| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
9. жагкунааруубам̣бассад̇ийд̇игат̇ааван̣н̣анаа
9. Cakkhunārūpaṃpassatītikathāvaṇṇanā
826-827. ид̣̇аани жагкунаа руубам̣ бассад̇ийд̇игат̇аа наама ход̇и. д̇ад̇т̇а ‘‘жагкунаа руубам̣ д̣̇исваа’’д̇и важанам̣ ниссааяа ‘‘басаад̣̇ажагкумзва руубам̣ бассад̇ий’’д̇и язсам̣ лад̣̇д̇хи, сзяяат̇ааби махаасан̇гхигаанам̣ , д̇з санд̇хааяа бужчаа сагаваад̣̇исса, бадин̃н̃аа ид̇арасса. ат̇а нам̣ ‘‘яад̣̇и жагкунаа руубам̣ бассзяяа, руубзна руубам̣ бассзяяаад̇ий’’д̇и жод̣̇зд̇ум̣ руубзна руубам̣ бассад̇ийд̇и ааха. ид̇аро руубааяад̇анам̣ санд̇хааяа бадигкибид̇ваа буна будто жагкумзва санд̇хааяа бадиж̇аанаад̇и. бадивиж̇аанаад̇ийд̇и зд̇т̇а аяамад̇хиббааяо – бассад̇ийд̇и хи маяам̣ бадиж̇аананам̣ санд̇хааяа бужчаама, на жагкуубасам̣хаарамад̇д̇ам̣. д̇асмаа вад̣̇зхи д̇аава ‘‘гим̣ д̇з жагкумаа руубзна руубам̣ бадивиж̇аанаад̇ий’’д̇и. ид̇аро буриманаязнзва бадигкибад̇и жзва бадиж̇аанаад̇и жа. ат̇а нам̣ ‘‘звам̣ санд̇з руубам̣ мановин̃н̃аан̣ам̣ аабаж̇ж̇ад̇и, д̇ан̃хи бадивиж̇аанаад̇и наамаа’’д̇и жод̣̇зд̇ум̣ руубам̣ мановин̃н̃аан̣анд̇и ааха. ид̇аро лзсам̣ алабханд̇о бадигкибад̇зва. ад̇т̇и жагкусса аавадданаад̇иаад̣̇и ‘‘яад̣̇и жагку бадивиж̇аананадтзна бассад̇и, жагкувин̃н̃аан̣асса вияа д̇ассааби ааваж̇ж̇анааяа бхавид̇аб̣б̣а’’нд̇и жод̣̇зд̇ум̣ бужчад̇и. ид̇аро яасмаа на ааваж̇ж̇анабадиб̣ад̣̇д̇хам̣ жагку, на д̇ам̣ ааваж̇ж̇анаананд̇арам̣ уббаж̇ж̇ад̇и, д̇асмаа на хзванд̇и бадигкибад̇и. сод̇зна сад̣̇д̣̇анд̇иаад̣̇ийсуби зсзва наяо. ид̇ха, бхигкавз, бхигку жагкунаа руубам̣ бассад̇ийд̇и сасамбхаарагат̇аанаязна вуд̇д̇ам̣. яат̇аа хи усунаа виж̇жханд̇оби ‘‘д̇ханунаа виж̇жхад̇ий’’д̇и вужжад̇и, звам̣ жагкувин̃н̃аан̣зна бассанд̇оби ‘‘жагкунаа бассад̇ий’’д̇и вуд̇д̇о, д̇асмаа асаад̇хагамзд̇ам̣. сзсзсуби зсзва наяоби.
826-827. Idāni cakkhunā rūpaṃ passatītikathā nāma hoti. Tattha ‘‘cakkhunā rūpaṃ disvā’’ti vacanaṃ nissāya ‘‘pasādacakkhumeva rūpaṃ passatī’’ti yesaṃ laddhi, seyyathāpi mahāsaṅghikānaṃ , te sandhāya pucchā sakavādissa, paṭiññā itarassa. Atha naṃ ‘‘yadi cakkhunā rūpaṃ passeyya, rūpena rūpaṃ passeyyātī’’ti codetuṃ rūpena rūpaṃ passatīti āha. Itaro rūpāyatanaṃ sandhāya paṭikkhipitvā puna puṭṭho cakkhumeva sandhāya paṭijānāti. Paṭivijānātīti ettha ayamadhippāyo – passatīti hi mayaṃ paṭijānanaṃ sandhāya pucchāma, na cakkhūpasaṃhāramattaṃ. Tasmā vadehi tāva ‘‘kiṃ te cakkhumā rūpena rūpaṃ paṭivijānātī’’ti. Itaro purimanayeneva paṭikkhipati ceva paṭijānāti ca. Atha naṃ ‘‘evaṃ sante rūpaṃ manoviññāṇaṃ āpajjati, tañhi paṭivijānāti nāmā’’ti codetuṃ rūpaṃ manoviññāṇanti āha. Itaro lesaṃ alabhanto paṭikkhipateva. Atthi cakkhussa āvaṭṭanātiādi ‘‘yadi cakkhu paṭivijānanaṭṭhena passati, cakkhuviññāṇassa viya tassāpi āvajjanāya bhavitabba’’nti codetuṃ pucchati. Itaro yasmā na āvajjanapaṭibaddhaṃ cakkhu, na taṃ āvajjanānantaraṃ uppajjati, tasmā na hevanti paṭikkhipati. Sotena saddantiādīsupi eseva nayo. Idha, bhikkhave, bhikkhu cakkhunā rūpaṃ passatīti sasambhārakathānayena vuttaṃ. Yathā hi usunā vijjhantopi ‘‘dhanunā vijjhatī’’ti vuccati, evaṃ cakkhuviññāṇena passantopi ‘‘cakkhunā passatī’’ti vutto, tasmā asādhakametaṃ. Sesesupi eseva nayopi.
жагкунаа руубам̣ бассад̇ийд̇игат̇ааван̣н̣анаа.
Cakkhunā rūpaṃ passatītikathāvaṇṇanā.
адтаарасамо ваг̇г̇о.
Aṭṭhārasamo vaggo.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (185) 9. жагкунаа руубам̣ бассад̇ийд̇игат̇аа • (185) 9. Cakkhunā rūpaṃ passatītikathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 9. жагкунааруубам̣бассад̇ийд̇игат̇ааван̣н̣анаа • 9. Cakkhunārūpaṃpassatītikathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 9. жагкунааруубам̣бассад̇ийд̇игат̇ааван̣н̣анаа • 9. Cakkhunārūpaṃpassatītikathāvaṇṇanā
