| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
7. раахуласам̣яуд̇д̇ам̣
7. Rāhulasaṃyuttaṃ
1. батамаваг̇г̇о
1. Paṭhamavaggo
1-8. жагкусуд̇д̇аад̣̇иван̣н̣анаа
1-8. Cakkhusuttādivaṇṇanā
188-195. раахуласам̣яуд̇д̇асса батамз згод̇и жад̇уусу ирияаабат̇зсу згавихаарий. вуубагадтод̇и вивзгадто ниссад̣̇д̣̇о. аббамад̇д̇од̇и сад̇ияаа авиббавасанд̇о. аад̇аабийд̇и вийрияасамбанно. бахид̇ад̇д̇о вихарзяяанд̇и висзсаад̇хиг̇амад̇т̇ааяа бзсид̇ад̇д̇о худ̇ваа вихарзяяам̣. анижжанд̇и худ̇ваа абхааваагаарзна анижжам̣. ат̇а ваа уббаад̣̇аваяаванд̇ад̇ааяа д̇аавагаалигад̇ааяа вибарин̣аамагодияаа нижжабадигкзбад̇од̇и имзхиби гааран̣зхи анижжам̣. д̣̇угканд̇и жад̇уухи гааран̣зхи д̣̇угкам̣ д̣̇угкаманадтзна д̣̇угкавад̇т̇угадтзна сад̇ад̇асамбийл̣анадтзна сукабадигкзбзнаад̇и. галланд̇и яуд̇д̇ам̣. зд̇ам̣ мамаад̇и д̇ан̣хааг̇аахо. зсохамасмийд̇и маанаг̇аахо. зсо мз ад̇д̇аад̇и д̣̇идтиг̇аахо. д̇ан̣хааг̇аахо жзд̇т̇а адтасад̇ад̇ан̣хаавижарид̇авасзна, маанаг̇аахо нававид̇хамаанавасзна, д̣̇идтиг̇аахо д̣̇ваасадтид̣̇идтивасзна взд̣̇ид̇аб̣б̣о. ниб̣б̣инд̣̇ам̣ вираж̇ж̇ад̇ийд̇и зд̇т̇а вирааг̇авасзна жад̇д̇ааро маг̇г̇аа гат̇ид̇аа, вирааг̇аа вимужжад̇ийд̇и зд̇т̇а вимуд̇д̇ивасзна жад̇д̇аари сааман̃н̃апалаани.
188-195. Rāhulasaṃyuttassa paṭhame ekoti catūsu iriyāpathesu ekavihārī. Vūpakaṭṭhoti vivekaṭṭho nissaddo. Appamattoti satiyā avippavasanto. Ātāpīti vīriyasampanno. Pahitatto vihareyyanti visesādhigamatthāya pesitatto hutvā vihareyyaṃ. Aniccanti hutvā abhāvākārena aniccaṃ. Atha vā uppādavayavantatāya tāvakālikatāya vipariṇāmakoṭiyā niccapaṭikkhepatoti imehipi kāraṇehi aniccaṃ. Dukkhanti catūhi kāraṇehi dukkhaṃ dukkhamanaṭṭhena dukkhavatthukaṭṭhena satatasampīḷanaṭṭhena sukhapaṭikkhepenāti. Kallanti yuttaṃ. Etaṃ mamāti taṇhāgāho. Esohamasmīti mānagāho. Eso me attāti diṭṭhigāho. Taṇhāgāho cettha aṭṭhasatataṇhāvicaritavasena, mānagāho navavidhamānavasena, diṭṭhigāho dvāsaṭṭhidiṭṭhivasena veditabbo. Nibbindaṃ virajjatīti ettha virāgavasena cattāro maggā kathitā, virāgā vimuccatīti ettha vimuttivasena cattāri sāmaññaphalāni.
зд̇т̇а жа бан̃жасу д̣̇ваарзсу басаад̣̇аава г̇ахид̇аа, манод̇и иминаа д̇збхуумагам̣ саммасанажааражид̇д̇ам̣. д̣̇уд̇ияз бан̃жасу д̣̇ваарзсу аарамман̣амзва. д̇ад̇ияз бан̃жасу д̣̇ваарзсу басаад̣̇авад̇т̇угажид̇д̇амзва, мановин̃н̃аан̣зна д̇збхуумагам̣ саммасанажааражид̇д̇ам̣ г̇ахид̇ам̣. звам̣ саб̣б̣ад̇т̇а наяо нзд̇аб̣б̣о. чадтз д̇збхуумагад̇хаммаа. адтамз бана д̇ан̣хаад̇и д̇асмим̣ д̇асмим̣ д̣̇ваарз ж̇аванаббад̇д̇аава лаб̣бхад̇и. батамаад̣̇ийни.
Ettha ca pañcasu dvāresu pasādāva gahitā, manoti iminā tebhūmakaṃ sammasanacāracittaṃ. Dutiye pañcasu dvāresu ārammaṇameva. Tatiye pañcasu dvāresu pasādavatthukacittameva, manoviññāṇena tebhūmakaṃ sammasanacāracittaṃ gahitaṃ. Evaṃ sabbattha nayo netabbo. Chaṭṭhe tebhūmakadhammā. Aṭṭhame pana taṇhāti tasmiṃ tasmiṃ dvāre javanappattāva labbhati. Paṭhamādīni.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya
1. жагкусуд̇д̇ам̣ • 1. Cakkhusuttaṃ
2. руубасуд̇д̇ам̣ • 2. Rūpasuttaṃ
3. вин̃н̃аан̣асуд̇д̇ам̣ • 3. Viññāṇasuttaṃ
4. сампассасуд̇д̇ам̣ • 4. Samphassasuttaṃ
5. взд̣̇анаасуд̇д̇ам̣ • 5. Vedanāsuttaṃ
6. сан̃н̃аасуд̇д̇ам̣ • 6. Saññāsuttaṃ
7. сан̃жзд̇анаасуд̇д̇ам̣ • 7. Sañcetanāsuttaṃ
8. д̇ан̣хаасуд̇д̇ам̣ • 8. Taṇhāsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1-8. жагкусуд̇д̇аад̣̇иван̣н̣анаа • 1-8. Cakkhusuttādivaṇṇanā
