| Library / Tipiṭaka / д̇ибидага • Tipiṭaka / д̣̇ийгханигааяа • Dīghanikāya |
3. жаггавад̇д̇исуд̇д̇ам̣
3. Cakkavattisuttaṃ
ад̇д̇ад̣̇ийбасаран̣ад̇аа
Attadīpasaraṇatā
80. звам̣ мз суд̇ам̣ – згам̣ самаяам̣ бхаг̇аваа маг̇ад̇хзсу вихарад̇и маад̇улааяам̣. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇д̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа – ‘‘ад̇д̇ад̣̇ийбаа, бхигкавз, вихарат̇а ад̇д̇асаран̣аа анан̃н̃асаран̣аа, д̇хаммад̣̇ийбаа д̇хаммасаран̣аа анан̃н̃асаран̣аа. гат̇ан̃жа бана, бхигкавз, бхигку ад̇д̇ад̣̇ийбо вихарад̇и ад̇д̇асаран̣о анан̃н̃асаран̣о, д̇хаммад̣̇ийбо д̇хаммасаран̣о анан̃н̃асаран̣о? ид̇ха, бхигкавз, бхигку гааяз гааяаанубассий вихарад̇и аад̇аабий самбаж̇аано сад̇имаа винзяяа логз абхиж̇жхаад̣̇оманассам̣. взд̣̇анаасу взд̣̇анаанубассий…бз… жид̇д̇з жид̇д̇аанубассий…бз… д̇хаммзсу д̇хаммаанубассий вихарад̇и аад̇аабий самбаж̇аано сад̇имаа винзяяа логз абхиж̇жхаад̣̇оманассам̣. звам̣ ко, бхигкавз, бхигку ад̇д̇ад̣̇ийбо вихарад̇и ад̇д̇асаран̣о анан̃н̃асаран̣о, д̇хаммад̣̇ийбо д̇хаммасаран̣о анан̃н̃асаран̣о.
80. Evaṃ me sutaṃ – ekaṃ samayaṃ bhagavā magadhesu viharati mātulāyaṃ. Tatra kho bhagavā bhikkhū āmantesi – ‘‘bhikkhavo’’ti. ‘‘Bhaddante’’ti te bhikkhū bhagavato paccassosuṃ. Bhagavā etadavoca – ‘‘attadīpā, bhikkhave, viharatha attasaraṇā anaññasaraṇā, dhammadīpā dhammasaraṇā anaññasaraṇā. Kathañca pana, bhikkhave, bhikkhu attadīpo viharati attasaraṇo anaññasaraṇo, dhammadīpo dhammasaraṇo anaññasaraṇo? Idha, bhikkhave, bhikkhu kāye kāyānupassī viharati ātāpī sampajāno satimā vineyya loke abhijjhādomanassaṃ. Vedanāsu vedanānupassī…pe… citte cittānupassī…pe… dhammesu dhammānupassī viharati ātāpī sampajāno satimā vineyya loke abhijjhādomanassaṃ. Evaṃ kho, bhikkhave, bhikkhu attadīpo viharati attasaraṇo anaññasaraṇo, dhammadīpo dhammasaraṇo anaññasaraṇo.
‘‘г̇ожарз, бхигкавз, жарат̇а сагз бзд̇д̇игз висаяз. г̇ожарз, бхигкавз, жарад̇ам̣ сагз бзд̇д̇игз висаяз на лажчад̇и мааро од̇аарам̣, на лажчад̇и мааро аарамман̣ам̣ 1. гусалаанам̣, бхигкавз, д̇хаммаанам̣ самаад̣̇аанахзд̇у звамид̣̇ам̣ бун̃н̃ам̣ бавад̣дхад̇и.
‘‘Gocare, bhikkhave, caratha sake pettike visaye. Gocare, bhikkhave, carataṃ sake pettike visaye na lacchati māro otāraṃ, na lacchati māro ārammaṇaṃ 2. Kusalānaṃ, bhikkhave, dhammānaṃ samādānahetu evamidaṃ puññaṃ pavaḍḍhati.
д̣̇ал̣ханзмижаггавад̇д̇ирааж̇аа
Daḷhanemicakkavattirājā
81. ‘‘бхууд̇абуб̣б̣ам̣ , бхигкавз, рааж̇аа д̣̇ал̣ханзми наама ахоси жаггавад̇д̇ий 3 д̇хаммиго д̇хаммарааж̇аа жаад̇уранд̇о виж̇ид̇аавий ж̇анабад̣̇ад̇т̇ааварияаббад̇д̇о сад̇д̇арад̇анасаманнааг̇ад̇о. д̇ассимаани сад̇д̇а рад̇анаани ахзсум̣ сзяяат̇ид̣̇ам̣ – жаггарад̇анам̣у хад̇т̇ирад̇анам̣ ассарад̇анам̣ ман̣ирад̇анам̣ ид̇т̇ирад̇анам̣ г̇ахабад̇ирад̇анам̣ барин̣ааяагарад̇анамзва сад̇д̇амам̣. баросахассам̣ ко банасса буд̇д̇аа ахзсум̣ суураа вийран̇г̇аруубаа барасзнаббамад̣̇д̣̇анаа. со имам̣ бат̇авим̣ сааг̇арабарияанд̇ам̣ ад̣̇ан̣д̣зна асад̇т̇зна д̇хаммзна 4 абхивиж̇ияа аж̇жхааваси.
81. ‘‘Bhūtapubbaṃ , bhikkhave, rājā daḷhanemi nāma ahosi cakkavattī 5 dhammiko dhammarājā cāturanto vijitāvī janapadatthāvariyappatto sattaratanasamannāgato. Tassimāni satta ratanāni ahesuṃ seyyathidaṃ – cakkaratanaṃu hatthiratanaṃ assaratanaṃ maṇiratanaṃ itthiratanaṃ gahapatiratanaṃ pariṇāyakaratanameva sattamaṃ. Parosahassaṃ kho panassa puttā ahesuṃ sūrā vīraṅgarūpā parasenappamaddanā. So imaṃ pathaviṃ sāgarapariyantaṃ adaṇḍena asatthena dhammena 6 abhivijiya ajjhāvasi.
82. ‘‘ат̇а ко, бхигкавз, рааж̇аа д̣̇ал̣ханзми б̣ахуннам̣ вассаанам̣ б̣ахуннам̣ вассасад̇аанам̣ б̣ахуннам̣ вассасахассаанам̣ ажжаязна ан̃н̃ад̇арам̣ бурисам̣ ааманд̇зси – ‘яад̣̇аа д̇вам̣, амбхо буриса, бассзяяааси д̣̇иб̣б̣ам̣ жаггарад̇анам̣ осаггид̇ам̣ таанаа жуд̇ам̣, ат̇а мз аарожзяяаасий’д̇и. ‘звам̣, д̣̇зваа’д̇и ко, бхигкавз, со бурисо ран̃н̃о д̣̇ал̣ханзмисса бажжассоси. ад̣̇д̣̇асаа ко, бхигкавз, со бурисо б̣ахуннам̣ вассаанам̣ б̣ахуннам̣ вассасад̇аанам̣ б̣ахуннам̣ вассасахассаанам̣ ажжаязна д̣̇иб̣б̣ам̣ жаггарад̇анам̣ осаггид̇ам̣ таанаа жуд̇ам̣, д̣̇исваана язна рааж̇аа д̣̇ал̣ханзми д̇знубасан̇гами; убасан̇гамид̇ваа рааж̇аанам̣ д̣̇ал̣ханзмим̣ зд̇ад̣̇авожа – ‘яаг̇гхз, д̣̇зва, ж̇аанзяяааси, д̣̇иб̣б̣ам̣ д̇з жаггарад̇анам̣ осаггид̇ам̣ таанаа жуд̇а’нд̇и. ат̇а ко, бхигкавз, рааж̇аа д̣̇ал̣ханзми ж̇здтабуд̇д̇ам̣ гумаарам̣ ааманд̇аабзд̇ваа 7 зд̇ад̣̇авожа – ‘д̣̇иб̣б̣ам̣ гира мз, д̇аад̇а гумаара, жаггарад̇анам̣ осаггид̇ам̣ таанаа жуд̇ам̣. суд̇ам̣ ко бана мзд̇ам̣ – яасса ран̃н̃о жаггавад̇д̇исса д̣̇иб̣б̣ам̣ жаггарад̇анам̣ осаггад̇и таанаа жавад̇и, на д̣̇аани д̇зна ран̃н̃аа жирам̣ ж̇ийвид̇аб̣б̣ам̣ ход̇ийд̇и. бхуд̇д̇аа ко бана мз маанусагаа гаамаа, самаяо д̣̇аани мз д̣̇иб̣б̣з гаамз бариязсид̇ум̣. зхи д̇вам̣, д̇аад̇а гумаара, имам̣ самуд̣̇д̣̇абарияанд̇ам̣ бат̇авим̣ бадибаж̇ж̇а. ахам̣ бана гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇иссаамий’д̇и.
82. ‘‘Atha kho, bhikkhave, rājā daḷhanemi bahunnaṃ vassānaṃ bahunnaṃ vassasatānaṃ bahunnaṃ vassasahassānaṃ accayena aññataraṃ purisaṃ āmantesi – ‘yadā tvaṃ, ambho purisa, passeyyāsi dibbaṃ cakkaratanaṃ osakkitaṃ ṭhānā cutaṃ, atha me āroceyyāsī’ti. ‘Evaṃ, devā’ti kho, bhikkhave, so puriso rañño daḷhanemissa paccassosi. Addasā kho, bhikkhave, so puriso bahunnaṃ vassānaṃ bahunnaṃ vassasatānaṃ bahunnaṃ vassasahassānaṃ accayena dibbaṃ cakkaratanaṃ osakkitaṃ ṭhānā cutaṃ, disvāna yena rājā daḷhanemi tenupasaṅkami; upasaṅkamitvā rājānaṃ daḷhanemiṃ etadavoca – ‘yagghe, deva, jāneyyāsi, dibbaṃ te cakkaratanaṃ osakkitaṃ ṭhānā cuta’nti. Atha kho, bhikkhave, rājā daḷhanemi jeṭṭhaputtaṃ kumāraṃ āmantāpetvā 8 etadavoca – ‘dibbaṃ kira me, tāta kumāra, cakkaratanaṃ osakkitaṃ ṭhānā cutaṃ. Sutaṃ kho pana metaṃ – yassa rañño cakkavattissa dibbaṃ cakkaratanaṃ osakkati ṭhānā cavati, na dāni tena raññā ciraṃ jīvitabbaṃ hotīti. Bhuttā kho pana me mānusakā kāmā, samayo dāni me dibbe kāme pariyesituṃ. Ehi tvaṃ, tāta kumāra, imaṃ samuddapariyantaṃ pathaviṃ paṭipajja. Ahaṃ pana kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajissāmī’ti.
83. ‘‘ат̇а ко, бхигкавз, рааж̇аа д̣̇ал̣ханзми ж̇здтабуд̇д̇ам̣ гумаарам̣ саад̇хугам̣ раж̇ж̇з саманусаасид̇ваа гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇и. сад̇д̇аахабаб̣б̣аж̇ид̇з ко бана, бхигкавз, рааж̇исимхи д̣̇иб̣б̣ам̣ жаггарад̇анам̣ анд̇арад̇хааяи.
83. ‘‘Atha kho, bhikkhave, rājā daḷhanemi jeṭṭhaputtaṃ kumāraṃ sādhukaṃ rajje samanusāsitvā kesamassuṃ ohāretvā kāsāyāni vatthāni acchādetvā agārasmā anagāriyaṃ pabbaji. Sattāhapabbajite kho pana, bhikkhave, rājisimhi dibbaṃ cakkaratanaṃ antaradhāyi.
‘‘ат̇а ко, бхигкавз, ан̃н̃ад̇аро бурисо язна рааж̇аа кад̇д̇ияо муд̣̇д̇хаабхисид̇д̇о 9 д̇знубасан̇гами; убасан̇гамид̇ваа рааж̇аанам̣ кад̇д̇ияам̣ муд̣̇д̇хаабхисид̇д̇ам̣ зд̇ад̣̇авожа – ‘яаг̇гхз, д̣̇зва, ж̇аанзяяааси, д̣̇иб̣б̣ам̣ жаггарад̇анам̣ анд̇арахид̇а’нд̇и. ат̇а ко, бхигкавз, рааж̇аа кад̇д̇ияо муд̣̇д̇хаабхисид̇д̇о д̣̇иб̣б̣з жаггарад̇анз анд̇арахид̇з анад̇д̇амано ахоси, анад̇д̇аманад̇ан̃жа бадисам̣взд̣̇зси. со язна рааж̇иси д̇знубасан̇гами; убасан̇гамид̇ваа рааж̇исим̣ зд̇ад̣̇авожа – ‘яаг̇гхз, д̣̇зва, ж̇аанзяяааси, д̣̇иб̣б̣ам̣ жаггарад̇анам̣ анд̇арахид̇а’нд̇и. звам̣ вуд̇д̇з, бхигкавз, рааж̇иси рааж̇аанам̣ кад̇д̇ияам̣ муд̣̇д̇хаабхисид̇д̇ам̣ зд̇ад̣̇авожа – ‘маа ко д̇вам̣, д̇аад̇а, д̣̇иб̣б̣з жаггарад̇анз анд̇арахид̇з анад̇д̇амано ахоси, маа анад̇д̇аманад̇ан̃жа бадисам̣взд̣̇зси, на хи д̇з, д̇аад̇а, д̣̇иб̣б̣ам̣ жаггарад̇анам̣ бзд̇д̇игам̣ д̣̇ааяаж̇ж̇ам̣. ин̇гха д̇вам̣, д̇аад̇а, арияз жаггавад̇д̇ивад̇д̇з вад̇д̇аахи. таанам̣ ко банзд̇ам̣ виж̇ж̇ад̇и, яам̣ д̇з арияз жаггавад̇д̇ивад̇д̇з вад̇д̇амаанасса д̇ад̣̇ахубосат̇з баннарасз сийсам̣нхаад̇асса 10 убосат̇игасса убарибаасаад̣̇авараг̇ад̇асса д̣̇иб̣б̣ам̣ жаггарад̇анам̣ баад̇убхависсад̇и сахассаарам̣ санзмигам̣ санаабхигам̣ саб̣б̣аагаарабарибуура’нд̇и.
‘‘Atha kho, bhikkhave, aññataro puriso yena rājā khattiyo muddhābhisitto 11 tenupasaṅkami; upasaṅkamitvā rājānaṃ khattiyaṃ muddhābhisittaṃ etadavoca – ‘yagghe, deva, jāneyyāsi, dibbaṃ cakkaratanaṃ antarahita’nti. Atha kho, bhikkhave, rājā khattiyo muddhābhisitto dibbe cakkaratane antarahite anattamano ahosi, anattamanatañca paṭisaṃvedesi. So yena rājisi tenupasaṅkami; upasaṅkamitvā rājisiṃ etadavoca – ‘yagghe, deva, jāneyyāsi, dibbaṃ cakkaratanaṃ antarahita’nti. Evaṃ vutte, bhikkhave, rājisi rājānaṃ khattiyaṃ muddhābhisittaṃ etadavoca – ‘mā kho tvaṃ, tāta, dibbe cakkaratane antarahite anattamano ahosi, mā anattamanatañca paṭisaṃvedesi, na hi te, tāta, dibbaṃ cakkaratanaṃ pettikaṃ dāyajjaṃ. Iṅgha tvaṃ, tāta, ariye cakkavattivatte vattāhi. Ṭhānaṃ kho panetaṃ vijjati, yaṃ te ariye cakkavattivatte vattamānassa tadahuposathe pannarase sīsaṃnhātassa 12 uposathikassa uparipāsādavaragatassa dibbaṃ cakkaratanaṃ pātubhavissati sahassāraṃ sanemikaṃ sanābhikaṃ sabbākāraparipūra’nti.
жаггавад̇д̇иарияавад̇д̇ам̣
Cakkavattiariyavattaṃ
84. ‘‘‘гад̇амам̣ бана д̇ам̣, д̣̇зва, арияам̣ жаггавад̇д̇ивад̇д̇а’нд̇и ? ‘д̇зна хи д̇вам̣, д̇аад̇а, д̇хаммам̣язва ниссааяа д̇хаммам̣ саггаронд̇о д̇хаммам̣ г̇арум̣ гаронд̇о 13 д̇хаммам̣ маанзнд̇о д̇хаммам̣ бууж̇знд̇о д̇хаммам̣ абажааяамаано д̇хаммад̣̇д̇хаж̇о д̇хаммагзд̇у д̇хаммаад̇хибад̇зяяо д̇хаммигам̣ рагкааваран̣аг̇уд̇д̇им̣ сам̣вид̣̇ахассу анд̇ож̇анасмим̣ б̣алагааяасмим̣ кад̇д̇иязсу ануяанд̇зсу 14 б̣раахман̣аг̇ахабад̇игзсу нзг̇амаж̇аанабад̣̇зсу саман̣аб̣раахман̣зсу миг̇абагкийсу. маа жа д̇з, д̇аад̇а, виж̇ид̇з ад̇хаммагааро бавад̇д̇ид̇т̇а. яз жа д̇з, д̇аад̇а, виж̇ид̇з ад̇ханаа ассу, д̇зсан̃жа д̇ханамануббад̣̇зяяааси 15. яз жа д̇з, д̇аад̇а, виж̇ид̇з саман̣аб̣раахман̣аа мад̣̇аббамаад̣̇аа бадивирад̇аа канд̇исоражжз нивидтаа згамад̇д̇аанам̣ д̣̇амзнд̇и, згамад̇д̇аанам̣ самзнд̇и, згамад̇д̇аанам̣ бариниб̣б̣аабзнд̇и, д̇з гаалзна гаалам̣ убасан̇гамид̇ваа барибужчзяяааси бариг̇г̇ан̣хзяяааси – ‘‘гим̣, бханд̇з, гусалам̣, гим̣ агусалам̣, гим̣ сааваж̇ж̇ам̣, гим̣ анаваж̇ж̇ам̣, гим̣ сзвид̇аб̣б̣ам̣, гим̣ на сзвид̇аб̣б̣ам̣, гим̣ мз гарийяамаанам̣ д̣̇ийгхарад̇д̇ам̣ ахид̇ааяа д̣̇угкааяа асса, гим̣ ваа бана мз гарийяамаанам̣ д̣̇ийгхарад̇д̇ам̣ хид̇ааяа сукааяа ассаа’’д̇и? д̇зсам̣ суд̇ваа яам̣ агусалам̣ д̇ам̣ абхиниваж̇ж̇зяяааси, яам̣ гусалам̣ д̇ам̣ самаад̣̇ааяа вад̇д̇зяяааси. ид̣̇ам̣ ко, д̇аад̇а, д̇ам̣ арияам̣ жаггавад̇д̇ивад̇д̇а’нд̇и.
84. ‘‘‘Katamaṃ pana taṃ, deva, ariyaṃ cakkavattivatta’nti ? ‘Tena hi tvaṃ, tāta, dhammaṃyeva nissāya dhammaṃ sakkaronto dhammaṃ garuṃ karonto 16 dhammaṃ mānento dhammaṃ pūjento dhammaṃ apacāyamāno dhammaddhajo dhammaketu dhammādhipateyyo dhammikaṃ rakkhāvaraṇaguttiṃ saṃvidahassu antojanasmiṃ balakāyasmiṃ khattiyesu anuyantesu 17 brāhmaṇagahapatikesu negamajānapadesu samaṇabrāhmaṇesu migapakkhīsu. Mā ca te, tāta, vijite adhammakāro pavattittha. Ye ca te, tāta, vijite adhanā assu, tesañca dhanamanuppadeyyāsi 18. Ye ca te, tāta, vijite samaṇabrāhmaṇā madappamādā paṭiviratā khantisoracce niviṭṭhā ekamattānaṃ damenti, ekamattānaṃ samenti, ekamattānaṃ parinibbāpenti, te kālena kālaṃ upasaṅkamitvā paripuccheyyāsi pariggaṇheyyāsi – ‘‘kiṃ, bhante, kusalaṃ, kiṃ akusalaṃ, kiṃ sāvajjaṃ, kiṃ anavajjaṃ, kiṃ sevitabbaṃ, kiṃ na sevitabbaṃ, kiṃ me karīyamānaṃ dīgharattaṃ ahitāya dukkhāya assa, kiṃ vā pana me karīyamānaṃ dīgharattaṃ hitāya sukhāya assā’’ti? Tesaṃ sutvā yaṃ akusalaṃ taṃ abhinivajjeyyāsi, yaṃ kusalaṃ taṃ samādāya vatteyyāsi. Idaṃ kho, tāta, taṃ ariyaṃ cakkavattivatta’nti.
жаггарад̇анабаад̇убхааво
Cakkaratanapātubhāvo
85. ‘‘‘звам̣, д̣̇зваа’д̇и ко, бхигкавз, рааж̇аа кад̇д̇ияо муд̣̇д̇хаабхисид̇д̇о рааж̇исисса бадиссуд̇ваа арияз жаггавад̇д̇ивад̇д̇з 19 вад̇д̇и. д̇асса арияз жаггавад̇д̇ивад̇д̇з вад̇д̇амаанасса д̇ад̣̇ахубосат̇з баннарасз сийсам̣нхаад̇асса убосат̇игасса убарибаасаад̣̇авараг̇ад̇асса д̣̇иб̣б̣ам̣ жаггарад̇анам̣ баад̇урахоси сахассаарам̣ санзмигам̣ санаабхигам̣ саб̣б̣аагаарабарибуурам̣. д̣̇исваана ран̃н̃о кад̇д̇ияасса муд̣̇д̇хаабхисид̇д̇асса зд̇ад̣̇ахоси – ‘суд̇ам̣ ко бана мзд̇ам̣ – яасса ран̃н̃о кад̇д̇ияасса муд̣̇д̇хаабхисид̇д̇асса д̇ад̣̇ахубосат̇з баннарасз сийсам̣нхаад̇асса убосат̇игасса убарибаасаад̣̇авараг̇ад̇асса д̣̇иб̣б̣ам̣ жаггарад̇анам̣ баад̇убхавад̇и сахассаарам̣ санзмигам̣ санаабхигам̣ саб̣б̣аагаарабарибуурам̣ , со ход̇и рааж̇аа жаггавад̇д̇ий’д̇и. ассам̣ ну ко ахам̣ рааж̇аа жаггавад̇д̇ийд̇и.
85. ‘‘‘Evaṃ, devā’ti kho, bhikkhave, rājā khattiyo muddhābhisitto rājisissa paṭissutvā ariye cakkavattivatte 20 vatti. Tassa ariye cakkavattivatte vattamānassa tadahuposathe pannarase sīsaṃnhātassa uposathikassa uparipāsādavaragatassa dibbaṃ cakkaratanaṃ pāturahosi sahassāraṃ sanemikaṃ sanābhikaṃ sabbākāraparipūraṃ. Disvāna rañño khattiyassa muddhābhisittassa etadahosi – ‘sutaṃ kho pana metaṃ – yassa rañño khattiyassa muddhābhisittassa tadahuposathe pannarase sīsaṃnhātassa uposathikassa uparipāsādavaragatassa dibbaṃ cakkaratanaṃ pātubhavati sahassāraṃ sanemikaṃ sanābhikaṃ sabbākāraparipūraṃ , so hoti rājā cakkavattī’ti. Assaṃ nu kho ahaṃ rājā cakkavattīti.
‘‘ат̇а ко, бхигкавз, рааж̇аа кад̇д̇ияо муд̣̇д̇хаабхисид̇д̇о удтааяаасанаа згам̣сам̣ уд̇араасан̇г̇ам̣ гарид̇ваа ваамзна хад̇т̇зна бхин̇гаарам̣ г̇ахзд̇ваа д̣̇агкин̣зна хад̇т̇зна жаггарад̇анам̣ аб̣бхуггири – ‘бавад̇д̇ад̇у бхавам̣ жаггарад̇анам̣, абхивиж̇инаад̇у бхавам̣ жаггарад̇ана’нд̇и.
‘‘Atha kho, bhikkhave, rājā khattiyo muddhābhisitto uṭṭhāyāsanā ekaṃsaṃ utarāsaṅgaṃ karitvā vāmena hatthena bhiṅkāraṃ gahetvā dakkhiṇena hatthena cakkaratanaṃ abbhukkiri – ‘pavattatu bhavaṃ cakkaratanaṃ, abhivijinātu bhavaṃ cakkaratana’nti.
‘‘ат̇а ко д̇ам̣, бхигкавз, жаггарад̇анам̣ бурад̇т̇имам̣ д̣̇исам̣ бавад̇д̇и, анвад̣̇зва рааж̇аа жаггавад̇д̇ий сад̣̇д̇хим̣ жад̇уран̇г̇инияаа сзнааяа. яасмим̣ ко бана, бхигкавз, бад̣̇зсз жаггарад̇анам̣ бад̇идтааси, д̇ад̇т̇а рааж̇аа жаггавад̇д̇ий ваасам̣ убаг̇ажчи сад̣̇д̇хим̣ жад̇уран̇г̇инияаа сзнааяа. яз ко бана, бхигкавз, бурад̇т̇имааяа д̣̇исааяа бадирааж̇аано, д̇з рааж̇аанам̣ жаггавад̇д̇им̣ убасан̇гамид̇ваа звамаахам̣су – ‘зхи ко, махаарааж̇а, свааг̇ад̇ам̣ д̇з 21 махаарааж̇а, сагам̣ д̇з, махаарааж̇а, анусааса, махаарааж̇аа’д̇и. рааж̇аа жаггавад̇д̇ий звамааха – ‘баан̣о на ханд̇аб̣б̣о, ад̣̇иннам̣ наад̣̇аад̇аб̣б̣ам̣, гаамзсумижчаа на жарид̇аб̣б̣аа, мусаа на бхаасид̇аб̣б̣аа, маж̇ж̇ам̣ на баад̇аб̣б̣ам̣, яат̇аабхуд̇д̇ан̃жа бхун̃ж̇ат̇аа’д̇и. яз ко бана, бхигкавз, бурад̇т̇имааяа д̣̇исааяа бадирааж̇аано, д̇з ран̃н̃о жаггавад̇д̇исса ануяанд̇аа 22 ахзсум̣.
‘‘Atha kho taṃ, bhikkhave, cakkaratanaṃ puratthimaṃ disaṃ pavatti, anvadeva rājā cakkavattī saddhiṃ caturaṅginiyā senāya. Yasmiṃ kho pana, bhikkhave, padese cakkaratanaṃ patiṭṭhāsi, tattha rājā cakkavattī vāsaṃ upagacchi saddhiṃ caturaṅginiyā senāya. Ye kho pana, bhikkhave, puratthimāya disāya paṭirājāno, te rājānaṃ cakkavattiṃ upasaṅkamitvā evamāhaṃsu – ‘ehi kho, mahārāja, svāgataṃ te 23 mahārāja, sakaṃ te, mahārāja, anusāsa, mahārājā’ti. Rājā cakkavattī evamāha – ‘pāṇo na hantabbo, adinnaṃ nādātabbaṃ, kāmesumicchā na caritabbā, musā na bhāsitabbā, majjaṃ na pātabbaṃ, yathābhuttañca bhuñjathā’ti. Ye kho pana, bhikkhave, puratthimāya disāya paṭirājāno, te rañño cakkavattissa anuyantā 24 ahesuṃ.
86. ‘‘ат̇а ко д̇ам̣, бхигкавз, жаггарад̇анам̣ бурад̇т̇имам̣ самуд̣̇д̣̇ам̣ аж̇жхог̇аахзд̇ваа 25 бажжуд̇д̇арид̇ваа д̣̇агкин̣ам̣ д̣̇исам̣ бавад̇д̇и…бз… д̣̇агкин̣ам̣ самуд̣̇д̣̇ам̣ аж̇жхог̇аахзд̇ваа бажжуд̇д̇арид̇ваа бажчимам̣ д̣̇исам̣ бавад̇д̇и, анвад̣̇зва рааж̇аа жаггавад̇д̇ий сад̣̇д̇хим̣ жад̇уран̇г̇инияаа сзнааяа. яасмим̣ ко бана, бхигкавз, бад̣̇зсз жаггарад̇анам̣ бад̇идтааси, д̇ад̇т̇а рааж̇аа жаггавад̇д̇ий ваасам̣ убаг̇ажчи сад̣̇д̇хим̣ жад̇уран̇г̇инияаа сзнааяа. яз ко бана, бхигкавз, бажчимааяа д̣̇исааяа бадирааж̇аано, д̇з рааж̇аанам̣ жаггавад̇д̇им̣ убасан̇гамид̇ваа звамаахам̣су – ‘зхи ко, махаарааж̇а, свааг̇ад̇ам̣ д̇з, махаарааж̇а, сагам̣ д̇з, махаарааж̇а, анусааса, махаарааж̇аа’д̇и. рааж̇аа жаггавад̇д̇ий звамааха – ‘баан̣о на ханд̇аб̣б̣о, ад̣̇иннам̣ наад̣̇аад̇аб̣б̣ам̣, гаамзсумижчаа на жарид̇аб̣б̣аа, мусаа на бхаасид̇аб̣б̣аа, маж̇ж̇ам̣ на баад̇аб̣б̣ам̣, яат̇аабхуд̇д̇ан̃жа бхун̃ж̇ат̇аа’д̇и. яз ко бана, бхигкавз, бажчимааяа д̣̇исааяа бадирааж̇аано, д̇з ран̃н̃о жаггавад̇д̇исса ануяанд̇аа ахзсум̣.
86. ‘‘Atha kho taṃ, bhikkhave, cakkaratanaṃ puratthimaṃ samuddaṃ ajjhogāhetvā 26 paccuttaritvā dakkhiṇaṃ disaṃ pavatti…pe… dakkhiṇaṃ samuddaṃ ajjhogāhetvā paccuttaritvā pacchimaṃ disaṃ pavatti, anvadeva rājā cakkavattī saddhiṃ caturaṅginiyā senāya. Yasmiṃ kho pana, bhikkhave, padese cakkaratanaṃ patiṭṭhāsi, tattha rājā cakkavattī vāsaṃ upagacchi saddhiṃ caturaṅginiyā senāya. Ye kho pana, bhikkhave, pacchimāya disāya paṭirājāno, te rājānaṃ cakkavattiṃ upasaṅkamitvā evamāhaṃsu – ‘ehi kho, mahārāja, svāgataṃ te, mahārāja, sakaṃ te, mahārāja, anusāsa, mahārājā’ti. Rājā cakkavattī evamāha – ‘pāṇo na hantabbo, adinnaṃ nādātabbaṃ, kāmesumicchā na caritabbā, musā na bhāsitabbā, majjaṃ na pātabbaṃ, yathābhuttañca bhuñjathā’ti. Ye kho pana, bhikkhave, pacchimāya disāya paṭirājāno, te rañño cakkavattissa anuyantā ahesuṃ.
87. ‘‘ат̇а ко д̇ам̣, бхигкавз, жаггарад̇анам̣ бажчимам̣ самуд̣̇д̣̇ам̣ аж̇жхог̇аахзд̇ваа бажжуд̇д̇арид̇ваа уд̇д̇арам̣ д̣̇исам̣ бавад̇д̇и, анвад̣̇зва рааж̇аа жаггавад̇д̇ий сад̣̇д̇хим̣ жад̇уран̇г̇инияаа сзнааяа. яасмим̣ ко бана, бхигкавз, бад̣̇зсз жаггарад̇анам̣ бад̇идтааси, д̇ад̇т̇а рааж̇аа жаггавад̇д̇ий ваасам̣ убаг̇ажчи сад̣̇д̇хим̣ жад̇уран̇г̇инияаа сзнааяа. яз ко бана, бхигкавз, уд̇д̇арааяа д̣̇исааяа бадирааж̇аано, д̇з рааж̇аанам̣ жаггавад̇д̇им̣ убасан̇гамид̇ваа звамаахам̣су – ‘зхи ко, махаарааж̇а, свааг̇ад̇ам̣ д̇з, махаарааж̇а , сагам̣ д̇з, махаарааж̇а, анусааса, махаарааж̇аа’д̇и. рааж̇аа жаггавад̇д̇ий звамааха – ‘баан̣о на ханд̇аб̣б̣о, ад̣̇иннам̣ наад̣̇аад̇аб̣б̣ам̣, гаамзсумижчаа на жарид̇аб̣б̣аа, мусаа на бхаасид̇аб̣б̣аа, маж̇ж̇ам̣ на баад̇аб̣б̣ам̣, яат̇аабхуд̇д̇ан̃жа бхун̃ж̇ат̇аа’д̇и. яз ко бана, бхигкавз, уд̇д̇арааяа д̣̇исааяа бадирааж̇аано, д̇з ран̃н̃о жаггавад̇д̇исса ануяанд̇аа ахзсум̣.
87. ‘‘Atha kho taṃ, bhikkhave, cakkaratanaṃ pacchimaṃ samuddaṃ ajjhogāhetvā paccuttaritvā uttaraṃ disaṃ pavatti, anvadeva rājā cakkavattī saddhiṃ caturaṅginiyā senāya. Yasmiṃ kho pana, bhikkhave, padese cakkaratanaṃ patiṭṭhāsi, tattha rājā cakkavattī vāsaṃ upagacchi saddhiṃ caturaṅginiyā senāya. Ye kho pana, bhikkhave, uttarāya disāya paṭirājāno, te rājānaṃ cakkavattiṃ upasaṅkamitvā evamāhaṃsu – ‘ehi kho, mahārāja, svāgataṃ te, mahārāja , sakaṃ te, mahārāja, anusāsa, mahārājā’ti. Rājā cakkavattī evamāha – ‘pāṇo na hantabbo, adinnaṃ nādātabbaṃ, kāmesumicchā na caritabbā, musā na bhāsitabbā, majjaṃ na pātabbaṃ, yathābhuttañca bhuñjathā’ti. Ye kho pana, bhikkhave, uttarāya disāya paṭirājāno, te rañño cakkavattissa anuyantā ahesuṃ.
‘‘ат̇а ко д̇ам̣, бхигкавз, жаггарад̇анам̣ самуд̣̇д̣̇абарияанд̇ам̣ бат̇авим̣ абхивиж̇инид̇ваа д̇амзва рааж̇ад̇хааним̣ бажжааг̇анд̇ваа ран̃н̃о жаггавад̇д̇исса анд̇збурад̣̇ваарз ад̇т̇агаран̣абамукз 27 агкаахад̇ам̣ ман̃н̃з адтааси ран̃н̃о жаггавад̇д̇исса анд̇збурам̣ убасобхаяамаанам̣.
‘‘Atha kho taṃ, bhikkhave, cakkaratanaṃ samuddapariyantaṃ pathaviṃ abhivijinitvā tameva rājadhāniṃ paccāgantvā rañño cakkavattissa antepuradvāre atthakaraṇapamukhe 28 akkhāhataṃ maññe aṭṭhāsi rañño cakkavattissa antepuraṃ upasobhayamānaṃ.
д̣̇уд̇ияаад̣̇ижаггавад̇д̇игат̇аа
Dutiyādicakkavattikathā
88. ‘‘д̣̇уд̇ияоби ко, бхигкавз, рааж̇аа жаггавад̇д̇ий…бз… д̇ад̇ияоби ко, бхигкавз, рааж̇аа жаггавад̇д̇ий… жад̇уд̇т̇оби ко, бхигкавз, рааж̇аа жаггавад̇д̇ий… бан̃жамоби ко, бхигкавз, рааж̇аа жаггавад̇д̇ий… чадтоби ко, бхигкавз, рааж̇аа жаггавад̇д̇ий… сад̇д̇амоби ко, бхигкавз, рааж̇аа жаггавад̇д̇ий б̣ахуннам̣ вассаанам̣ б̣ахуннам̣ вассасад̇аанам̣ б̣ахуннам̣ вассасахассаанам̣ ажжаязна ан̃н̃ад̇арам̣ бурисам̣ ааманд̇зси – ‘яад̣̇аа д̇вам̣, амбхо буриса, бассзяяааси д̣̇иб̣б̣ам̣ жаггарад̇анам̣ осаггид̇ам̣ таанаа жуд̇ам̣, ат̇а мз аарожзяяаасий’д̇и. ‘звам̣, д̣̇зваа’д̇и ко, бхигкавз, со бурисо ран̃н̃о жаггавад̇д̇исса бажжассоси. ад̣̇д̣̇асаа ко , бхигкавз, со бурисо б̣ахуннам̣ вассаанам̣ б̣ахуннам̣ вассасад̇аанам̣ б̣ахуннам̣ вассасахассаанам̣ ажжаязна д̣̇иб̣б̣ам̣ жаггарад̇анам̣ осаггид̇ам̣ таанаа жуд̇ам̣. д̣̇исваана язна рааж̇аа жаггавад̇д̇ий д̇знубасан̇гами; убасан̇гамид̇ваа рааж̇аанам̣ жаггавад̇д̇им̣ зд̇ад̣̇авожа – ‘яаг̇гхз , д̣̇зва, ж̇аанзяяааси, д̣̇иб̣б̣ам̣ д̇з жаггарад̇анам̣ осаггид̇ам̣ таанаа жуд̇а’нд̇и?
88. ‘‘Dutiyopi kho, bhikkhave, rājā cakkavattī…pe… tatiyopi kho, bhikkhave, rājā cakkavattī… catutthopi kho, bhikkhave, rājā cakkavattī… pañcamopi kho, bhikkhave, rājā cakkavattī… chaṭṭhopi kho, bhikkhave, rājā cakkavattī… sattamopi kho, bhikkhave, rājā cakkavattī bahunnaṃ vassānaṃ bahunnaṃ vassasatānaṃ bahunnaṃ vassasahassānaṃ accayena aññataraṃ purisaṃ āmantesi – ‘yadā tvaṃ, ambho purisa, passeyyāsi dibbaṃ cakkaratanaṃ osakkitaṃ ṭhānā cutaṃ, atha me āroceyyāsī’ti. ‘Evaṃ, devā’ti kho, bhikkhave, so puriso rañño cakkavattissa paccassosi. Addasā kho , bhikkhave, so puriso bahunnaṃ vassānaṃ bahunnaṃ vassasatānaṃ bahunnaṃ vassasahassānaṃ accayena dibbaṃ cakkaratanaṃ osakkitaṃ ṭhānā cutaṃ. Disvāna yena rājā cakkavattī tenupasaṅkami; upasaṅkamitvā rājānaṃ cakkavattiṃ etadavoca – ‘yagghe , deva, jāneyyāsi, dibbaṃ te cakkaratanaṃ osakkitaṃ ṭhānā cuta’nti?
89. ‘‘ат̇а ко, бхигкавз, рааж̇аа жаггавад̇д̇ий ж̇здтабуд̇д̇ам̣ гумаарам̣ ааманд̇аабзд̇ваа зд̇ад̣̇авожа – ‘д̣̇иб̣б̣ам̣ гира мз, д̇аад̇а гумаара, жаггарад̇анам̣ осаггид̇ам̣, таанаа жуд̇ам̣, суд̇ам̣ ко бана мзд̇ам̣ – яасса ран̃н̃о жаггавад̇д̇исса д̣̇иб̣б̣ам̣ жаггарад̇анам̣ осаггад̇и, таанаа жавад̇и, на д̣̇аани д̇зна ран̃н̃аа жирам̣ ж̇ийвид̇аб̣б̣ам̣ ход̇ийд̇и. бхуд̇д̇аа ко бана мз маанусагаа гаамаа, самаяо д̣̇аани мз д̣̇иб̣б̣з гаамз бариязсид̇ум̣, зхи д̇вам̣, д̇аад̇а гумаара, имам̣ самуд̣̇д̣̇абарияанд̇ам̣ бат̇авим̣ бадибаж̇ж̇а . ахам̣ бана гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇иссаамий’д̇и.
89. ‘‘Atha kho, bhikkhave, rājā cakkavattī jeṭṭhaputtaṃ kumāraṃ āmantāpetvā etadavoca – ‘dibbaṃ kira me, tāta kumāra, cakkaratanaṃ osakkitaṃ, ṭhānā cutaṃ, sutaṃ kho pana metaṃ – yassa rañño cakkavattissa dibbaṃ cakkaratanaṃ osakkati, ṭhānā cavati, na dāni tena raññā ciraṃ jīvitabbaṃ hotīti. Bhuttā kho pana me mānusakā kāmā, samayo dāni me dibbe kāme pariyesituṃ, ehi tvaṃ, tāta kumāra, imaṃ samuddapariyantaṃ pathaviṃ paṭipajja . Ahaṃ pana kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajissāmī’ti.
‘‘ат̇а ко, бхигкавз, рааж̇аа жаггавад̇д̇ий ж̇здтабуд̇д̇ам̣ гумаарам̣ саад̇хугам̣ раж̇ж̇з саманусаасид̇ваа гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇и. сад̇д̇аахабаб̣б̣аж̇ид̇з ко бана, бхигкавз, рааж̇исимхи д̣̇иб̣б̣ам̣ жаггарад̇анам̣ анд̇арад̇хааяи.
‘‘Atha kho, bhikkhave, rājā cakkavattī jeṭṭhaputtaṃ kumāraṃ sādhukaṃ rajje samanusāsitvā kesamassuṃ ohāretvā kāsāyāni vatthāni acchādetvā agārasmā anagāriyaṃ pabbaji. Sattāhapabbajite kho pana, bhikkhave, rājisimhi dibbaṃ cakkaratanaṃ antaradhāyi.
90. ‘‘ат̇а ко, бхигкавз, ан̃н̃ад̇аро бурисо язна рааж̇аа кад̇д̇ияо муд̣̇д̇хаабхисид̇д̇о д̇знубасан̇гами; убасан̇гамид̇ваа рааж̇аанам̣ кад̇д̇ияам̣ муд̣̇д̇хаабхисид̇д̇ам̣ зд̇ад̣̇авожа – ‘яаг̇гхз, д̣̇зва, ж̇аанзяяааси, д̣̇иб̣б̣ам̣ жаггарад̇анам̣ анд̇арахид̇а’нд̇и? ат̇а ко, бхигкавз, рааж̇аа кад̇д̇ияо муд̣̇д̇хаабхисид̇д̇о д̣̇иб̣б̣з жаггарад̇анз анд̇арахид̇з анад̇д̇амано ахоси. анад̇д̇аманад̇ан̃жа бадисам̣взд̣̇зси; но жа ко рааж̇исим̣ убасан̇гамид̇ваа арияам̣ жаггавад̇д̇ивад̇д̇ам̣ бужчи. со самад̇знзва суд̣̇ам̣ ж̇анабад̣̇ам̣ басаасад̇и. д̇асса самад̇зна ж̇анабад̣̇ам̣ басаасад̇о буб̣б̣знаабарам̣ ж̇анабад̣̇аа на баб̣б̣анд̇и, яат̇аа д̇ам̣ буб̣б̣агаанам̣ рааж̇уунам̣ арияз жаггавад̇д̇ивад̇д̇з вад̇д̇амаанаанам̣.
90. ‘‘Atha kho, bhikkhave, aññataro puriso yena rājā khattiyo muddhābhisitto tenupasaṅkami; upasaṅkamitvā rājānaṃ khattiyaṃ muddhābhisittaṃ etadavoca – ‘yagghe, deva, jāneyyāsi, dibbaṃ cakkaratanaṃ antarahita’nti? Atha kho, bhikkhave, rājā khattiyo muddhābhisitto dibbe cakkaratane antarahite anattamano ahosi. Anattamanatañca paṭisaṃvedesi; no ca kho rājisiṃ upasaṅkamitvā ariyaṃ cakkavattivattaṃ pucchi. So samateneva sudaṃ janapadaṃ pasāsati. Tassa samatena janapadaṃ pasāsato pubbenāparaṃ janapadā na pabbanti, yathā taṃ pubbakānaṃ rājūnaṃ ariye cakkavattivatte vattamānānaṃ.
‘‘ат̇а ко, бхигкавз, амажжаа баарисаж̇ж̇аа г̇ан̣агамахаамад̇д̇аа анийгадтаа д̣̇овааригаа манд̇ассааж̇ийвино саннибад̇ид̇ваа рааж̇аанам̣ кад̇д̇ияам̣ муд̣̇д̇хаабхисид̇д̇ам̣ зд̇ад̣̇авожум̣ – ‘на ко д̇з, д̣̇зва, самад̇зна (суд̣̇ам̣) ж̇анабад̣̇ам̣ басаасад̇о буб̣б̣знаабарам̣ ж̇анабад̣̇аа баб̣б̣анд̇и, яат̇аа д̇ам̣ буб̣б̣агаанам̣ рааж̇уунам̣ арияз жаггавад̇д̇ивад̇д̇з вад̇д̇амаанаанам̣. сам̣виж̇ж̇анд̇и ко д̇з, д̣̇зва, виж̇ид̇з амажжаа баарисаж̇ж̇аа г̇ан̣агамахаамад̇д̇аа анийгадтаа д̣̇овааригаа манд̇ассааж̇ийвино маяан̃жзва ан̃н̃з жа 29 яз маяам̣ арияам̣ жаггавад̇д̇ивад̇д̇ам̣ д̇хаарзма. ин̇гха д̇вам̣, д̣̇зва, амхз арияам̣ жаггавад̇д̇ивад̇д̇ам̣ бужча. д̇асса д̇з маяам̣ арияам̣ жаггавад̇д̇ивад̇д̇ам̣ будтаа б̣яаагариссаамаа’д̇и.
‘‘Atha kho, bhikkhave, amaccā pārisajjā gaṇakamahāmattā anīkaṭṭhā dovārikā mantassājīvino sannipatitvā rājānaṃ khattiyaṃ muddhābhisittaṃ etadavocuṃ – ‘na kho te, deva, samatena (sudaṃ) janapadaṃ pasāsato pubbenāparaṃ janapadā pabbanti, yathā taṃ pubbakānaṃ rājūnaṃ ariye cakkavattivatte vattamānānaṃ. Saṃvijjanti kho te, deva, vijite amaccā pārisajjā gaṇakamahāmattā anīkaṭṭhā dovārikā mantassājīvino mayañceva aññe ca 30 ye mayaṃ ariyaṃ cakkavattivattaṃ dhārema. Iṅgha tvaṃ, deva, amhe ariyaṃ cakkavattivattaṃ puccha. Tassa te mayaṃ ariyaṃ cakkavattivattaṃ puṭṭhā byākarissāmā’ti.
ааяуван̣н̣аад̣̇ибарияаанигат̇аа
Āyuvaṇṇādipariyānikathā
91. ‘‘ат̇а ко, бхигкавз, рааж̇аа кад̇д̇ияо муд̣̇д̇хаабхисид̇д̇о амажжз баарисаж̇ж̇з г̇ан̣агамахаамад̇д̇з анийгадтз д̣̇овааригз манд̇ассааж̇ийвино саннибаад̇зд̇ваа арияам̣ жаггавад̇д̇ивад̇д̇ам̣ бужчи. д̇асса д̇з арияам̣ жаггавад̇д̇ивад̇д̇ам̣ будтаа б̣яаагарим̣су. д̇зсам̣ суд̇ваа д̇хаммиган̃хи ко рагкааваран̣аг̇уд̇д̇им̣ сам̣вид̣̇ахи, но жа ко ад̇ханаанам̣ д̇ханамануббад̣̇ааси. ад̇ханаанам̣ д̇ханз анануббад̣̇ияамаанз д̣̇аалид̣̇д̣̇ияам̣ взбулламаг̇амааси. д̣̇аалид̣̇д̣̇ияз взбуллам̣ г̇ад̇з ан̃н̃ад̇аро бурисо барзсам̣ ад̣̇иннам̣ т̇зяяасан̇каад̇ам̣ аад̣̇ияи. д̇амзнам̣ аг̇г̇ахзсум̣. г̇ахзд̇ваа ран̃н̃о кад̇д̇ияасса муд̣̇д̇хаабхисид̇д̇асса д̣̇ассзсум̣ – ‘аяам̣, д̣̇зва, бурисо барзсам̣ ад̣̇иннам̣ т̇зяяасан̇каад̇ам̣ аад̣̇ияий’д̇и. звам̣ вуд̇д̇з, бхигкавз, рааж̇аа кад̇д̇ияо муд̣̇д̇хаабхисид̇д̇о д̇ам̣ бурисам̣ зд̇ад̣̇авожа – ‘сажжам̣ гира д̇вам̣, амбхо буриса, барзсам̣ ад̣̇иннам̣ т̇зяяасан̇каад̇ам̣ аад̣̇ияий’д̇и 31? ‘сажжам̣, д̣̇зваа’д̇и. ‘гим̣ гааран̣аа’д̇и? ‘на хи, д̣̇зва, ж̇ийваамий’д̇и. ат̇а ко, бхигкавз, рааж̇аа кад̇д̇ияо муд̣̇д̇хаабхисид̇д̇о д̇асса бурисасса д̇ханамануббад̣̇ааси – ‘иминаа д̇вам̣, амбхо буриса, д̇ханзна ад̇д̇анаа жа ж̇ийваахи, маад̇аабид̇аро жа босзхи, буд̇д̇ад̣̇ааран̃жа босзхи, гамманд̇з жа баяож̇зхи, саман̣аб̣раахман̣зсу 32 уд̣̇д̇хаг̇г̇игам̣ д̣̇агкин̣ам̣ бад̇идтаабзхи соваг̇г̇игам̣ сукавибаагам̣ саг̇г̇асам̣вад̇д̇анига’нд̇и. ‘звам̣, д̣̇зваа’д̇и ко, бхигкавз, со бурисо ран̃н̃о кад̇д̇ияасса муд̣̇д̇хаабхисид̇д̇асса бажжассоси.
91. ‘‘Atha kho, bhikkhave, rājā khattiyo muddhābhisitto amacce pārisajje gaṇakamahāmatte anīkaṭṭhe dovārike mantassājīvino sannipātetvā ariyaṃ cakkavattivattaṃ pucchi. Tassa te ariyaṃ cakkavattivattaṃ puṭṭhā byākariṃsu. Tesaṃ sutvā dhammikañhi kho rakkhāvaraṇaguttiṃ saṃvidahi, no ca kho adhanānaṃ dhanamanuppadāsi. Adhanānaṃ dhane ananuppadiyamāne dāliddiyaṃ vepullamagamāsi. Dāliddiye vepullaṃ gate aññataro puriso paresaṃ adinnaṃ theyyasaṅkhātaṃ ādiyi. Tamenaṃ aggahesuṃ. Gahetvā rañño khattiyassa muddhābhisittassa dassesuṃ – ‘ayaṃ, deva, puriso paresaṃ adinnaṃ theyyasaṅkhātaṃ ādiyī’ti. Evaṃ vutte, bhikkhave, rājā khattiyo muddhābhisitto taṃ purisaṃ etadavoca – ‘saccaṃ kira tvaṃ, ambho purisa, paresaṃ adinnaṃ theyyasaṅkhātaṃ ādiyī’ti 33? ‘Saccaṃ, devā’ti. ‘Kiṃ kāraṇā’ti? ‘Na hi, deva, jīvāmī’ti. Atha kho, bhikkhave, rājā khattiyo muddhābhisitto tassa purisassa dhanamanuppadāsi – ‘iminā tvaṃ, ambho purisa, dhanena attanā ca jīvāhi, mātāpitaro ca posehi, puttadārañca posehi, kammante ca payojehi, samaṇabrāhmaṇesu 34 uddhaggikaṃ dakkhiṇaṃ patiṭṭhāpehi sovaggikaṃ sukhavipākaṃ saggasaṃvattanika’nti. ‘Evaṃ, devā’ti kho, bhikkhave, so puriso rañño khattiyassa muddhābhisittassa paccassosi.
‘‘ан̃н̃ад̇ароби ко, бхигкавз, бурисо барзсам̣ ад̣̇иннам̣ т̇зяяасан̇каад̇ам̣ аад̣̇ияи. д̇амзнам̣ аг̇г̇ахзсум̣. г̇ахзд̇ваа ран̃н̃о кад̇д̇ияасса муд̣̇д̇хаабхисид̇д̇асса д̣̇ассзсум̣ – ‘аяам̣, д̣̇зва, бурисо барзсам̣ ад̣̇иннам̣ т̇зяяасан̇каад̇ам̣ аад̣̇ияий’д̇и. звам̣ вуд̇д̇з, бхигкавз, рааж̇аа кад̇д̇ияо муд̣̇д̇хаабхисид̇д̇о д̇ам̣ бурисам̣ зд̇ад̣̇авожа – ‘сажжам̣ гира д̇вам̣, амбхо буриса, барзсам̣ ад̣̇иннам̣ т̇зяяасан̇каад̇ам̣ аад̣̇ияий’д̇и? ‘сажжам̣, д̣̇зваа’д̇и. ‘гим̣ гааран̣аа’д̇и? ‘на хи, д̣̇зва, ж̇ийваамий’д̇и. ат̇а ко, бхигкавз, рааж̇аа кад̇д̇ияо муд̣̇д̇хаабхисид̇д̇о д̇асса бурисасса д̇ханамануббад̣̇ааси – ‘иминаа д̇вам̣, амбхо буриса, д̇ханзна ад̇д̇анаа жа ж̇ийваахи, маад̇аабид̇аро жа босзхи, буд̇д̇ад̣̇ааран̃жа босзхи, гамманд̇з жа баяож̇зхи, саман̣аб̣раахман̣зсу уд̣̇д̇хаг̇г̇игам̣ д̣̇агкин̣ам̣ бад̇идтаабзхи соваг̇г̇игам̣ сукавибаагам̣ саг̇г̇асам̣вад̇д̇анига’нд̇и. ‘звам̣, д̣̇зваа’д̇и ко, бхигкавз, со бурисо ран̃н̃о кад̇д̇ияасса муд̣̇д̇хаабхисид̇д̇асса бажжассоси .
‘‘Aññataropi kho, bhikkhave, puriso paresaṃ adinnaṃ theyyasaṅkhātaṃ ādiyi. Tamenaṃ aggahesuṃ. Gahetvā rañño khattiyassa muddhābhisittassa dassesuṃ – ‘ayaṃ, deva, puriso paresaṃ adinnaṃ theyyasaṅkhātaṃ ādiyī’ti. Evaṃ vutte, bhikkhave, rājā khattiyo muddhābhisitto taṃ purisaṃ etadavoca – ‘saccaṃ kira tvaṃ, ambho purisa, paresaṃ adinnaṃ theyyasaṅkhātaṃ ādiyī’ti? ‘Saccaṃ, devā’ti. ‘Kiṃ kāraṇā’ti? ‘Na hi, deva, jīvāmī’ti. Atha kho, bhikkhave, rājā khattiyo muddhābhisitto tassa purisassa dhanamanuppadāsi – ‘iminā tvaṃ, ambho purisa, dhanena attanā ca jīvāhi, mātāpitaro ca posehi, puttadārañca posehi, kammante ca payojehi, samaṇabrāhmaṇesu uddhaggikaṃ dakkhiṇaṃ patiṭṭhāpehi sovaggikaṃ sukhavipākaṃ saggasaṃvattanika’nti. ‘Evaṃ, devā’ti kho, bhikkhave, so puriso rañño khattiyassa muddhābhisittassa paccassosi .
92. ‘‘ассосум̣ ко, бхигкавз, мануссаа – ‘яз гира, бхо, барзсам̣ ад̣̇иннам̣ т̇зяяасан̇каад̇ам̣ аад̣̇ияанд̇и, д̇зсам̣ рааж̇аа д̇ханамануббад̣̇зд̇ий’д̇и. суд̇ваана д̇зсам̣ зд̇ад̣̇ахоси – ‘яам̣нууна маяамби барзсам̣ ад̣̇иннам̣ т̇зяяасан̇каад̇ам̣ аад̣̇иязяяаамаа’д̇и. ат̇а ко, бхигкавз, ан̃н̃ад̇аро бурисо барзсам̣ ад̣̇иннам̣ т̇зяяасан̇каад̇ам̣ аад̣̇ияи. д̇амзнам̣ аг̇г̇ахзсум̣. г̇ахзд̇ваа ран̃н̃о кад̇д̇ияасса муд̣̇д̇хаабхисид̇д̇асса д̣̇ассзсум̣ – ‘аяам̣, д̣̇зва, бурисо барзсам̣ ад̣̇иннам̣ т̇зяяасан̇каад̇ам̣ аад̣̇ияий’д̇и. звам̣ вуд̇д̇з, бхигкавз, рааж̇аа кад̇д̇ияо муд̣̇д̇хаабхисид̇д̇о д̇ам̣ бурисам̣ зд̇ад̣̇авожа – ‘сажжам̣ гира д̇вам̣, амбхо буриса, барзсам̣ ад̣̇иннам̣ т̇зяяасан̇каад̇ам̣ аад̣̇ияий’д̇и? ‘сажжам̣, д̣̇зваа’д̇и. ‘гим̣ гааран̣аа’д̇и? ‘на хи, д̣̇зва, ж̇ийваамий’д̇и. ат̇а ко, бхигкавз, ран̃н̃о кад̇д̇ияасса муд̣̇д̇хаабхисид̇д̇асса зд̇ад̣̇ахоси – ‘сажз ко ахам̣ яо яо барзсам̣ ад̣̇иннам̣ т̇зяяасан̇каад̇ам̣ аад̣̇ияиссад̇и, д̇асса д̇асса д̇ханамануббад̣̇ассаами, звамид̣̇ам̣ ад̣̇иннаад̣̇аанам̣ бавад̣дхиссад̇и. яам̣нуунаахам̣ имам̣ бурисам̣ сунисзд̇хам̣ нисзд̇хзяяам̣, муулагхажжам̣ 35 гарзяяам̣, сийсамасса чинд̣̇зяяа’нд̇и. ат̇а ко, бхигкавз, рааж̇аа кад̇д̇ияо муд̣̇д̇хаабхисид̇д̇о бурисз аан̣аабзси – ‘д̇зна хи, бхан̣з, имам̣ бурисам̣ д̣̇ал̣хааяа раж̇ж̇уяаа бажчааб̣аахам̣ 36 г̇аал̣хаб̣анд̇ханам̣ б̣анд̇хид̇ваа курамун̣д̣ам̣ гарид̇ваа карассарзна бан̣авзна рат̇игааяа рат̇игам̣ син̇гхаадагзна син̇гхаадагам̣ баринзд̇ваа д̣̇агкин̣зна д̣̇ваарзна нигкамид̇ваа д̣̇агкин̣ад̇о наг̇арасса сунисзд̇хам̣ нисзд̇хзт̇а, муулагхажжам̣ гарот̇а, сийсамасса чинд̣̇ат̇аа’д̇и. ‘звам̣, д̣̇зваа’д̇и ко, бхигкавз, д̇з бурисаа ран̃н̃о кад̇д̇ияасса муд̣̇д̇хаабхисид̇д̇асса бадиссуд̇ваа д̇ам̣ бурисам̣ д̣̇ал̣хааяа раж̇ж̇уяаа бажчааб̣аахам̣ г̇аал̣хаб̣анд̇ханам̣ б̣анд̇хид̇ваа курамун̣д̣ам̣ гарид̇ваа карассарзна бан̣авзна рат̇игааяа рат̇игам̣ син̇гхаадагзна син̇гхаадагам̣ баринзд̇ваа д̣̇агкин̣зна д̣̇ваарзна нигкамид̇ваа д̣̇агкин̣ад̇о наг̇арасса сунисзд̇хам̣ нисзд̇хзсум̣, муулагхажжам̣ агам̣су, сийсамасса чинд̣̇им̣су.
92. ‘‘Assosuṃ kho, bhikkhave, manussā – ‘ye kira, bho, paresaṃ adinnaṃ theyyasaṅkhātaṃ ādiyanti, tesaṃ rājā dhanamanuppadetī’ti. Sutvāna tesaṃ etadahosi – ‘yaṃnūna mayampi paresaṃ adinnaṃ theyyasaṅkhātaṃ ādiyeyyāmā’ti. Atha kho, bhikkhave, aññataro puriso paresaṃ adinnaṃ theyyasaṅkhātaṃ ādiyi. Tamenaṃ aggahesuṃ. Gahetvā rañño khattiyassa muddhābhisittassa dassesuṃ – ‘ayaṃ, deva, puriso paresaṃ adinnaṃ theyyasaṅkhātaṃ ādiyī’ti. Evaṃ vutte, bhikkhave, rājā khattiyo muddhābhisitto taṃ purisaṃ etadavoca – ‘saccaṃ kira tvaṃ, ambho purisa, paresaṃ adinnaṃ theyyasaṅkhātaṃ ādiyī’ti? ‘Saccaṃ, devā’ti. ‘Kiṃ kāraṇā’ti? ‘Na hi, deva, jīvāmī’ti. Atha kho, bhikkhave, rañño khattiyassa muddhābhisittassa etadahosi – ‘sace kho ahaṃ yo yo paresaṃ adinnaṃ theyyasaṅkhātaṃ ādiyissati, tassa tassa dhanamanuppadassāmi, evamidaṃ adinnādānaṃ pavaḍḍhissati. Yaṃnūnāhaṃ imaṃ purisaṃ sunisedhaṃ nisedheyyaṃ, mūlaghaccaṃ 37 kareyyaṃ, sīsamassa chindeyya’nti. Atha kho, bhikkhave, rājā khattiyo muddhābhisitto purise āṇāpesi – ‘tena hi, bhaṇe, imaṃ purisaṃ daḷhāya rajjuyā pacchābāhaṃ 38 gāḷhabandhanaṃ bandhitvā khuramuṇḍaṃ karitvā kharassarena paṇavena rathikāya rathikaṃ siṅghāṭakena siṅghāṭakaṃ parinetvā dakkhiṇena dvārena nikkhamitvā dakkhiṇato nagarassa sunisedhaṃ nisedhetha, mūlaghaccaṃ karotha, sīsamassa chindathā’ti. ‘Evaṃ, devā’ti kho, bhikkhave, te purisā rañño khattiyassa muddhābhisittassa paṭissutvā taṃ purisaṃ daḷhāya rajjuyā pacchābāhaṃ gāḷhabandhanaṃ bandhitvā khuramuṇḍaṃ karitvā kharassarena paṇavena rathikāya rathikaṃ siṅghāṭakena siṅghāṭakaṃ parinetvā dakkhiṇena dvārena nikkhamitvā dakkhiṇato nagarassa sunisedhaṃ nisedhesuṃ, mūlaghaccaṃ akaṃsu, sīsamassa chindiṃsu.
93. ‘‘ассосум̣ ко, бхигкавз, мануссаа – ‘яз гира, бхо, барзсам̣ ад̣̇иннам̣ т̇зяяасан̇каад̇ам̣ аад̣̇ияанд̇и, д̇з рааж̇аа сунисзд̇хам̣ нисзд̇хзд̇и, муулагхажжам̣ гарод̇и, сийсаани д̇зсам̣ чинд̣̇ад̇ий’д̇и. суд̇ваана д̇зсам̣ зд̇ад̣̇ахоси – ‘яам̣нууна маяамби д̇ин̣хаани сад̇т̇аани гаараабзссаама 39, д̇ин̣хаани сад̇т̇аани гаараабзд̇ваа язсам̣ ад̣̇иннам̣ т̇зяяасан̇каад̇ам̣ аад̣̇ияиссаама, д̇з сунисзд̇хам̣ нисзд̇хзссаама, муулагхажжам̣ гариссаама, сийсаани д̇зсам̣ чинд̣̇иссаамаа’д̇и. д̇з д̇ин̣хаани сад̇т̇аани гаараабзсум̣, д̇ин̣хаани сад̇т̇аани гаараабзд̇ваа г̇аамагхаад̇амби убаггамим̣су гаад̇ум̣, ниг̇амагхаад̇амби убаггамим̣су гаад̇ум̣, наг̇арагхаад̇амби убаггамим̣су гаад̇ум̣, бант̇ад̣̇уханамби 40 убаггамим̣су гаад̇ум̣. язсам̣ д̇з ад̣̇иннам̣ т̇зяяасан̇каад̇ам̣ аад̣̇ияанд̇и, д̇з сунисзд̇хам̣ нисзд̇хзнд̇и, муулагхажжам̣ гаронд̇и, сийсаани д̇зсам̣ чинд̣̇анд̇и.
93. ‘‘Assosuṃ kho, bhikkhave, manussā – ‘ye kira, bho, paresaṃ adinnaṃ theyyasaṅkhātaṃ ādiyanti, te rājā sunisedhaṃ nisedheti, mūlaghaccaṃ karoti, sīsāni tesaṃ chindatī’ti. Sutvāna tesaṃ etadahosi – ‘yaṃnūna mayampi tiṇhāni satthāni kārāpessāma 41, tiṇhāni satthāni kārāpetvā yesaṃ adinnaṃ theyyasaṅkhātaṃ ādiyissāma, te sunisedhaṃ nisedhessāma, mūlaghaccaṃ karissāma, sīsāni tesaṃ chindissāmā’ti. Te tiṇhāni satthāni kārāpesuṃ, tiṇhāni satthāni kārāpetvā gāmaghātampi upakkamiṃsu kātuṃ, nigamaghātampi upakkamiṃsu kātuṃ, nagaraghātampi upakkamiṃsu kātuṃ, panthaduhanampi 42 upakkamiṃsu kātuṃ. Yesaṃ te adinnaṃ theyyasaṅkhātaṃ ādiyanti, te sunisedhaṃ nisedhenti, mūlaghaccaṃ karonti, sīsāni tesaṃ chindanti.
94. ‘‘ид̇и ко, бхигкавз, ад̇ханаанам̣ д̇ханз анануббад̣̇ияамаанз д̣̇аалид̣̇д̣̇ияам̣ взбулламаг̇амааси, д̣̇аалид̣̇д̣̇ияз взбуллам̣ г̇ад̇з ад̣̇иннаад̣̇аанам̣ взбулламаг̇амааси, ад̣̇иннаад̣̇аанз взбуллам̣ г̇ад̇з сад̇т̇ам̣ взбулламаг̇амааси, сад̇т̇з взбуллам̣ г̇ад̇з баан̣аад̇ибаад̇о взбулламаг̇амааси, баан̣аад̇ибаад̇з взбуллам̣ г̇ад̇з д̇зсам̣ сад̇д̇аанам̣ ааяуби барихааяи, ван̣н̣оби барихааяи. д̇зсам̣ ааяунааби барихааяамаанаанам̣ ван̣н̣знаби барихааяамаанаанам̣ асийд̇ивассасахассааяугаанам̣ мануссаанам̣ жад̇д̇аарийсавассасахассааяугаа буд̇д̇аа ахзсум̣.
94. ‘‘Iti kho, bhikkhave, adhanānaṃ dhane ananuppadiyamāne dāliddiyaṃ vepullamagamāsi, dāliddiye vepullaṃ gate adinnādānaṃ vepullamagamāsi, adinnādāne vepullaṃ gate satthaṃ vepullamagamāsi, satthe vepullaṃ gate pāṇātipāto vepullamagamāsi, pāṇātipāte vepullaṃ gate tesaṃ sattānaṃ āyupi parihāyi, vaṇṇopi parihāyi. Tesaṃ āyunāpi parihāyamānānaṃ vaṇṇenapi parihāyamānānaṃ asītivassasahassāyukānaṃ manussānaṃ cattārīsavassasahassāyukā puttā ahesuṃ.
‘‘жад̇д̇аарийсавассасахассааяугзсу, бхигкавз, мануссзсу ан̃н̃ад̇аро бурисо барзсам̣ ад̣̇иннам̣ т̇зяяасан̇каад̇ам̣ аад̣̇ияи. д̇амзнам̣ аг̇г̇ахзсум̣. г̇ахзд̇ваа ран̃н̃о кад̇д̇ияасса муд̣̇д̇хаабхисид̇д̇асса д̣̇ассзсум̣ – ‘аяам̣, д̣̇зва, бурисо барзсам̣ ад̣̇иннам̣ т̇зяяасан̇каад̇ам̣ аад̣̇ияий’д̇и. звам̣ вуд̇д̇з, бхигкавз, рааж̇аа кад̇д̇ияо муд̣̇д̇хаабхисид̇д̇о д̇ам̣ бурисам̣ зд̇ад̣̇авожа – ‘сажжам̣ гира д̇вам̣, амбхо буриса, барзсам̣ ад̣̇иннам̣ т̇зяяасан̇каад̇ам̣ аад̣̇ияий’д̇и? ‘на хи, д̣̇зваа’д̇и самбаж̇аанамусаа абхааси.
‘‘Cattārīsavassasahassāyukesu, bhikkhave, manussesu aññataro puriso paresaṃ adinnaṃ theyyasaṅkhātaṃ ādiyi. Tamenaṃ aggahesuṃ. Gahetvā rañño khattiyassa muddhābhisittassa dassesuṃ – ‘ayaṃ, deva, puriso paresaṃ adinnaṃ theyyasaṅkhātaṃ ādiyī’ti. Evaṃ vutte, bhikkhave, rājā khattiyo muddhābhisitto taṃ purisaṃ etadavoca – ‘saccaṃ kira tvaṃ, ambho purisa, paresaṃ adinnaṃ theyyasaṅkhātaṃ ādiyī’ti? ‘Na hi, devā’ti sampajānamusā abhāsi.
95. ‘‘ид̇и ко, бхигкавз, ад̇ханаанам̣ д̇ханз анануббад̣̇ияамаанз д̣̇аалид̣̇д̣̇ияам̣ взбулламаг̇амааси. д̣̇аалид̣̇д̣̇ияз взбуллам̣ г̇ад̇з ад̣̇иннаад̣̇аанам̣ взбулламаг̇амааси, ад̣̇иннаад̣̇аанз взбуллам̣ г̇ад̇з сад̇т̇ам̣ взбулламаг̇амааси. сад̇т̇з взбуллам̣ г̇ад̇з баан̣аад̇ибаад̇о взбулламаг̇амааси, баан̣аад̇ибаад̇з взбуллам̣ г̇ад̇з мусааваад̣̇о взбулламаг̇амааси , мусааваад̣̇з взбуллам̣ г̇ад̇з д̇зсам̣ сад̇д̇аанам̣ ааяуби барихааяи, ван̣н̣оби барихааяи. д̇зсам̣ ааяунааби барихааяамаанаанам̣ ван̣н̣знаби барихааяамаанаанам̣ жад̇д̇аарийсавассасахассааяугаанам̣ мануссаанам̣ вийсад̇ивассасахассааяугаа буд̇д̇аа ахзсум̣.
95. ‘‘Iti kho, bhikkhave, adhanānaṃ dhane ananuppadiyamāne dāliddiyaṃ vepullamagamāsi. Dāliddiye vepullaṃ gate adinnādānaṃ vepullamagamāsi, adinnādāne vepullaṃ gate satthaṃ vepullamagamāsi. Satthe vepullaṃ gate pāṇātipāto vepullamagamāsi, pāṇātipāte vepullaṃ gate musāvādo vepullamagamāsi , musāvāde vepullaṃ gate tesaṃ sattānaṃ āyupi parihāyi, vaṇṇopi parihāyi. Tesaṃ āyunāpi parihāyamānānaṃ vaṇṇenapi parihāyamānānaṃ cattārīsavassasahassāyukānaṃ manussānaṃ vīsativassasahassāyukā puttā ahesuṃ.
‘‘вийсад̇ивассасахассааяугзсу , бхигкавз, мануссзсу ан̃н̃ад̇аро бурисо барзсам̣ ад̣̇иннам̣ т̇зяяасан̇каад̇ам̣ аад̣̇ияи. д̇амзнам̣ ан̃н̃ад̇аро бурисо ран̃н̃о кад̇д̇ияасса муд̣̇д̇хаабхисид̇д̇асса аарожзси – ‘ид̇т̇аннаамо, д̣̇зва, бурисо барзсам̣ ад̣̇иннам̣ т̇зяяасан̇каад̇ам̣ аад̣̇ияий’д̇и бзсун̃н̃амагааси.
‘‘Vīsativassasahassāyukesu , bhikkhave, manussesu aññataro puriso paresaṃ adinnaṃ theyyasaṅkhātaṃ ādiyi. Tamenaṃ aññataro puriso rañño khattiyassa muddhābhisittassa ārocesi – ‘itthannāmo, deva, puriso paresaṃ adinnaṃ theyyasaṅkhātaṃ ādiyī’ti pesuññamakāsi.
96. ‘‘ид̇и ко, бхигкавз, ад̇ханаанам̣ д̇ханз анануббад̣̇ияамаанз д̣̇аалид̣̇д̣̇ияам̣ взбулламаг̇амааси. д̣̇аалид̣̇д̣̇ияз взбуллам̣ г̇ад̇з ад̣̇иннаад̣̇аанам̣ взбулламаг̇амааси, ад̣̇иннаад̣̇аанз взбуллам̣ г̇ад̇з сад̇т̇ам̣ взбулламаг̇амааси, сад̇т̇з взбуллам̣ г̇ад̇з баан̣аад̇ибаад̇о взбулламаг̇амааси, баан̣аад̇ибаад̇з взбуллам̣ г̇ад̇з мусааваад̣̇о взбулламаг̇амааси, мусааваад̣̇з взбуллам̣ г̇ад̇з бисун̣аа ваажаа взбулламаг̇амааси, бисун̣ааяа ваажааяа взбуллам̣ г̇ад̇ааяа д̇зсам̣ сад̇д̇аанам̣ ааяуби барихааяи, ван̣н̣оби барихааяи. д̇зсам̣ ааяунааби барихааяамаанаанам̣ ван̣н̣знаби барихааяамаанаанам̣ вийсад̇ивассасахассааяугаанам̣ мануссаанам̣ д̣̇асавассасахассааяугаа буд̇д̇аа ахзсум̣.
96. ‘‘Iti kho, bhikkhave, adhanānaṃ dhane ananuppadiyamāne dāliddiyaṃ vepullamagamāsi. Dāliddiye vepullaṃ gate adinnādānaṃ vepullamagamāsi, adinnādāne vepullaṃ gate satthaṃ vepullamagamāsi, satthe vepullaṃ gate pāṇātipāto vepullamagamāsi, pāṇātipāte vepullaṃ gate musāvādo vepullamagamāsi, musāvāde vepullaṃ gate pisuṇā vācā vepullamagamāsi, pisuṇāya vācāya vepullaṃ gatāya tesaṃ sattānaṃ āyupi parihāyi, vaṇṇopi parihāyi. Tesaṃ āyunāpi parihāyamānānaṃ vaṇṇenapi parihāyamānānaṃ vīsativassasahassāyukānaṃ manussānaṃ dasavassasahassāyukā puttā ahesuṃ.
‘‘д̣̇асавассасахассааяугзсу, бхигкавз, мануссзсу згид̣̇ам̣ сад̇д̇аа ван̣н̣аванд̇о хонд̇и, згид̣̇ам̣ сад̇д̇аа д̣̇уб̣б̣ан̣н̣аа. д̇ад̇т̇а яз д̇з сад̇д̇аа д̣̇уб̣б̣ан̣н̣аа, д̇з ван̣н̣аванд̇з сад̇д̇з абхиж̇жхааяанд̇аа барзсам̣ д̣̇аарзсу жаарид̇д̇ам̣ аабаж̇ж̇им̣су.
‘‘Dasavassasahassāyukesu, bhikkhave, manussesu ekidaṃ sattā vaṇṇavanto honti, ekidaṃ sattā dubbaṇṇā. Tattha ye te sattā dubbaṇṇā, te vaṇṇavante satte abhijjhāyantā paresaṃ dāresu cārittaṃ āpajjiṃsu.
97. ‘‘ид̇и ко, бхигкавз, ад̇ханаанам̣ д̇ханз анануббад̣̇ияамаанз д̣̇аалид̣̇д̣̇ияам̣ взбулламаг̇амааси. д̣̇аалид̣̇д̣̇ияз взбуллам̣ г̇ад̇з…бз… гаамзсумижчаажааро взбулламаг̇амааси, гаамзсумижчаажаарз взбуллам̣ г̇ад̇з д̇зсам̣ сад̇д̇аанам̣ ааяуби барихааяи, ван̣н̣оби барихааяи. д̇зсам̣ ааяунааби барихааяамаанаанам̣ ван̣н̣знаби барихааяамаанаанам̣ д̣̇асавассасахассааяугаанам̣ мануссаанам̣ бан̃жавассасахассааяугаа буд̇д̇аа ахзсум̣.
97. ‘‘Iti kho, bhikkhave, adhanānaṃ dhane ananuppadiyamāne dāliddiyaṃ vepullamagamāsi. Dāliddiye vepullaṃ gate…pe… kāmesumicchācāro vepullamagamāsi, kāmesumicchācāre vepullaṃ gate tesaṃ sattānaṃ āyupi parihāyi, vaṇṇopi parihāyi. Tesaṃ āyunāpi parihāyamānānaṃ vaṇṇenapi parihāyamānānaṃ dasavassasahassāyukānaṃ manussānaṃ pañcavassasahassāyukā puttā ahesuṃ.
98. ‘‘бан̃жавассасахассааяугзсу, бхигкавз , мануссзсу д̣̇вз д̇хаммаа взбулламаг̇амам̣су – парусааваажаа сампаббалаабо жа. д̣̇вийсу д̇хаммзсу взбуллам̣ г̇ад̇зсу д̇зсам̣ сад̇д̇аанам̣ ааяуби барихааяи, ван̣н̣оби барихааяи. д̇зсам̣ ааяунааби барихааяамаанаанам̣ ван̣н̣знаби барихааяамаанаанам̣ бан̃жавассасахассааяугаанам̣ мануссаанам̣ аббзгажжз ад̣дхад̇зяяавассасахассааяугаа, аббзгажжз д̣̇взвассасахассааяугаа буд̇д̇аа ахзсум̣.
98. ‘‘Pañcavassasahassāyukesu, bhikkhave , manussesu dve dhammā vepullamagamaṃsu – pharusāvācā samphappalāpo ca. Dvīsu dhammesu vepullaṃ gatesu tesaṃ sattānaṃ āyupi parihāyi, vaṇṇopi parihāyi. Tesaṃ āyunāpi parihāyamānānaṃ vaṇṇenapi parihāyamānānaṃ pañcavassasahassāyukānaṃ manussānaṃ appekacce aḍḍhateyyavassasahassāyukā, appekacce dvevassasahassāyukā puttā ahesuṃ.
99. ‘‘ад̣дхад̇зяяавассасахассааяугзсу, бхигкавз, мануссзсу абхиж̇жхааб̣яаабаад̣̇аа взбулламаг̇амам̣су. абхиж̇жхааб̣яаабаад̣̇зсу взбуллам̣ г̇ад̇зсу д̇зсам̣ сад̇д̇аанам̣ ааяуби барихааяи, ван̣н̣оби барихааяи. д̇зсам̣ ааяунааби барихааяамаанаанам̣ ван̣н̣знаби барихааяамаанаанам̣ ад̣дхад̇зяяавассасахассааяугаанам̣ мануссаанам̣ вассасахассааяугаа буд̇д̇аа ахзсум̣.
99. ‘‘Aḍḍhateyyavassasahassāyukesu, bhikkhave, manussesu abhijjhābyāpādā vepullamagamaṃsu. Abhijjhābyāpādesu vepullaṃ gatesu tesaṃ sattānaṃ āyupi parihāyi, vaṇṇopi parihāyi. Tesaṃ āyunāpi parihāyamānānaṃ vaṇṇenapi parihāyamānānaṃ aḍḍhateyyavassasahassāyukānaṃ manussānaṃ vassasahassāyukā puttā ahesuṃ.
100. ‘‘вассасахассааяугзсу, бхигкавз, мануссзсу мижчаад̣̇идти взбулламаг̇амааси. мижчаад̣̇идтияаа взбуллам̣ г̇ад̇ааяа д̇зсам̣ сад̇д̇аанам̣ ааяуби барихааяи, ван̣н̣оби барихааяи. д̇зсам̣ ааяунааби барихааяамаанаанам̣ ван̣н̣знаби барихааяамаанаанам̣ вассасахассааяугаанам̣ мануссаанам̣ бан̃жавассасад̇ааяугаа буд̇д̇аа ахзсум̣.
100. ‘‘Vassasahassāyukesu, bhikkhave, manussesu micchādiṭṭhi vepullamagamāsi. Micchādiṭṭhiyā vepullaṃ gatāya tesaṃ sattānaṃ āyupi parihāyi, vaṇṇopi parihāyi. Tesaṃ āyunāpi parihāyamānānaṃ vaṇṇenapi parihāyamānānaṃ vassasahassāyukānaṃ manussānaṃ pañcavassasatāyukā puttā ahesuṃ.
101. ‘‘бан̃жавассасад̇ааяугзсу, бхигкавз, мануссзсу д̇аяо д̇хаммаа взбулламаг̇амам̣су. ад̇хаммарааг̇о висамалобхо мижчаад̇хаммо. д̇ийсу д̇хаммзсу взбуллам̣ г̇ад̇зсу д̇зсам̣ сад̇д̇аанам̣ ааяуби барихааяи, ван̣н̣оби барихааяи. д̇зсам̣ ааяунааби барихааяамаанаанам̣ ван̣н̣знаби барихааяамаанаанам̣ бан̃жавассасад̇ааяугаанам̣ мануссаанам̣ аббзгажжз ад̣дхад̇зяяавассасад̇ааяугаа, аббзгажжз д̣̇взвассасад̇ааяугаа буд̇д̇аа ахзсум̣.
101. ‘‘Pañcavassasatāyukesu, bhikkhave, manussesu tayo dhammā vepullamagamaṃsu. Adhammarāgo visamalobho micchādhammo. Tīsu dhammesu vepullaṃ gatesu tesaṃ sattānaṃ āyupi parihāyi, vaṇṇopi parihāyi. Tesaṃ āyunāpi parihāyamānānaṃ vaṇṇenapi parihāyamānānaṃ pañcavassasatāyukānaṃ manussānaṃ appekacce aḍḍhateyyavassasatāyukā, appekacce dvevassasatāyukā puttā ahesuṃ.
‘‘ад̣дхад̇зяяавассасад̇ааяугзсу, бхигкавз , мануссзсу имз д̇хаммаа взбулламаг̇амам̣су. амад̇д̇зяяад̇аа абзд̇д̇зяяад̇аа асааман̃н̃ад̇аа аб̣рахман̃н̃ад̇аа на гулз ж̇здтаабажааяид̇аа.
‘‘Aḍḍhateyyavassasatāyukesu, bhikkhave , manussesu ime dhammā vepullamagamaṃsu. Amatteyyatā apetteyyatā asāmaññatā abrahmaññatā na kule jeṭṭhāpacāyitā.
102. ‘‘ид̇и ко, бхигкавз, ад̇ханаанам̣ д̇ханз анануббад̣̇ияамаанз д̣̇аалид̣̇д̣̇ияам̣ взбулламаг̇амааси. д̣̇аалид̣̇д̣̇ияз взбуллам̣ г̇ад̇з ад̣̇иннаад̣̇аанам̣ взбулламаг̇амааси. ад̣̇иннаад̣̇аанз взбуллам̣ г̇ад̇з сад̇т̇ам̣ взбулламаг̇амааси. сад̇т̇з взбуллам̣ г̇ад̇з баан̣аад̇ибаад̇о взбулламаг̇амааси. баан̣аад̇ибаад̇з взбуллам̣ г̇ад̇з мусааваад̣̇о взбулламаг̇амааси. мусааваад̣̇з взбуллам̣ г̇ад̇з бисун̣аа ваажаа взбулламаг̇амааси. бисун̣ааяа ваажааяа взбуллам̣ г̇ад̇ааяа гаамзсумижчаажааро взбулламаг̇амааси. гаамзсумижчаажаарз взбуллам̣ г̇ад̇з д̣̇вз д̇хаммаа взбулламаг̇амам̣су, парусаа ваажаа сампаббалаабо жа. д̣̇вийсу д̇хаммзсу взбуллам̣ г̇ад̇зсу абхиж̇жхааб̣яаабаад̣̇аа взбулламаг̇амам̣су. абхиж̇жхааб̣яаабаад̣̇зсу взбуллам̣ г̇ад̇зсу мижчаад̣̇идти взбулламаг̇амааси. мижчаад̣̇идтияаа взбуллам̣ г̇ад̇ааяа д̇аяо д̇хаммаа взбулламаг̇амам̣су, ад̇хаммарааг̇о висамалобхо мижчаад̇хаммо. д̇ийсу д̇хаммзсу взбуллам̣ г̇ад̇зсу имз д̇хаммаа взбулламаг̇амам̣су, амад̇д̇зяяад̇аа абзд̇д̇зяяад̇аа асааман̃н̃ад̇аа аб̣рахман̃н̃ад̇аа на гулз ж̇здтаабажааяид̇аа. имзсу д̇хаммзсу взбуллам̣ г̇ад̇зсу д̇зсам̣ сад̇д̇аанам̣ ааяуби барихааяи, ван̣н̣оби барихааяи. д̇зсам̣ ааяунааби барихааяамаанаанам̣ ван̣н̣знаби барихааяамаанаанам̣ ад̣дхад̇зяяавассасад̇ааяугаанам̣ мануссаанам̣ вассасад̇ааяугаа буд̇д̇аа ахзсум̣.
102. ‘‘Iti kho, bhikkhave, adhanānaṃ dhane ananuppadiyamāne dāliddiyaṃ vepullamagamāsi. Dāliddiye vepullaṃ gate adinnādānaṃ vepullamagamāsi. Adinnādāne vepullaṃ gate satthaṃ vepullamagamāsi. Satthe vepullaṃ gate pāṇātipāto vepullamagamāsi. Pāṇātipāte vepullaṃ gate musāvādo vepullamagamāsi. Musāvāde vepullaṃ gate pisuṇā vācā vepullamagamāsi. Pisuṇāya vācāya vepullaṃ gatāya kāmesumicchācāro vepullamagamāsi. Kāmesumicchācāre vepullaṃ gate dve dhammā vepullamagamaṃsu, pharusā vācā samphappalāpo ca. Dvīsu dhammesu vepullaṃ gatesu abhijjhābyāpādā vepullamagamaṃsu. Abhijjhābyāpādesu vepullaṃ gatesu micchādiṭṭhi vepullamagamāsi. Micchādiṭṭhiyā vepullaṃ gatāya tayo dhammā vepullamagamaṃsu, adhammarāgo visamalobho micchādhammo. Tīsu dhammesu vepullaṃ gatesu ime dhammā vepullamagamaṃsu, amatteyyatā apetteyyatā asāmaññatā abrahmaññatā na kule jeṭṭhāpacāyitā. Imesu dhammesu vepullaṃ gatesu tesaṃ sattānaṃ āyupi parihāyi, vaṇṇopi parihāyi. Tesaṃ āyunāpi parihāyamānānaṃ vaṇṇenapi parihāyamānānaṃ aḍḍhateyyavassasatāyukānaṃ manussānaṃ vassasatāyukā puttā ahesuṃ.
д̣̇асавассааяугасамаяо
Dasavassāyukasamayo
103. ‘‘бхависсад̇и , бхигкавз, со самаяо, яам̣ имзсам̣ мануссаанам̣ д̣̇асавассааяугаа буд̇д̇аа бхависсанд̇и. д̣̇асавассааяугзсу, бхигкавз, мануссзсу бан̃жавассигаа 43 гумааригаа алам̣бад̇зяяаа бхависсанд̇и. д̣̇асавассааяугзсу, бхигкавз, мануссзсу имаани расаани анд̇арад̇хааяиссанд̇и, сзяяат̇ид̣̇ам̣, сабби наванийд̇ам̣ д̇злам̣ мад̇ху паан̣ид̇ам̣ лон̣ам̣. д̣̇асавассааяугзсу, бхигкавз, мануссзсу гуд̣̇руусаго аг̇г̇ам̣ бхож̇анаанам̣ 44 бхависсад̇и. сзяяат̇ааби, бхигкавз, зд̇арахи саалимам̣сод̣̇ано аг̇г̇ам̣ бхож̇анаанам̣; звамзва ко, бхигкавз, д̣̇асавассааяугзсу мануссзсу гуд̣̇руусаго аг̇г̇ам̣ бхож̇анаанам̣ бхависсад̇и.
103. ‘‘Bhavissati , bhikkhave, so samayo, yaṃ imesaṃ manussānaṃ dasavassāyukā puttā bhavissanti. Dasavassāyukesu, bhikkhave, manussesu pañcavassikā 45 kumārikā alaṃpateyyā bhavissanti. Dasavassāyukesu, bhikkhave, manussesu imāni rasāni antaradhāyissanti, seyyathidaṃ, sappi navanītaṃ telaṃ madhu phāṇitaṃ loṇaṃ. Dasavassāyukesu, bhikkhave, manussesu kudrūsako aggaṃ bhojanānaṃ 46 bhavissati. Seyyathāpi, bhikkhave, etarahi sālimaṃsodano aggaṃ bhojanānaṃ; evameva kho, bhikkhave, dasavassāyukesu manussesu kudrūsako aggaṃ bhojanānaṃ bhavissati.
‘‘д̣̇асавассааяугзсу, бхигкавз, мануссзсу д̣̇аса гусалагаммабат̇аа саб̣б̣зна саб̣б̣ам̣ анд̇арад̇хааяиссанд̇и, д̣̇аса агусалагаммабат̇аа ад̇иб̣яаад̣̇иббиссанд̇и 47. д̣̇асавассааяугзсу , бхигкавз, мануссзсу гусаланд̇иби на бхависсад̇и, гуд̇о бана гусаласса гаараго. д̣̇асавассааяугзсу, бхигкавз, мануссзсу яз д̇з бхависсанд̇и амад̇д̇зяяаа абзд̇д̇зяяаа асааман̃н̃аа аб̣рахман̃н̃аа на гулз ж̇здтаабажааяино, д̇з буж̇ж̇аа жа бхависсанд̇и баасам̣саа жа. сзяяат̇ааби, бхигкавз, зд̇арахи мад̇д̇зяяаа бзд̇д̇зяяаа сааман̃н̃аа б̣рахман̃н̃аа гулз ж̇здтаабажааяино буж̇ж̇аа жа баасам̣саа жа; звамзва ко, бхигкавз, д̣̇асавассааяугзсу мануссзсу яз д̇з бхависсанд̇и амад̇д̇зяяаа абзд̇д̇зяяаа асааман̃н̃аа аб̣рахман̃н̃аа на гулз ж̇здтаабажааяино, д̇з буж̇ж̇аа жа бхависсанд̇и баасам̣саа жа.
‘‘Dasavassāyukesu, bhikkhave, manussesu dasa kusalakammapathā sabbena sabbaṃ antaradhāyissanti, dasa akusalakammapathā atibyādippissanti 48. Dasavassāyukesu , bhikkhave, manussesu kusalantipi na bhavissati, kuto pana kusalassa kārako. Dasavassāyukesu, bhikkhave, manussesu ye te bhavissanti amatteyyā apetteyyā asāmaññā abrahmaññā na kule jeṭṭhāpacāyino, te pujjā ca bhavissanti pāsaṃsā ca. Seyyathāpi, bhikkhave, etarahi matteyyā petteyyā sāmaññā brahmaññā kule jeṭṭhāpacāyino pujjā ca pāsaṃsā ca; evameva kho, bhikkhave, dasavassāyukesu manussesu ye te bhavissanti amatteyyā apetteyyā asāmaññā abrahmaññā na kule jeṭṭhāpacāyino, te pujjā ca bhavissanti pāsaṃsā ca.
‘‘д̣̇асавассааяугзсу , бхигкавз, мануссзсу на бхависсад̇и маад̇аад̇и ваа маад̇ужчаад̇и ваа маад̇улаанийд̇и ваа аажарияабхарияаад̇и ваа г̇аруунам̣ д̣̇аараад̇и ваа. самбхзд̣̇ам̣ лого г̇амиссад̇и яат̇аа аж̇зл̣агаа гуггудасуугараа сон̣асин̇г̇аалаа 49.
‘‘Dasavassāyukesu , bhikkhave, manussesu na bhavissati mātāti vā mātucchāti vā mātulānīti vā ācariyabhariyāti vā garūnaṃ dārāti vā. Sambhedaṃ loko gamissati yathā ajeḷakā kukkuṭasūkarā soṇasiṅgālā 50.
‘‘д̣̇асавассааяугзсу, бхигкавз, мануссзсу д̇зсам̣ сад̇д̇аанам̣ ан̃н̃аман̃н̃амхи д̇иб̣б̣о аагхаад̇о бажжубадтид̇о бхависсад̇и д̇иб̣б̣о б̣яаабаад̣̇о д̇иб̣б̣о манобад̣̇осо д̇иб̣б̣ам̣ вад̇хагажид̇д̇ам̣. маад̇уби буд̇д̇амхи буд̇д̇ассаби маад̇ари; бид̇уби буд̇д̇амхи буд̇д̇ассаби бид̇ари; бхаад̇уби бхаг̇инияаа бхаг̇инияааби бхаад̇ари д̇иб̣б̣о аагхаад̇о бажжубадтид̇о бхависсад̇и д̇иб̣б̣о б̣яаабаад̣̇о д̇иб̣б̣о манобад̣̇осо д̇иб̣б̣ам̣ вад̇хагажид̇д̇ам̣. сзяяат̇ааби, бхигкавз, мааг̇авигасса миг̇ам̣ д̣̇исваа д̇иб̣б̣о аагхаад̇о бажжубадтид̇о ход̇и д̇иб̣б̣о б̣яаабаад̣̇о д̇иб̣б̣о манобад̣̇осо д̇иб̣б̣ам̣ вад̇хагажид̇д̇ам̣; звамзва ко, бхигкавз, д̣̇асавассааяугзсу мануссзсу д̇зсам̣ сад̇д̇аанам̣ ан̃н̃аман̃н̃амхи д̇иб̣б̣о аагхаад̇о бажжубадтид̇о бхависсад̇и д̇иб̣б̣о б̣яаабаад̣̇о д̇иб̣б̣о манобад̣̇осо д̇иб̣б̣ам̣ вад̇хагажид̇д̇ам̣. маад̇уби буд̇д̇амхи буд̇д̇ассаби маад̇ари; бид̇уби буд̇д̇амхи буд̇д̇ассаби бид̇ари; бхаад̇уби бхаг̇инияаа бхаг̇инияааби бхаад̇ари д̇иб̣б̣о аагхаад̇о бажжубадтид̇о бхависсад̇и д̇иб̣б̣о б̣яаабаад̣̇о д̇иб̣б̣о манобад̣̇осо д̇иб̣б̣ам̣ вад̇хагажид̇д̇ам̣.
‘‘Dasavassāyukesu, bhikkhave, manussesu tesaṃ sattānaṃ aññamaññamhi tibbo āghāto paccupaṭṭhito bhavissati tibbo byāpādo tibbo manopadoso tibbaṃ vadhakacittaṃ. Mātupi puttamhi puttassapi mātari; pitupi puttamhi puttassapi pitari; bhātupi bhaginiyā bhaginiyāpi bhātari tibbo āghāto paccupaṭṭhito bhavissati tibbo byāpādo tibbo manopadoso tibbaṃ vadhakacittaṃ. Seyyathāpi, bhikkhave, māgavikassa migaṃ disvā tibbo āghāto paccupaṭṭhito hoti tibbo byāpādo tibbo manopadoso tibbaṃ vadhakacittaṃ; evameva kho, bhikkhave, dasavassāyukesu manussesu tesaṃ sattānaṃ aññamaññamhi tibbo āghāto paccupaṭṭhito bhavissati tibbo byāpādo tibbo manopadoso tibbaṃ vadhakacittaṃ. Mātupi puttamhi puttassapi mātari; pitupi puttamhi puttassapi pitari; bhātupi bhaginiyā bhaginiyāpi bhātari tibbo āghāto paccupaṭṭhito bhavissati tibbo byāpādo tibbo manopadoso tibbaṃ vadhakacittaṃ.
104. ‘‘д̣̇асавассааяугзсу, бхигкавз, мануссзсу сад̇д̇аахам̣ сад̇т̇анд̇арагаббо бхависсад̇и. д̇з ан̃н̃аман̃н̃амхи миг̇асан̃н̃ам̣ бадилабхиссанд̇и. д̇зсам̣ д̇ин̣хаани сад̇т̇аани хад̇т̇зсу баад̇убхависсанд̇и. д̇з д̇ин̣хзна сад̇т̇зна ‘зса миг̇о зса миг̇о’д̇и ан̃н̃аман̃н̃ам̣ ж̇ийвид̇аа воробзссанд̇и.
104. ‘‘Dasavassāyukesu, bhikkhave, manussesu sattāhaṃ satthantarakappo bhavissati. Te aññamaññamhi migasaññaṃ paṭilabhissanti. Tesaṃ tiṇhāni satthāni hatthesu pātubhavissanti. Te tiṇhena satthena ‘esa migo esa migo’ti aññamaññaṃ jīvitā voropessanti.
‘‘ат̇а ко д̇зсам̣, бхигкавз, сад̇д̇аанам̣ згажжаанам̣ звам̣ бхависсад̇и – ‘маа жа маяам̣ ган̃жи 51, маа жа амхз гожи, яам̣нууна маяам̣ д̇ин̣аг̇аханам̣ ваа ванаг̇аханам̣ ваа ругкаг̇аханам̣ ваа над̣̇ийвид̣̇уг̇г̇ам̣ ваа баб̣б̣ад̇ависамам̣ ваа бависид̇ваа ванамуулапалаахаараа яаабзяяаамаа’д̇и. д̇з д̇ин̣аг̇аханам̣ ваа ванаг̇аханам̣ ваа ругкаг̇аханам̣ ваа над̣̇ийвид̣̇уг̇г̇ам̣ ваа баб̣б̣ад̇ависамам̣ ваа 52 бависид̇ваа сад̇д̇аахам̣ ванамуулапалаахаараа яаабзссанд̇и. д̇з д̇асса сад̇д̇аахасса ажжаязна д̇ин̣аг̇аханаа ванаг̇аханаа ругкаг̇аханаа над̣̇ийвид̣̇уг̇г̇аа баб̣б̣ад̇ависамаа нигкамид̇ваа ан̃н̃аман̃н̃ам̣ аалин̇г̇ид̇ваа сабхааг̇ааяиссанд̇и самассаасиссанд̇и – ‘д̣̇идтаа, бхо, сад̇д̇аа ж̇ийваси, д̣̇идтаа, бхо, сад̇д̇аа ж̇ийвасий’д̇и.
‘‘Atha kho tesaṃ, bhikkhave, sattānaṃ ekaccānaṃ evaṃ bhavissati – ‘mā ca mayaṃ kañci 53, mā ca amhe koci, yaṃnūna mayaṃ tiṇagahanaṃ vā vanagahanaṃ vā rukkhagahanaṃ vā nadīviduggaṃ vā pabbatavisamaṃ vā pavisitvā vanamūlaphalāhārā yāpeyyāmā’ti. Te tiṇagahanaṃ vā vanagahanaṃ vā rukkhagahanaṃ vā nadīviduggaṃ vā pabbatavisamaṃ vā 54 pavisitvā sattāhaṃ vanamūlaphalāhārā yāpessanti. Te tassa sattāhassa accayena tiṇagahanā vanagahanā rukkhagahanā nadīviduggā pabbatavisamā nikkhamitvā aññamaññaṃ āliṅgitvā sabhāgāyissanti samassāsissanti – ‘diṭṭhā, bho, sattā jīvasi, diṭṭhā, bho, sattā jīvasī’ti.
ааяуван̣н̣аад̣̇ивад̣дханагат̇аа
Āyuvaṇṇādivaḍḍhanakathā
105. ‘‘ат̇а ко д̇зсам̣, бхигкавз, сад̇д̇аанам̣ звам̣ бхависсад̇и – ‘маяам̣ ко агусалаанам̣ д̇хаммаанам̣ самаад̣̇аанахзд̇у зваруубам̣ ааяад̇ам̣ н̃аад̇игкаяам̣ бад̇д̇аа. яам̣нууна маяам̣ гусалам̣ гарзяяаама. гим̣ гусалам̣ гарзяяаама? яам̣нууна маяам̣ баан̣аад̇ибаад̇аа вирамзяяаама, ид̣̇ам̣ гусалам̣ д̇хаммам̣ самаад̣̇ааяа вад̇д̇зяяаамаа’д̇и. д̇з баан̣аад̇ибаад̇аа вирамиссанд̇и, ид̣̇ам̣ гусалам̣ д̇хаммам̣ самаад̣̇ааяа вад̇д̇иссанд̇и. д̇з гусалаанам̣ д̇хаммаанам̣ самаад̣̇аанахзд̇у ааяунааби вад̣дхиссанд̇и, ван̣н̣знаби вад̣дхиссанд̇и . д̇зсам̣ ааяунааби вад̣дхамаанаанам̣ ван̣н̣знаби вад̣дхамаанаанам̣ д̣̇асавассааяугаанам̣ мануссаанам̣ вийсад̇ивассааяугаа буд̇д̇аа бхависсанд̇и.
105. ‘‘Atha kho tesaṃ, bhikkhave, sattānaṃ evaṃ bhavissati – ‘mayaṃ kho akusalānaṃ dhammānaṃ samādānahetu evarūpaṃ āyataṃ ñātikkhayaṃ pattā. Yaṃnūna mayaṃ kusalaṃ kareyyāma. Kiṃ kusalaṃ kareyyāma? Yaṃnūna mayaṃ pāṇātipātā virameyyāma, idaṃ kusalaṃ dhammaṃ samādāya vatteyyāmā’ti. Te pāṇātipātā viramissanti, idaṃ kusalaṃ dhammaṃ samādāya vattissanti. Te kusalānaṃ dhammānaṃ samādānahetu āyunāpi vaḍḍhissanti, vaṇṇenapi vaḍḍhissanti . Tesaṃ āyunāpi vaḍḍhamānānaṃ vaṇṇenapi vaḍḍhamānānaṃ dasavassāyukānaṃ manussānaṃ vīsativassāyukā puttā bhavissanti.
‘‘ат̇а ко д̇зсам̣, бхигкавз, сад̇д̇аанам̣ звам̣ бхависсад̇и – ‘маяам̣ ко гусалаанам̣ д̇хаммаанам̣ самаад̣̇аанахзд̇у ааяунааби вад̣дхаама, ван̣н̣знаби вад̣дхаама. яам̣нууна маяам̣ бхияяосомад̇д̇ааяа гусалам̣ гарзяяаама. гим̣ гусалам̣ гарзяяаама? яам̣нууна маяам̣ ад̣̇иннаад̣̇аанаа вирамзяяаама… гаамзсумижчаажаараа вирамзяяаама… мусааваад̣̇аа вирамзяяаама… бисун̣ааяа ваажааяа вирамзяяаама… парусааяа ваажааяа вирамзяяаама… сампаббалаабаа вирамзяяаама… абхиж̇жхам̣ баж̇ахзяяаама… б̣яаабаад̣̇ам̣ баж̇ахзяяаама… мижчаад̣̇идтим̣ баж̇ахзяяаама… д̇аяо д̇хаммз баж̇ахзяяаама – ад̇хаммарааг̇ам̣ висамалобхам̣ мижчаад̇хаммам̣… яам̣нууна маяам̣ мад̇д̇зяяаа ассаама бзд̇д̇зяяаа сааман̃н̃аа б̣рахман̃н̃аа гулз ж̇здтаабажааяино, ид̣̇ам̣ гусалам̣ д̇хаммам̣ самаад̣̇ааяа вад̇д̇зяяаамаа’д̇и. д̇з мад̇д̇зяяаа бхависсанд̇и бзд̇д̇зяяаа сааман̃н̃аа б̣рахман̃н̃аа гулз ж̇здтаабажааяино, ид̣̇ам̣ гусалам̣ д̇хаммам̣ самаад̣̇ааяа вад̇д̇иссанд̇и.
‘‘Atha kho tesaṃ, bhikkhave, sattānaṃ evaṃ bhavissati – ‘mayaṃ kho kusalānaṃ dhammānaṃ samādānahetu āyunāpi vaḍḍhāma, vaṇṇenapi vaḍḍhāma. Yaṃnūna mayaṃ bhiyyosomattāya kusalaṃ kareyyāma. Kiṃ kusalaṃ kareyyāma? Yaṃnūna mayaṃ adinnādānā virameyyāma… kāmesumicchācārā virameyyāma… musāvādā virameyyāma… pisuṇāya vācāya virameyyāma… pharusāya vācāya virameyyāma… samphappalāpā virameyyāma… abhijjhaṃ pajaheyyāma… byāpādaṃ pajaheyyāma… micchādiṭṭhiṃ pajaheyyāma… tayo dhamme pajaheyyāma – adhammarāgaṃ visamalobhaṃ micchādhammaṃ… yaṃnūna mayaṃ matteyyā assāma petteyyā sāmaññā brahmaññā kule jeṭṭhāpacāyino, idaṃ kusalaṃ dhammaṃ samādāya vatteyyāmā’ti. Te matteyyā bhavissanti petteyyā sāmaññā brahmaññā kule jeṭṭhāpacāyino, idaṃ kusalaṃ dhammaṃ samādāya vattissanti.
‘‘д̇з гусалаанам̣ д̇хаммаанам̣ самаад̣̇аанахзд̇у ааяунааби вад̣дхиссанд̇и, ван̣н̣знаби вад̣дхиссанд̇и. д̇зсам̣ ааяунааби вад̣дхамаанаанам̣ ван̣н̣знаби вад̣дхамаанаанам̣ вийсад̇ивассааяугаанам̣ мануссаанам̣ жад̇д̇аарийсавассааяугаа буд̇д̇аа бхависсанд̇и… жад̇д̇аарийсавассааяугаанам̣ мануссаанам̣ асийд̇ивассааяугаа буд̇д̇аа бхависсанд̇и… асийд̇ивассааяугаанам̣ мануссаанам̣ садтивассасад̇ааяугаа буд̇д̇аа бхависсанд̇и… садтивассасад̇ааяугаанам̣ мануссаанам̣ вийсад̇ид̇ивассасад̇ааяугаа буд̇д̇аа бхависсанд̇и… вийсад̇ид̇ивассасад̇ааяугаанам̣ мануссаанам̣ жад̇д̇аарийсачаб̣б̣ассасад̇ааяугаа буд̇д̇аа бхависсанд̇и. жад̇д̇аарийсачаб̣б̣ассасад̇ааяугаанам̣ мануссаанам̣ д̣̇взвассасахассааяугаа буд̇д̇аа бхависсанд̇и… д̣̇взвассасахассааяугаанам̣ мануссаанам̣ жад̇д̇ааривассасахассааяугаа буд̇д̇аа бхависсанд̇и… жад̇д̇ааривассасахассааяугаанам̣ мануссаанам̣ адтавассасахассааяугаа буд̇д̇аа бхависсанд̇и… адтавассасахассааяугаанам̣ мануссаанам̣ вийсад̇ивассасахассааяугаа буд̇д̇аа бхависсанд̇и… вийсад̇ивассасахассааяугаанам̣ мануссаанам̣ жад̇д̇аарийсавассасахассааяугаа буд̇д̇аа бхависсанд̇и… жад̇д̇аарийсавассасахассааяугаанам̣ мануссаанам̣ асийд̇ивассасахассааяугаа буд̇д̇аа бхависсанд̇и… асийд̇ивассасахассааяугзсу, бхигкавз, мануссзсу бан̃жавассасад̇игаа гумааригаа алам̣бад̇зяяаа бхависсанд̇и.
‘‘Te kusalānaṃ dhammānaṃ samādānahetu āyunāpi vaḍḍhissanti, vaṇṇenapi vaḍḍhissanti. Tesaṃ āyunāpi vaḍḍhamānānaṃ vaṇṇenapi vaḍḍhamānānaṃ vīsativassāyukānaṃ manussānaṃ cattārīsavassāyukā puttā bhavissanti… cattārīsavassāyukānaṃ manussānaṃ asītivassāyukā puttā bhavissanti… asītivassāyukānaṃ manussānaṃ saṭṭhivassasatāyukā puttā bhavissanti… saṭṭhivassasatāyukānaṃ manussānaṃ vīsatitivassasatāyukā puttā bhavissanti… vīsatitivassasatāyukānaṃ manussānaṃ cattārīsachabbassasatāyukā puttā bhavissanti. Cattārīsachabbassasatāyukānaṃ manussānaṃ dvevassasahassāyukā puttā bhavissanti… dvevassasahassāyukānaṃ manussānaṃ cattārivassasahassāyukā puttā bhavissanti… cattārivassasahassāyukānaṃ manussānaṃ aṭṭhavassasahassāyukā puttā bhavissanti… aṭṭhavassasahassāyukānaṃ manussānaṃ vīsativassasahassāyukā puttā bhavissanti… vīsativassasahassāyukānaṃ manussānaṃ cattārīsavassasahassāyukā puttā bhavissanti… cattārīsavassasahassāyukānaṃ manussānaṃ asītivassasahassāyukā puttā bhavissanti… asītivassasahassāyukesu, bhikkhave, manussesu pañcavassasatikā kumārikā alaṃpateyyā bhavissanti.
сан̇карааж̇ауббад̇д̇и
Saṅkharājauppatti
106. ‘‘асийд̇ивассасахассааяугзсу, бхигкавз, мануссзсу д̇аяо ааб̣аад̇хаа бхависсанд̇и, ижчаа, анасанам̣, ж̇араа. асийд̇ивассасахассааяугзсу, бхигкавз, мануссзсу аяам̣ ж̇амб̣уд̣̇ийбо ид̣̇д̇хо жзва бхависсад̇и пийд̇о жа, гуггудасамбаад̇игаа г̇ааманиг̇амарааж̇ад̇хаанияо 55. асийд̇ивассасахассааяугзсу, бхигкавз, мануссзсу аяам̣ ж̇амб̣уд̣̇ийбо авийжи ман̃н̃з пудо бхависсад̇и мануссзхи, сзяяат̇ааби нал̣аванам̣ ваа сараванам̣ 56 ваа. асийд̇ивассасахассааяугзсу, бхигкавз, мануссзсу аяам̣ б̣аараан̣асий гзд̇умад̇ий наама рааж̇ад̇хааний бхависсад̇и ид̣̇д̇хаа жзва пийд̇аа жа б̣ахуж̇анаа жа аагин̣н̣амануссаа жа субхигкаа жа. асийд̇ивассасахассааяугзсу, бхигкавз, мануссзсу имасмим̣ ж̇амб̣уд̣̇ийбз жад̇ураасийд̇инаг̇арасахассаани бхависсанд̇и гзд̇умад̇ийрааж̇ад̇хаанийбамукаани. асийд̇ивассасахассааяугзсу, бхигкавз, мануссзсу гзд̇умад̇ияаа рааж̇ад̇хаанияаа сан̇ко наама рааж̇аа уббаж̇ж̇иссад̇и жаггавад̇д̇ий д̇хаммиго д̇хаммарааж̇аа жаад̇уранд̇о виж̇ид̇аавий ж̇анабад̣̇ад̇т̇ааварияаббад̇д̇о сад̇д̇арад̇анасаманнааг̇ад̇о. д̇ассимаани сад̇д̇а рад̇анаани бхависсанд̇и, сзяяат̇ид̣̇ам̣, жаггарад̇анам̣ хад̇т̇ирад̇анам̣ ассарад̇анам̣ ман̣ирад̇анам̣ ид̇т̇ирад̇анам̣ г̇ахабад̇ирад̇анам̣ барин̣ааяагарад̇анамзва сад̇д̇амам̣. баросахассам̣ ко банасса буд̇д̇аа бхависсанд̇и суураа вийран̇г̇аруубаа барасзнаббамад̣̇д̣̇анаа. со имам̣ бат̇авим̣ сааг̇арабарияанд̇ам̣ ад̣̇ан̣д̣зна асад̇т̇зна д̇хаммзна абхивиж̇ияа аж̇жхаавасиссад̇и.
106. ‘‘Asītivassasahassāyukesu, bhikkhave, manussesu tayo ābādhā bhavissanti, icchā, anasanaṃ, jarā. Asītivassasahassāyukesu, bhikkhave, manussesu ayaṃ jambudīpo iddho ceva bhavissati phīto ca, kukkuṭasampātikā gāmanigamarājadhāniyo 57. Asītivassasahassāyukesu, bhikkhave, manussesu ayaṃ jambudīpo avīci maññe phuṭo bhavissati manussehi, seyyathāpi naḷavanaṃ vā saravanaṃ 58 vā. Asītivassasahassāyukesu, bhikkhave, manussesu ayaṃ bārāṇasī ketumatī nāma rājadhānī bhavissati iddhā ceva phītā ca bahujanā ca ākiṇṇamanussā ca subhikkhā ca. Asītivassasahassāyukesu, bhikkhave, manussesu imasmiṃ jambudīpe caturāsītinagarasahassāni bhavissanti ketumatīrājadhānīpamukhāni. Asītivassasahassāyukesu, bhikkhave, manussesu ketumatiyā rājadhāniyā saṅkho nāma rājā uppajjissati cakkavattī dhammiko dhammarājā cāturanto vijitāvī janapadatthāvariyappatto sattaratanasamannāgato. Tassimāni satta ratanāni bhavissanti, seyyathidaṃ, cakkaratanaṃ hatthiratanaṃ assaratanaṃ maṇiratanaṃ itthiratanaṃ gahapatiratanaṃ pariṇāyakaratanameva sattamaṃ. Parosahassaṃ kho panassa puttā bhavissanti sūrā vīraṅgarūpā parasenappamaddanā. So imaṃ pathaviṃ sāgarapariyantaṃ adaṇḍena asatthena dhammena abhivijiya ajjhāvasissati.
мзд̇д̇зяяаб̣уд̣̇д̇хуббаад̣̇о
Metteyyabuddhuppādo
107. ‘‘асийд̇ивассасахассааяугзсу, бхигкавз, мануссзсу мзд̇д̇зяяо наама бхаг̇аваа логз уббаж̇ж̇иссад̇и арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа. сзяяат̇аабаахамзд̇арахи логз уббанно арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа. со имам̣ логам̣ сад̣̇звагам̣ самаарагам̣ саб̣рахмагам̣ сассаман̣аб̣раахман̣им̣ баж̇ам̣ сад̣̇звамануссам̣ саяам̣ абхин̃н̃аа сажчигад̇ваа бавзд̣̇зссад̇и, сзяяат̇аабаахамзд̇арахи имам̣ логам̣ сад̣̇звагам̣ самаарагам̣ саб̣рахмагам̣ сассаман̣аб̣раахман̣им̣ баж̇ам̣ сад̣̇звамануссам̣ саяам̣ абхин̃н̃аа сажчигад̇ваа бавзд̣̇зми. со д̇хаммам̣ д̣̇зсзссад̇и аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣ гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзссад̇и; сзяяат̇аабаахамзд̇арахи д̇хаммам̣ д̣̇зсзми аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣ гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзми. со анзгасахассам̣ 59 бхигкусам̣гхам̣ барихариссад̇и, сзяяат̇аабаахамзд̇арахи анзгасад̇ам̣ бхигкусам̣гхам̣ барихараами.
107. ‘‘Asītivassasahassāyukesu, bhikkhave, manussesu metteyyo nāma bhagavā loke uppajjissati arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā. Seyyathāpāhametarahi loke uppanno arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā. So imaṃ lokaṃ sadevakaṃ samārakaṃ sabrahmakaṃ sassamaṇabrāhmaṇiṃ pajaṃ sadevamanussaṃ sayaṃ abhiññā sacchikatvā pavedessati, seyyathāpāhametarahi imaṃ lokaṃ sadevakaṃ samārakaṃ sabrahmakaṃ sassamaṇabrāhmaṇiṃ pajaṃ sadevamanussaṃ sayaṃ abhiññā sacchikatvā pavedemi. So dhammaṃ desessati ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ pakāsessati; seyyathāpāhametarahi dhammaṃ desemi ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ pakāsemi. So anekasahassaṃ 60 bhikkhusaṃghaṃ pariharissati, seyyathāpāhametarahi anekasataṃ bhikkhusaṃghaṃ pariharāmi.
108. ‘‘ат̇а ко, бхигкавз, сан̇ко наама рааж̇аа яо со яуубо ран̃н̃аа махаабанаад̣̇зна гаараабид̇о. д̇ам̣ яуубам̣ уссаабзд̇ваа аж̇жхаавасид̇ваа д̇ам̣ д̣̇ад̇ваа виссаж̇ж̇ид̇ваа саман̣аб̣раахман̣агабан̣ад̣̇д̇хигаван̣иб̣б̣агаяаажагаанам̣ д̣̇аанам̣ д̣̇ад̇ваа мзд̇д̇зяяасса бхаг̇авад̇о арахад̇о саммаасамб̣уд̣̇д̇хасса санд̇игз гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇иссад̇и. со звам̣ баб̣б̣аж̇ид̇о самаано зго вуубагадто аббамад̇д̇о аад̇аабий бахид̇ад̇д̇о вихаранд̇о нажирассзва яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и, д̇ад̣̇ануд̇д̇арам̣ б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихариссад̇и.
108. ‘‘Atha kho, bhikkhave, saṅkho nāma rājā yo so yūpo raññā mahāpanādena kārāpito. Taṃ yūpaṃ ussāpetvā ajjhāvasitvā taṃ datvā vissajjitvā samaṇabrāhmaṇakapaṇaddhikavaṇibbakayācakānaṃ dānaṃ datvā metteyyassa bhagavato arahato sammāsambuddhassa santike kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajissati. So evaṃ pabbajito samāno eko vūpakaṭṭho appamatto ātāpī pahitatto viharanto nacirasseva yassatthāya kulaputtā sammadeva agārasmā anagāriyaṃ pabbajanti, tadanuttaraṃ brahmacariyapariyosānaṃ diṭṭheva dhamme sayaṃ abhiññā sacchikatvā upasampajja viharissati.
109. ‘‘ад̇д̇ад̣̇ийбаа, бхигкавз, вихарат̇а ад̇д̇асаран̣аа анан̃н̃асаран̣аа, д̇хаммад̣̇ийбаа д̇хаммасаран̣аа анан̃н̃асаран̣аа. гат̇ан̃жа, бхигкавз, бхигку ад̇д̇ад̣̇ийбо вихарад̇и ад̇д̇асаран̣о анан̃н̃асаран̣о д̇хаммад̣̇ийбо д̇хаммасаран̣о анан̃н̃асаран̣о? ид̇ха, бхигкавз, бхигку гааяз гааяаанубассий вихарад̇и аад̇аабий самбаж̇аано сад̇имаа винзяяа логз абхиж̇жхаад̣̇оманассам̣. взд̣̇анаасу взд̣̇анаанубассий…бз… жид̇д̇з жид̇д̇аанубассий…бз… д̇хаммзсу д̇хаммаанубассий вихарад̇и аад̇аабий самбаж̇аано сад̇имаа винзяяа логз абхиж̇жхаад̣̇оманассам̣. звам̣ ко, бхигкавз, бхигку ад̇д̇ад̣̇ийбо вихарад̇и ад̇д̇асаран̣о анан̃н̃асаран̣о д̇хаммад̣̇ийбо д̇хаммасаран̣о анан̃н̃асаран̣о.
109. ‘‘Attadīpā, bhikkhave, viharatha attasaraṇā anaññasaraṇā, dhammadīpā dhammasaraṇā anaññasaraṇā. Kathañca, bhikkhave, bhikkhu attadīpo viharati attasaraṇo anaññasaraṇo dhammadīpo dhammasaraṇo anaññasaraṇo? Idha, bhikkhave, bhikkhu kāye kāyānupassī viharati ātāpī sampajāno satimā vineyya loke abhijjhādomanassaṃ. Vedanāsu vedanānupassī…pe… citte cittānupassī…pe… dhammesu dhammānupassī viharati ātāpī sampajāno satimā vineyya loke abhijjhādomanassaṃ. Evaṃ kho, bhikkhave, bhikkhu attadīpo viharati attasaraṇo anaññasaraṇo dhammadīpo dhammasaraṇo anaññasaraṇo.
бхигкуноааяуван̣н̣аад̣̇ивад̣дханагат̇аа
Bhikkhunoāyuvaṇṇādivaḍḍhanakathā
110. ‘‘г̇ожарз, бхигкавз, жарат̇а сагз бзд̇д̇игз висаяз. г̇ожарз, бхигкавз, жаранд̇аа сагз бзд̇д̇игз висаяз ааяунааби вад̣дхиссат̇а, ван̣н̣знаби вад̣дхиссат̇а, сукзнаби вад̣дхиссат̇а, бхог̇знаби вад̣дхиссат̇а, б̣алзнаби вад̣дхиссат̇а.
110. ‘‘Gocare, bhikkhave, caratha sake pettike visaye. Gocare, bhikkhave, carantā sake pettike visaye āyunāpi vaḍḍhissatha, vaṇṇenapi vaḍḍhissatha, sukhenapi vaḍḍhissatha, bhogenapi vaḍḍhissatha, balenapi vaḍḍhissatha.
‘‘гин̃жа , бхигкавз, бхигкуно ааяусмим̣? ид̇ха, бхигкавз, бхигку чанд̣̇асамаад̇хибад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и, вийрияасамаад̇хибад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и, жид̇д̇асамаад̇хибад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и, виймам̣саасамаад̇хибад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и. со имзсам̣ жад̇уннам̣ ид̣̇д̇хибаад̣̇аанам̣ бхаавид̇ад̇д̇аа б̣ахулийгад̇ад̇д̇аа ааган̇камаано габбам̣ ваа д̇идтзяяа габбаавасзсам̣ ваа. ид̣̇ам̣ ко, бхигкавз, бхигкуно ааяусмим̣.
‘‘Kiñca , bhikkhave, bhikkhuno āyusmiṃ? Idha, bhikkhave, bhikkhu chandasamādhipadhānasaṅkhārasamannāgataṃ iddhipādaṃ bhāveti, vīriyasamādhipadhānasaṅkhārasamannāgataṃ iddhipādaṃ bhāveti, cittasamādhipadhānasaṅkhārasamannāgataṃ iddhipādaṃ bhāveti, vīmaṃsāsamādhipadhānasaṅkhārasamannāgataṃ iddhipādaṃ bhāveti. So imesaṃ catunnaṃ iddhipādānaṃ bhāvitattā bahulīkatattā ākaṅkhamāno kappaṃ vā tiṭṭheyya kappāvasesaṃ vā. Idaṃ kho, bhikkhave, bhikkhuno āyusmiṃ.
‘‘гин̃жа, бхигкавз, бхигкуно ван̣н̣асмим̣? ид̇ха, бхигкавз, бхигку сийлаваа ход̇и, баад̇имогкасам̣варасам̣вуд̇о вихарад̇и аажаараг̇ожарасамбанно, ан̣умад̇д̇зсу важ̇ж̇зсу бхаяад̣̇ассаавий, самаад̣̇ааяа сигкад̇и сигкаабад̣̇зсу. ид̣̇ам̣ ко, бхигкавз, бхигкуно ван̣н̣асмим̣.
‘‘Kiñca, bhikkhave, bhikkhuno vaṇṇasmiṃ? Idha, bhikkhave, bhikkhu sīlavā hoti, pātimokkhasaṃvarasaṃvuto viharati ācāragocarasampanno, aṇumattesu vajjesu bhayadassāvī, samādāya sikkhati sikkhāpadesu. Idaṃ kho, bhikkhave, bhikkhuno vaṇṇasmiṃ.
‘‘гин̃жа, бхигкавз, бхигкуно сукасмим̣? ид̇ха, бхигкавз, бхигку вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и. вид̇аггавижаараанам̣ вуубасамаа…бз… д̣̇уд̇ияам̣ жхаанам̣…бз… д̇ад̇ияам̣ жхаанам̣…бз… жад̇уд̇т̇ам̣ жхаанам̣ убасамбаж̇ж̇а вихарад̇и. ид̣̇ам̣ ко, бхигкавз, бхигкуно, сукасмим̣.
‘‘Kiñca, bhikkhave, bhikkhuno sukhasmiṃ? Idha, bhikkhave, bhikkhu vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. Vitakkavicārānaṃ vūpasamā…pe… dutiyaṃ jhānaṃ…pe… tatiyaṃ jhānaṃ…pe… catutthaṃ jhānaṃ upasampajja viharati. Idaṃ kho, bhikkhave, bhikkhuno, sukhasmiṃ.
‘‘гин̃жа, бхигкавз, бхигкуно бхог̇асмим̣? ид̇ха, бхигкавз, бхигку мзд̇д̇аасахаг̇ад̇зна жзд̇асаа згам̣ д̣̇исам̣ парид̇ваа вихарад̇и д̇ат̇аа д̣̇уд̇ияам̣. д̇ат̇аа д̇ад̇ияам̣. д̇ат̇аа жад̇уд̇т̇ам̣. ид̇и уд̣̇д̇хамад̇хо д̇ирияам̣ саб̣б̣ад̇хи саб̣б̣ад̇д̇ад̇ааяа саб̣б̣ааванд̇ам̣ логам̣ мзд̇д̇аасахаг̇ад̇зна жзд̇асаа вибулзна махаг̇г̇ад̇зна аббамаан̣зна авзрзна аб̣яаабаж̇ж̇зна парид̇ваа вихарад̇и. гарун̣аасахаг̇ад̇зна жзд̇асаа…бз… муд̣̇ид̇аасахаг̇ад̇зна жзд̇асаа…бз… убзгкаасахаг̇ад̇зна жзд̇асаа згам̣ д̣̇исам̣ парид̇ваа вихарад̇и. д̇ат̇аа д̣̇уд̇ияам̣. д̇ат̇аа д̇ад̇ияам̣. д̇ат̇аа жад̇уд̇т̇ам̣. ид̇и уд̣̇д̇хамад̇хо д̇ирияам̣ саб̣б̣ад̇хи саб̣б̣ад̇д̇ад̇ааяа саб̣б̣ааванд̇ам̣ логам̣ убзгкаасахаг̇ад̇зна жзд̇асаа вибулзна махаг̇г̇ад̇зна аббамаан̣зна авзрзна аб̣яаабаж̇ж̇зна парид̇ваа вихарад̇и. ид̣̇ам̣ ко, бхигкавз, бхигкуно бхог̇асмим̣.
‘‘Kiñca, bhikkhave, bhikkhuno bhogasmiṃ? Idha, bhikkhave, bhikkhu mettāsahagatena cetasā ekaṃ disaṃ pharitvā viharati tathā dutiyaṃ. Tathā tatiyaṃ. Tathā catutthaṃ. Iti uddhamadho tiriyaṃ sabbadhi sabbattatāya sabbāvantaṃ lokaṃ mettāsahagatena cetasā vipulena mahaggatena appamāṇena averena abyāpajjena pharitvā viharati. Karuṇāsahagatena cetasā…pe… muditāsahagatena cetasā…pe… upekkhāsahagatena cetasā ekaṃ disaṃ pharitvā viharati. Tathā dutiyaṃ. Tathā tatiyaṃ. Tathā catutthaṃ. Iti uddhamadho tiriyaṃ sabbadhi sabbattatāya sabbāvantaṃ lokaṃ upekkhāsahagatena cetasā vipulena mahaggatena appamāṇena averena abyāpajjena pharitvā viharati. Idaṃ kho, bhikkhave, bhikkhuno bhogasmiṃ.
‘‘гин̃жа , бхигкавз, бхигкуно б̣аласмим̣? ид̇ха, бхигкавз, бхигку аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇и. ид̣̇ам̣ ко, бхигкавз, бхигкуно б̣аласмим̣.
‘‘Kiñca , bhikkhave, bhikkhuno balasmiṃ? Idha, bhikkhave, bhikkhu āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati. Idaṃ kho, bhikkhave, bhikkhuno balasmiṃ.
‘‘наахам̣, бхигкавз, ан̃н̃ам̣ згаб̣аламби саманубассаами яам̣ звам̣ д̣̇уббасахам̣, яат̇аяид̣̇ам̣, бхигкавз, маараб̣алам̣. гусалаанам̣ , бхигкавз, д̇хаммаанам̣ самаад̣̇аанахзд̇у звамид̣̇ам̣ бун̃н̃ам̣ бавад̣дхад̇ий’’д̇и. ид̣̇амавожа бхаг̇аваа. ад̇д̇аманаа д̇з бхигкуу бхаг̇авад̇о бхаасид̇ам̣ абхинанд̣̇унд̇и.
‘‘Nāhaṃ, bhikkhave, aññaṃ ekabalampi samanupassāmi yaṃ evaṃ duppasahaṃ, yathayidaṃ, bhikkhave, mārabalaṃ. Kusalānaṃ , bhikkhave, dhammānaṃ samādānahetu evamidaṃ puññaṃ pavaḍḍhatī’’ti. Idamavoca bhagavā. Attamanā te bhikkhū bhagavato bhāsitaṃ abhinandunti.
жаггавад̇д̇исуд̇д̇ам̣ нидтид̇ам̣ д̇ад̇ияам̣.
Cakkavattisuttaṃ niṭṭhitaṃ tatiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / д̣̇ийгха нигааяа (адтагат̇аа) • Dīgha nikāya (aṭṭhakathā) / 3. жаггавад̇д̇исуд̇д̇аван̣н̣анаа • 3. Cakkavattisuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / д̣̇ийгханигааяа (дийгаа) • Dīghanikāya (ṭīkā) / 3. жаггавад̇д̇исуд̇д̇аван̣н̣анаа • 3. Cakkavattisuttavaṇṇanā
