍ਤਕਨ੍ਤੇવ ਸਙ੍ਖਂ ਗਚ੍ਛਤਿ।
997. Sotāpattisaṃyuttassa paṭhame kiñcāpīti anuggahagarahaṇesu nipāto. Catunnañhi mahādīpānaṃ issariyādhipaccaṃ rajjaṃ anuggaṇhanto catunnañca apāyānaṃ appahīnabhāvaṃ garahanto satthā ‘‘kiñcāpi, bhikkhave, rājā cakkavattī’’tiādimāha. Tattha catunnaṃ dīpānanti dvisahassadīpaparivārānaṃ catunnaṃ mahādīpānaṃ. Issariyādhipaccanti issarabhāvo issariyaṃ, adhipatibhāvo ādhipaccaṃ, issariyaṃ ādhipaccaṃ etasmiṃ rajje, na chedanabhedananti issariyādhipaccaṃ. Kāretvāti evarūpaṃ rajjaṃ pavattāpetvā. Kiñcāpi, bhikkhave, ariyasāvakoti ettha anuggahapasaṃsāsu nipāto. Piṇḍiyālopena hi yāpanaṃ anuggahanto catunnañca apāyānaṃ pahīnabhāvaṃ pasaṃsanto satthā ‘‘kiñcāpi, bhikkhave, ariyasāvako’’tiādimāha. Tattha nantakānīti anantakāni. Terasahatthopi hi vatthasāṭako dasacchedanato paṭṭhāya nantakanteva saṅkhaṃ gacchati.
ਅવੇਚ੍ਚਪ੍ਪਸਾਦੇਨਾਤਿ ਅਚਲਪ੍ਪਸਾਦੇਨ। ਸੋ ਪਨਾਯਂ ਪਸਾਦੋ ਕਿਂ ਏਕੋ, ਅਨੇਕੋਤਿ? ਏਕੋવ, ਸੋ ਮਗ੍ਗੇਨ ਆਗਤਪ੍ਪਸਾਦੋ। ਯੇਸੁ ਪਨ વਤ੍ਥੂਸੁ ਅਪੁਬ੍ਬਂ ਅਚਰਿਮਂ ਰੁਹਤਿ, ਤੇਸਂ વਸੇਨ ‘‘ਬੁਦ੍ਧੇ ਅવੇਚ੍ਚਪ੍ਪਸਾਦੇਨਾ’’ਤਿਆਦਿਨਾ ਨਯੇਨ ਤਿਧਾ વੁਤ੍ਤੋ। ਯਸ੍ਮਾ ਚ ਏਕੋ, ਤਸ੍ਮਾવ ਨਿਨ੍ਨਾਨਾਕਰਣੋ ਹੋਤਿ। ਅਰਿਯਸਾવਕਸ੍ਸ ਹਿ ਬੁਦ੍ਧੇਯੇવ ਪਸਾਦੋ ਚ ਪੇਮਞ੍ਚ ਗਾਰવਞ੍ਚ ਮਹਨ੍ਤਂ, ਨ ਧਮ੍ਮੇ વਾ ਸਙ੍ਘੇ વਾ, ਧਮ੍ਮੇਯੇવ વਾ ਮਹਨ੍ਤਂ , ਨ ਬੁਦ੍ਧੇ વਾ ਸਙ੍ਘੇ વਾ, ਸਙ੍ਘੇਯੇવ વਾ ਮਹਨ੍ਤਂ, ਨ ਬੁਦ੍ਧੇ વਾ ਧਮ੍ਮੇ વਾਤਿ ਏਤਂ ਨਤ੍ਥਿ। ਇਤਿਪਿ ਸੋ ਭਗવਾਤਿਆਦੀਨਿ વਿਸੁਦ੍ਧਿਮਗ੍ਗੇ વਿਤ੍ਥਾਰਿਤਾਨੇવ।
Aveccappasādenāti acalappasādena. So panāyaṃ pasādo kiṃ eko, anekoti? Ekova, so maggena āgatappasādo. Yesu pana vatthūsu apubbaṃ acarimaṃ ruhati, tesaṃ vasena ‘‘buddhe aveccappasādenā’’tiādinā nayena tidhā vutto. Yasmā ca eko, tasmāva ninnānākaraṇo hoti. Ariyasāvakassa hi buddheyeva pasādo ca pemañca gāravañca mahantaṃ, na dhamme vā saṅghe vā, dhammeyeva vā mahantaṃ , na buddhe vā saṅghe vā, saṅgheyeva vā mahantaṃ, na buddhe vā dhamme vāti etaṃ natthi. Itipi so bhagavātiādīni visuddhimagge vitthāritāneva.
ਅਰਿਯਕਨ੍ਤੇਹੀਤਿ ਅਰਿਯਾਨਂ ਕਨ੍ਤੇਹਿ ਪਿਯੇਹਿ ਮਨਾਪੇਹਿ। ਪਞ੍ਚ ਹਿ ਸੀਲਾਨਿ ਭવਨ੍ਤਰਗਤਾਪਿ ਅਰਿਯਾ ਨ ਕੋਪੇਨ੍ਤਿ, ਏવਂ ਤੇਸਂ ਪਿਯਾਨਿ। ਤਾਨਿ ਸਨ੍ਧਾਯੇਤਂ વੁਤ੍ਤਂ। ਅਖਣ੍ਡੇਹੀਤਿਆਦਿ ਸਦਿਸવਸੇਨ વੁਤ੍ਤਂ। ਮੁਖવਟ੍ਟਿਯਞ੍ਹਿ ਛਿਨ੍ਨੇਕਦੇਸਾ ਪਾਤਿ ਖਣ੍ਡਾਤਿ વੁਚ੍ਚਤਿ, ਮਜ੍ਝੇ ਭਿਨ੍ਨਾ ਛਿਦ੍ਦਾਤਿ, ਏਕਸ੍ਮਿਂ ਪਦੇਸੇ વਿਸਭਾਗવਣ੍ਣਾ ਗਾવੀ ਸਬਲਾਤਿ, ਨਾਨਾਬਿਨ੍ਦੁਚਿਤ੍ਤਾ ਕਮ੍ਮਾਸਾਤਿ, ਏવਮੇવ ਪਟਿਪਾਟਿਯਾ ਆਦਿਮ੍ਹਿ વਾ ਅਨ੍ਤੇ વਾ ਭਿਨ੍ਨਂ ਸੀਲਂ ਖਣ੍ਡਂ ਨਾਮ, ਮਜ੍ਝੇ ਭਿਨ੍ਨਂ ਛਿਦ੍ਦਂ, ਯਤ੍ਥ ਕਤ੍ਥਚਿ ਦ੍વਿਨ੍ਨਂ વਾ ਤਿਣ੍ਣਂ વਾ ਪਟਿਪਾਟਿਯਾ ਭਿਨ੍ਨਤ੍ਤਾ ਸਬਲਂ, ਏਕਨ੍ਤਰਂ ਭਿਨ੍ਨਂ ਕਮ੍ਮਾਸਂ। ਤੇਸਂ ਦੋਸਾਨਂ ਅਭਾવੇਨ ਅਖਣ੍ਡਾਦਿਤਾ વੇਦਿਤਬ੍ਬਾ। ਭੁਜਿਸ੍ਸੇਹੀਤਿ ਭੁਜਿਸ੍ਸਭਾવਕਰੇਹਿ। વਿਞ੍ਞੁਪ੍ਪਸਤ੍ਥੇਹੀਤਿ ਬੁਦ੍ਧਾਦੀਹਿ વਿਞ੍ਞੂਹਿ ਪਸਂਸਿਤੇਹਿ। ਅਪਰਾਮਟ੍ਠੇਹੀਤਿ ‘‘ਇਦਂ ਨਾਮ ਤਯਾ ਕਤਂ, ਇਦਂ વੀਤਿਕ੍ਕਨ੍ਤ’’ਨ੍ਤਿ ਏવਂ ਪਰਾਮਸਿਤੁਂ ਅਸਕ੍ਕੁਣੇਯ੍ਯੇਹਿ। ਸਮਾਧਿਸਂવਤ੍ਤਨਿਕੇਹੀਤਿ ਅਪ੍ਪਨਾਸਮਾਧਿਂ ਉਪਚਾਰਸਮਾਧਿਂ વਾ ਸਂવਤ੍ਤੇਤੁਂ ਸਮਤ੍ਥੇਹਿ।
Ariyakantehīti ariyānaṃ kantehi piyehi manāpehi. Pañca hi sīlāni bhavantaragatāpi ariyā na kopenti, evaṃ tesaṃ piyāni. Tāni sandhāyetaṃ vuttaṃ. Akhaṇḍehītiādi sadisavasena vuttaṃ. Mukhavaṭṭiyañhi chinnekadesā pāti khaṇḍāti vuccati, majjhe bhinnā chiddāti, ekasmiṃ padese visabhāgavaṇṇā gāvī sabalāti, nānābinducittā kammāsāti, evameva paṭipāṭiyā ādimhi vā ante vā bhinnaṃ sīlaṃ khaṇḍaṃ nāma, majjhe bhinnaṃ chiddaṃ, yattha katthaci dvinnaṃ vā tiṇṇaṃ vā paṭipāṭiyā bhinnattā sabalaṃ, ekantaraṃ bhinnaṃ kammāsaṃ. Tesaṃ dosānaṃ abhāvena akhaṇḍāditā veditabbā. Bhujissehīti bhujissabhāvakarehi. Viññuppasatthehīti buddhādīhi viññūhi pasaṃsitehi. Aparāmaṭṭhehīti ‘‘idaṃ nāma tayā kataṃ, idaṃ vītikkanta’’nti evaṃ parāmasituṃ asakkuṇeyyehi. Samādhisaṃvattanikehīti appanāsamādhiṃ upacārasamādhiṃ vā saṃvattetuṃ samatthehi.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. ਚਕ੍ਕવਤ੍ਤਿਰਾਜਸੁਤ੍ਤਂ • 1. Cakkavattirājasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧. ਚਕ੍ਕવਤ੍ਤਿਰਾਜਸੁਤ੍ਤવਣ੍ਣਨਾ • 1. Cakkavattirājasuttavaṇṇanā
