| Library / Tipiṭaka / তিপিটক • Tipiṭaka / কথাৰত্থুপাল়ি • Kathāvatthupāḷi |
১৮. অট্ঠারসমৰগ্গো
18. Aṭṭhārasamavaggo
(১৮৫) ৯. চক্খুনা রূপং পস্সতীতিকথা
(185) 9. Cakkhunā rūpaṃ passatītikathā
৮২৬. চক্খুনা রূপং পস্সতীতি? আমন্তা। রূপেন রূপং পস্সতীতি? ন হেৰং ৰত্তব্বে…পে॰… রূপেন রূপং পস্সতীতি? আমন্তা। রূপেন রূপং পটিৰিজানাতীতি? ন হেৰং ৰত্তব্বে…পে॰… রূপেন রূপং পটিৰিজানাতীতি? আমন্তা। রূপং মনোৰিঞ্ঞাণন্তি ? ন হেৰং ৰত্তব্বে…পে॰… চক্খুনা রূপং পস্সতীতি? আমন্তা। অত্থি চক্খুস্স আৰট্টনা…পে॰… পণিধীতি? ন হেৰং ৰত্তব্বে…পে॰… ননু নত্থি চক্খুস্স আৰট্টনা…পে॰… পণিধীতি? আমন্তা। হঞ্চি নত্থি চক্খুস্স আৰট্টনা…পে॰… পণিধি, নো চ ৰত রে ৰত্তব্বে – ‘‘চক্খুনা রূপং পস্সতী’’তি।
826. Cakkhunā rūpaṃ passatīti? Āmantā. Rūpena rūpaṃ passatīti? Na hevaṃ vattabbe…pe… rūpena rūpaṃ passatīti? Āmantā. Rūpena rūpaṃ paṭivijānātīti? Na hevaṃ vattabbe…pe… rūpena rūpaṃ paṭivijānātīti? Āmantā. Rūpaṃ manoviññāṇanti ? Na hevaṃ vattabbe…pe… cakkhunā rūpaṃ passatīti? Āmantā. Atthi cakkhussa āvaṭṭanā…pe… paṇidhīti? Na hevaṃ vattabbe…pe… nanu natthi cakkhussa āvaṭṭanā…pe… paṇidhīti? Āmantā. Hañci natthi cakkhussa āvaṭṭanā…pe… paṇidhi, no ca vata re vattabbe – ‘‘cakkhunā rūpaṃ passatī’’ti.
সোতেন সদ্দং সুণাতীতি…পে॰… ঘানেন গন্ধং ঘাযতীতি…পে॰… জিৰ্হায রসং সাযতীতি…পে॰… কাযেন ফোট্ঠব্বং ফুসতীতি? আমন্তা। রূপেন রূপং ফুসতীতি? ন হেৰং ৰত্তব্বে…পে॰…।
Sotena saddaṃ suṇātīti…pe… ghānena gandhaṃ ghāyatīti…pe… jivhāya rasaṃ sāyatīti…pe… kāyena phoṭṭhabbaṃ phusatīti? Āmantā. Rūpena rūpaṃ phusatīti? Na hevaṃ vattabbe…pe….
রূপেন রূপং ফুসতীতি? আমন্তা। রূপেন রূপং পটিৰিজানাতীতি? ন হেৰং ৰত্তব্বে…পে॰… রূপেন রূপং পটিৰিজানাতীতি? আমন্তা। রূপং মনোৰিঞ্ঞাণন্তি? ন হেৰং ৰত্তব্বে …পে॰… কাযেন ফোট্ঠব্বং ফুসতীতি? আমন্তা। অত্থি কাযস্স আৰট্টনা…পে॰… পণিধীতি? ন হেৰং ৰত্তব্বে…পে॰… ননু নত্থি কাযস্স আৰট্টনা…পে॰… পণিধীতি? আমন্তা। হঞ্চি নত্থি কাযস্স আৰট্টনা…পে॰… পণিধি, নো চ ৰত রে ৰত্তব্বে – ‘‘কাযেন ফোট্ঠব্বং ফুসতী’’তি…পে॰…।
Rūpena rūpaṃ phusatīti? Āmantā. Rūpena rūpaṃ paṭivijānātīti? Na hevaṃ vattabbe…pe… rūpena rūpaṃ paṭivijānātīti? Āmantā. Rūpaṃ manoviññāṇanti? Na hevaṃ vattabbe …pe… kāyena phoṭṭhabbaṃ phusatīti? Āmantā. Atthi kāyassa āvaṭṭanā…pe… paṇidhīti? Na hevaṃ vattabbe…pe… nanu natthi kāyassa āvaṭṭanā…pe… paṇidhīti? Āmantā. Hañci natthi kāyassa āvaṭṭanā…pe… paṇidhi, no ca vata re vattabbe – ‘‘kāyena phoṭṭhabbaṃ phusatī’’ti…pe….
৮২৭. ন ৰত্তব্বং – ‘‘চক্খুনা রূপং পস্সতী’’তি…পে॰… ‘‘কাযেন ফোট্ঠব্বং ফুসতী’’তি? আমন্তা। ননু ৰুত্তং ভগৰতা – ‘‘ইধ, ভিক্খৰে, ভিক্খু চক্খুনা রূপং পস্সতি…পে॰… কাযেন ফোট্ঠব্বং ফুসতী’’তি 1! অত্থেৰ সুত্তন্তোতি? আমন্তা। তেন হি চক্খুনা রূপং পস্সতি…পে॰… কাযেন ফোট্ঠব্বং ফুসতীতি।
827. Na vattabbaṃ – ‘‘cakkhunā rūpaṃ passatī’’ti…pe… ‘‘kāyena phoṭṭhabbaṃ phusatī’’ti? Āmantā. Nanu vuttaṃ bhagavatā – ‘‘idha, bhikkhave, bhikkhu cakkhunā rūpaṃ passati…pe… kāyena phoṭṭhabbaṃ phusatī’’ti 2! Attheva suttantoti? Āmantā. Tena hi cakkhunā rūpaṃ passati…pe… kāyena phoṭṭhabbaṃ phusatīti.
চক্খুনা রূপং পস্সতীতিকথা নিট্ঠিতা।
Cakkhunā rūpaṃ passatītikathā niṭṭhitā.
অট্ঠারসমৰগ্গো।
Aṭṭhārasamavaggo.
তস্সুদ্দানং –
Tassuddānaṃ –
বুদ্ধো ভগৰা মনুস্সলোকে অট্ঠাসি, বুদ্ধেন ভগৰতা ধম্মো দেসিতো, নত্থি বুদ্ধস্স ভগৰতো করুণা, বুদ্ধস্স ভগৰতো উচ্চারপস্সাৰো অতিৰিয অঞ্ঞে গন্ধজাতে অধিগ্গণ্হাতি, একেন অরিযমগ্গেন চত্তারি সামঞ্ঞফলানি সচ্ছিকরোতি, ঝানা ঝানং সঙ্কমতি, অত্থি ঝানন্তরিকা, সমাপন্নো সদ্দং সুণাতি, চক্খুনা রূপং পস্সতি কাযেন ফোট্ঠব্বং ফুসতি।
Buddho bhagavā manussaloke aṭṭhāsi, buddhena bhagavatā dhammo desito, natthi buddhassa bhagavato karuṇā, buddhassa bhagavato uccārapassāvo ativiya aññe gandhajāte adhiggaṇhāti, ekena ariyamaggena cattāri sāmaññaphalāni sacchikaroti, jhānā jhānaṃ saṅkamati, atthi jhānantarikā, samāpanno saddaṃ suṇāti, cakkhunā rūpaṃ passati kāyena phoṭṭhabbaṃ phusati.
Footnotes:
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৯. চক্খুনারূপংপস্সতীতিকথাৰণ্ণনা • 9. Cakkhunārūpaṃpassatītikathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৯. চক্খুনারূপংপস্সতীতিকথাৰণ্ণনা • 9. Cakkhunārūpaṃpassatītikathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ৯. চক্খুনারূপংপস্সতীতিকথাৰণ্ণনা • 9. Cakkhunārūpaṃpassatītikathāvaṇṇanā
