| Library / Tipiṭaka / তিপিটক • Tipiṭaka / কথাৰত্থুপাল়ি • Kathāvatthupāḷi |
৬. ছট্ঠৰগ্গো
6. Chaṭṭhavaggo
(৬১) ৯. চক্খুন্দ্রিযং সনিদস্সনন্তিআদিকথা
(61) 9. Cakkhundriyaṃ sanidassanantiādikathā
৪৬৭. চক্খুন্দ্রিযং সনিদস্সনন্তি? আমন্তা। রূপং রূপাযতনং রূপধাতু…পে॰… চক্খুস্স আপাথং আগচ্ছতীতি? ন হেৰং ৰত্তব্বে…পে॰…।
467. Cakkhundriyaṃ sanidassananti? Āmantā. Rūpaṃ rūpāyatanaṃ rūpadhātu…pe… cakkhussa āpāthaṃ āgacchatīti? Na hevaṃ vattabbe…pe….
চক্খুন্দ্রিযং সনিদস্সনন্তি? আমন্তা। চক্খুঞ্চ পটিচ্চ চক্খুন্দ্রিযঞ্চ উপ্পজ্জতি চক্খুৰিঞ্ঞাণন্তি? ন হেৰং ৰত্তব্বে…পে॰…।
Cakkhundriyaṃ sanidassananti? Āmantā. Cakkhuñca paṭicca cakkhundriyañca uppajjati cakkhuviññāṇanti? Na hevaṃ vattabbe…pe….
চক্খুঞ্চ পটিচ্চ চক্খুন্দ্রিযঞ্চ উপ্পজ্জতি চক্খুৰিঞ্ঞাণন্তি? আমন্তা। ‘‘চক্খুঞ্চ পটিচ্চ চক্খুন্দ্রিযঞ্চ উপ্পজ্জতি চক্খুৰিঞ্ঞাণ’’ন্তি – অত্থেৰ সুত্তন্তোতি? নত্থি। ‘‘চক্খুঞ্চ পটিচ্চ রূপে চ উপ্পজ্জতি চক্খুৰিঞ্ঞাণ’’ন্তি – অত্থেৰ সুত্তন্তোতি? আমন্তা। হঞ্চি ‘‘চক্খুঞ্চ পটিচ্চ রূপে চ উপ্পজ্জতি চক্খুৰিঞ্ঞাণ’’ন্তি – অত্থেৰ সুত্তন্তো, নো চ ৰত রে ৰত্তব্বে – ‘‘চক্খুঞ্চ পটিচ্চ চক্খুন্দ্রিযঞ্চ উপ্পজ্জতি চক্খুৰিঞ্ঞাণ’’ন্তি।
Cakkhuñca paṭicca cakkhundriyañca uppajjati cakkhuviññāṇanti? Āmantā. ‘‘Cakkhuñca paṭicca cakkhundriyañca uppajjati cakkhuviññāṇa’’nti – attheva suttantoti? Natthi. ‘‘Cakkhuñca paṭicca rūpe ca uppajjati cakkhuviññāṇa’’nti – attheva suttantoti? Āmantā. Hañci ‘‘cakkhuñca paṭicca rūpe ca uppajjati cakkhuviññāṇa’’nti – attheva suttanto, no ca vata re vattabbe – ‘‘cakkhuñca paṭicca cakkhundriyañca uppajjati cakkhuviññāṇa’’nti.
৪৬৮. ন ৰত্তব্বং – ‘‘পঞ্চিন্দ্রিযানি সনিদস্সনানী’’তি? আমন্তা। ননু পস্সতি চক্খুং সোতং ঘানং জিৰ্হং কাযন্তি? আমন্তা। হঞ্চি পস্সতি চক্খুং সোতং ঘানং জিৰ্হং কাযং, তেন ৰত রে ৰত্তব্বে – ‘‘পঞ্চিন্দ্রিযানি সনিদস্সনানী’’তি…পে॰…।
468. Na vattabbaṃ – ‘‘pañcindriyāni sanidassanānī’’ti? Āmantā. Nanu passati cakkhuṃ sotaṃ ghānaṃ jivhaṃ kāyanti? Āmantā. Hañci passati cakkhuṃ sotaṃ ghānaṃ jivhaṃ kāyaṃ, tena vata re vattabbe – ‘‘pañcindriyāni sanidassanānī’’ti…pe….
চক্খুন্দ্রিযং সনিদস্সনন্তিআদিকথা নিট্ঠিতা।
Cakkhundriyaṃ sanidassanantiādikathā niṭṭhitā.
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ১০. পথৰীধাতুসনিদস্সনাতিআদিকথাৰণ্ণনা • 10. Pathavīdhātusanidassanātiādikathāvaṇṇanā
