| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੧੮. ਅਟ੍ਠਾਰਸਮવਗ੍ਗੋ
18. Aṭṭhārasamavaggo
(੧੮੫) ੯. ਚਕ੍ਖੁਨਾ ਰੂਪਂ ਪਸ੍ਸਤੀਤਿਕਥਾ
(185) 9. Cakkhunā rūpaṃ passatītikathā
੮੨੬. ਚਕ੍ਖੁਨਾ ਰੂਪਂ ਪਸ੍ਸਤੀਤਿ? ਆਮਨ੍ਤਾ। ਰੂਪੇਨ ਰੂਪਂ ਪਸ੍ਸਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਰੂਪੇਨ ਰੂਪਂ ਪਸ੍ਸਤੀਤਿ? ਆਮਨ੍ਤਾ। ਰੂਪੇਨ ਰੂਪਂ ਪਟਿવਿਜਾਨਾਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਰੂਪੇਨ ਰੂਪਂ ਪਟਿવਿਜਾਨਾਤੀਤਿ? ਆਮਨ੍ਤਾ। ਰੂਪਂ ਮਨੋવਿਞ੍ਞਾਣਨ੍ਤਿ ? ਨ ਹੇવਂ વਤ੍ਤਬ੍ਬੇ…ਪੇ॰… ਚਕ੍ਖੁਨਾ ਰੂਪਂ ਪਸ੍ਸਤੀਤਿ? ਆਮਨ੍ਤਾ। ਅਤ੍ਥਿ ਚਕ੍ਖੁਸ੍ਸ ਆવਟ੍ਟਨਾ…ਪੇ॰… ਪਣਿਧੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਨਨੁ ਨਤ੍ਥਿ ਚਕ੍ਖੁਸ੍ਸ ਆવਟ੍ਟਨਾ…ਪੇ॰… ਪਣਿਧੀਤਿ? ਆਮਨ੍ਤਾ। ਹਞ੍ਚਿ ਨਤ੍ਥਿ ਚਕ੍ਖੁਸ੍ਸ ਆવਟ੍ਟਨਾ…ਪੇ॰… ਪਣਿਧਿ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਚਕ੍ਖੁਨਾ ਰੂਪਂ ਪਸ੍ਸਤੀ’’ਤਿ।
826. Cakkhunā rūpaṃ passatīti? Āmantā. Rūpena rūpaṃ passatīti? Na hevaṃ vattabbe…pe… rūpena rūpaṃ passatīti? Āmantā. Rūpena rūpaṃ paṭivijānātīti? Na hevaṃ vattabbe…pe… rūpena rūpaṃ paṭivijānātīti? Āmantā. Rūpaṃ manoviññāṇanti ? Na hevaṃ vattabbe…pe… cakkhunā rūpaṃ passatīti? Āmantā. Atthi cakkhussa āvaṭṭanā…pe… paṇidhīti? Na hevaṃ vattabbe…pe… nanu natthi cakkhussa āvaṭṭanā…pe… paṇidhīti? Āmantā. Hañci natthi cakkhussa āvaṭṭanā…pe… paṇidhi, no ca vata re vattabbe – ‘‘cakkhunā rūpaṃ passatī’’ti.
ਸੋਤੇਨ ਸਦ੍ਦਂ ਸੁਣਾਤੀਤਿ…ਪੇ॰… ਘਾਨੇਨ ਗਨ੍ਧਂ ਘਾਯਤੀਤਿ…ਪੇ॰… ਜਿવ੍ਹਾਯ ਰਸਂ ਸਾਯਤੀਤਿ…ਪੇ॰… ਕਾਯੇਨ ਫੋਟ੍ਠਬ੍ਬਂ ਫੁਸਤੀਤਿ? ਆਮਨ੍ਤਾ। ਰੂਪੇਨ ਰੂਪਂ ਫੁਸਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Sotena saddaṃ suṇātīti…pe… ghānena gandhaṃ ghāyatīti…pe… jivhāya rasaṃ sāyatīti…pe… kāyena phoṭṭhabbaṃ phusatīti? Āmantā. Rūpena rūpaṃ phusatīti? Na hevaṃ vattabbe…pe….
ਰੂਪੇਨ ਰੂਪਂ ਫੁਸਤੀਤਿ? ਆਮਨ੍ਤਾ। ਰੂਪੇਨ ਰੂਪਂ ਪਟਿવਿਜਾਨਾਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਰੂਪੇਨ ਰੂਪਂ ਪਟਿવਿਜਾਨਾਤੀਤਿ? ਆਮਨ੍ਤਾ। ਰੂਪਂ ਮਨੋવਿਞ੍ਞਾਣਨ੍ਤਿ? ਨ ਹੇવਂ વਤ੍ਤਬ੍ਬੇ …ਪੇ॰… ਕਾਯੇਨ ਫੋਟ੍ਠਬ੍ਬਂ ਫੁਸਤੀਤਿ? ਆਮਨ੍ਤਾ। ਅਤ੍ਥਿ ਕਾਯਸ੍ਸ ਆવਟ੍ਟਨਾ…ਪੇ॰… ਪਣਿਧੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਨਨੁ ਨਤ੍ਥਿ ਕਾਯਸ੍ਸ ਆવਟ੍ਟਨਾ…ਪੇ॰… ਪਣਿਧੀਤਿ? ਆਮਨ੍ਤਾ। ਹਞ੍ਚਿ ਨਤ੍ਥਿ ਕਾਯਸ੍ਸ ਆવਟ੍ਟਨਾ…ਪੇ॰… ਪਣਿਧਿ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਕਾਯੇਨ ਫੋਟ੍ਠਬ੍ਬਂ ਫੁਸਤੀ’’ਤਿ…ਪੇ॰…।
Rūpena rūpaṃ phusatīti? Āmantā. Rūpena rūpaṃ paṭivijānātīti? Na hevaṃ vattabbe…pe… rūpena rūpaṃ paṭivijānātīti? Āmantā. Rūpaṃ manoviññāṇanti? Na hevaṃ vattabbe …pe… kāyena phoṭṭhabbaṃ phusatīti? Āmantā. Atthi kāyassa āvaṭṭanā…pe… paṇidhīti? Na hevaṃ vattabbe…pe… nanu natthi kāyassa āvaṭṭanā…pe… paṇidhīti? Āmantā. Hañci natthi kāyassa āvaṭṭanā…pe… paṇidhi, no ca vata re vattabbe – ‘‘kāyena phoṭṭhabbaṃ phusatī’’ti…pe….
੮੨੭. ਨ વਤ੍ਤਬ੍ਬਂ – ‘‘ਚਕ੍ਖੁਨਾ ਰੂਪਂ ਪਸ੍ਸਤੀ’’ਤਿ…ਪੇ॰… ‘‘ਕਾਯੇਨ ਫੋਟ੍ਠਬ੍ਬਂ ਫੁਸਤੀ’’ਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ – ‘‘ਇਧ, ਭਿਕ੍ਖવੇ, ਭਿਕ੍ਖੁ ਚਕ੍ਖੁਨਾ ਰੂਪਂ ਪਸ੍ਸਤਿ…ਪੇ॰… ਕਾਯੇਨ ਫੋਟ੍ਠਬ੍ਬਂ ਫੁਸਤੀ’’ਤਿ 1! ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤੇਨ ਹਿ ਚਕ੍ਖੁਨਾ ਰੂਪਂ ਪਸ੍ਸਤਿ…ਪੇ॰… ਕਾਯੇਨ ਫੋਟ੍ਠਬ੍ਬਂ ਫੁਸਤੀਤਿ।
827. Na vattabbaṃ – ‘‘cakkhunā rūpaṃ passatī’’ti…pe… ‘‘kāyena phoṭṭhabbaṃ phusatī’’ti? Āmantā. Nanu vuttaṃ bhagavatā – ‘‘idha, bhikkhave, bhikkhu cakkhunā rūpaṃ passati…pe… kāyena phoṭṭhabbaṃ phusatī’’ti 2! Attheva suttantoti? Āmantā. Tena hi cakkhunā rūpaṃ passati…pe… kāyena phoṭṭhabbaṃ phusatīti.
ਚਕ੍ਖੁਨਾ ਰੂਪਂ ਪਸ੍ਸਤੀਤਿਕਥਾ ਨਿਟ੍ਠਿਤਾ।
Cakkhunā rūpaṃ passatītikathā niṭṭhitā.
ਅਟ੍ਠਾਰਸਮવਗ੍ਗੋ।
Aṭṭhārasamavaggo.
ਤਸ੍ਸੁਦ੍ਦਾਨਂ –
Tassuddānaṃ –
ਬੁਦ੍ਧੋ ਭਗવਾ ਮਨੁਸ੍ਸਲੋਕੇ ਅਟ੍ਠਾਸਿ, ਬੁਦ੍ਧੇਨ ਭਗવਤਾ ਧਮ੍ਮੋ ਦੇਸਿਤੋ, ਨਤ੍ਥਿ ਬੁਦ੍ਧਸ੍ਸ ਭਗવਤੋ ਕਰੁਣਾ, ਬੁਦ੍ਧਸ੍ਸ ਭਗવਤੋ ਉਚ੍ਚਾਰਪਸ੍ਸਾવੋ ਅਤਿવਿਯ ਅਞ੍ਞੇ ਗਨ੍ਧਜਾਤੇ ਅਧਿਗ੍ਗਣ੍ਹਾਤਿ, ਏਕੇਨ ਅਰਿਯਮਗ੍ਗੇਨ ਚਤ੍ਤਾਰਿ ਸਾਮਞ੍ਞਫਲਾਨਿ ਸਚ੍ਛਿਕਰੋਤਿ, ਝਾਨਾ ਝਾਨਂ ਸਙ੍ਕਮਤਿ, ਅਤ੍ਥਿ ਝਾਨਨ੍ਤਰਿਕਾ, ਸਮਾਪਨ੍ਨੋ ਸਦ੍ਦਂ ਸੁਣਾਤਿ, ਚਕ੍ਖੁਨਾ ਰੂਪਂ ਪਸ੍ਸਤਿ ਕਾਯੇਨ ਫੋਟ੍ਠਬ੍ਬਂ ਫੁਸਤਿ।
Buddho bhagavā manussaloke aṭṭhāsi, buddhena bhagavatā dhammo desito, natthi buddhassa bhagavato karuṇā, buddhassa bhagavato uccārapassāvo ativiya aññe gandhajāte adhiggaṇhāti, ekena ariyamaggena cattāri sāmaññaphalāni sacchikaroti, jhānā jhānaṃ saṅkamati, atthi jhānantarikā, samāpanno saddaṃ suṇāti, cakkhunā rūpaṃ passati kāyena phoṭṭhabbaṃ phusati.
Footnotes:
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੯. ਚਕ੍ਖੁਨਾਰੂਪਂਪਸ੍ਸਤੀਤਿਕਥਾવਣ੍ਣਨਾ • 9. Cakkhunārūpaṃpassatītikathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੯. ਚਕ੍ਖੁਨਾਰੂਪਂਪਸ੍ਸਤੀਤਿਕਥਾવਣ੍ਣਨਾ • 9. Cakkhunārūpaṃpassatītikathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੯. ਚਕ੍ਖੁਨਾਰੂਪਂਪਸ੍ਸਤੀਤਿਕਥਾવਣ੍ਣਨਾ • 9. Cakkhunārūpaṃpassatītikathāvaṇṇanā
