| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
4. жаггавад̇д̇исуд̇д̇аван̣н̣анаа
4. Cakkavattisuttavaṇṇanā
14. жад̇уд̇т̇з жад̇уухи сан̇г̇ахавад̇т̇уухи ж̇анам̣ ран̃ж̇зд̇ийд̇и рааж̇аа. жаггам̣ вад̇д̇зд̇ийд̇и жаггавад̇д̇ий. вад̇д̇ид̇ам̣ ваа анзна жагганд̇и жаггавад̇д̇ий. д̇хаммо асса ад̇т̇ийд̇и д̇хаммиго. д̇хаммзнзва д̣̇асавид̇хзна жаггавад̇д̇ивад̇д̇зна рааж̇аа ж̇аад̇од̇и д̇хаммарааж̇аа. соби на арааж̇аганд̇и соби ан̃н̃ам̣ ниссаяарааж̇аанам̣ алабхид̇ваа жаггам̣ наама вад̇д̇зд̇ум̣ на саггод̇ийд̇и ад̇т̇о. ид̇и сад̇т̇аа д̣̇зсанам̣ бадтабзд̇ваа яат̇аанусанд̇хим̣ абаабзд̇ваава д̇ун̣хий ахоси. гасмаа? анусанд̇хигусалаа удтахид̇ваа анусанд̇хим̣ бужчиссанд̇и, б̣ахуу хи имасмим̣ таанз д̇ат̇ааруубаа бхигкуу, ат̇аахам̣ д̇зхи будто д̣̇зсанам̣ вад̣дхзссаамийд̇и. ат̇зго анусанд̇хигусало бхигку бхаг̇аванд̇ам̣ бужчанд̇о го бана, бханд̇зд̇иаад̣̇имааха. бхаг̇аваабисса б̣яаагаронд̇о д̇хаммо бхигкууд̇иаад̣̇имааха.
14. Catutthe catūhi saṅgahavatthūhi janaṃ rañjetīti rājā. Cakkaṃ vattetīti cakkavattī. Vattitaṃ vā anena cakkanti cakkavattī. Dhammo assa atthīti dhammiko. Dhammeneva dasavidhena cakkavattivattena rājā jātoti dhammarājā. Sopi na arājakanti sopi aññaṃ nissayarājānaṃ alabhitvā cakkaṃ nāma vattetuṃ na sakkotīti attho. Iti satthā desanaṃ paṭṭhapetvā yathānusandhiṃ apāpetvāva tuṇhī ahosi. Kasmā? Anusandhikusalā uṭṭhahitvā anusandhiṃ pucchissanti, bahū hi imasmiṃ ṭhāne tathārūpā bhikkhū, athāhaṃ tehi puṭṭho desanaṃ vaḍḍhessāmīti. Atheko anusandhikusalo bhikkhu bhagavantaṃ pucchanto ko pana, bhantetiādimāha. Bhagavāpissa byākaronto dhammo bhikkhūtiādimāha.
д̇ад̇т̇а д̇хаммод̇и д̣̇асагусалагаммабат̇ад̇хаммо. д̇хамманд̇и д̇амзва вуд̇д̇аббагаарам̣ д̇хаммам̣. ниссааяаад̇и д̇ад̣̇ад̇хидтаанзна жзд̇асаа д̇амзва ниссаяам̣ гад̇ваа. д̇хаммам̣ саггаронд̇од̇и яат̇аа гад̇о со д̇хаммо судту гад̇о ход̇и, звамзд̇ам̣ гаронд̇о. д̇хаммам̣ г̇арум̣ гаронд̇од̇и д̇асмим̣ г̇ааравуббад̇д̇ияаа д̇ам̣ г̇аругаронд̇о. д̇хаммам̣ абажааяамаанод̇и д̇ассзва д̇хаммасса ан̃ж̇алигаран̣аад̣̇ийхи нийжавуд̇д̇ид̇ам̣ гаронд̇о. д̇хаммад̣̇д̇хаж̇о д̇хаммагзд̇ууд̇и д̇ам̣ д̇хаммам̣ д̇хаж̇амива бурагкад̇ваа гзд̇умива угкибид̇ваа бавад̇д̇ияаа д̇хаммад̣̇д̇хаж̇о д̇хаммагзд̇у жа худ̇ваад̇и ад̇т̇о. д̇хаммаад̇хибад̇зяяод̇и д̇хаммаад̇хибад̇ибхууд̇ааг̇ад̇абхаавзна д̇хаммавасзнзва жа саб̣б̣агирияаанам̣ гаран̣зна д̇хаммаад̇хибад̇зяяо худ̇ваа. д̇хаммигам̣ рагкааваран̣аг̇уд̇д̇им̣ сам̣вид̣̇ахад̇ийд̇и д̇хаммо ассаа ад̇т̇ийд̇и д̇хаммигаа, рагкаа жа ааваран̣ан̃жа г̇уд̇д̇и жа рагкааваран̣аг̇уд̇д̇и. д̇ад̇т̇а ‘‘барам̣ рагканд̇о ад̇д̇аанам̣ рагкад̇ий’’д̇и важанад̇о канд̇иаад̣̇аяо рагкаа. вуд̇д̇ан̃хзд̇ам̣ – ‘‘гат̇ан̃жа, бхигкавз, барам̣ рагканд̇о ад̇д̇аанам̣ рагкад̇и. канд̇ияаа авихим̣сааяа мзд̇д̇ажид̇д̇ад̇ааяа ануд̣̇д̣̇аяааяаа’’д̇и (сам̣. ни. 5.385). ниваасанабаарубанаг̇зхаад̣̇ийни ааваран̣ам̣. жораад̣̇иубад̣̇д̣̇аванивааран̣ад̇т̇ам̣ г̇обааяанаа г̇уд̇д̇и. д̇ам̣ саб̣б̣амби судту вид̣̇ахад̇и бавад̇д̇зд̇и табзд̇ийд̇и ад̇т̇о.
Tattha dhammoti dasakusalakammapathadhammo. Dhammanti tameva vuttappakāraṃ dhammaṃ. Nissāyāti tadadhiṭṭhānena cetasā tameva nissayaṃ katvā. Dhammaṃ sakkarontoti yathā kato so dhammo suṭṭhu kato hoti, evametaṃ karonto. Dhammaṃ garuṃ karontoti tasmiṃ gāravuppattiyā taṃ garukaronto. Dhammaṃ apacāyamānoti tasseva dhammassa añjalikaraṇādīhi nīcavuttitaṃ karonto. Dhammaddhajo dhammaketūti taṃ dhammaṃ dhajamiva purakkhatvā ketumiva ukkhipitvā pavattiyā dhammaddhajo dhammaketu ca hutvāti attho. Dhammādhipateyyoti dhammādhipatibhūtāgatabhāvena dhammavaseneva ca sabbakiriyānaṃ karaṇena dhammādhipateyyo hutvā. Dhammikaṃ rakkhāvaraṇaguttiṃ saṃvidahatīti dhammo assā atthīti dhammikā, rakkhā ca āvaraṇañca gutti ca rakkhāvaraṇagutti. Tattha ‘‘paraṃ rakkhanto attānaṃ rakkhatī’’ti vacanato khantiādayo rakkhā. Vuttañhetaṃ – ‘‘kathañca, bhikkhave, paraṃ rakkhanto attānaṃ rakkhati. Khantiyā avihiṃsāya mettacittatāya anuddayāyā’’ti (saṃ. ni. 5.385). Nivāsanapārupanagehādīni āvaraṇaṃ. Corādiupaddavanivāraṇatthaṃ gopāyanā gutti. Taṃ sabbampi suṭṭhu vidahati pavatteti ṭhapetīti attho.
ид̣̇аани яад̇т̇а саа сам̣вид̣̇ахид̇аб̣б̣аа, д̇ам̣ д̣̇ассзнд̇о анд̇ож̇анасминд̇иаад̣̇имааха. д̇ад̇рааяам̣ сан̇кзбад̇т̇о – анд̇ож̇анасан̇каад̇ам̣ буд̇д̇ад̣̇аарам̣ сийласам̣варз бад̇идтаабзнд̇о вад̇т̇аг̇анд̇хамаалаад̣̇ийни жасса д̣̇ад̣̇амаано саб̣б̣обад̣̇д̣̇авз жасса ниваараяамаано д̇хаммигам̣ рагкааваран̣аг̇уд̇д̇им̣ сам̣вид̣̇ахад̇и наама. кад̇д̇ияаад̣̇ийсуби зсзва наяо. аяам̣ бана висзсо – абхисид̇д̇акад̇д̇ияаа бхад̣̇раассааж̇аанийяаад̣̇ирад̇анасамбад̣̇аанзнаби убаг̇ан̣хид̇аб̣б̣аа, ануяанд̇аа кад̇д̇ияаа д̇зсам̣ ануруубаяаанавааханасамбад̣̇аанзнаби барид̇осзд̇аб̣б̣аа, б̣алагааяо гаалам̣ анад̇иггамзд̇ваа бхад̇д̇авзд̇анасамбад̣̇аанзнаби ануг̇г̇ахзд̇аб̣б̣о, б̣раахман̣аа аннабаанавад̇т̇аад̣̇инаа д̣̇зяяад̇хаммзна, г̇ахабад̇игаа бхад̇д̇аб̣ийж̇анан̇г̇алаб̣алиб̣ад̣̇д̣̇аад̣̇исамбад̣̇аанзна, д̇ат̇аа ниг̇амаваасино нзг̇амаа ж̇анабад̣̇аваасино жа ж̇аанабад̣̇аа. самид̇абаабаб̣аахид̇абаабаа бана саман̣аб̣раахман̣аа саман̣абаригкаарасамбад̣̇аанзна саггаад̇аб̣б̣аа, миг̇абагкино абхаяад̣̇аанзна самассаасзд̇аб̣б̣аа.
Idāni yattha sā saṃvidahitabbā, taṃ dassento antojanasmintiādimāha. Tatrāyaṃ saṅkhepattho – antojanasaṅkhātaṃ puttadāraṃ sīlasaṃvare patiṭṭhāpento vatthagandhamālādīni cassa dadamāno sabbopaddave cassa nivārayamāno dhammikaṃ rakkhāvaraṇaguttiṃ saṃvidahati nāma. Khattiyādīsupi eseva nayo. Ayaṃ pana viseso – abhisittakhattiyā bhadraassājānīyādiratanasampadānenapi upagaṇhitabbā, anuyantā khattiyā tesaṃ anurūpayānavāhanasampadānenapi paritosetabbā, balakāyo kālaṃ anatikkametvā bhattavetanasampadānenapi anuggahetabbo, brāhmaṇā annapānavatthādinā deyyadhammena, gahapatikā bhattabījanaṅgalabalibaddādisampadānena, tathā nigamavāsino negamā janapadavāsino ca jānapadā. Samitapāpabāhitapāpā pana samaṇabrāhmaṇā samaṇaparikkhārasampadānena sakkātabbā, migapakkhino abhayadānena samassāsetabbā.
д̇хаммзнзва жаггам̣ вад̇д̇зд̇ийд̇и д̣̇асагусалагаммабат̇ад̇хаммзнзва жаггам̣ бавад̇д̇зд̇и. д̇ам̣ ход̇и жаггам̣ аббадивад̇д̇ияанд̇и д̇ам̣ д̇зна звам̣ бавад̇д̇ид̇ам̣ аан̣аажаггам̣ аббадивад̇д̇ияам̣ ход̇и. гзнажи мануссабхууд̇знаад̇и д̣̇звад̇аа наама ад̇д̇анаа ижчид̇ижчид̇амзва гаронд̇и, д̇асмаа д̇аа аг̇г̇ан̣хид̇ваа ‘‘мануссабхууд̇знаа’’д̇и вуд̇д̇ам̣. бажжад̇т̇игзнаад̇и бадиад̇т̇игзна, бадисад̇д̇унаад̇и ад̇т̇о. д̇хаммигод̇и жаггавад̇д̇ий д̣̇асагусалагаммабат̇авасзна д̇хаммиго, д̇ат̇ааг̇ад̇о бана навалогуд̇д̇арад̇хаммавасзна. д̇хаммарааж̇аад̇и навахи логуд̇д̇арад̇хаммзхи махааж̇анам̣ ран̃ж̇зд̇ийд̇и д̇хаммарааж̇аа. д̇хаммам̣язваад̇и навалогуд̇д̇арад̇хаммамзва ниссааяа д̇амзва саггаронд̇о д̇ам̣ г̇аругаронд̇о д̇ам̣ абажааяамаано. совасса д̇хаммо аб̣бхуг̇г̇ад̇адтзна д̇хаж̇од̇и д̇хаммад̣̇д̇хаж̇о. совасса гзд̇ууд̇и д̇хаммагзд̇у. д̇амзва ад̇хибад̇им̣ ж̇здтагам̣ гад̇ваа вихарад̇ийд̇и д̇хаммаад̇хибад̇зяяо. д̇хаммигам̣ рагкааваран̣аг̇уд̇д̇инд̇и логияалогуд̇д̇арад̇хаммад̣̇ааяигарагкан̃жа ааваран̣ан̃жа г̇уд̇д̇ин̃жа. сам̣вид̣̇ахад̇ийд̇и табзд̇и бан̃н̃абзд̇и. зваруубанд̇и д̇ивид̇хам̣ гааяад̣̇ужжарид̇ам̣ на сзвид̇аб̣б̣ам̣, сужарид̇ам̣ сзвид̇аб̣б̣анд̇и звам̣ саб̣б̣ад̇т̇а ад̇т̇о взд̣̇ид̇аб̣б̣о. сам̣вид̣̇ахид̇ваад̇и табзд̇ваа гат̇зд̇ваа. д̇хаммзнзва ануд̇д̇арам̣ д̇хаммажаггам̣ бавад̇д̇зд̇ийд̇и навалогуд̇д̇арад̇хаммзнзва асад̣̇исам̣ д̇хаммажаггам̣ бавад̇д̇зд̇и. д̇ам̣ ход̇и жаггам̣ аббадивад̇д̇ияанд̇и д̇ам̣ звам̣ бавад̇д̇ид̇ам̣ д̇хаммажаггам̣ зд̇зсу саман̣аад̣̇ийсу згзнаби бадивад̇д̇зд̇ум̣ бадиб̣аахид̇ум̣ на саггаа. сзсам̣ саб̣б̣ад̇т̇а уд̇д̇аанамзваад̇и.
Dhammeneva cakkaṃ vattetīti dasakusalakammapathadhammeneva cakkaṃ pavatteti. Taṃ hoti cakkaṃ appaṭivattiyanti taṃ tena evaṃ pavattitaṃ āṇācakkaṃ appaṭivattiyaṃ hoti. Kenacimanussabhūtenāti devatā nāma attanā icchiticchitameva karonti, tasmā tā aggaṇhitvā ‘‘manussabhūtenā’’ti vuttaṃ. Paccatthikenāti paṭiatthikena, paṭisattunāti attho. Dhammikoti cakkavattī dasakusalakammapathavasena dhammiko, tathāgato pana navalokuttaradhammavasena. Dhammarājāti navahi lokuttaradhammehi mahājanaṃ rañjetīti dhammarājā. Dhammaṃyevāti navalokuttaradhammameva nissāya tameva sakkaronto taṃ garukaronto taṃ apacāyamāno. Sovassa dhammo abbhuggataṭṭhena dhajoti dhammaddhajo. Sovassa ketūti dhammaketu. Tameva adhipatiṃ jeṭṭhakaṃ katvā viharatīti dhammādhipateyyo. Dhammikaṃ rakkhāvaraṇaguttinti lokiyalokuttaradhammadāyikarakkhañca āvaraṇañca guttiñca. Saṃvidahatīti ṭhapeti paññapeti. Evarūpanti tividhaṃ kāyaduccaritaṃ na sevitabbaṃ, sucaritaṃ sevitabbanti evaṃ sabbattha attho veditabbo. Saṃvidahitvāti ṭhapetvā kathetvā. Dhammeneva anuttaraṃ dhammacakkaṃ pavattetīti navalokuttaradhammeneva asadisaṃ dhammacakkaṃ pavatteti. Taṃ hoti cakkaṃ appaṭivattiyanti taṃ evaṃ pavattitaṃ dhammacakkaṃ etesu samaṇādīsu ekenapi paṭivattetuṃ paṭibāhituṃ na sakkā. Sesaṃ sabbattha uttānamevāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 4. жаггавад̇д̇исуд̇д̇ам̣ • 4. Cakkavattisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 4. жаггавад̇д̇исуд̇д̇аван̣н̣анаа • 4. Cakkavattisuttavaṇṇanā
