| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๑๘. อฎฺฐารสมวโคฺค
18. Aṭṭhārasamavaggo
(๑๘๕) ๙. จกฺขุนา รูปํ ปสฺสตีติกถา
(185) 9. Cakkhunā rūpaṃ passatītikathā
๘๒๖. จกฺขุนา รูปํ ปสฺสตีติ? อามนฺตาฯ รูเปน รูปํ ปสฺสตีติ? น เหวํ วตฺตเพฺพ…เป.… รูเปน รูปํ ปสฺสตีติ? อามนฺตาฯ รูเปน รูปํ ปฎิวิชานาตีติ? น เหวํ วตฺตเพฺพ…เป.… รูเปน รูปํ ปฎิวิชานาตีติ? อามนฺตาฯ รูปํ มโนวิญฺญาณนฺติ ? น เหวํ วตฺตเพฺพ…เป.… จกฺขุนา รูปํ ปสฺสตีติ? อามนฺตาฯ อตฺถิ จกฺขุสฺส อาวฎฺฎนา…เป.… ปณิธีติ? น เหวํ วตฺตเพฺพ…เป.… นนุ นตฺถิ จกฺขุสฺส อาวฎฺฎนา…เป.… ปณิธีติ? อามนฺตาฯ หญฺจิ นตฺถิ จกฺขุสฺส อาวฎฺฎนา…เป.… ปณิธิ, โน จ วต เร วตฺตเพฺพ – ‘‘จกฺขุนา รูปํ ปสฺสตี’’ติฯ
826. Cakkhunā rūpaṃ passatīti? Āmantā. Rūpena rūpaṃ passatīti? Na hevaṃ vattabbe…pe… rūpena rūpaṃ passatīti? Āmantā. Rūpena rūpaṃ paṭivijānātīti? Na hevaṃ vattabbe…pe… rūpena rūpaṃ paṭivijānātīti? Āmantā. Rūpaṃ manoviññāṇanti ? Na hevaṃ vattabbe…pe… cakkhunā rūpaṃ passatīti? Āmantā. Atthi cakkhussa āvaṭṭanā…pe… paṇidhīti? Na hevaṃ vattabbe…pe… nanu natthi cakkhussa āvaṭṭanā…pe… paṇidhīti? Āmantā. Hañci natthi cakkhussa āvaṭṭanā…pe… paṇidhi, no ca vata re vattabbe – ‘‘cakkhunā rūpaṃ passatī’’ti.
โสเตน สทฺทํ สุณาตีติ…เป.… ฆาเนน คนฺธํ ฆายตีติ…เป.… ชิวฺหาย รสํ สายตีติ…เป.… กาเยน โผฎฺฐพฺพํ ผุสตีติ? อามนฺตาฯ รูเปน รูปํ ผุสตีติ? น เหวํ วตฺตเพฺพ…เป.…ฯ
Sotena saddaṃ suṇātīti…pe… ghānena gandhaṃ ghāyatīti…pe… jivhāya rasaṃ sāyatīti…pe… kāyena phoṭṭhabbaṃ phusatīti? Āmantā. Rūpena rūpaṃ phusatīti? Na hevaṃ vattabbe…pe….
รูเปน รูปํ ผุสตีติ? อามนฺตาฯ รูเปน รูปํ ปฎิวิชานาตีติ? น เหวํ วตฺตเพฺพ…เป.… รูเปน รูปํ ปฎิวิชานาตีติ? อามนฺตาฯ รูปํ มโนวิญฺญาณนฺติ? น เหวํ วตฺตเพฺพ …เป.… กาเยน โผฎฺฐพฺพํ ผุสตีติ? อามนฺตาฯ อตฺถิ กายสฺส อาวฎฺฎนา…เป.… ปณิธีติ? น เหวํ วตฺตเพฺพ…เป.… นนุ นตฺถิ กายสฺส อาวฎฺฎนา…เป.… ปณิธีติ? อามนฺตาฯ หญฺจิ นตฺถิ กายสฺส อาวฎฺฎนา…เป.… ปณิธิ, โน จ วต เร วตฺตเพฺพ – ‘‘กาเยน โผฎฺฐพฺพํ ผุสตี’’ติ…เป.…ฯ
Rūpena rūpaṃ phusatīti? Āmantā. Rūpena rūpaṃ paṭivijānātīti? Na hevaṃ vattabbe…pe… rūpena rūpaṃ paṭivijānātīti? Āmantā. Rūpaṃ manoviññāṇanti? Na hevaṃ vattabbe …pe… kāyena phoṭṭhabbaṃ phusatīti? Āmantā. Atthi kāyassa āvaṭṭanā…pe… paṇidhīti? Na hevaṃ vattabbe…pe… nanu natthi kāyassa āvaṭṭanā…pe… paṇidhīti? Āmantā. Hañci natthi kāyassa āvaṭṭanā…pe… paṇidhi, no ca vata re vattabbe – ‘‘kāyena phoṭṭhabbaṃ phusatī’’ti…pe….
๘๒๗. น วตฺตพฺพํ – ‘‘จกฺขุนา รูปํ ปสฺสตี’’ติ…เป.… ‘‘กาเยน โผฎฺฐพฺพํ ผุสตี’’ติ? อามนฺตาฯ นนุ วุตฺตํ ภควตา – ‘‘อิธ, ภิกฺขเว, ภิกฺขุ จกฺขุนา รูปํ ปสฺสติ…เป.… กาเยน โผฎฺฐพฺพํ ผุสตี’’ติ 1! อเตฺถว สุตฺตโนฺตติ? อามนฺตาฯ เตน หิ จกฺขุนา รูปํ ปสฺสติ…เป.… กาเยน โผฎฺฐพฺพํ ผุสตีติฯ
827. Na vattabbaṃ – ‘‘cakkhunā rūpaṃ passatī’’ti…pe… ‘‘kāyena phoṭṭhabbaṃ phusatī’’ti? Āmantā. Nanu vuttaṃ bhagavatā – ‘‘idha, bhikkhave, bhikkhu cakkhunā rūpaṃ passati…pe… kāyena phoṭṭhabbaṃ phusatī’’ti 2! Attheva suttantoti? Āmantā. Tena hi cakkhunā rūpaṃ passati…pe… kāyena phoṭṭhabbaṃ phusatīti.
จกฺขุนา รูปํ ปสฺสตีติกถา นิฎฺฐิตาฯ
Cakkhunā rūpaṃ passatītikathā niṭṭhitā.
อฎฺฐารสมวโคฺคฯ
Aṭṭhārasamavaggo.
ตสฺสุทฺทานํ –
Tassuddānaṃ –
พุโทฺธ ภควา มนุสฺสโลเก อฎฺฐาสิ, พุเทฺธน ภควตา ธโมฺม เทสิโต, นตฺถิ พุทฺธสฺส ภควโต กรุณา, พุทฺธสฺส ภควโต อุจฺจารปสฺสาโว อติวิย อเญฺญ คนฺธชาเต อธิคฺคณฺหาติ, เอเกน อริยมเคฺคน จตฺตาริ สามญฺญผลานิ สจฺฉิกโรติ, ฌานา ฌานํ สงฺกมติ, อตฺถิ ฌานนฺตริกา, สมาปโนฺน สทฺทํ สุณาติ, จกฺขุนา รูปํ ปสฺสติ กาเยน โผฎฺฐพฺพํ ผุสติฯ
Buddho bhagavā manussaloke aṭṭhāsi, buddhena bhagavatā dhammo desito, natthi buddhassa bhagavato karuṇā, buddhassa bhagavato uccārapassāvo ativiya aññe gandhajāte adhiggaṇhāti, ekena ariyamaggena cattāri sāmaññaphalāni sacchikaroti, jhānā jhānaṃ saṅkamati, atthi jhānantarikā, samāpanno saddaṃ suṇāti, cakkhunā rūpaṃ passati kāyena phoṭṭhabbaṃ phusati.
Footnotes:
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๙. จกฺขุนารูปํปสฺสตีติกถาวณฺณนา • 9. Cakkhunārūpaṃpassatītikathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๙. จกฺขุนารูปํปสฺสตีติกถาวณฺณนา • 9. Cakkhunārūpaṃpassatītikathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๙. จกฺขุนารูปํปสฺสตีติกถาวณฺณนา • 9. Cakkhunārūpaṃpassatītikathāvaṇṇanā
