| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
2. சக்கவத்திஸுத்தங்
2. Cakkavattisuttaṃ
223. ‘‘ரஞ்ஞோ , பி⁴க்க²வே, சக்கவத்திஸ்ஸ பாதுபா⁴வா ஸத்தன்னங் ரதனானங் பாதுபா⁴வோ ஹோதி. கதமேஸங் ஸத்தன்னங்? சக்கரதனஸ்ஸ பாதுபா⁴வோ ஹோதி, ஹத்தி²ரதனஸ்ஸ பாதுபா⁴வோ ஹோதி, அஸ்ஸரதனஸ்ஸ பாதுபா⁴வோ ஹோதி, மணிரதனஸ்ஸ பாதுபா⁴வோ ஹோதி, இத்தி²ரதனஸ்ஸ பாதுபா⁴வோ ஹோதி, க³ஹபதிரதனஸ்ஸ பாதுபா⁴வோ ஹோதி, பரிணாயகரதனஸ்ஸ பாதுபா⁴வோ ஹோதி . ரஞ்ஞோ, பி⁴க்க²வே, சக்கவத்திஸ்ஸ பாதுபா⁴வா இமேஸங் ஸத்தன்னங் ரதனானங் பாதுபா⁴வோ ஹோதி.
223. ‘‘Rañño , bhikkhave, cakkavattissa pātubhāvā sattannaṃ ratanānaṃ pātubhāvo hoti. Katamesaṃ sattannaṃ? Cakkaratanassa pātubhāvo hoti, hatthiratanassa pātubhāvo hoti, assaratanassa pātubhāvo hoti, maṇiratanassa pātubhāvo hoti, itthiratanassa pātubhāvo hoti, gahapatiratanassa pātubhāvo hoti, pariṇāyakaratanassa pātubhāvo hoti . Rañño, bhikkhave, cakkavattissa pātubhāvā imesaṃ sattannaṃ ratanānaṃ pātubhāvo hoti.
‘‘ததா²க³தஸ்ஸ, பி⁴க்க²வே, பாதுபா⁴வா அரஹதோ ஸம்மாஸம்பு³த்³த⁴ஸ்ஸ ஸத்தன்னங் பொ³ஜ்ஜ²ங்க³ரதனானங் பாதுபா⁴வோ ஹோதி. கதமேஸங் ஸத்தன்னங்? ஸதிஸம்பொ³ஜ்ஜ²ங்க³ஸ்ஸ ரதனஸ்ஸ பாதுபா⁴வோ ஹோதி…பே॰… உபெக்கா²ஸம்பொ³ஜ்ஜ²ங்க³ஸ்ஸ ரதனஸ்ஸ பாதுபா⁴வோ ஹோதி. ததா²க³தஸ்ஸ, பி⁴க்க²வே, பாதுபா⁴வா அரஹதோ ஸம்மாஸம்பு³த்³த⁴ஸ்ஸ இமேஸங் ஸத்தன்னங் பொ³ஜ்ஜ²ங்க³ரதனானங் பாதுபா⁴வோ ஹோதீ’’தி. து³தியங்.
‘‘Tathāgatassa, bhikkhave, pātubhāvā arahato sammāsambuddhassa sattannaṃ bojjhaṅgaratanānaṃ pātubhāvo hoti. Katamesaṃ sattannaṃ? Satisambojjhaṅgassa ratanassa pātubhāvo hoti…pe… upekkhāsambojjhaṅgassa ratanassa pātubhāvo hoti. Tathāgatassa, bhikkhave, pātubhāvā arahato sammāsambuddhassa imesaṃ sattannaṃ bojjhaṅgaratanānaṃ pātubhāvo hotī’’ti. Dutiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 2. சக்கவத்திஸுத்தவண்ணனா • 2. Cakkavattisuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 2. சக்கவத்திஸுத்தவண்ணனா • 2. Cakkavattisuttavaṇṇanā
