| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੧੧. ਸੋਤਾਪਤ੍ਤਿਸਂਯੁਤ੍ਤਂ
11. Sotāpattisaṃyuttaṃ
੧. વੇਲ਼ੁਦ੍વਾਰવਗ੍ਗੋ
1. Veḷudvāravaggo
੧. ਚਕ੍ਕવਤ੍ਤਿਰਾਜਸੁਤ੍ਤવਣ੍ਣਨਾ
1. Cakkavattirājasuttavaṇṇanā
੯੯੭. ਅਨੁਗ੍ਗਹਗਰਹਣੇਸੁ ਨਿਪਾਤੋਤਿ ਅਨੁਗ੍ਗਣ੍ਹਨਗਰਹਤ੍ਥਜੋਤਕੋ ਨਿਪਾਤੋ। ਕਿਮੇਤ੍ਥ ਅਨੁਗ੍ਗਣ੍ਹਾਤਿ, ਕਿਂ વਾ ਗਰਹਤੀਤਿ ਆਹ ‘‘ਚਤੁਨ੍ਨ’’ਨ੍ਤਿਆਦਿ। ਤਤ੍ਥ ਅਨੁਗ੍ਗਣ੍ਹਨ੍ਤੋ ਅਨੁਚ੍ਛવਿਕਂ ਕਤ੍વਾ ਗਣ੍ਹਨ੍ਤੋ। ਗਰਹਨ੍ਤੋ ਨਿਨ੍ਦਨ੍ਤੋ। ਇਸ੍ਸਰਸੀਲੋ ਇਸ੍ਸਰੋ, ਤਸ੍ਸ ਭਾવੋ ਇਸ੍ਸਰਿਯਂ, ਪਭੁਤਾ। ਅਧੀਨਂ ਪਤਿ ਅਧਿਪਤਿ, ਤਸ੍ਸ ਭਾવੋ ਆਧਿਪਚ੍ਚਂ, ਸਾਮਿਭਾવੋਤਿ ਆਹ – ‘‘ਇਸ੍ਸਰਿਯਾਧਿਪਚ੍ਚ’’ਨ੍ਤਿਆਦਿ। ਅਨਨ੍ਤਕਾਨੀਤਿ ਅਨ੍ਤਰਹਿਤਾਨਿ।
997.Anuggahagarahaṇesunipātoti anuggaṇhanagarahatthajotako nipāto. Kimettha anuggaṇhāti, kiṃ vā garahatīti āha ‘‘catunna’’ntiādi. Tattha anuggaṇhanto anucchavikaṃ katvā gaṇhanto. Garahanto nindanto. Issarasīlo issaro, tassa bhāvo issariyaṃ, pabhutā. Adhīnaṃ pati adhipati, tassa bhāvo ādhipaccaṃ, sāmibhāvoti āha – ‘‘issariyādhipacca’’ntiādi. Anantakānīti antarahitāni.
ਅવੇਚ੍ਚਪ੍ਪਸਾਦੇਨਾਤਿ વਤ੍ਥੁਤ੍ਤਯਸ੍ਸ ਗੁਣੇ ਯਾਥਾવਤੋ ਅવੇਚ੍ਚ ਪવਿਸਿਤ੍વਾ ਪਸਾਦੋ। ਸੋ ਪਨ ਕੇਨਚਿ ਚਲਨਰਹਿਤੋਤਿ ਆਹ ‘‘ਅਚਲਪ੍ਪਸਾਦੇਨਾ’’ਤਿ। ਮਗ੍ਗੇਨਾਤਿ ਅਰਿਯਮਗ੍ਗੇਨ। ਆਗਤਪ੍ਪਸਾਦੋ ਤਸ੍ਸ ਅਧਿਗਮੇਨ ਲਦ੍ਧਪ੍ਪਸਾਦੋ। ਅਪੁਬ੍ਬਂ ਅਚਰਿਮਨ੍ਤਿ ਏਕਜ੍ਝਂ। ਅਰਿਯਸਾવਕਾਨਞ੍ਹਿ ਅਰਿਯਮਗ੍ਗੋ ਉਪ੍ਪਜ੍ਜਨ੍ਤੋવ ਤੀਸੁ વਤ੍ਥੂਸੁ ਅવੇਚ੍ਚਪ੍ਪਸਾਦਂ ਆવਹਨ੍ਤੋ ਏવ ਉਪ੍ਪਜ੍ਜਤਿ। ਤੇਸਨ੍ਤਿ વਿਸਯਭੂਤਾਨਂ ਤਿਣ੍ਣਂ વਤ੍ਥੂਨਂ વਸੇਨ ਤਿਧਾ વੁਤ੍ਤੋ। ਯਸ੍ਮਾ ਚ ਅਤ੍ਥਤੋ ਏਕੋ, ਤਸ੍ਮਾવ ਨਿਨ੍ਨਾਨਾਕਰਣੋ ਹੋਤਿ ਪવਤ੍ਤਟ੍ਠਾਨਭੇਦੇ ਸਤਿਪਿ। ਅਰਿਯਸਾવਕਸ੍ਸ ਹੀਤਿਆਦਿਨਾ ਨਯੇਨ ਤਮਤ੍ਥਂ વਿવਰਤਿ। ਪਸਾਦੋ ਓਕਪ੍ਪਨਾ। ਪੇਮਂ ਭਤ੍ਤਿ। ਗਾਰવਂ ਗਰੁਕਰਣਂ। ਮਹਨ੍ਤਂ ਉਲ਼ਾਰਂ। ਏਤਂ વਿਭਾਗੇਨ ਨਤ੍ਥਿ ਸਬ੍ਬਤ੍ਥ ਸਮਾਨਤ੍ਤਾ।
Aveccappasādenāti vatthuttayassa guṇe yāthāvato avecca pavisitvā pasādo. So pana kenaci calanarahitoti āha ‘‘acalappasādenā’’ti. Maggenāti ariyamaggena. Āgatappasādo tassa adhigamena laddhappasādo. Apubbaṃ acarimanti ekajjhaṃ. Ariyasāvakānañhi ariyamaggo uppajjantova tīsu vatthūsu aveccappasādaṃ āvahanto eva uppajjati. Tesanti visayabhūtānaṃ tiṇṇaṃ vatthūnaṃ vasena tidhā vutto. Yasmā ca atthato eko, tasmāva ninnānākaraṇo hoti pavattaṭṭhānabhede satipi. Ariyasāvakassa hītiādinā nayena tamatthaṃ vivarati. Pasādo okappanā. Pemaṃ bhatti. Gāravaṃ garukaraṇaṃ. Mahantaṃ uḷāraṃ. Etaṃ vibhāgena natthi sabbattha samānattā.
ਏવਨ੍ਤਿ ਭવਨ੍ਤਰੇਪਿ ਅਕੋਪਨੀਯਤਾਯ। ਸਦਿਸવਸੇਨਾਤਿ ਅਞ੍ਞੇਹਿ ਅਖਣ੍ਡਾਦੀਹਿ ਸਦਿਸવਸੇਨ। ਤੇਨਾਹ ‘‘ਮੁਖવਟ੍ਟਿ ਯਞ੍ਹਿ ਛਿਨ੍ਨੇ’’ਤਿਆਦਿ। ਖਣ੍ਡਾ ਏਤਿਸ੍ਸਾ ਅਤ੍ਥੀਤਿ ਖਣ੍ਡਾ। ਏਸ ਨਯੋ ਸੇਸੇਸੁਪਿ। ਪਾਤਿਮੋਕ੍ਖੇ ਆਗਤਾਨੁਕ੍ਕਮੇਨ ਸੀਲਸ੍ਸ ਆਦਿਮਜ੍ਝવਿਭਾਗੋ વੇਦਿਤਬ੍ਬੋ। ਦ੍વਿਨ੍ਨਂ વਾ ਤਿਣ੍ਣਂ વਾਤਿ ਸੀਲਕੋਟ੍ਠਾਸਾਨਂ। ਏਕਨ੍ਤਰਂ ਭਿਨ੍ਨਨ੍ਤਿ ਅਭਿਨ੍ਨੇਨ ਏਕਨ੍ਤਰਂ ਹੁਤ੍વਾ ਭਿਨ੍ਨਂ। ਤੇਸਂ ਖਣ੍ਡਾਦੀਨਂ। ‘‘ਭੁਜਿਸ੍ਸੇਹੀ’’ਤਿ ਉਤ੍ਤਰਪਦਲੋਪੇਨ ਨਿਦ੍ਦੇਸੋਤਿ ਆਹ ‘‘ਭੁਜਿਸ੍ਸਭਾવਕਰੇਹੀ’’ਤਿ। ਇਦਂ વੀਤਿਕ੍ਕਨ੍ਤਨ੍ਤਿ ਇਦਮ੍ਪਿ ਸੀਲਂ વੀਤਿਕ੍ਕਨ੍ਤਂ। ‘‘ਅਯਂ ਸੀਲਸ੍ਸ વੀਤਿਕ੍ਕਮੋ’’ਤਿ ਏવਂ ਪਰਾਮਸਿਤੁਂ ਅਸਕ੍ਕੁਣੇਯ੍ਯੇਹਿ।
Evanti bhavantarepi akopanīyatāya. Sadisavasenāti aññehi akhaṇḍādīhi sadisavasena. Tenāha ‘‘mukhavaṭṭi yañhi chinne’’tiādi. Khaṇḍā etissā atthīti khaṇḍā. Esa nayo sesesupi. Pātimokkhe āgatānukkamena sīlassa ādimajjhavibhāgo veditabbo. Dvinnaṃ vā tiṇṇaṃ vāti sīlakoṭṭhāsānaṃ. Ekantaraṃ bhinnanti abhinnena ekantaraṃ hutvā bhinnaṃ. Tesaṃ khaṇḍādīnaṃ. ‘‘Bhujissehī’’ti uttarapadalopena niddesoti āha ‘‘bhujissabhāvakarehī’’ti. Idaṃvītikkantanti idampi sīlaṃ vītikkantaṃ. ‘‘Ayaṃ sīlassa vītikkamo’’ti evaṃ parāmasituṃ asakkuṇeyyehi.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. ਚਕ੍ਕવਤ੍ਤਿਰਾਜਸੁਤ੍ਤਂ • 1. Cakkavattirājasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧. ਚਕ੍ਕવਤ੍ਤਿਰਾਜਸੁਤ੍ਤવਣ੍ਣਨਾ • 1. Cakkavattirājasuttavaṇṇanā
