| Library / Tipiṭaka / തിപിടക • Tipiṭaka / കഥാവത്ഥുപാളി • Kathāvatthupāḷi |
൬. ഛട്ഠവഗ്ഗോ
6. Chaṭṭhavaggo
(൬൧) ൯. ചക്ഖുന്ദ്രിയം സനിദസ്സനന്തിആദികഥാ
(61) 9. Cakkhundriyaṃ sanidassanantiādikathā
൪൬൭. ചക്ഖുന്ദ്രിയം സനിദസ്സനന്തി? ആമന്താ. രൂപം രൂപായതനം രൂപധാതു…പേ॰… ചക്ഖുസ്സ ആപാഥം ആഗച്ഛതീതി? ന ഹേവം വത്തബ്ബേ…പേ॰….
467. Cakkhundriyaṃ sanidassananti? Āmantā. Rūpaṃ rūpāyatanaṃ rūpadhātu…pe… cakkhussa āpāthaṃ āgacchatīti? Na hevaṃ vattabbe…pe….
ചക്ഖുന്ദ്രിയം സനിദസ്സനന്തി? ആമന്താ. ചക്ഖുഞ്ച പടിച്ച ചക്ഖുന്ദ്രിയഞ്ച ഉപ്പജ്ജതി ചക്ഖുവിഞ്ഞാണന്തി? ന ഹേവം വത്തബ്ബേ…പേ॰….
Cakkhundriyaṃ sanidassananti? Āmantā. Cakkhuñca paṭicca cakkhundriyañca uppajjati cakkhuviññāṇanti? Na hevaṃ vattabbe…pe….
ചക്ഖുഞ്ച പടിച്ച ചക്ഖുന്ദ്രിയഞ്ച ഉപ്പജ്ജതി ചക്ഖുവിഞ്ഞാണന്തി? ആമന്താ. ‘‘ചക്ഖുഞ്ച പടിച്ച ചക്ഖുന്ദ്രിയഞ്ച ഉപ്പജ്ജതി ചക്ഖുവിഞ്ഞാണ’’ന്തി – അത്ഥേവ സുത്തന്തോതി? നത്ഥി. ‘‘ചക്ഖുഞ്ച പടിച്ച രൂപേ ച ഉപ്പജ്ജതി ചക്ഖുവിഞ്ഞാണ’’ന്തി – അത്ഥേവ സുത്തന്തോതി? ആമന്താ. ഹഞ്ചി ‘‘ചക്ഖുഞ്ച പടിച്ച രൂപേ ച ഉപ്പജ്ജതി ചക്ഖുവിഞ്ഞാണ’’ന്തി – അത്ഥേവ സുത്തന്തോ, നോ ച വത രേ വത്തബ്ബേ – ‘‘ചക്ഖുഞ്ച പടിച്ച ചക്ഖുന്ദ്രിയഞ്ച ഉപ്പജ്ജതി ചക്ഖുവിഞ്ഞാണ’’ന്തി.
Cakkhuñca paṭicca cakkhundriyañca uppajjati cakkhuviññāṇanti? Āmantā. ‘‘Cakkhuñca paṭicca cakkhundriyañca uppajjati cakkhuviññāṇa’’nti – attheva suttantoti? Natthi. ‘‘Cakkhuñca paṭicca rūpe ca uppajjati cakkhuviññāṇa’’nti – attheva suttantoti? Āmantā. Hañci ‘‘cakkhuñca paṭicca rūpe ca uppajjati cakkhuviññāṇa’’nti – attheva suttanto, no ca vata re vattabbe – ‘‘cakkhuñca paṭicca cakkhundriyañca uppajjati cakkhuviññāṇa’’nti.
൪൬൮. ന വത്തബ്ബം – ‘‘പഞ്ചിന്ദ്രിയാനി സനിദസ്സനാനീ’’തി? ആമന്താ. നനു പസ്സതി ചക്ഖും സോതം ഘാനം ജിവ്ഹം കായന്തി? ആമന്താ. ഹഞ്ചി പസ്സതി ചക്ഖും സോതം ഘാനം ജിവ്ഹം കായം, തേന വത രേ വത്തബ്ബേ – ‘‘പഞ്ചിന്ദ്രിയാനി സനിദസ്സനാനീ’’തി…പേ॰….
468. Na vattabbaṃ – ‘‘pañcindriyāni sanidassanānī’’ti? Āmantā. Nanu passati cakkhuṃ sotaṃ ghānaṃ jivhaṃ kāyanti? Āmantā. Hañci passati cakkhuṃ sotaṃ ghānaṃ jivhaṃ kāyaṃ, tena vata re vattabbe – ‘‘pañcindriyāni sanidassanānī’’ti…pe….
ചക്ഖുന്ദ്രിയം സനിദസ്സനന്തിആദികഥാ നിട്ഠിതാ.
Cakkhundriyaṃ sanidassanantiādikathā niṭṭhitā.
Related texts:
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൧൦. പഥവീധാതുസനിദസ്സനാതിആദികഥാവണ്ണനാ • 10. Pathavīdhātusanidassanātiādikathāvaṇṇanā
