| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੨. ਚਕ੍ਕવਤ੍ਤਿਸੁਤ੍ਤਂ
2. Cakkavattisuttaṃ
੨੨੩. ‘‘ਰਞ੍ਞੋ , ਭਿਕ੍ਖવੇ, ਚਕ੍ਕવਤ੍ਤਿਸ੍ਸ ਪਾਤੁਭਾવਾ ਸਤ੍ਤਨ੍ਨਂ ਰਤਨਾਨਂ ਪਾਤੁਭਾવੋ ਹੋਤਿ। ਕਤਮੇਸਂ ਸਤ੍ਤਨ੍ਨਂ? ਚਕ੍ਕਰਤਨਸ੍ਸ ਪਾਤੁਭਾવੋ ਹੋਤਿ, ਹਤ੍ਥਿਰਤਨਸ੍ਸ ਪਾਤੁਭਾવੋ ਹੋਤਿ, ਅਸ੍ਸਰਤਨਸ੍ਸ ਪਾਤੁਭਾવੋ ਹੋਤਿ, ਮਣਿਰਤਨਸ੍ਸ ਪਾਤੁਭਾવੋ ਹੋਤਿ, ਇਤ੍ਥਿਰਤਨਸ੍ਸ ਪਾਤੁਭਾવੋ ਹੋਤਿ, ਗਹਪਤਿਰਤਨਸ੍ਸ ਪਾਤੁਭਾવੋ ਹੋਤਿ, ਪਰਿਣਾਯਕਰਤਨਸ੍ਸ ਪਾਤੁਭਾવੋ ਹੋਤਿ । ਰਞ੍ਞੋ, ਭਿਕ੍ਖવੇ, ਚਕ੍ਕવਤ੍ਤਿਸ੍ਸ ਪਾਤੁਭਾવਾ ਇਮੇਸਂ ਸਤ੍ਤਨ੍ਨਂ ਰਤਨਾਨਂ ਪਾਤੁਭਾવੋ ਹੋਤਿ।
223. ‘‘Rañño , bhikkhave, cakkavattissa pātubhāvā sattannaṃ ratanānaṃ pātubhāvo hoti. Katamesaṃ sattannaṃ? Cakkaratanassa pātubhāvo hoti, hatthiratanassa pātubhāvo hoti, assaratanassa pātubhāvo hoti, maṇiratanassa pātubhāvo hoti, itthiratanassa pātubhāvo hoti, gahapatiratanassa pātubhāvo hoti, pariṇāyakaratanassa pātubhāvo hoti . Rañño, bhikkhave, cakkavattissa pātubhāvā imesaṃ sattannaṃ ratanānaṃ pātubhāvo hoti.
‘‘ਤਥਾਗਤਸ੍ਸ, ਭਿਕ੍ਖવੇ, ਪਾਤੁਭਾવਾ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ ਸਤ੍ਤਨ੍ਨਂ ਬੋਜ੍ਝਙ੍ਗਰਤਨਾਨਂ ਪਾਤੁਭਾવੋ ਹੋਤਿ। ਕਤਮੇਸਂ ਸਤ੍ਤਨ੍ਨਂ? ਸਤਿਸਮ੍ਬੋਜ੍ਝਙ੍ਗਸ੍ਸ ਰਤਨਸ੍ਸ ਪਾਤੁਭਾવੋ ਹੋਤਿ…ਪੇ॰… ਉਪੇਕ੍ਖਾਸਮ੍ਬੋਜ੍ਝਙ੍ਗਸ੍ਸ ਰਤਨਸ੍ਸ ਪਾਤੁਭਾવੋ ਹੋਤਿ। ਤਥਾਗਤਸ੍ਸ, ਭਿਕ੍ਖવੇ, ਪਾਤੁਭਾવਾ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ ਇਮੇਸਂ ਸਤ੍ਤਨ੍ਨਂ ਬੋਜ੍ਝਙ੍ਗਰਤਨਾਨਂ ਪਾਤੁਭਾવੋ ਹੋਤੀ’’ਤਿ। ਦੁਤਿਯਂ।
‘‘Tathāgatassa, bhikkhave, pātubhāvā arahato sammāsambuddhassa sattannaṃ bojjhaṅgaratanānaṃ pātubhāvo hoti. Katamesaṃ sattannaṃ? Satisambojjhaṅgassa ratanassa pātubhāvo hoti…pe… upekkhāsambojjhaṅgassa ratanassa pātubhāvo hoti. Tathāgatassa, bhikkhave, pātubhāvā arahato sammāsambuddhassa imesaṃ sattannaṃ bojjhaṅgaratanānaṃ pātubhāvo hotī’’ti. Dutiyaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੨. ਚਕ੍ਕવਤ੍ਤਿਸੁਤ੍ਤવਣ੍ਣਨਾ • 2. Cakkavattisuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੨. ਚਕ੍ਕવਤ੍ਤਿਸੁਤ੍ਤવਣ੍ਣਨਾ • 2. Cakkavattisuttavaṇṇanā
