| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
2. жаггавад̇д̇исуд̇д̇аван̣н̣анаа
2. Cakkavattisuttavaṇṇanā
223. сирисамбад̇д̇ияаа рааж̇ад̇и д̣̇иббад̇и собхад̇ийд̇и рааж̇аа, д̣̇аанабияаважанаад̇т̇ажарияаасамаанад̇д̇ад̇аасан̇каад̇зхи жад̇уухи сан̇г̇ахавад̇т̇уухи. ран̃ж̇зд̇ийд̇и рамзд̇и. аб̣бхуг̇г̇ад̇ааяаад̇и уд̣̇ийрид̇аа ниб̣б̣ад̇д̇ид̇о д̇ад̇т̇а д̇ад̇т̇а г̇ажчанад̇о. жаггам̣ вад̇д̇зд̇ийд̇и жаггарад̇анам̣ бавад̇д̇зд̇и. д̣̇звадтаананд̇и бууж̇анийяад̣̇звадтаанам̣. жид̇д̇ийгад̇адтзнаад̇и бууж̇анийяабхаавзна. аг̇гхо над̇т̇и жирагааласамбхавабун̃н̃аанубхаавасид̣̇д̇харад̇анасаб̣бхаавад̇о. ан̃н̃зхи жаггавад̇д̇ино бариг̇г̇ахабхууд̇арад̇анзхи. логзд̇и мануссалогз. д̇зна д̇ад̣̇ан̃н̃алогам̣ нивад̇д̇зд̇и. виж̇ж̇амаанаг̇г̇ахан̣зна ад̇ийд̇аанааг̇ад̇ам̣ нивад̇д̇зд̇и. б̣уд̣̇д̇хаа жа гад̣̇аажи гарахажи уббаж̇ж̇анд̇и жаггавад̇д̇иноби язбхуяязна д̇асмим̣язва уббаж̇ж̇анад̇од̇и ад̇хиббааяо. аномассаад̇и алаамагасса уггадтасса. сзсаани рад̇анаани.
223.Sirisampattiyā rājati dippati sobhatīti rājā, dānapiyavacanaatthacariyāsamānattatāsaṅkhātehi catūhi saṅgahavatthūhi. Rañjetīti rameti. Abbhuggatāyāti udīritā nibbattito tattha tattha gacchanato. Cakkaṃ vattetīti cakkaratanaṃ pavatteti. Devaṭṭhānanti pūjanīyadevaṭṭhānaṃ. Cittīkataṭṭhenāti pūjanīyabhāvena. Aggho natthi cirakālasambhavapuññānubhāvasiddharatanasabbhāvato. Aññehi cakkavattino pariggahabhūtaratanehi. Loketi manussaloke. Tena tadaññalokaṃ nivatteti. Vijjamānaggahaṇena atītānāgataṃ nivatteti. Buddhā ca kadāci karahaci uppajjanti cakkavattinopi yebhuyyena tasmiṃyeva uppajjanatoti adhippāyo. Anomassāti alāmakassa ukkaṭṭhassa. Sesāni ratanāni.
д̇ад̇раад̇и ваагяобан̃н̃аасанз нибаад̇о, д̇асмим̣ баад̇убхаававажанз. ‘‘аяуд̇д̇а’’нд̇и вад̇ваа д̇ад̇т̇а ад̇хиббааяам̣ виваранд̇о ‘‘уббаннам̣ хий’’д̇иаад̣̇имааха. д̇зхи рад̇анзхи жаггавад̇д̇ананияамаабзгкад̇ааяа жаггавад̇д̇иважанасса. нияамзнаад̇и зганд̇зна. вад̇д̇аб̣б̣ад̇ам̣ аабаж̇ж̇ад̇и бхаавини бхууд̇з вияа убажаарод̇и яат̇аа – ‘‘аг̇амаа рааж̇аг̇ахам̣ б̣уд̣̇д̇хо’’д̇и (су. ни. 410). лад̣̇д̇ханаамассаад̇и жаггавад̇д̇ийд̇и логз лад̣̇д̇хасаман̃н̃асса бад̇т̇анийяасса бурисависзсасса. муулуббад̇д̇иважанад̇обийд̇и ‘‘жаггавад̇д̇исса баад̇убхааваа’’д̇и зд̇асса батамуббад̇д̇ияаа важанад̇оби. ид̣̇аани д̇амад̇т̇ам̣ виваранд̇о ‘‘яо хий’’д̇иаад̣̇имааха. яо хи жаггавад̇д̇ирааж̇аа, д̇асса уббад̇д̇ияаа жаггарад̇анасса уббаж̇ж̇анад̇о жаггавад̇д̇ийд̇и звам̣ наамам̣ уббаж̇ж̇ад̇и. ‘‘жаггам̣ вад̇д̇зссад̇ий’’д̇и ид̣̇ам̣ бана нияаамам̣ анабзгкид̇ваа д̇асса уббаж̇ж̇ад̇ийд̇и рад̇анаануббад̇д̇им̣ г̇ахзд̇ваа вуд̇д̇анаяад̇о сан̃н̃аа уббаж̇ж̇ад̇и ‘‘жаггавад̇д̇ий’’д̇и. згамзваад̇и жаггарад̇анамзва батамам̣ баад̇убхавад̇и. яасмим̣ бхууд̇з ран̃н̃о жаггавад̇д̇исаман̃н̃аа, ат̇а бажчаа рад̇анаани баад̇убхаванд̇ийд̇и б̣ахуунам̣ баад̇убхаавам̣ убаад̣̇ааяа б̣ахулаважанад̇оби зд̇ам̣ ‘‘жаггавад̇д̇исса баад̇убхааваа рад̇анаанам̣ баад̇убхааво’’д̇и вуд̇д̇ам̣. аяам̣ хзд̇угад̇д̇усан̃н̃ид̇о ад̇т̇абхзд̣̇о. баад̇убхааваад̇и баад̇убхаавад̇о. бун̃н̃асамбхааро бхиннасанд̇аанад̇ааяа рад̇анаанамби барияааязна убаниссаяахзд̇ууд̇и вуд̇д̇ам̣. яуд̇д̇амзвзд̇ам̣ яат̇аавуд̇д̇аяуд̇д̇ияуд̇д̇ад̇д̇аа.
Tatrāti vākyopaññāsane nipāto, tasmiṃ pātubhāvavacane. ‘‘Ayutta’’nti vatvā tattha adhippāyaṃ vivaranto ‘‘uppannaṃ hī’’tiādimāha. Tehi ratanehi cakkavattananiyamāpekkhatāya cakkavattivacanassa. Niyamenāti ekantena. Vattabbataṃ āpajjati bhāvini bhūte viya upacāroti yathā – ‘‘agamā rājagahaṃ buddho’’ti (su. ni. 410). Laddhanāmassāti cakkavattīti loke laddhasamaññassa patthanīyassa purisavisesassa. Mūluppattivacanatopīti ‘‘cakkavattissa pātubhāvā’’ti etassa paṭhamuppattiyā vacanatopi. Idāni tamatthaṃ vivaranto ‘‘yo hī’’tiādimāha. Yo hi cakkavattirājā, tassa uppattiyā cakkaratanassa uppajjanato cakkavattīti evaṃ nāmaṃ uppajjati. ‘‘Cakkaṃ vattessatī’’ti idaṃ pana niyāmaṃ anapekkhitvā tassa uppajjatīti ratanānuppattiṃ gahetvā vuttanayato saññā uppajjati ‘‘cakkavattī’’ti. Ekamevāti cakkaratanameva paṭhamaṃ pātubhavati. Yasmiṃ bhūte rañño cakkavattisamaññā, atha pacchā ratanāni pātubhavantīti bahūnaṃ pātubhāvaṃ upādāya bahulavacanatopi etaṃ ‘‘cakkavattissa pātubhāvā ratanānaṃ pātubhāvo’’ti vuttaṃ. Ayaṃ hetukattusaññito atthabhedo. Pātubhāvāti pātubhāvato. Puññasambhāro bhinnasantānatāya ratanānampi pariyāyena upanissayahetūti vuttaṃ. Yuttamevetaṃ yathāvuttayuttiyuttattā.
вад̇д̇аб̣б̣абхууд̇о ад̇хиббааяо зд̇асса ад̇т̇ийд̇и ад̇хиббааяо, ад̇т̇анид̣̇д̣̇зсо, сан̇кзбад̇о ад̇хиббааяо сан̇кзбаад̇хиббааяо. жаггарад̇анаанубхаавзна жаггавад̇д̇иссарияасса сиж̇жханад̇о ‘‘д̣̇аад̇ум̣ самад̇т̇ассаа’’д̇и вуд̇д̇ам̣. яож̇анаббамаан̣з бад̣̇зсз бавад̇д̇ад̇д̇аа яож̇анаббамаан̣ам̣ анд̇хагаарам̣. ад̇ид̣̇ийгхаад̇ирассад̇аад̣̇им̣ чаб̣б̣ид̇хам̣ д̣̇осам̣ виваж̇ж̇зд̇ваа тид̇ассаад̇и важанасзсо.
Vattabbabhūto adhippāyo etassa atthīti adhippāyo, atthaniddeso, saṅkhepato adhippāyo saṅkhepādhippāyo. Cakkaratanānubhāvena cakkavattissariyassa sijjhanato ‘‘dātuṃ samatthassā’’ti vuttaṃ. Yojanappamāṇe padese pavattattā yojanappamāṇaṃ andhakāraṃ. Atidīghātirassatādiṃ chabbidhaṃ dosaṃ vivajjetvā ṭhitassāti vacanaseso.
саб̣б̣зсам̣ жад̇убхуумагад̇хаммаанам̣ бурзжарам̣ гусалаанам̣ д̇хаммаанам̣ г̇ад̇ияо саманвзсанавасзна бавад̇д̇анад̇о. б̣уд̣̇д̇хаад̣̇ийхиби аббахаанийяад̇ааяа маханд̇ад̇хаммасабхаавад̇д̇аа д̇хаммагааяз жа ж̇здтагадтзна д̇хаммагааяуубабаннам̣. бан̃н̃аабаасаад̣̇ад̇ааяа жасса убариг̇ад̇адтзна ажжуг̇г̇ад̇ам̣. вид̇т̇ад̇адтзна вибулам̣. маханд̇ад̇ааяа маханд̇ам̣. анаад̣̇игаалабхаавид̇асса гилзсасанд̇аанасса кан̣знзва вид̣̇д̇хам̣санад̇о сийгхам̣ лаху ж̇аванд̇и барияааяаа. б̣ож̇жхан̇г̇ад̇хаммабарияаабаннад̇д̇аа хи вуд̇д̇ам̣ ‘‘зганд̇а-гусалад̇д̇аа’’д̇и. самбаяуд̇д̇авасзна бийд̇ияаа аалогавид̣̇д̇хам̣санабхаававасзнаад̇и вуд̇д̇ам̣ ‘‘сахаж̇аад̇абажжаяаад̣̇ий’’д̇иаад̣̇и. саб̣б̣асан̇г̇аахигад̇хаммабарижчзд̣̇од̇и жад̇убхуумагад̇д̇аа саб̣б̣асан̇г̇аахаго б̣ож̇жхан̇г̇ад̇хаммабарижчзд̣̇о гат̇ид̇о.
Sabbesaṃ catubhūmakadhammānaṃ purecaraṃ kusalānaṃ dhammānaṃ gatiyo samanvesanavasena pavattanato. Buddhādīhipi appahānīyatāya mahantadhammasabhāvattā dhammakāye ca jeṭṭhakaṭṭhena dhammakāyūpapannaṃ. Paññāpāsādatāya cassa uparigataṭṭhena accuggataṃ. Vitthataṭṭhena vipulaṃ. Mahantatāya mahantaṃ. Anādikālabhāvitassa kilesasantānassa khaṇeneva viddhaṃsanato sīghaṃ lahu javanti pariyāyā. Bojjhaṅgadhammapariyāpannattā hi vuttaṃ ‘‘ekanta-kusalattā’’ti. Sampayuttavasena pītiyā ālokaviddhaṃsanabhāvavasenāti vuttaṃ ‘‘sahajātapaccayādī’’tiādi. Sabbasaṅgāhikadhammaparicchedoti catubhūmakattā sabbasaṅgāhako bojjhaṅgadhammaparicchedo kathito.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. жаггавад̇д̇исуд̇д̇ам̣ • 2. Cakkavattisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. жаггавад̇д̇исуд̇д̇аван̣н̣анаа • 2. Cakkavattisuttavaṇṇanā
