Library / Tipiṭaka / ཏིཔིཊཀ • Tipiṭaka / ཀཐཱཝཏྠུཔཱལི༹ • Kathāvatthupāḷi

    ༡༨. ཨཊྛཱརསམཝགྒོ

    18. Aṭṭhārasamavaggo

    (༡༨༥) ༩. ཙཀྑུནཱ རཱུཔཾ པསྶཏཱིཏིཀཐཱ

    (185) 9. Cakkhunā rūpaṃ passatītikathā

    ༨༢༦. ཙཀྑུནཱ རཱུཔཾ པསྶཏཱིཏི? ཨཱམནྟཱ། རཱུཔེན རཱུཔཾ པསྶཏཱིཏི? ན ཧེཝཾ ཝཏྟབྦེ…པེ॰… རཱུཔེན རཱུཔཾ པསྶཏཱིཏི? ཨཱམནྟཱ། རཱུཔེན རཱུཔཾ པཊིཝིཛཱནཱཏཱིཏི? ན ཧེཝཾ ཝཏྟབྦེ…པེ॰… རཱུཔེན རཱུཔཾ པཊིཝིཛཱནཱཏཱིཏི? ཨཱམནྟཱ། རཱུཔཾ མནོཝིཉྙཱཎནྟི ? ན ཧེཝཾ ཝཏྟབྦེ…པེ॰… ཙཀྑུནཱ རཱུཔཾ པསྶཏཱིཏི? ཨཱམནྟཱ། ཨཏྠི ཙཀྑུསྶ ཨཱཝཊྚནཱ…པེ॰… པཎིདྷཱིཏི? ན ཧེཝཾ ཝཏྟབྦེ…པེ॰… ནནུ ནཏྠི ཙཀྑུསྶ ཨཱཝཊྚནཱ…པེ॰… པཎིདྷཱིཏི? ཨཱམནྟཱ། ཧཉྩི ནཏྠི ཙཀྑུསྶ ཨཱཝཊྚནཱ…པེ॰… པཎིདྷི, ནོ ཙ ཝཏ རེ ཝཏྟབྦེ – ‘‘ཙཀྑུནཱ རཱུཔཾ པསྶཏཱི’’ཏི།

    826. Cakkhunā rūpaṃ passatīti? Āmantā. Rūpena rūpaṃ passatīti? Na hevaṃ vattabbe…pe… rūpena rūpaṃ passatīti? Āmantā. Rūpena rūpaṃ paṭivijānātīti? Na hevaṃ vattabbe…pe… rūpena rūpaṃ paṭivijānātīti? Āmantā. Rūpaṃ manoviññāṇanti ? Na hevaṃ vattabbe…pe… cakkhunā rūpaṃ passatīti? Āmantā. Atthi cakkhussa āvaṭṭanā…pe… paṇidhīti? Na hevaṃ vattabbe…pe… nanu natthi cakkhussa āvaṭṭanā…pe… paṇidhīti? Āmantā. Hañci natthi cakkhussa āvaṭṭanā…pe… paṇidhi, no ca vata re vattabbe – ‘‘cakkhunā rūpaṃ passatī’’ti.

    སོཏེན སདྡཾ སུཎཱཏཱིཏི…པེ॰… གྷཱནེན གནྡྷཾ གྷཱཡཏཱིཏི…པེ॰… ཛིཝ྄ཧཱཡ རསཾ སཱཡཏཱིཏི…པེ॰… ཀཱཡེན ཕོཊྛབྦཾ ཕུསཏཱིཏི? ཨཱམནྟཱ། རཱུཔེན རཱུཔཾ ཕུསཏཱིཏི? ན ཧེཝཾ ཝཏྟབྦེ…པེ॰…།

    Sotena saddaṃ suṇātīti…pe… ghānena gandhaṃ ghāyatīti…pe… jivhāya rasaṃ sāyatīti…pe… kāyena phoṭṭhabbaṃ phusatīti? Āmantā. Rūpena rūpaṃ phusatīti? Na hevaṃ vattabbe…pe….

    རཱུཔེན རཱུཔཾ ཕུསཏཱིཏི? ཨཱམནྟཱ། རཱུཔེན རཱུཔཾ པཊིཝིཛཱནཱཏཱིཏི? ན ཧེཝཾ ཝཏྟབྦེ…པེ॰… རཱུཔེན རཱུཔཾ པཊིཝིཛཱནཱཏཱིཏི? ཨཱམནྟཱ། རཱུཔཾ མནོཝིཉྙཱཎནྟི? ན ཧེཝཾ ཝཏྟབྦེ …པེ॰… ཀཱཡེན ཕོཊྛབྦཾ ཕུསཏཱིཏི? ཨཱམནྟཱ། ཨཏྠི ཀཱཡསྶ ཨཱཝཊྚནཱ…པེ॰… པཎིདྷཱིཏི? ན ཧེཝཾ ཝཏྟབྦེ…པེ॰… ནནུ ནཏྠི ཀཱཡསྶ ཨཱཝཊྚནཱ…པེ॰… པཎིདྷཱིཏི? ཨཱམནྟཱ། ཧཉྩི ནཏྠི ཀཱཡསྶ ཨཱཝཊྚནཱ…པེ॰… པཎིདྷི, ནོ ཙ ཝཏ རེ ཝཏྟབྦེ – ‘‘ཀཱཡེན ཕོཊྛབྦཾ ཕུསཏཱི’’ཏི…པེ॰…།

    Rūpena rūpaṃ phusatīti? Āmantā. Rūpena rūpaṃ paṭivijānātīti? Na hevaṃ vattabbe…pe… rūpena rūpaṃ paṭivijānātīti? Āmantā. Rūpaṃ manoviññāṇanti? Na hevaṃ vattabbe …pe… kāyena phoṭṭhabbaṃ phusatīti? Āmantā. Atthi kāyassa āvaṭṭanā…pe… paṇidhīti? Na hevaṃ vattabbe…pe… nanu natthi kāyassa āvaṭṭanā…pe… paṇidhīti? Āmantā. Hañci natthi kāyassa āvaṭṭanā…pe… paṇidhi, no ca vata re vattabbe – ‘‘kāyena phoṭṭhabbaṃ phusatī’’ti…pe….

    ༨༢༧. ན ཝཏྟབྦཾ – ‘‘ཙཀྑུནཱ རཱུཔཾ པསྶཏཱི’’ཏི…པེ॰… ‘‘ཀཱཡེན ཕོཊྛབྦཾ ཕུསཏཱི’’ཏི? ཨཱམནྟཱ། ནནུ ཝུཏྟཾ བྷགཝཏཱ – ‘‘ཨིདྷ, བྷིཀྑཝེ, བྷིཀྑུ ཙཀྑུནཱ རཱུཔཾ པསྶཏི…པེ॰… ཀཱཡེན ཕོཊྛབྦཾ ཕུསཏཱི’’ཏི 1! ཨཏྠེཝ སུཏྟནྟོཏི? ཨཱམནྟཱ། ཏེན ཧི ཙཀྑུནཱ རཱུཔཾ པསྶཏི…པེ॰… ཀཱཡེན ཕོཊྛབྦཾ ཕུསཏཱིཏི།

    827. Na vattabbaṃ – ‘‘cakkhunā rūpaṃ passatī’’ti…pe… ‘‘kāyena phoṭṭhabbaṃ phusatī’’ti? Āmantā. Nanu vuttaṃ bhagavatā – ‘‘idha, bhikkhave, bhikkhu cakkhunā rūpaṃ passati…pe… kāyena phoṭṭhabbaṃ phusatī’’ti 2! Attheva suttantoti? Āmantā. Tena hi cakkhunā rūpaṃ passati…pe… kāyena phoṭṭhabbaṃ phusatīti.

    ཙཀྑུནཱ རཱུཔཾ པསྶཏཱིཏིཀཐཱ ནིཊྛིཏཱ།

    Cakkhunā rūpaṃ passatītikathā niṭṭhitā.

    ཨཊྛཱརསམཝགྒོ།

    Aṭṭhārasamavaggo.

    ཏསྶུདྡཱནཾ –

    Tassuddānaṃ –

    བུདྡྷོ བྷགཝཱ མནུསྶལོཀེ ཨཊྛཱསི, བུདྡྷེན བྷགཝཏཱ དྷམྨོ དེསིཏོ, ནཏྠི བུདྡྷསྶ བྷགཝཏོ ཀརུཎཱ, བུདྡྷསྶ བྷགཝཏོ ཨུཙྩཱརཔསྶཱཝོ ཨཏིཝིཡ ཨཉྙེ གནྡྷཛཱཏེ ཨདྷིགྒཎྷཱཏི, ཨེཀེན ཨརིཡམགྒེན ཙཏྟཱརི སཱམཉྙཕལཱནི སཙྪིཀརོཏི, ཛྷཱནཱ ཛྷཱནཾ སངྐམཏི, ཨཏྠི ཛྷཱནནྟརིཀཱ, སམཱཔནྣོ སདྡཾ སུཎཱཏི, ཙཀྑུནཱ རཱུཔཾ པསྶཏི ཀཱཡེན ཕོཊྛབྦཾ ཕུསཏི།

    Buddho bhagavā manussaloke aṭṭhāsi, buddhena bhagavatā dhammo desito, natthi buddhassa bhagavato karuṇā, buddhassa bhagavato uccārapassāvo ativiya aññe gandhajāte adhiggaṇhāti, ekena ariyamaggena cattāri sāmaññaphalāni sacchikaroti, jhānā jhānaṃ saṅkamati, atthi jhānantarikā, samāpanno saddaṃ suṇāti, cakkhunā rūpaṃ passati kāyena phoṭṭhabbaṃ phusati.




    Next: ༡༩. ཨེཀཱུནཝཱིསཏིམཝགྒོ • 19. Ekūnavīsatimavaggo




    Footnotes:
    1. མ॰ ནི॰ ༡.༣༤༩; ཨ॰ ནི॰ ༤.༣༧ (ཨཊྛཀཐཱ པསྶིཏབྦཱ)
    2. ma. ni. 1.349; a. ni. 4.37 (aṭṭhakathā passitabbā)



    Related texts:



    ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༩. ཙཀྑུནཱརཱུཔཾཔསྶཏཱིཏིཀཐཱཝཎྞནཱ • 9. Cakkhunārūpaṃpassatītikathāvaṇṇanā

    ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༩. ཙཀྑུནཱརཱུཔཾཔསྶཏཱིཏིཀཐཱཝཎྞནཱ • 9. Cakkhunārūpaṃpassatītikathāvaṇṇanā

    ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༩. ཙཀྑུནཱརཱུཔཾཔསྶཏཱིཏིཀཐཱཝཎྞནཱ • 9. Cakkhunārūpaṃpassatītikathāvaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact