| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၂. စက္ကဝတ္တိသုတ္တံ
2. Cakkavattisuttaṃ
၂၂၃. ‘‘ရညော , ဘိက္ခဝေ, စက္ကဝတ္တိသ္သ ပာတုဘာဝာ သတ္တန္နံ ရတနာနံ ပာတုဘာဝော ဟောတိ။ ကတမေသံ သတ္တန္နံ? စက္ကရတနသ္သ ပာတုဘာဝော ဟောတိ, ဟတ္ထိရတနသ္သ ပာတုဘာဝော ဟောတိ, အသ္သရတနသ္သ ပာတုဘာဝော ဟောတိ, မဏိရတနသ္သ ပာတုဘာဝော ဟောတိ, ဣတ္ထိရတနသ္သ ပာတုဘာဝော ဟောတိ, ဂဟပတိရတနသ္သ ပာတုဘာဝော ဟောတိ, ပရိဏာယကရတနသ္သ ပာတုဘာဝော ဟောတိ ။ ရညော, ဘိက္ခဝေ, စက္ကဝတ္တိသ္သ ပာတုဘာဝာ ဣမေသံ သတ္တန္နံ ရတနာနံ ပာတုဘာဝော ဟောတိ။
223. ‘‘Rañño , bhikkhave, cakkavattissa pātubhāvā sattannaṃ ratanānaṃ pātubhāvo hoti. Katamesaṃ sattannaṃ? Cakkaratanassa pātubhāvo hoti, hatthiratanassa pātubhāvo hoti, assaratanassa pātubhāvo hoti, maṇiratanassa pātubhāvo hoti, itthiratanassa pātubhāvo hoti, gahapatiratanassa pātubhāvo hoti, pariṇāyakaratanassa pātubhāvo hoti . Rañño, bhikkhave, cakkavattissa pātubhāvā imesaṃ sattannaṃ ratanānaṃ pātubhāvo hoti.
‘‘တထာဂတသ္သ, ဘိက္ခဝေ, ပာတုဘာဝာ အရဟတော သမ္မာသမ္ဗုဒ္ဓသ္သ သတ္တန္နံ ဗောဇ္ဈင္ဂရတနာနံ ပာတုဘာဝော ဟောတိ။ ကတမေသံ သတ္တန္နံ? သတိသမ္ဗောဇ္ဈင္ဂသ္သ ရတနသ္သ ပာတုဘာဝော ဟောတိ။ပေ.။ ဥပေက္ခာသမ္ဗောဇ္ဈင္ဂသ္သ ရတနသ္သ ပာတုဘာဝော ဟောတိ။ တထာဂတသ္သ, ဘိက္ခဝေ, ပာတုဘာဝာ အရဟတော သမ္မာသမ္ဗုဒ္ဓသ္သ ဣမေသံ သတ္တန္နံ ဗောဇ္ဈင္ဂရတနာနံ ပာတုဘာဝော ဟောတီ’’တိ။ ဒုတိယံ။
‘‘Tathāgatassa, bhikkhave, pātubhāvā arahato sammāsambuddhassa sattannaṃ bojjhaṅgaratanānaṃ pātubhāvo hoti. Katamesaṃ sattannaṃ? Satisambojjhaṅgassa ratanassa pātubhāvo hoti…pe… upekkhāsambojjhaṅgassa ratanassa pātubhāvo hoti. Tathāgatassa, bhikkhave, pātubhāvā arahato sammāsambuddhassa imesaṃ sattannaṃ bojjhaṅgaratanānaṃ pātubhāvo hotī’’ti. Dutiyaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၂. စက္ကဝတ္တိသုတ္တဝဏ္ဏနာ • 2. Cakkavattisuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၂. စက္ကဝတ္တိသုတ္တဝဏ္ဏနာ • 2. Cakkavattisuttavaṇṇanā
