| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੭. ਰਾਹੁਲਸਂਯੁਤ੍ਤਂ
7. Rāhulasaṃyuttaṃ
੧. ਪਠਮવਗ੍ਗੋ
1. Paṭhamavaggo
੧-੮. ਚਕ੍ਖੁਸੁਤ੍ਤਾਦਿવਣ੍ਣਨਾ
1-8. Cakkhusuttādivaṇṇanā
੧੮੮-੧੯੫. ਏਕવਿਹਾਰੀਤਿ ਚਤੂਸੁਪਿ ਇਰਿਯਾਪਥੇਸੁ ਏਕਾਕੀ ਹੁਤ੍વਾ વਿਹਰਨ੍ਤੋ। વਿવੇਕਟ੍ਠੋਤਿ વਿવਿਤ੍ਤਟ੍ਠੋ, ਤੇਨਾਹ ‘‘ਨਿਸ੍ਸਦ੍ਦੋ’’ਤਿ। ਸਤਿਯਾ ਅવਿਪ੍ਪવਸਨ੍ਤੋਤਿ ਸਤਿਯਾ ਅવਿਪ੍ਪવਾਸੇਨ ਠਿਤੋ, ਸਬ੍ਬਦਾ ਅવਿਜਹਨવਸੇਨ ਪવਤ੍ਤੋ। ਆਤਾਪੀਤਿ વੀਰਿਯਸਮ੍ਪਨ੍ਨੋਤਿ ਸਬ੍ਬਸੋ ਕਿਲੇਸਾਨਂ ਆਤਾਪਨਪਰਿਤਾਪਨવਸੇਨ ਪવਤ੍ਤવੀਰਿਯਸਮਙ੍ਗੀਭੂਤੋ। ਪਹਿਤਤ੍ਤੋਤਿ ਤਸ੍ਮਿਂ વਿਸੇਸਾਧਿਗਮੇ ਪੇਸਿਤਚਿਤ੍ਤੋ, ਤਤ੍ਥ ਨਿਨ੍ਨੋ ਤਪ੍ਪਬ੍ਭਾਰੋਤਿ ਅਤ੍ਥੋ। ਹੁਤ੍વਾ ਅਭਾવਾਕਾਰੇਨਾਤਿ ਉਪ੍ਪਤ੍ਤਿਤੋ ਪੁਬ੍ਬੇ ਅવਿਜ੍ਜਮਾਨੋ ਪਚ੍ਚਯਸਮવਾਯੇਨ ਹੁਤ੍વਾ ਉਪ੍ਪਜ੍ਜਿਤ੍વਾ ਭਙ੍ਗੁਪਰਮਸਙ੍ਖਾਤੇਨ ਅਭਾવਾਕਾਰੇਨ। ਅਨਿਚ੍ਚਨ੍ਤਿ ਨਿਚ੍ਚਧੁવਤਾਭਾવਤੋ। ਉਪ੍ਪਾਦવਯવਨ੍ਤਤਾਯਾਤਿ ਖਣੇ ਖਣੇ ਉਪ੍ਪਜ੍ਜਿਤ੍વਾ ਨਿਰੁਜ੍ਝਨਤੋ। ਤਾવਕਾਲਿਕਤਾਯਾਤਿ ਤਙ੍ਖਣਿਕਤਾਯ। વਿਪਰਿਣਾਮਕੋਟਿਯਾਤਿ વਿਪਰਿਣਾਮવਨ੍ਤਤਾਯ। ਚਕ੍ਖੁਞ੍ਹਿ ਉਪਾਦਾਯ વਿਕਾਰਾਪਜ੍ਜਨੇਨ વਿਪਰਿਣਮਨ੍ਤਂ વਿਨਾਸਂ ਪਟਿਪੀਲ਼ਂ ਪਾਪੁਣਾਤਿ। ਨਿਚ੍ਚਪਟਿਕ੍ਖੇਪਤੋਤਿ ਨਿਚ੍ਚਤਾਯ ਪਟਿਕ੍ਖਿਪਿਤਬ੍ਬਤੋ ਲੇਸਮਤ੍ਤਸ੍ਸਪਿ ਅਨੁਪਲਬ੍ਭਨਤੋ। ਦੁਕ੍ਖਮਨਟ੍ਠੇਨਾਤਿ ਨਿਰਨ੍ਤਰਦੁਕ੍ਖਤਾਯ ਦੁਕ੍ਖੇਨ ਖਮਿਤਬ੍ਬਤੋ। ਦੁਕ੍ਖવਤ੍ਥੁਕਟ੍ਠੇਨਾਤਿ ਨਾਨਪ੍ਪਕਾਰਦੁਕ੍ਖਾਧਿਟ੍ਠਾਨਤੋ। ਸਤਤਸਮ੍ਪੀਲ਼ਨਟ੍ਠੇਨਾਤਿ ਅਭਿਣ੍ਹਤਾਪਸਭਾવਤੋ। ਸੁਖਪਟਿਕ੍ਖੇਪੇਨਾਤਿ ਸੁਖਭਾવਸ੍ਸ ਪਟਿਕ੍ਖਿਪਿਤਬ੍ਬਤੋ। ਤਣ੍ਹਾਗਾਹੋ ਮਮਂਕਾਰਭਾવਤੋ। ਮਾਨਗਾਹੋ ਅਹਂਕਾਰਭਾવਤੋ। ਦਿਟ੍ਠਿਗਾਹੋ ‘‘ਅਤ੍ਤਾ ਮੇ’’ਤਿ વਿਪਲ੍ਲਾਸਭਾવਤੋ। વਿਰਾਗવਸੇਨਾਤਿ વਿਰਾਗਗ੍ਗਹਣੇਨ। ਤਥਾ વਿਮੁਤ੍ਤਿવਸੇਨਾਤਿ વਿਮੁਤ੍ਤਿਗ੍ਗਹਣੇਨ।
188-195.Ekavihārīti catūsupi iriyāpathesu ekākī hutvā viharanto. Vivekaṭṭhoti vivittaṭṭho, tenāha ‘‘nissaddo’’ti. Satiyā avippavasantoti satiyā avippavāsena ṭhito, sabbadā avijahanavasena pavatto. Ātāpīti vīriyasampannoti sabbaso kilesānaṃ ātāpanaparitāpanavasena pavattavīriyasamaṅgībhūto. Pahitattoti tasmiṃ visesādhigame pesitacitto, tattha ninno tappabbhāroti attho. Hutvā abhāvākārenāti uppattito pubbe avijjamāno paccayasamavāyena hutvā uppajjitvā bhaṅguparamasaṅkhātena abhāvākārena. Aniccanti niccadhuvatābhāvato. Uppādavayavantatāyāti khaṇe khaṇe uppajjitvā nirujjhanato. Tāvakālikatāyāti taṅkhaṇikatāya. Vipariṇāmakoṭiyāti vipariṇāmavantatāya. Cakkhuñhi upādāya vikārāpajjanena vipariṇamantaṃ vināsaṃ paṭipīḷaṃ pāpuṇāti. Niccapaṭikkhepatoti niccatāya paṭikkhipitabbato lesamattassapi anupalabbhanato. Dukkhamanaṭṭhenāti nirantaradukkhatāya dukkhena khamitabbato. Dukkhavatthukaṭṭhenāti nānappakāradukkhādhiṭṭhānato. Satatasampīḷanaṭṭhenāti abhiṇhatāpasabhāvato. Sukhapaṭikkhepenāti sukhabhāvassa paṭikkhipitabbato. Taṇhāgāho mamaṃkārabhāvato. Mānagāho ahaṃkārabhāvato. Diṭṭhigāho ‘‘attā me’’ti vipallāsabhāvato. Virāgavasenāti virāgaggahaṇena. Tathā vimuttivasenāti vimuttiggahaṇena.
ਪਸਾਦਾવ ਗਹਿਤਾ ਦ੍વਾਰਭਾવਪ੍ਪਤ੍ਤਸ੍ਸ ਅਧਿਪ੍ਪੇਤਤ੍ਤਾ। ਸਮ੍ਮਸਨਚਾਰਚਿਤ੍ਤਂ ਦ੍વਾਰਭੂਤਮਨੋਤਿ ਅਧਿਪ੍ਪਾਯੋ।
Pasādāva gahitā dvārabhāvappattassa adhippetattā. Sammasanacāracittaṃ dvārabhūtamanoti adhippāyo.
ਛਟ੍ਠੇ ਆਰਮ੍ਮਣੇ ਤੇਭੂਮਕਧਮ੍ਮਾ ਸਮ੍ਮਸਨਚਾਰਸ੍ਸ ਅਧਿਪ੍ਪੇਤਤ੍ਤਾ। ਯਥਾ ਪਠਮਸੁਤ੍ਤੇ ਪਞ੍ਚ ਪਸਾਦਾ ਗਹਿਤਾ, ਨ ਸਸਮ੍ਭਾਰਚਕ੍ਖੁਆਦਯੋ, ਏવਂ ਤਤਿਯਸੁਤ੍ਤੇ ਨ ਪਸਾਦવਤ੍ਥੁਕਚਿਤ੍ਤਮੇવ ਗਹਿਤਂ। ਨ ਤਂਸਮ੍ਪਯੁਤ੍ਤਾ ਧਮ੍ਮਾ। ਏવਞ੍ਹਿ ਅવਧਾਰਣਂ ਸਾਤ੍ਥਕਂ ਹੋਤਿ ਅਞ੍ਞਥਾ ਤੇਨ ਅਪਨੇਤਬ੍ਬਸ੍ਸ ਅਭਾવਤੋ। ਸਬ੍ਬਤ੍ਥਾਤਿ ਸਬ੍ਬੇਸੁ ਚਤੁਤ੍ਥਸੁਤ੍ਤਾਦੀਸੁ। ਜવਨਪ੍ਪਤ੍ਤਾਤਿ ਜવਨਚਿਤ੍ਤਸਂਯੁਤ੍ਤਾ।
Chaṭṭhe ārammaṇe tebhūmakadhammā sammasanacārassa adhippetattā. Yathā paṭhamasutte pañca pasādā gahitā, na sasambhāracakkhuādayo, evaṃ tatiyasutte na pasādavatthukacittameva gahitaṃ. Na taṃsampayuttā dhammā. Evañhi avadhāraṇaṃ sātthakaṃ hoti aññathā tena apanetabbassa abhāvato. Sabbatthāti sabbesu catutthasuttādīsu. Javanappattāti javanacittasaṃyuttā.
ਚਕ੍ਖੁਸੁਤ੍ਤਾਦਿવਣ੍ਣਨਾ ਨਿਟ੍ਠਿਤਾ।
Cakkhusuttādivaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya
੧. ਚਕ੍ਖੁਸੁਤ੍ਤਂ • 1. Cakkhusuttaṃ
੨. ਰੂਪਸੁਤ੍ਤਂ • 2. Rūpasuttaṃ
੩. વਿਞ੍ਞਾਣਸੁਤ੍ਤਂ • 3. Viññāṇasuttaṃ
੪. ਸਮ੍ਫਸ੍ਸਸੁਤ੍ਤਂ • 4. Samphassasuttaṃ
੫. વੇਦਨਾਸੁਤ੍ਤਂ • 5. Vedanāsuttaṃ
੬. ਸਞ੍ਞਾਸੁਤ੍ਤਂ • 6. Saññāsuttaṃ
੭. ਸਞ੍ਚੇਤਨਾਸੁਤ੍ਤਂ • 7. Sañcetanāsuttaṃ
੮. ਤਣ੍ਹਾਸੁਤ੍ਤਂ • 8. Taṇhāsuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧-੮. ਚਕ੍ਖੁਸੁਤ੍ਤਾਦਿવਣ੍ਣਨਾ • 1-8. Cakkhusuttādivaṇṇanā
