| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
2. жаггавад̇д̇исуд̇д̇аван̣н̣анаа
2. Cakkavattisuttavaṇṇanā
223. д̣̇уд̇ияз ран̃н̃о, бхигкавз, жаггавад̇д̇иссаад̇и зд̇т̇а ад̇д̇ано сирисамбад̇д̇ияаа рааж̇ад̇и, жад̇уухи ваа сан̇г̇ахавад̇т̇уухи логам̣ ран̃ж̇зд̇ийд̇и рааж̇аа, д̇асса ран̃н̃о. ‘‘бавад̇д̇ад̇у бхавам̣ жаггарад̇ана’’нд̇и бун̃н̃аанубхаавзна аб̣бхуг̇г̇ад̇ааяа ваажааяа жод̣̇знд̇о жаггам̣ вад̇д̇зд̇ийд̇и жаггавад̇д̇ий, д̇асса жаггавад̇д̇исса. баад̇убхааваад̇и баад̇убхаавзна. сад̇д̇аннанд̇и г̇ан̣анабарижчзд̣̇о. рад̇анаананд̇и барижчиннаад̇т̇ад̣̇ассанам̣. важанад̇т̇о банзд̇т̇а рад̇иж̇ананадтзна рад̇анам̣. абижа –
223. Dutiye rañño, bhikkhave, cakkavattissāti ettha attano sirisampattiyā rājati, catūhi vā saṅgahavatthūhi lokaṃ rañjetīti rājā, tassa rañño. ‘‘Pavattatu bhavaṃ cakkaratana’’nti puññānubhāvena abbhuggatāya vācāya codento cakkaṃ vattetīti cakkavattī, tassa cakkavattissa. Pātubhāvāti pātubhāvena. Sattannanti gaṇanaparicchedo. Ratanānanti paricchinnaatthadassanaṃ. Vacanattho panettha ratijananaṭṭhena ratanaṃ. Apica –
‘‘жид̇д̇ийгад̇ам̣ махаг̇гхан̃жа, ад̇улам̣ д̣̇уллабхад̣̇ассанам̣;
‘‘Cittīkataṃ mahagghañca, atulaṃ dullabhadassanaṃ;
аномасад̇д̇абарибхог̇ам̣, рад̇анам̣ д̇зна вужжад̇ий’’д̇и.
Anomasattaparibhogaṃ, ratanaṃ tena vuccatī’’ti.
жаггарад̇анасса жа ниб̣б̣ад̇д̇агаалад̇о бадтааяа ан̃н̃ам̣ д̣̇звадтаанам̣ наама на ход̇и, саб̣б̣зва г̇анд̇хабубпаад̣̇ийхи д̇ассзва бууж̇ан̃жа абхиваад̣̇анаад̣̇ийни жа гаронд̇ийд̇и жид̇д̇ийгад̇адтзна рад̇анам̣. жаггарад̇анасса жа ‘‘зд̇д̇агам̣ наама д̇ханам̣ аг̇гхад̇ий’’д̇и аг̇гхо над̇т̇и, ид̇и махаг̇гхадтзнааби рад̇анам̣. жаггарад̇анан̃жа ан̃н̃зхи логз виж̇ж̇амаанарад̇анзхи асад̣̇исанд̇и ад̇уладтзна рад̇анам̣. яасмаа бана яасмим̣ габбз б̣уд̣̇д̇хаа уббаж̇ж̇анд̇и , д̇асмим̣язва жаггавад̇д̇ино, б̣уд̣̇д̇хаа жа гад̣̇аажи гарахажи уббаж̇ж̇анд̇и, д̇асмаа д̣̇уллабхад̣̇ассанадтзна рад̇анам̣. д̇ад̣̇зд̇ам̣ ж̇аад̇ируубагулаиссарияаад̣̇ийхи аномасса ул̣аарасад̇д̇ассзва уббаж̇ж̇ад̇и, на ан̃н̃ассаад̇и аномасад̇д̇абарибхог̇адтзнааби рад̇анам̣. яат̇аа жа жаггарад̇анам̣, звам̣ сзсаанибийд̇и. д̇зна вуд̇д̇ам̣ –
Cakkaratanassa ca nibbattakālato paṭṭhāya aññaṃ devaṭṭhānaṃ nāma na hoti, sabbeva gandhapupphādīhi tasseva pūjañca abhivādanādīni ca karontīti cittīkataṭṭhena ratanaṃ. Cakkaratanassa ca ‘‘ettakaṃ nāma dhanaṃ agghatī’’ti aggho natthi, iti mahagghaṭṭhenāpi ratanaṃ. Cakkaratanañca aññehi loke vijjamānaratanehi asadisanti atulaṭṭhena ratanaṃ. Yasmā pana yasmiṃ kappe buddhā uppajjanti , tasmiṃyeva cakkavattino, buddhā ca kadāci karahaci uppajjanti, tasmā dullabhadassanaṭṭhena ratanaṃ. Tadetaṃ jātirūpakulaissariyādīhi anomassa uḷārasattasseva uppajjati, na aññassāti anomasattaparibhogaṭṭhenāpi ratanaṃ. Yathā ca cakkaratanaṃ, evaṃ sesānipīti. Tena vuttaṃ –
‘‘жид̇д̇ийгад̇ам̣ махаг̇гхан̃жа, ад̇улам̣ д̣̇уллабхад̣̇ассанам̣;
‘‘Cittīkataṃ mahagghañca, atulaṃ dullabhadassanaṃ;
аномасад̇д̇абарибхог̇ам̣, рад̇анам̣ д̇зна вужжад̇ий’’д̇и.
Anomasattaparibhogaṃ, ratanaṃ tena vuccatī’’ti.
баад̇убхааво ход̇ийд̇и ниб̣б̣ад̇д̇и ход̇и. д̇ад̇рааяам̣ яож̇анаа – жаггавад̇д̇исса баад̇убхааваа сад̇д̇аннам̣ рад̇анаанам̣ баад̇убхаавод̇и аяуд̇д̇ам̣. уббаннан̃хи жаггам̣ вад̇д̇зд̇ваа со жаггавад̇д̇ий наама ход̇ийд̇и нааяуд̇д̇ам̣. гасмаа? жаггавад̇д̇ананияамаабзгкад̇ааяа. яо хи нияамзна жаггам̣ вад̇д̇зссад̇и, со бадисанд̇хид̇о бабхуд̇и ‘‘жаггавад̇д̇и баад̇убхууд̇о’’д̇и вад̇д̇аб̣б̣ад̇ам̣ аабаж̇ж̇ад̇и. лад̣̇д̇ханаамасса жа бурисасса муулуббад̇д̇иважанад̇оби яуд̇д̇амзвзд̇ам̣. яо хи зса жаггавад̇д̇ийд̇и лад̣̇д̇ханаамо сад̇д̇ависзсо, д̇асса бадисанд̇хисан̇каад̇о баад̇убхаавод̇и аяамзд̇т̇а ад̇т̇о. д̇асса хи баад̇убхааваа рад̇анаани баад̇убхаванд̇и. баад̇убхууд̇зхи бана д̇зхи сад̣̇д̇хим̣ барибаггз бун̃н̃асамбхаарз со сам̣яуж̇ж̇ад̇и, д̇ад̣̇аа логасса д̇зсу баад̇убхааважид̇д̇ам̣ уббаж̇ж̇ад̇и. б̣ахулаважанад̇о жааби яуд̇д̇амзвзд̇ам̣. яад̣̇аа хи логасса д̇зсу баад̇убхаавасан̃н̃аа уббаж̇ж̇ад̇и, д̇ад̣̇аа згамзва батамам̣, бажчаа ид̇араани ча баад̇убхаванд̇ийд̇и б̣ахулаважанад̇о жааби зд̇ам̣ яуд̇д̇ам̣. баад̇убхаавасса жа ад̇т̇абхзд̣̇ад̇оби яуд̇д̇амзвзд̇ам̣. на гзвалан̃хи баад̇убхууд̇амзва баад̇убхааво, баад̇убхааваяад̇ийд̇и баад̇убхааво. аяам̣ баад̇убхаавасса ад̇т̇абхзд̣̇о. яасмаа яо со бун̃н̃асамбхааро рааж̇аанам̣ жаггавад̇д̇им̣ бадисанд̇хивасзна баад̇убхааваяад̇и, д̇асмаа ран̃н̃о жаггавад̇д̇исса баад̇убхааваа. на гзвалан̃хи жаггавад̇д̇иязва, имаани бана сад̇д̇а рад̇анааниби баад̇убхаванд̇ийд̇и аяамзд̇т̇а ад̇т̇о. яат̇зва хи со бун̃н̃асамбхааро ран̃н̃о ж̇анагахзд̇у, звам̣ рад̇анаанамби барияааязна убаниссаяахзд̇ууд̇и яуд̇д̇амзвзд̇ам̣ ‘‘ран̃н̃о, бхигкавз, жаггавад̇д̇исса баад̇убхааваа сад̇д̇аннам̣ рад̇анаанам̣ баад̇убхааво ход̇ий’’д̇и.
Pātubhāvo hotīti nibbatti hoti. Tatrāyaṃ yojanā – cakkavattissa pātubhāvā sattannaṃ ratanānaṃ pātubhāvoti ayuttaṃ. Uppannañhi cakkaṃ vattetvā so cakkavattī nāma hotīti nāyuttaṃ. Kasmā? Cakkavattananiyamāpekkhatāya. Yo hi niyamena cakkaṃ vattessati, so paṭisandhito pabhuti ‘‘cakkavatti pātubhūto’’ti vattabbataṃ āpajjati. Laddhanāmassa ca purisassa mūluppattivacanatopi yuttamevetaṃ. Yo hi esa cakkavattīti laddhanāmo sattaviseso, tassa paṭisandhisaṅkhāto pātubhāvoti ayamettha attho. Tassa hi pātubhāvā ratanāni pātubhavanti. Pātubhūtehi pana tehi saddhiṃ paripakke puññasambhāre so saṃyujjati, tadā lokassa tesu pātubhāvacittaṃ uppajjati. Bahulavacanato cāpi yuttamevetaṃ. Yadā hi lokassa tesu pātubhāvasaññā uppajjati, tadā ekameva paṭhamaṃ, pacchā itarāni cha pātubhavantīti bahulavacanato cāpi etaṃ yuttaṃ. Pātubhāvassa ca atthabhedatopi yuttamevetaṃ. Na kevalañhi pātubhūtameva pātubhāvo, pātubhāvayatīti pātubhāvo. Ayaṃ pātubhāvassa atthabhedo. Yasmā yo so puññasambhāro rājānaṃ cakkavattiṃ paṭisandhivasena pātubhāvayati, tasmā rañño cakkavattissa pātubhāvā. Na kevalañhi cakkavattiyeva, imāni pana satta ratanānipi pātubhavantīti ayamettha attho. Yatheva hi so puññasambhāro rañño janakahetu, evaṃ ratanānampi pariyāyena upanissayahetūti yuttamevetaṃ ‘‘rañño, bhikkhave, cakkavattissa pātubhāvā sattannaṃ ratanānaṃ pātubhāvo hotī’’ti.
ид̣̇аани д̇зсам̣ рад̇анаанам̣ саруубавасзна д̣̇ассанад̇т̇ам̣ гад̇амзсам̣ сад̇д̇аннам̣ жаггарад̇анассаад̇иаад̣̇имааха. д̇ад̇т̇а жаггарад̇анассаад̇иаад̣̇ийсу аяам̣ сан̇кзбаад̇хиббааяо – д̣̇висахассад̣̇ийбабариваараанам̣ жад̇уннам̣ махаад̣̇ийбаанам̣ сиривибхавам̣ г̇ахзд̇ваа д̣̇аад̇ум̣ самад̇т̇асса жаггарад̇анасса баад̇убхааво ход̇и, д̇ат̇аа бурзбхад̇д̇амзва сааг̇арабарияанд̇ам̣ бат̇авим̣ анубарияааяанасамад̇т̇асса взхаасан̇г̇амасса хад̇т̇ирад̇анасса, д̇аад̣̇исассзва ассарад̇анасса, жад̇уран̇г̇асаманнааг̇ад̇зби анд̇хагаарз яож̇анаббамаан̣ам̣ анд̇хагаарам̣ вид̇хамид̇ваа аалогад̣̇ассанасамад̇т̇асса ман̣ирад̇анасса, чаб̣б̣ид̇хам̣ д̣̇осам̣ виваж̇ж̇зд̇ваа манаабажаарино ид̇т̇ирад̇анасса, яож̇анаббамаан̣з бад̣̇зсз анд̇обат̇авиг̇ад̇аанам̣ нид̇хийнам̣ д̣̇ассанасамад̇т̇асса г̇ахабад̇ирад̇анасса, аг̇г̇амахзсияаа гужчимхи ниб̣б̣ад̇д̇ид̇ваа сагалараж̇ж̇аанусаасанасамад̇т̇асса ж̇здтабуд̇д̇асан̇каад̇асса барин̣ааяагарад̇анасса жа баад̇убхааво ход̇ийд̇и . аяамзд̇т̇а сан̇кзбо. вид̇т̇аарад̇о бана д̇зсам̣ жаггарад̇анаад̣̇ийнам̣ баад̇убхаававид̇хаанам̣ махаасуд̣̇ассанаад̣̇ийсу суд̇д̇зсу ааг̇ад̇амзва. ад̇т̇обисса д̇зсам̣ ван̣н̣анааяа сам̣ван̣н̣ид̇оязва.
Idāni tesaṃ ratanānaṃ sarūpavasena dassanatthaṃ katamesaṃ sattannaṃ cakkaratanassātiādimāha. Tattha cakkaratanassātiādīsu ayaṃ saṅkhepādhippāyo – dvisahassadīpaparivārānaṃ catunnaṃ mahādīpānaṃ sirivibhavaṃ gahetvā dātuṃ samatthassa cakkaratanassa pātubhāvo hoti, tathā purebhattameva sāgarapariyantaṃ pathaviṃ anupariyāyanasamatthassa vehāsaṅgamassa hatthiratanassa, tādisasseva assaratanassa, caturaṅgasamannāgatepi andhakāre yojanappamāṇaṃ andhakāraṃ vidhamitvā ālokadassanasamatthassa maṇiratanassa, chabbidhaṃ dosaṃ vivajjetvā manāpacārino itthiratanassa, yojanappamāṇe padese antopathavigatānaṃ nidhīnaṃ dassanasamatthassa gahapatiratanassa, aggamahesiyā kucchimhi nibbattitvā sakalarajjānusāsanasamatthassa jeṭṭhaputtasaṅkhātassa pariṇāyakaratanassa ca pātubhāvo hotīti . Ayamettha saṅkhepo. Vitthārato pana tesaṃ cakkaratanādīnaṃ pātubhāvavidhānaṃ mahāsudassanādīsu suttesu āgatameva. Atthopissa tesaṃ vaṇṇanāya saṃvaṇṇitoyeva.
сад̇исамб̣ож̇жхан̇г̇арад̇анассаад̇иаад̣̇ийсу саригкагад̇аа звам̣ взд̣̇ид̇аб̣б̣аа – яат̇зва хи жаггавад̇д̇ино жаггарад̇анам̣ саб̣б̣арад̇анаанам̣ бурзжарам̣, звам̣ сад̇исамб̣ож̇жхан̇г̇арад̇анам̣ саб̣б̣зсам̣ жад̇убхуумагад̇хаммаанам̣ бурзжаранд̇и, бурзжаран̣адтзна жаггавад̇д̇иран̃н̃о жаггарад̇анасад̣̇исам̣ ход̇и. жаггавад̇д̇ино жа рад̇анзсу махаагааяуубабаннам̣ ажжуг̇г̇ад̇ам̣ вибулам̣ маханд̇ам̣ хад̇т̇ирад̇анам̣, ид̣̇амби д̇хаммавижаяасамб̣ож̇жхан̇г̇арад̇анам̣ маханд̇ам̣ д̇хаммагааяуубабаннам̣ ажжуг̇г̇ад̇ам̣ вибулам̣ маханд̇анд̇и хад̇т̇ирад̇анасад̣̇исам̣ ход̇и. жаггавад̇д̇ино ассарад̇анам̣ сийгхам̣ лаху ж̇авам̣, ид̣̇амби вийрияасамб̣ож̇жхан̇г̇арад̇анам̣ сийгхам̣ лаху ж̇аванд̇и имааяа сийгхалахуж̇авад̇ааяа ассарад̇анасад̣̇исам̣ ход̇и. жаггавад̇д̇ино ман̣ирад̇анам̣ анд̇хагаарам̣ вид̇хамад̇и, аалогам̣ д̣̇ассзд̇и, ид̣̇амби бийд̇исамб̣ож̇жхан̇г̇арад̇анам̣ д̇ааяа зганд̇агусалад̇д̇аа гилзсанд̇хагаарам̣ вид̇хамад̇и, сахаж̇аад̇абажжаяаад̣̇ивасзна н̃аан̣аалогам̣ д̣̇ассзд̇ийд̇и иминаа анд̇хагааравид̇хаманааалогад̣̇ассанабхаавзна ман̣ирад̇анасад̣̇исам̣ ход̇и.
Satisambojjhaṅgaratanassātiādīsu sarikkhakatā evaṃ veditabbā – yatheva hi cakkavattino cakkaratanaṃ sabbaratanānaṃ purecaraṃ, evaṃ satisambojjhaṅgaratanaṃ sabbesaṃ catubhūmakadhammānaṃ purecaranti, purecaraṇaṭṭhena cakkavattirañño cakkaratanasadisaṃ hoti. Cakkavattino ca ratanesu mahākāyūpapannaṃ accuggataṃ vipulaṃ mahantaṃ hatthiratanaṃ, idampi dhammavicayasambojjhaṅgaratanaṃ mahantaṃ dhammakāyūpapannaṃ accuggataṃ vipulaṃ mahantanti hatthiratanasadisaṃ hoti. Cakkavattino assaratanaṃ sīghaṃ lahu javaṃ, idampi vīriyasambojjhaṅgaratanaṃ sīghaṃ lahu javanti imāya sīghalahujavatāya assaratanasadisaṃ hoti. Cakkavattino maṇiratanaṃ andhakāraṃ vidhamati, ālokaṃ dasseti, idampi pītisambojjhaṅgaratanaṃ tāya ekantakusalattā kilesandhakāraṃ vidhamati, sahajātapaccayādivasena ñāṇālokaṃ dassetīti iminā andhakāravidhamanaālokadassanabhāvena maṇiratanasadisaṃ hoti.
жаггавад̇д̇ино ид̇т̇ирад̇анам̣ гааяажид̇д̇ад̣̇арат̇ам̣ бадибассамбхзд̇и, барил̣аахам̣ вуубасамзд̇и. ид̣̇амби бассад̣̇д̇хисамб̣ож̇жхан̇г̇арад̇анам̣ гааяажид̇д̇ад̣̇арат̇ам̣ бадибассамбхзд̇и, барил̣аахам̣ вуубасамзд̇ийд̇и ид̇т̇ирад̇анасад̣̇исам̣ ход̇и. жаггавад̇д̇ино г̇ахабад̇ирад̇анам̣ ижчид̇ижчид̇агкан̣з д̇ханад̣̇аанзна вигкзбам̣ бажчинд̣̇ид̇ваа жид̇д̇ам̣ згаг̇г̇ам̣ гарод̇и, ид̣̇амби самаад̇хисамб̣ож̇жхан̇г̇арад̇анам̣ яат̇ижчид̇аад̣̇ивасзна аббанам̣ самбаад̣̇зд̇и, вигкзбам̣ бажчинд̣̇ид̇ваа жид̇д̇ам̣ згаг̇г̇ам̣ гарод̇ийд̇и г̇ахабад̇ирад̇анасад̣̇исам̣ ход̇и. жаггавад̇д̇ино жа барин̣ааяагарад̇анам̣ саб̣б̣ад̇т̇агижжасамбаад̣̇анзна аббоссуггад̇ам̣ гарод̇и. ид̣̇амби убзгкаасамб̣ож̇жхан̇г̇арад̇анам̣ жид̇д̇уббаад̣̇ам̣ лийнуд̣̇д̇хажжад̇о можзд̇ваа баяог̇амаж̇жхад̇д̇з табаяамаанам̣ аббоссуггад̇ам̣ гарод̇ийд̇и барин̣ааяагарад̇анасад̣̇исам̣ ход̇и. ид̇и имасмим̣ суд̇д̇з жад̇убхуумаго саб̣б̣асан̇г̇аахигад̇хаммабарижчзд̣̇о гат̇ид̇од̇и взд̣̇ид̇аб̣б̣о.
Cakkavattino itthiratanaṃ kāyacittadarathaṃ paṭipassambheti, pariḷāhaṃ vūpasameti. Idampi passaddhisambojjhaṅgaratanaṃ kāyacittadarathaṃ paṭipassambheti, pariḷāhaṃ vūpasametīti itthiratanasadisaṃ hoti. Cakkavattino gahapatiratanaṃ icchiticchitakkhaṇe dhanadānena vikkhepaṃ pacchinditvā cittaṃ ekaggaṃ karoti, idampi samādhisambojjhaṅgaratanaṃ yathicchitādivasena appanaṃ sampādeti, vikkhepaṃ pacchinditvā cittaṃ ekaggaṃ karotīti gahapatiratanasadisaṃ hoti. Cakkavattino ca pariṇāyakaratanaṃ sabbatthakiccasampādanena appossukkataṃ karoti. Idampi upekkhāsambojjhaṅgaratanaṃ cittuppādaṃ līnuddhaccato mocetvā payogamajjhatte ṭhapayamānaṃ appossukkataṃ karotīti pariṇāyakaratanasadisaṃ hoti. Iti imasmiṃ sutte catubhūmako sabbasaṅgāhikadhammaparicchedo kathitoti veditabbo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. жаггавад̇д̇исуд̇д̇ам̣ • 2. Cakkavattisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. жаггавад̇д̇исуд̇д̇аван̣н̣анаа • 2. Cakkavattisuttavaṇṇanā
