| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
2. චක්‌කවත්‌තිසුත්‌තං
2. Cakkavattisuttaṃ
223. ‘‘රඤ්‌ඤො , භික්‌ඛවෙ, චක්‌කවත්‌තිස්‌ස පාතුභාවා සත්‌තන්‌නං රතනානං පාතුභාවො හොති. කතමෙසං සත්‌තන්‌නං? චක්‌කරතනස්‌ස පාතුභාවො හොති, හත්‌ථිරතනස්‌ස පාතුභාවො හොති, අස්‌සරතනස්‌ස පාතුභාවො හොති, මණිරතනස්‌ස පාතුභාවො හොති, ඉත්‌ථිරතනස්‌ස පාතුභාවො හොති, ගහපතිරතනස්‌ස පාතුභාවො හොති, පරිණායකරතනස්‌ස පාතුභාවො හොති . රඤ්‌ඤො, භික්‌ඛවෙ, චක්‌කවත්‌තිස්‌ස පාතුභාවා ඉමෙසං සත්‌තන්‌නං රතනානං පාතුභාවො හොති.
223. ‘‘Rañño , bhikkhave, cakkavattissa pātubhāvā sattannaṃ ratanānaṃ pātubhāvo hoti. Katamesaṃ sattannaṃ? Cakkaratanassa pātubhāvo hoti, hatthiratanassa pātubhāvo hoti, assaratanassa pātubhāvo hoti, maṇiratanassa pātubhāvo hoti, itthiratanassa pātubhāvo hoti, gahapatiratanassa pātubhāvo hoti, pariṇāyakaratanassa pātubhāvo hoti . Rañño, bhikkhave, cakkavattissa pātubhāvā imesaṃ sattannaṃ ratanānaṃ pātubhāvo hoti.
‘‘තථාගතස්‌ස, භික්‌ඛවෙ, පාතුභාවා අරහතො සම්‌මාසම්‌බුද්‌ධස්‌ස සත්‌තන්‌නං බොජ්‌ඣඞ්‌ගරතනානං පාතුභාවො හොති. කතමෙසං සත්‌තන්‌නං? සතිසම්‌බොජ්‌ඣඞ්‌ගස්‌ස රතනස්‌ස පාතුභාවො හොති…පෙ.… උපෙක්‌ඛාසම්‌බොජ්‌ඣඞ්‌ගස්‌ස රතනස්‌ස පාතුභාවො හොති. තථාගතස්‌ස, භික්‌ඛවෙ, පාතුභාවා අරහතො සම්‌මාසම්‌බුද්‌ධස්‌ස ඉමෙසං සත්‌තන්‌නං බොජ්‌ඣඞ්‌ගරතනානං පාතුභාවො හොතී’’ති. දුතියං.
‘‘Tathāgatassa, bhikkhave, pātubhāvā arahato sammāsambuddhassa sattannaṃ bojjhaṅgaratanānaṃ pātubhāvo hoti. Katamesaṃ sattannaṃ? Satisambojjhaṅgassa ratanassa pātubhāvo hoti…pe… upekkhāsambojjhaṅgassa ratanassa pātubhāvo hoti. Tathāgatassa, bhikkhave, pātubhāvā arahato sammāsambuddhassa imesaṃ sattannaṃ bojjhaṅgaratanānaṃ pātubhāvo hotī’’ti. Dutiyaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 2. චක්‌කවත්‌තිසුත්‌තවණ්‌ණනා • 2. Cakkavattisuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 2. චක්‌කවත්‌තිසුත්‌තවණ්‌ණනා • 2. Cakkavattisuttavaṇṇanā
