| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੬. ਛਟ੍ਠવਗ੍ਗੋ
6. Chaṭṭhavaggo
(੬੧) ੯. ਚਕ੍ਖੁਨ੍ਦ੍ਰਿਯਂ ਸਨਿਦਸ੍ਸਨਨ੍ਤਿਆਦਿਕਥਾ
(61) 9. Cakkhundriyaṃ sanidassanantiādikathā
੪੬੭. ਚਕ੍ਖੁਨ੍ਦ੍ਰਿਯਂ ਸਨਿਦਸ੍ਸਨਨ੍ਤਿ? ਆਮਨ੍ਤਾ। ਰੂਪਂ ਰੂਪਾਯਤਨਂ ਰੂਪਧਾਤੁ…ਪੇ॰… ਚਕ੍ਖੁਸ੍ਸ ਆਪਾਥਂ ਆਗਚ੍ਛਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
467. Cakkhundriyaṃ sanidassananti? Āmantā. Rūpaṃ rūpāyatanaṃ rūpadhātu…pe… cakkhussa āpāthaṃ āgacchatīti? Na hevaṃ vattabbe…pe….
ਚਕ੍ਖੁਨ੍ਦ੍ਰਿਯਂ ਸਨਿਦਸ੍ਸਨਨ੍ਤਿ? ਆਮਨ੍ਤਾ। ਚਕ੍ਖੁਞ੍ਚ ਪਟਿਚ੍ਚ ਚਕ੍ਖੁਨ੍ਦ੍ਰਿਯਞ੍ਚ ਉਪ੍ਪਜ੍ਜਤਿ ਚਕ੍ਖੁવਿਞ੍ਞਾਣਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Cakkhundriyaṃ sanidassananti? Āmantā. Cakkhuñca paṭicca cakkhundriyañca uppajjati cakkhuviññāṇanti? Na hevaṃ vattabbe…pe….
ਚਕ੍ਖੁਞ੍ਚ ਪਟਿਚ੍ਚ ਚਕ੍ਖੁਨ੍ਦ੍ਰਿਯਞ੍ਚ ਉਪ੍ਪਜ੍ਜਤਿ ਚਕ੍ਖੁવਿਞ੍ਞਾਣਨ੍ਤਿ? ਆਮਨ੍ਤਾ। ‘‘ਚਕ੍ਖੁਞ੍ਚ ਪਟਿਚ੍ਚ ਚਕ੍ਖੁਨ੍ਦ੍ਰਿਯਞ੍ਚ ਉਪ੍ਪਜ੍ਜਤਿ ਚਕ੍ਖੁવਿਞ੍ਞਾਣ’’ਨ੍ਤਿ – ਅਤ੍ਥੇવ ਸੁਤ੍ਤਨ੍ਤੋਤਿ? ਨਤ੍ਥਿ। ‘‘ਚਕ੍ਖੁਞ੍ਚ ਪਟਿਚ੍ਚ ਰੂਪੇ ਚ ਉਪ੍ਪਜ੍ਜਤਿ ਚਕ੍ਖੁવਿਞ੍ਞਾਣ’’ਨ੍ਤਿ – ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਹਞ੍ਚਿ ‘‘ਚਕ੍ਖੁਞ੍ਚ ਪਟਿਚ੍ਚ ਰੂਪੇ ਚ ਉਪ੍ਪਜ੍ਜਤਿ ਚਕ੍ਖੁવਿਞ੍ਞਾਣ’’ਨ੍ਤਿ – ਅਤ੍ਥੇવ ਸੁਤ੍ਤਨ੍ਤੋ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਚਕ੍ਖੁਞ੍ਚ ਪਟਿਚ੍ਚ ਚਕ੍ਖੁਨ੍ਦ੍ਰਿਯਞ੍ਚ ਉਪ੍ਪਜ੍ਜਤਿ ਚਕ੍ਖੁવਿਞ੍ਞਾਣ’’ਨ੍ਤਿ।
Cakkhuñca paṭicca cakkhundriyañca uppajjati cakkhuviññāṇanti? Āmantā. ‘‘Cakkhuñca paṭicca cakkhundriyañca uppajjati cakkhuviññāṇa’’nti – attheva suttantoti? Natthi. ‘‘Cakkhuñca paṭicca rūpe ca uppajjati cakkhuviññāṇa’’nti – attheva suttantoti? Āmantā. Hañci ‘‘cakkhuñca paṭicca rūpe ca uppajjati cakkhuviññāṇa’’nti – attheva suttanto, no ca vata re vattabbe – ‘‘cakkhuñca paṭicca cakkhundriyañca uppajjati cakkhuviññāṇa’’nti.
੪੬੮. ਨ વਤ੍ਤਬ੍ਬਂ – ‘‘ਪਞ੍ਚਿਨ੍ਦ੍ਰਿਯਾਨਿ ਸਨਿਦਸ੍ਸਨਾਨੀ’’ਤਿ? ਆਮਨ੍ਤਾ। ਨਨੁ ਪਸ੍ਸਤਿ ਚਕ੍ਖੁਂ ਸੋਤਂ ਘਾਨਂ ਜਿવ੍ਹਂ ਕਾਯਨ੍ਤਿ? ਆਮਨ੍ਤਾ। ਹਞ੍ਚਿ ਪਸ੍ਸਤਿ ਚਕ੍ਖੁਂ ਸੋਤਂ ਘਾਨਂ ਜਿવ੍ਹਂ ਕਾਯਂ, ਤੇਨ વਤ ਰੇ વਤ੍ਤਬ੍ਬੇ – ‘‘ਪਞ੍ਚਿਨ੍ਦ੍ਰਿਯਾਨਿ ਸਨਿਦਸ੍ਸਨਾਨੀ’’ਤਿ…ਪੇ॰…।
468. Na vattabbaṃ – ‘‘pañcindriyāni sanidassanānī’’ti? Āmantā. Nanu passati cakkhuṃ sotaṃ ghānaṃ jivhaṃ kāyanti? Āmantā. Hañci passati cakkhuṃ sotaṃ ghānaṃ jivhaṃ kāyaṃ, tena vata re vattabbe – ‘‘pañcindriyāni sanidassanānī’’ti…pe….
ਚਕ੍ਖੁਨ੍ਦ੍ਰਿਯਂ ਸਨਿਦਸ੍ਸਨਨ੍ਤਿਆਦਿਕਥਾ ਨਿਟ੍ਠਿਤਾ।
Cakkhundriyaṃ sanidassanantiādikathā niṭṭhitā.
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੧੦. ਪਥવੀਧਾਤੁਸਨਿਦਸ੍ਸਨਾਤਿਆਦਿਕਥਾવਣ੍ਣਨਾ • 10. Pathavīdhātusanidassanātiādikathāvaṇṇanā
