| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
২. চক্কৰত্তিসুত্তং
2. Cakkavattisuttaṃ
২২৩. ‘‘রঞ্ঞো , ভিক্খৰে, চক্কৰত্তিস্স পাতুভাৰা সত্তন্নং রতনানং পাতুভাৰো হোতি। কতমেসং সত্তন্নং? চক্করতনস্স পাতুভাৰো হোতি, হত্থিরতনস্স পাতুভাৰো হোতি, অস্সরতনস্স পাতুভাৰো হোতি, মণিরতনস্স পাতুভাৰো হোতি, ইত্থিরতনস্স পাতুভাৰো হোতি, গহপতিরতনস্স পাতুভাৰো হোতি, পরিণাযকরতনস্স পাতুভাৰো হোতি । রঞ্ঞো, ভিক্খৰে, চক্কৰত্তিস্স পাতুভাৰা ইমেসং সত্তন্নং রতনানং পাতুভাৰো হোতি।
223. ‘‘Rañño , bhikkhave, cakkavattissa pātubhāvā sattannaṃ ratanānaṃ pātubhāvo hoti. Katamesaṃ sattannaṃ? Cakkaratanassa pātubhāvo hoti, hatthiratanassa pātubhāvo hoti, assaratanassa pātubhāvo hoti, maṇiratanassa pātubhāvo hoti, itthiratanassa pātubhāvo hoti, gahapatiratanassa pātubhāvo hoti, pariṇāyakaratanassa pātubhāvo hoti . Rañño, bhikkhave, cakkavattissa pātubhāvā imesaṃ sattannaṃ ratanānaṃ pātubhāvo hoti.
‘‘তথাগতস্স, ভিক্খৰে, পাতুভাৰা অরহতো সম্মাসম্বুদ্ধস্স সত্তন্নং বোজ্ঝঙ্গরতনানং পাতুভাৰো হোতি। কতমেসং সত্তন্নং? সতিসম্বোজ্ঝঙ্গস্স রতনস্স পাতুভাৰো হোতি…পে॰… উপেক্খাসম্বোজ্ঝঙ্গস্স রতনস্স পাতুভাৰো হোতি। তথাগতস্স, ভিক্খৰে, পাতুভাৰা অরহতো সম্মাসম্বুদ্ধস্স ইমেসং সত্তন্নং বোজ্ঝঙ্গরতনানং পাতুভাৰো হোতী’’তি। দুতিযং।
‘‘Tathāgatassa, bhikkhave, pātubhāvā arahato sammāsambuddhassa sattannaṃ bojjhaṅgaratanānaṃ pātubhāvo hoti. Katamesaṃ sattannaṃ? Satisambojjhaṅgassa ratanassa pātubhāvo hoti…pe… upekkhāsambojjhaṅgassa ratanassa pātubhāvo hoti. Tathāgatassa, bhikkhave, pātubhāvā arahato sammāsambuddhassa imesaṃ sattannaṃ bojjhaṅgaratanānaṃ pātubhāvo hotī’’ti. Dutiyaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ২. চক্কৰত্তিসুত্তৰণ্ণনা • 2. Cakkavattisuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ২. চক্কৰত্তিসুত্তৰণ্ণনা • 2. Cakkavattisuttavaṇṇanā
