| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
4. жаггавад̇д̇исуд̇д̇ам̣
4. Cakkavattisuttaṃ
14. ‘‘яоби со, бхигкавз, рааж̇аа жаггавад̇д̇ий д̇хаммиго д̇хаммарааж̇аа соби на арааж̇агам̣ жаггам̣ вад̇д̇зд̇ий’’д̇и. звам̣ вуд̇д̇з ан̃н̃ад̇аро бхигку бхаг̇аванд̇ам̣ зд̇ад̣̇авожа – ‘‘го бана, бханд̇з, ран̃н̃о жаггавад̇д̇исса д̇хаммигасса д̇хаммаран̃н̃о рааж̇аа’’д̇и 1? ‘‘д̇хаммо, бхигкуу’’д̇и бхаг̇аваа авожа – ‘‘ид̇ха, бхигку, рааж̇аа жаггавад̇д̇ий д̇хаммиго д̇хаммарааж̇аа д̇хаммам̣язва ниссааяа 2 д̇хаммам̣ саггаронд̇о д̇хаммам̣ г̇арум̣ гаронд̇о д̇хаммам̣ абажааяамаано д̇хаммад̣̇д̇хаж̇о д̇хаммагзд̇у д̇хаммаад̇хибад̇зяяо д̇хаммигам̣ рагкааваран̣аг̇уд̇д̇им̣ сам̣вид̣̇ахад̇и анд̇ож̇анасмим̣’’.
14. ‘‘Yopi so, bhikkhave, rājā cakkavattī dhammiko dhammarājā sopi na arājakaṃ cakkaṃ vattetī’’ti. Evaṃ vutte aññataro bhikkhu bhagavantaṃ etadavoca – ‘‘ko pana, bhante, rañño cakkavattissa dhammikassa dhammarañño rājā’’ti 3? ‘‘Dhammo, bhikkhū’’ti bhagavā avoca – ‘‘idha, bhikkhu, rājā cakkavattī dhammiko dhammarājā dhammaṃyeva nissāya 4 dhammaṃ sakkaronto dhammaṃ garuṃ karonto dhammaṃ apacāyamāno dhammaddhajo dhammaketu dhammādhipateyyo dhammikaṃ rakkhāvaraṇaguttiṃ saṃvidahati antojanasmiṃ’’.
‘‘буна жабарам̣, бхигку, рааж̇аа жаггавад̇д̇ий д̇хаммиго д̇хаммарааж̇аа д̇хаммам̣язва ниссааяа д̇хаммам̣ саггаронд̇о д̇хаммам̣ г̇арум̣ гаронд̇о д̇хаммам̣ абажааяамаано д̇хаммад̣̇д̇хаж̇о д̇хаммагзд̇у д̇хаммаад̇хибад̇зяяо д̇хаммигам̣ рагкааваран̣аг̇уд̇д̇им̣ сам̣вид̣̇ахад̇и кад̇д̇иязсу, ануяанд̇зсу 5, б̣алагааяасмим̣, б̣раахман̣аг̇ахабад̇игзсу , нзг̇амаж̇аанабад̣̇зсу, саман̣аб̣раахман̣зсу, миг̇абагкийсу. са ко со бхигку рааж̇аа жаггавад̇д̇ий д̇хаммиго д̇хаммарааж̇аа д̇хаммам̣язва ниссааяа д̇хаммам̣ саггаронд̇о д̇хаммам̣ г̇арум̣ гаронд̇о д̇хаммам̣ абажааяамаано д̇хаммад̣̇д̇хаж̇о д̇хаммагзд̇у д̇хаммаад̇хибад̇зяяо д̇хаммигам̣ рагкааваран̣аг̇уд̇д̇им̣ сам̣вид̣̇ахид̇ваа анд̇ож̇анасмим̣, д̇хаммигам̣ рагкааваран̣аг̇уд̇д̇им̣ сам̣вид̣̇ахид̇ваа кад̇д̇иязсу, ануяанд̇зсу, б̣алагааяасмим̣, б̣раахман̣аг̇ахабад̇игзсу, нзг̇амаж̇аанабад̣̇зсу, саман̣аб̣раахман̣зсу, миг̇абагкийсу, д̇хаммзнзва жаггам̣ вад̇д̇зд̇и. д̇ам̣ ход̇и жаггам̣ аббадивад̇д̇ияам̣ гзнажи мануссабхууд̇зна бажжад̇т̇игзна баан̣инаа.
‘‘Puna caparaṃ, bhikkhu, rājā cakkavattī dhammiko dhammarājā dhammaṃyeva nissāya dhammaṃ sakkaronto dhammaṃ garuṃ karonto dhammaṃ apacāyamāno dhammaddhajo dhammaketu dhammādhipateyyo dhammikaṃ rakkhāvaraṇaguttiṃ saṃvidahati khattiyesu, anuyantesu 6, balakāyasmiṃ, brāhmaṇagahapatikesu , negamajānapadesu, samaṇabrāhmaṇesu, migapakkhīsu. Sa kho so bhikkhu rājā cakkavattī dhammiko dhammarājā dhammaṃyeva nissāya dhammaṃ sakkaronto dhammaṃ garuṃ karonto dhammaṃ apacāyamāno dhammaddhajo dhammaketu dhammādhipateyyo dhammikaṃ rakkhāvaraṇaguttiṃ saṃvidahitvā antojanasmiṃ, dhammikaṃ rakkhāvaraṇaguttiṃ saṃvidahitvā khattiyesu, anuyantesu, balakāyasmiṃ, brāhmaṇagahapatikesu, negamajānapadesu, samaṇabrāhmaṇesu, migapakkhīsu, dhammeneva cakkaṃ vatteti. Taṃ hoti cakkaṃ appaṭivattiyaṃ kenaci manussabhūtena paccatthikena pāṇinā.
‘‘звамзвам̣ ко, бхигку 7, д̇ат̇ааг̇ад̇о арахам̣ саммаасамб̣уд̣̇д̇хо д̇хаммиго д̇хаммарааж̇аа д̇хаммам̣язва ниссааяа д̇хаммам̣ саггаронд̇о д̇хаммам̣ г̇арум̣ гаронд̇о д̇хаммам̣ абажааяамаано д̇хаммад̣̇д̇хаж̇о д̇хаммагзд̇у д̇хаммаад̇хибад̇зяяо д̇хаммигам̣ рагкааваран̣аг̇уд̇д̇им̣ сам̣вид̣̇ахад̇и гааяагаммасмим̣ – ‘зваруубам̣ гааяагаммам̣ сзвид̇аб̣б̣ам̣, зваруубам̣ гааяагаммам̣ на сзвид̇аб̣б̣а’’’нд̇и.
‘‘Evamevaṃ kho, bhikkhu 8, tathāgato arahaṃ sammāsambuddho dhammiko dhammarājā dhammaṃyeva nissāya dhammaṃ sakkaronto dhammaṃ garuṃ karonto dhammaṃ apacāyamāno dhammaddhajo dhammaketu dhammādhipateyyo dhammikaṃ rakkhāvaraṇaguttiṃ saṃvidahati kāyakammasmiṃ – ‘evarūpaṃ kāyakammaṃ sevitabbaṃ, evarūpaṃ kāyakammaṃ na sevitabba’’’nti.
‘‘буна жабарам̣, бхигку, д̇ат̇ааг̇ад̇о арахам̣ саммаасамб̣уд̣̇д̇хо д̇хаммиго д̇хаммарааж̇аа д̇хаммам̣язва ниссааяа д̇хаммам̣ саггаронд̇о д̇хаммам̣ г̇арум̣ гаронд̇о д̇хаммам̣ абажааяамаано д̇хаммад̣̇д̇хаж̇о д̇хаммагзд̇у д̇хаммаад̇хибад̇зяяо д̇хаммигам̣ рагкааваран̣аг̇уд̇д̇им̣ сам̣вид̣̇ахад̇и важийгаммасмим̣ – ‘зваруубам̣ важийгаммам̣ сзвид̇аб̣б̣ам̣, зваруубам̣ важийгаммам̣ на сзвид̇аб̣б̣а’нд̇и…бз… маногаммасмим̣ – ‘зваруубам̣ маногаммам̣ сзвид̇аб̣б̣ам̣, зваруубам̣ маногаммам̣ на сзвид̇аб̣б̣а’’’нд̇и.
‘‘Puna caparaṃ, bhikkhu, tathāgato arahaṃ sammāsambuddho dhammiko dhammarājā dhammaṃyeva nissāya dhammaṃ sakkaronto dhammaṃ garuṃ karonto dhammaṃ apacāyamāno dhammaddhajo dhammaketu dhammādhipateyyo dhammikaṃ rakkhāvaraṇaguttiṃ saṃvidahati vacīkammasmiṃ – ‘evarūpaṃ vacīkammaṃ sevitabbaṃ, evarūpaṃ vacīkammaṃ na sevitabba’nti…pe… manokammasmiṃ – ‘evarūpaṃ manokammaṃ sevitabbaṃ, evarūpaṃ manokammaṃ na sevitabba’’’nti.
‘‘са ко со, бхигку, д̇ат̇ааг̇ад̇о арахам̣ саммаасамб̣уд̣̇д̇хо д̇хаммиго д̇хаммарааж̇аа д̇хаммам̣язва ниссааяа д̇хаммам̣ саггаронд̇о д̇хаммам̣ г̇арум̣ гаронд̇о д̇хаммам̣ абажааяамаано д̇хаммад̣̇д̇хаж̇о д̇хаммагзд̇у д̇хаммаад̇хибад̇зяяо д̇хаммигам̣ рагкааваран̣аг̇уд̇д̇им̣ сам̣вид̣̇ахид̇ваа гааяагаммасмим̣, д̇хаммигам̣ рагкааваран̣аг̇уд̇д̇им̣ сам̣вид̣̇ахид̇ваа важийгаммасмим̣, д̇хаммигам̣ рагкааваран̣аг̇уд̇д̇им̣ сам̣вид̣̇ахид̇ваа маногаммасмим̣, д̇хаммзнзва ануд̇д̇арам̣ д̇хаммажаггам̣ бавад̇д̇зд̇и. д̇ам̣ ход̇и жаггам̣ аббадивад̇д̇ияам̣ саман̣зна ваа б̣раахман̣зна ваа д̣̇звзна ваа маарзна ваа б̣рахмунаа ваа гзнажи ваа логасми’’нд̇и. жад̇уд̇т̇ам̣.
‘‘Sa kho so, bhikkhu, tathāgato arahaṃ sammāsambuddho dhammiko dhammarājā dhammaṃyeva nissāya dhammaṃ sakkaronto dhammaṃ garuṃ karonto dhammaṃ apacāyamāno dhammaddhajo dhammaketu dhammādhipateyyo dhammikaṃ rakkhāvaraṇaguttiṃ saṃvidahitvā kāyakammasmiṃ, dhammikaṃ rakkhāvaraṇaguttiṃ saṃvidahitvā vacīkammasmiṃ, dhammikaṃ rakkhāvaraṇaguttiṃ saṃvidahitvā manokammasmiṃ, dhammeneva anuttaraṃ dhammacakkaṃ pavatteti. Taṃ hoti cakkaṃ appaṭivattiyaṃ samaṇena vā brāhmaṇena vā devena vā mārena vā brahmunā vā kenaci vā lokasmi’’nti. Catutthaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 4. жаггавад̇д̇исуд̇д̇аван̣н̣анаа • 4. Cakkavattisuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 4. жаггавад̇д̇исуд̇д̇аван̣н̣анаа • 4. Cakkavattisuttavaṇṇanā
