੧-੮. ਚਕ੍ਖੁਸੁਤ੍ਤਾਦਿવਣ੍ਣਨਾ

1-8. Cakkhusuttādivaṇṇanā

੧੮੮-੧੯੫. ਰਾਹੁਲਸਂਯੁਤ੍ਤਸ੍ਸ ਪਠਮੇ ਏਕੋਤਿ ਚਤੂਸੁ ਇਰਿਯਾਪਥੇਸੁ ਏਕવਿਹਾਰੀ। વੂਪਕਟ੍ਠੋਤਿ વਿવੇਕਟ੍ਠੋ ਨਿਸ੍ਸਦ੍ਦੋ। ਅਪ੍ਪਮਤ੍ਤੋਤਿ ਸਤਿਯਾ ਅવਿਪ੍ਪવਸਨ੍ਤੋ। ਆਤਾਪੀਤਿ વੀਰਿਯਸਮ੍ਪਨ੍ਨੋ। ਪਹਿਤਤ੍ਤੋ વਿਹਰੇਯ੍ਯਨ੍ਤਿ વਿਸੇਸਾਧਿਗਮਤ੍ਥਾਯ ਪੇਸਿਤਤ੍ਤੋ ਹੁਤ੍વਾ વਿਹਰੇਯ੍ਯਂ। ਅਨਿਚ੍ਚਨ੍ਤਿ ਹੁਤ੍વਾ ਅਭਾવਾਕਾਰੇਨ ਅਨਿਚ੍ਚਂ। ਅਥ વਾ ਉਪ੍ਪਾਦવਯવਨ੍ਤਤਾਯ ਤਾવਕਾਲਿਕਤਾਯ વਿਪਰਿਣਾਮਕੋਟਿਯਾ ਨਿਚ੍ਚਪਟਿਕ੍ਖੇਪਤੋਤਿ ਇਮੇਹਿਪਿ ਕਾਰਣੇਹਿ ਅਨਿਚ੍ਚਂ। ਦੁਕ੍ਖਨ੍ਤਿ ਚਤੂਹਿ ਕਾਰਣੇਹਿ ਦੁਕ੍ਖਂ ਦੁਕ੍ਖਮਨਟ੍ਠੇਨ ਦੁਕ੍ਖવਤ੍ਥੁਕਟ੍ਠੇਨ ਸਤਤਸਮ੍ਪੀਲ਼ਨਟ੍ਠੇਨ ਸੁਖਪਟਿਕ੍ਖੇਪੇਨਾਤਿ। ਕਲ੍ਲਨ੍ਤਿ ਯੁਤ੍ਤਂ। ਏਤਂ ਮਮਾਤਿ ਤਣ੍ਹਾਗਾਹੋ। ਏਸੋਹਮਸ੍ਮੀਤਿ ਮਾਨਗਾਹੋ। ਏਸੋ ਮੇ ਅਤ੍ਤਾਤਿ ਦਿਟ੍ਠਿਗਾਹੋ। ਤਣ੍ਹਾਗਾਹੋ ਚੇਤ੍ਥ ਅਟ੍ਠਸਤਤਣ੍ਹਾવਿਚਰਿਤવਸੇਨ, ਮਾਨਗਾਹੋ ਨવવਿਧਮਾਨવਸੇਨ, ਦਿਟ੍ਠਿਗਾਹੋ ਦ੍વਾਸਟ੍ਠਿਦਿਟ੍ਠਿવਸੇਨ વੇਦਿਤਬ੍ਬੋ। ਨਿਬ੍ਬਿਨ੍ਦਂ વਿਰਜ੍ਜਤੀਤਿ ਏਤ੍ਥ વਿਰਾਗવਸੇਨ ਚਤ੍ਤਾਰੋ ਮਗ੍ਗਾ ਕਥਿਤਾ, વਿਰਾਗਾ વਿਮੁਚ੍ਚਤੀਤਿ ਏਤ੍ਥ વਿਮੁਤ੍ਤਿવਸੇਨ ਚਤ੍ਤਾਰਿ ਸਾਮਞ੍ਞਫਲਾਨਿ।

188-195. Rāhulasaṃyuttassa paṭhame ekoti catūsu iriyāpathesu ekavihārī. Vūpakaṭṭhoti vivekaṭṭho nissaddo. Appamattoti satiyā avippavasanto. Ātāpīti vīriyasampanno. Pahitatto vihareyyanti visesādhigamatthāya pesitatto hutvā vihareyyaṃ. Aniccanti hutvā abhāvākārena aniccaṃ. Atha vā uppādavayavantatāya tāvakālikatāya vipariṇāmakoṭiyā niccapaṭikkhepatoti imehipi kāraṇehi aniccaṃ. Dukkhanti catūhi kāraṇehi dukkhaṃ dukkhamanaṭṭhena dukkhavatthukaṭṭhena satatasampīḷanaṭṭhena sukhapaṭikkhepenāti. Kallanti yuttaṃ. Etaṃ mamāti taṇhāgāho. Esohamasmīti mānagāho. Eso me attāti diṭṭhigāho. Taṇhāgāho cettha aṭṭhasatataṇhāvicaritavasena, mānagāho navavidhamānavasena, diṭṭhigāho dvāsaṭṭhidiṭṭhivasena veditabbo. Nibbindaṃ virajjatīti ettha virāgavasena cattāro maggā kathitā, virāgā vimuccatīti ettha vimuttivasena cattāri sāmaññaphalāni.

ਏਤ੍ਥ ਚ ਪਞ੍ਚਸੁ ਦ੍વਾਰੇਸੁ ਪਸਾਦਾવ ਗਹਿਤਾ, ਮਨੋਤਿ ਇਮਿਨਾ ਤੇਭੂਮਕਂ ਸਮ੍ਮਸਨਚਾਰਚਿਤ੍ਤਂ। ਦੁਤਿਯੇ ਪਞ੍ਚਸੁ ਦ੍વਾਰੇਸੁ ਆਰਮ੍ਮਣਮੇવ। ਤਤਿਯੇ ਪਞ੍ਚਸੁ ਦ੍વਾਰੇਸੁ ਪਸਾਦવਤ੍ਥੁਕਚਿਤ੍ਤਮੇવ, ਮਨੋવਿਞ੍ਞਾਣੇਨ ਤੇਭੂਮਕਂ ਸਮ੍ਮਸਨਚਾਰਚਿਤ੍ਤਂ ਗਹਿਤਂ। ਏવਂ ਸਬ੍ਬਤ੍ਥ ਨਯੋ ਨੇਤਬ੍ਬੋ। ਛਟ੍ਠੇ ਤੇਭੂਮਕਧਮ੍ਮਾ। ਅਟ੍ਠਮੇ ਪਨ ਤਣ੍ਹਾਤਿ ਤਸ੍ਮਿਂ ਤਸ੍ਮਿਂ ਦ੍વਾਰੇ ਜવਨਪ੍ਪਤ੍ਤਾવ ਲਬ੍ਭਤਿ। ਪਠਮਾਦੀਨਿ।

Ettha ca pañcasu dvāresu pasādāva gahitā, manoti iminā tebhūmakaṃ sammasanacāracittaṃ. Dutiye pañcasu dvāresu ārammaṇameva. Tatiye pañcasu dvāresu pasādavatthukacittameva, manoviññāṇena tebhūmakaṃ sammasanacāracittaṃ gahitaṃ. Evaṃ sabbattha nayo netabbo. Chaṭṭhe tebhūmakadhammā. Aṭṭhame pana taṇhāti tasmiṃ tasmiṃ dvāre javanappattāva labbhati. Paṭhamādīni.

Next: ੯. ਧਾਤੁਸੁਤ੍ਤવਣ੍ਣਨਾ • 9. Dhātusuttavaṇṇanā

ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧-੮. ਚਕ੍ਖੁਸੁਤ੍ਤਾਦਿવਣ੍ਣਨਾ • 1-8. Cakkhusuttādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact